رواية همسة وجع الفصل الرابع والاربعون بقلم اسماء العذب
لايك الاول يا شطار
44
#همسه_وجع
صلوا علي النبي الغالي
♡_______________♡
عمر في نفسه:بقو انتوا تطلعو عيال هشام الكلب اللي كرهت مهنه الطب والمستشفيات عشانه
فجأة عيونه استمعت بالشر وهو بيقول :مفيش غيرنا في البيت وهبقي غبي لو مطلعتش عليكم القديم والجديد
بعدها اتحرك ناحيه آلاوضه وهو في نفسه عاوز ينتقم من هشام في عياله
فتح الباب بعنف كبير خلي الاتنين اتفزعوا منه وصرخوا من الخضه...لحد ما شافوا انه عمر وسكتنا وقلوبهم بقت تدق من الخوف منه
كانوا قاعدين في الارض وفي أيديهم العاب
عمر برفعه حاجب: انتوا بتعملوا ايه
وليد بلع ريقه واتكلم :احنا بنلعب يا خالو
عمر :اممممممم...ومين يا تري اللي جاب الألعاب دي
وليد بتوتر :دي جابتها طنط إيمي وعمو هشام
عمر بسخريه:طنطك إيمي وعمك هشام قولتلي ...
سكت شويه بعدها سأل:هو انتوا اول مره شوفتوا هشام ده كان إمتي
وليد:يوم ما ماما عملت حادثه كان داخل يعمل عمليه لماما عشان تخف وبعدها اخدنا معاه البيت عشان ننام هناك وطنط إيمي اكلتنا وخلتنا نستحمي ولبستنا لبس تاني وغسلت لبسنا و...
عمر بتأفف زعيق:خلاص انت هتحكي قصه حياتك انت وست إيمي دي كمان .....
يعني اللي أفهمه انك اول مره شفت فيها هشام كان يوم حادثه امك
وليد هز راسه بخوف من زعيقه
عمر: متأكد مشفتوش ابدا قبلها
وليد بسرعه وخوف :اه والله يا خالو عمري ما شفت عمو هشام قبل كده ابدا
عمر بص علي وعد اللي خافت من نظراته واتصلت ورا وليد
عمر: وانتي يا ست الحسن والجمال شفتي هشام ده قبل كده
وليد بسرعه: لا والله يا خالو عمرنا ما شفناه ابدا
عمر بغضب :هو انا سألتك دلوقتي انا بسأل اختك ولا هي ملهاش لسان تجاوب..وعينتك متحدث رسمي بأسمها
بعدها بص للاتنين بكره طالع من نظرات عيونه ومن غير ما يحس نطق الكلمه اللي وجعت قلبهم بالمعنى الحرفي لما قال:ربنا ياخدكم ونرتاح منكم
بعدها راح عند باب الاوضه واتكلم بتحذير: مش عاوز المحضر حد فيكم بره باب الاوضه دي وإلا هخلي الدكتور ميعرفش يصلح اللي هعمله فيكم...وحسكم عينكم حد.يعرف اللي انا قلته ولا تقولو لحد علي اللي حصل ده ...فاااااااهمين
الاتنين هزوا رأسهم برعب شديد...ووعد بقت تعيط بصوت عالي من الخوف
عمر للحظه قلبه وجعه وضميره بقي يجلده علي اللي قاله واللي بيعمله
لكنه نحي ضميره علي جنب وصدر الوش الشرير للاتنين...بعدها خرج ورزع الباب وراه
♡_______________♡
هشام ببسمه عاشقه: وحشتيني
همسه كانت ساكته ومش عارفه ترد او تقول ايه وهي شايفه الدكتور بيتغزل فيها
هشام قرب عليها اكتر لحد ما بقي جنب السرير وعيونه كانت بتعدي عليها وتاكل ملامح وشها اكل
قعد جنبها علي الكرسي اللي جنب السرير وهمسه لسه في دهشتها ملهاش اي رد فعل وكأنها في عالم تاني
هشام ببسمه وعيون بتحكي كتير: تعرفي ان الايام اللي مشيتي منها من المستشفى كانت اصعب ايام حياتي من يوم ما شوفتك ..كنت حاسس ان في حاجه مهمه اوي ناقصه يومي من غيرك ...بقيت ادخل الاوضه بتاعتك بعد ما فضيت وافتكرك فيها واقول يا تري هشوفك تاني ولو شفتك هيكون ايه رد فعلي وفعلك
سكت شويه وهو بيتأمل ملامحها اللي كانت مركزه معاه ومع كلامه وبعدها قال:امبارح لما عرفت ان معاد الكشف بتاعك النهارده منمتش الليل وانا مستني النهار يطلع بفروغ الصبر ولما طلع النهار بقت مستني علي جمر عشان معاد الكشف بتاعك يجي ...مع أن الشفت بتاعي خلص من زمان لكن مقدرتش امشي من غير ما اشوفك واملي عيوني من طلتك اللي بتسحرني
همسه فاقت من شرودها بكلامه اللي متعرفش ليه لمس جزء من قلبها...لكنها عاتبت نفسها وهي بتقول ازةي اسمح لراجل غريب انه يقولي الكلام ده وانا ست متجوزه ومخلفه وجوزي بيحبني اوي ويتمني ليا الرضا ارضي ....انا لازم احط حد للراجل ده واخليه يبعد عني بقي...فاقت من أفكارها وبصت علي هشام بشئ من التعالي وهي بتقول: شكرا لكلامك ده يا دكتور...مع ان ميصحش تقول الكلام ده لست متجوزه ..خصوصا لو كان إشهار جوازها النهارده وكل الناس عرفت انها متجوزه خلاص
هشام مره واحده لونه اتخطف لما قالت إشهار
هشام بعدم فهم: ن نعم إشهار ايه اللي بتقولي عليه
همسه ببسمه مستفزة:ايه ده هو انت متعرفش ان إشهار جوازي انا ومشعل جوزي كان النهارده...امممم تحديدا من كام ساعه كده ...غريبه يعني المفروض تكون عارف اصل مدام إيمي كانت من ضمن المعازيم ...ولو تكرمت ممكن تنادي دكتور العظام عشان يكشف عليا خلينا نخلص
هشام تقريبا كان في عالم تاني بالمعنى الحرفي ومش سامع اي كلمه من بعد جملتها الاولي وانها أشارت جوازها خلاص علي مشعل
خرج من الاوضه من غير ماا يحس وهمسه متبعاه
وصوت من جواها بيقول انها غلطانه لكن صوت اقوي بيقول ان اللي عملته ده هو الصح
هشتم وصل مكتبه وهو بيتحاشي الكلام أو مقابله اي حد
نسك تلفونه واتصل علي اول رقم قابله
:الووو
هشام بصوت موجوع: عصام انا عاوز اقابلك دلوقتي حالا
♡_______________♡
ام عادل مرات الراجل اللي اتبلي علي سمر وعمر كانت قاعده في بيتها هي وبنتها المطلقه
كانت عيونها بتطلع نار بالمعنى الحرفي
لانها حاليا راحت لرحله من الماضي خلت نار قلبها تولع زمش هيطفيها حاجه مهما كانت ايه هي
الباب خبط ..وراحت فتحت بنتها كان ابوها ابو عادل واللي راجع من بره تعبان بعد ما دفع تهلوس المخالفه عشان يرجع عربيه الخضار بتاعته
يادوب كان لسه هيدخل الباب خبط تاني
راح عشان يفتح قابله واحد محضر من المحكمه
المحضر: ده بيت سلطان عادل محمد
ابو عادل :ايوه انا سلطان
المحضر:امضي هنا لو سمحت
ابو عادل: امضي علي ايه انا مش فاهم
المحضر: مراتك رافعه عليك قضيه خلع
ابو عادل بغضب: نععععم انت جاي تهزر معايا ولا ايه
المحضر بحده :اهزر معاك ايه يا استاذ انت شايفني جاي العب معاك ولا ايه ..خلصني وامضي يلا
ابو عادل :؟؟
♡_______________♡
اليوم خلص علي الكل وهمسه الدكتور قالها انها تقدر نمشي وترجع طبيعيه بعد كام جلسه علاج طبيعي
اما مازن فاضله كام يوم ويفك الجبس ويرجع بتحرك تاني زي الاول
بدل ماتدور وتبحث علي الروايات خليها علي تليفونك وحمل تطبيقنا
