رواية همسة وجع الفصل الثاني والاربعون بقلم اسماء العذب
لايك الاول يا شطار
42
#همسه_وجع
صلوا علي النبي الغالي
♡_______________♡
فجأة اتبعتت رساله علي تلفونه كانت مكتوبه من نفس الرقم اللي بعت المره الفاتت وقال إن وعد ووليد مش ولاد مشعل وكان محتوي الرساله
( ازيك يا باشمحاسب ...كنت عايز اقولك متتعبش نفسك انت والأسرةالكريمة لان مشعل مش هييجي الاشهار لانه سافر الإمارات وحاليا زمانه وصل...سلام )
عمر اتجمد مكانه من اللي في الرسالة وكل اللي في باله مين صاحب الرقم ده وبيجيب المعلومات اللي عنده من فين ...ودلوقتي بيقول ان مشعل سافر الإمارات ومش هيحضر الأشهار..طب يعمل ايه دلوقتي يقول ايه ومن غير ما يحس خرج صوته مسموع وهو بيقول :يانهار اسود
مازن سمعه وقرب عليه وبص في التلفون وشاف الرسالة وعيونه اتفتحت علي وسعها وهو بيتكلم بصدمه:مشعل ايه اللي سافر وازاي يسافر من غير ما يقول ...مين اللي بعت الرساله دي
عمر بتوهان:مش عارف... مش عارف
مازن: طب رن عليه خلينا نعرف هو عرف الكلام ده منين
عمر حاول يرن عيه مع أنه متأكد انه هيكون الرقم مغلق وتأكده طلع في محله وال قم كان مغلق
مازن بقلق:هنعمل ايه ..ده المنطقه كلها عارفه ان كتب كتاب اختنا واشهار جوازها النهارده..هنعمل ايه
عمر:لازم نقول لبابا وماما مفيش حل غير كده لازم يعرفوا
مازن بلهفة: صح لازم نعمل كده....
بعدها نادوا علي وفاء اللي كانت في اوضه همسه وسعيد كماان كان معاها
سعيد بقلق وهو شايف ملامح ولاده:في ايه يا عيال مالك
مازن وهو بيبص لعيال اخته اللي بيتفرجوا علي التلفزيون: ممكن بس يابابا ندخل وعد ووليد عند همسه شويه
سعيد ووفاء بان عليهم القلق اكتر ووفاء بسرعه دخلت العيال عند امهم
وفاء: في ايه منك ليه انا علي اعصابي ومش حمل توتر قولو بسرعه ايه اللي حصل
عمر ومازن بصوا لبعض ومازن قال :مشعل مش جاي الاشهار
وفاء وسعيد بصدمه:ايييييه
عمر بجمود :اللي سمعتوه مشعل مش جاي
سعيد بحده: بس....ومتأكدوش متصلتوش علي مشعل بنفسه ليه عشان تتأكد منه افرض الرقم ده بيهزر ولا بيستظرف ولا عاوز يعكر علينا فرحتنا ..كان لازم نتأكد
عمر:بس يابابا احنا ملناش الرقم الدولي بتاعه ...معانا الرقم اللي مصر
سعيد بنفاد صبر:وطب وطلبت الرقم اللي مصر
عمر هز راسه بمعني لأ
سعيد بغضب:طب ما تطلبه وتتأكد ولا انت عاوز تحرق دمي وخلاص
عمر طلب نمره مشعل اللي في مصر بسرعه لكنه كام توقع مغلق
سعيد بضياع:طب هنعمل ايه دلوقتي احنا معناش الرقم الدولي بتاعه ..وا عارفين ازاي نوصله ....هز عمل كده ليه طيب ...ده باين عليه انه بيحب همسه ليه يعمل فيها كده مش فاهم
♡_______________♡
ام سمر كانت قاعده هي وجدتها وأمل وشهد وهم بيتكلموا علي اللي حصل امبارح
ام سمر :شوفتي يا حظاتي الراجل الخليجي جوز همسه
الحاجه فاطمه: ايوه ..ده باين عليه العز اوي ومع كده كان بيتعامل بتواضع مع الكل ولا كأنه صاحب ملايين
ام سمر:ده بيقول انه عنده مجموعه مستشفيات في بلده وشركات ..والبت سمر بتقول انه متجوز واحده تانيه غير همسه وهي ام الولد التاني اللي كان مع عيالها
شهد:ربنا يهنيهم ياماما..بس غريبه يعني عيال همسه مش شبه ابوهم خالص
ام سمر:عادي يابنتي ما انتي مش شبهي ولا شبه ابوكي وطالعه شبه خالتك ..وسمر طالعه شبه جدتك فاطمه وانا نفسي طالعه شبه عمتي ..يعني عادي اوي وكفايه انهم شبه همسه اوي...ده انا حسيت ان البنت بنتها نسخه منها وهي صغيره
امل ببسمه حزينه:بس حلوين اوي والله يا طنط ...ومؤدبين خالص تحسيهم اكبر من سنهم بسبب تصرفاتهم ... ربنا يخليهم لمامتهم وبباهم
ام سمر قربت علي امل وطبطبت عليها بحنان :عقبال ما نفرح بيكي انتي وأحمد يا حبيبتي
امل من غير وعي دمعه حزينه نزلت منها وهي بتقول من أعماق قلبها :يارب ياطنط يارب
شهد قربت منها وحضنتها:يابنتي انتي ليه محسساني انك متجوزه بقالك عشرين سنه ده هم سنه ونص يعني ملحقتيش لسه ..وبكره تخلفي وتجيبي عيال رزلين زي ابوهم وقمامير زي مامتهم السكره
امل وهي بتمسح دموعها:لو سمحتي متقوليش عن جوزي رزل
فاطمه بسخريه:شوف قال..عند حبيب القلب نسيت الدنيا كلها وأهم حاجه منغلطش فيه
بعدها نبره صوتها اتحولت للحنيه: إن شاء الله ربنا هيعوضك بحتت عيل يملي عليكم البيت ويعوضكم كل ده ..بس انتي ما تستعجليش ربنا اكيد ليه حكمه لكل ده
امل برضا:ونعم بالله ...انا والله مش معترضه علي قضاء ربنا...لكن..لكن انا خايفه احمد يزهق مني ويتجوز عليا لانه ليه الحق انه يخلف أو حتي يفكر انه يطلقني
فاطمه بصوت عالي:بس إوعي تقولي الكلام ده تاني ابدا..سامعه ...وتفائلي خير شويه بلاش جو الكآبه اللي عايشه فيه ده ...وبكره يا ستي تيجي العيال وتكرهي نفسك بسببهم ما تستعجليش
امل ببسمه صغيره وهي بتحضن فاطمه:يارب يا تيته يارب
فاطمه بحنان وهي بطبطب عليها:قريب إن يا حبيبتي..قريب اوي ..بس انتي قولي يا رب
امل بصوت عالي وبكاء: ياااااارب ...ياااااارب
♡_______________♡
سمر كانت قاعده في شغلها وهي بتفتكر اللي حصل معاها امبارح في الرؤيه الشرعيه
بعد ما قعدت هي وعمر علي جنب بعيد عن الكل
كانت قاعده باصه في الارض ومش ملاحظه عمر اللي مركز مع كل حركه ولو بسيطه منها
:علي فكره شكلك قمر اوي النهارده
سمر رفعت رأسها بعدم فهم :نعم؟؟؟
عمر ببسمه بسيطه:بقول ان شكلك جميل اوي النهارده
سمر هزت راسها بكسوف :اممممممم..شكرا للمجامله
عمر بسرعه:انا مش بجامل والله انتي فعلا جميله اوي النهارده بالفستان واللون الزيتي مخلي وشك منور ولايق عليكي جدا ..حتي تسريحه شعرك جميله
سمر بأرتباك: مش ملاحظ انك زودتها وانك بمبالغ في اللي بتقوله ...وميصحش الكلام ده تقوله لوحده في الرؤيه الشرعية ليها
عمر بتنهيده: انا مش عارف حتي انا بقول ايه صدقيني ...الكلمات بتخرج لوحدها وتعبر عن الي جوايا
سمر اكتفت انها هزت راسها وسكتت وعمر كمان سكت لحد ما سألها :طيب احنا دلوقتي المفروض في الرؤيا الشرعية..واننا نتعرف على بعض وكده فا لو عندك سؤال أو حاجه عاوزه تعرفيها تقدر تسألي
سمر هزت راسها واتكلمت :تمام ..بس عموما احنا جيران والمعلومات الاساسيه معروفه بالنسبة ليا ...لكن هكتفي اني اطلب منك تكلمني عن نفسك
عمر هز راسه ببسمه وابتدي يتكلم عن نفسه: اولا زي ما انتي عارفه انا عمر سعيد المتوكل ..خريج كليه التجارة وشغال محاسب في شركه خاصه ...عندي خمسه وعشرين سنه والابن التاني لأهلي لكن الكل بيعتبر اني الكبير مع أن همسه هي الأكبر....طبعا دي كلها ممكن تكون معلومات معروفه بحكم الجيره اللي بينا ...لكن هقول علي شويه حاجات ممكن تكوني اول مره تعرفيها...انا انسان بطبعي مبحبش المشاكل وفي حالي لكني عصبي شويه ولو الأمر اتطلب بكون متسرع ومتهور زي اخوكي احمد كده ...اممم نفسي اللي ترتبط بيها تكون فهماني وتعرف تحتويني في كل حالاتي وقت فرحي وحزني وغضبي..وتتحملني لو في يوم اتعصبت عليها لاني بعدها هرجع نادم واتأسف منها واطلب منها العفو لاني هكون عارف اني غلطان ومش هكون مكسوف اني اعترف بغلطي..لكن المشكله في وقت عصبيتي اني ما بعرف افرق ...لكن مين عارف يمكن معاها الحال يتغير...انا كنت صريح معاكي لاقصي حدود ...لو عندك تعليق او استفسار احب اسمعه
سمر هزت راسها بمعني لا
عمر :طيب تمام ...ممكن بقي انتي تكلميني عن نفسك شويه
سمر اتنفست بعمق وكأنها هتغطس تحت المايه وقالت:زي ما انت عارف اني سمر عماد خريجه حاسبات ومعلومات ..لسه متخرجه من كام شهر ..عندي اتنين وعشرين سنه والبنت التانيه لأهلي أو الوسطانيه زي ما بيقولو ...دايما في حالي وماشيه جنب الحيط ...بس يا ويله ويا سواد ليله اللي يفكر يتعرض ليا ولا يفكر يأذيني ولو حتي بكلمه ...اصلي زمان من وانا صغيره تيته علمتني اني ما اسبب حقي ابدا وإلا الناس هتفتكر اني ضعيفه وتاكلني من غير ما تسمي عليا....في وقت عصبيتي ردود افعالي غير متوقعه بالمره حتي بالنسبه ليا انا نفسي...لدرجه اني بتفاجأ من اللي بعمله وانا متعصبه ...بس الحمد لله واخده فرع حنيه كبير من ماما وفرع جبروت من تيته وأكيد تيته وجبروتها ميخفوش علي حد ...وأكيد بكلمه جبروت مقصدش اني واحده قلبي اسود الشريره في روايه أحدهم...انا الحمد لله عارفه إمتي اطلع الحنيه وعمتي اخرج الجبروت اللي جوايا واللي نادرا جدا ما بيخرج ................وأعتقد أن كده كفايه لو عندك اي تعليق تقدر تقوله
عمر ببسمه:تعرفي اني كنت متوقع كل اللي كنتي هتقوليه ومستغربتش لما قولتي عن نفسك جبروت وعارف انك قويه ويعتمد عليكي ...حتي بأماره .....
بعدها ضحك بصوت عالي خلي كل الموجودين يبصوا عليه بأستغراب ومنهم سمر نفسها اللي حاجبها اترفع بعدم فهم
سمر :ممكن افهم بتضحك على ايه
عمر ببسمه:عليكي وعلي جبروتك...اصلي انا عارف انك انتي اللي بلغتي البلديه علي عربيه الراجل اللي اتبلي علينا
يمر اتنفست بعمق وهي بتحاول تبان ثابته وتخفي توترها ..وهي بتسأل نفسها هو عرف ازاي عشان كده ادعت اللا مبالاه وهي بتقول :وانت عرفت منين إن شاءالله
عمر بخبث: يعني انتي بتعترفي انك انتي اللي عملتي كده
سمر بخبث اكبر:ومعترفش ليه ..خايفه منك مثلا ده حتي احنا في الهوا سوا ..بعدين مقولتليش عرفت منين
عمر سكت شويه بعدين ضحك بصوره اكبر وقال وهو بيحاول يسيطر علي نفسه:من نفس المكان اللي عرفت منه ان الحاجه فاطمه بلغت عن بيت البياع وهتطرده منه
بعدها انفتح في الضحك وسمر الدم هرب من وشها وهي مش مصدقه ان جدتها هي كمان أدخلت وبلغت عنه ..وإن اكيد حاجه زي دي لو ابوها عرفها هيقلب الدنيا لأنه نبه عليهم مليون مره انهم ميدخلوش في مشاكل زي دي حتي لو المشاكل دي تخصهم ويسيبوه هو يتصرف
عمر :لا فعلا انتي حفيده الست دي
سمر :طب وانت بتضحك على ايه دلوقتي
عمر بضحك:اصل فيه مفاجأه تانيه مستنيه الراجل من طرف عيلتك وقريب اوي هتعرفيها
سمر بخوف :نهار اسود مفاجأه ايه تاني ومن مين
عمر:وهتبقي ازاي مفاجأه لو انا قولتلك ...بس صدقيني هتعجبك اوي وهتدخل دماغك
سمر بتأفف: اهم حاجه محدش يتأثر منها انا وعيلتي بشكل سلبي
عمر ببسمه واثقه:لا من الناحيه دي ما تقلقيش انتم بعيد عن الصوره
سمر هزت راسها بنفس البسمه الواثقه بتاعه عمر
بعدها عينها جات علي الأطفال من بعيد ورجعت نظرها لعمر واتكلمت بتهكم:واخبار ولاد اختك ايه .. لسه بتخوفهم ولا عقلت
عمر قلب وشه واتأفف بضيق:هو انتي كل ما هتشوفيني هتفكريني باللي حصل قولتلك كنت بهزر..بهزر ايه هي الكلمه لزقت
سمر :ايوه لزقت في عقل العيال المساكين واللي كانوا مرعوبين من الفكره بس ...وعقله الطفولي بيصور لهم انهم لو غلطوا غلطه أو عملوا حاجه مش علي هواك هتأذيهم بالشكل الفظيع ده
عمر :يووووه صدقيني كنت بهزر ومن ساعه ما هربوا بطلت اهزر معاهم بالطريقه دي وبقيت اراعي كلامي معاهم لاني دبش انا عارف
سمر :يعني على كده علاقتك بيهم اتطورت ومبقوش يخافو منك
عمر بأرتباك: يعني مش اوي هو بس يعني في تحسن شويه ...ده حتي ...حتي انا من كام يوم جبتلهم شوكلاته
سمر :وفرحوا بيها
عمر :يعني ..مش ..مش اوي بس مع الوقت كل شئ هيتصلح
سمر هزت راسها بمعني تمام
بعدها فاقت من شرودها وهي بتسأل نفسها بقلق: يا تري ايه المفاجأه اللي قال عليها دي وامتي هتحصل
♡_______________♡
المجهول ببسمه خبيثه وهو بيتكلم في التلفون: ايه كله تمام
المتصل: تمام جدا وكل حاجه مشيت زي ما احنا عاوزين
المجهول بتحذير: إوعي الخطه تفشل في آخر لحظة زي المره اللي فاتت هيكون لينا حساب عسير اوي مع بعض
المتصل بتأكيد:قولتلك متخافش وحط في بطنك بطيخه صيفي
المجهول: طيب تمام اما نشوف..اقفل انت دلوقتي وخلي بالك
المتصل:تمام سلام
بعدها قفل وهو بيتصل على حد تاني
المجهول:اخبار دكتور الندامه ايه
ولاء بتأفف :هو انت كل شويه هتتصل عليا وتعرف فيا وتسألني عن زفت الطين وكأني عايشه معاه ...معرفش يا عم وانا عارفه انك حاطط جواسيس هناك عشان تعرف اخباره فا مفيش داعي كل شويه تتصل بيا
المجهول بسخرية: حيلك شويه واهدي علي نفسك يا لولو مش كده صحتك يا شيخة مكنش اتصال اللي يعمل كده
ولاء بتأفف: اختصر وقول عاوز ايه مش فاضيه
المجهول: رايحه الاشهار بتاع همسه
ولاء: ودي محتاجه سؤال طبعا رايحه لازم إبان في الصوره عشان محدش يشك فيا...قولي انت عملت ايه عرفت تعطل الدنيا
المجهول بضحكه خبيثه: عيب عليكيكله تحت السيطرة ومشعل ده قريب هياخد كارت احمر من حياته عيله المتوكل ...
بعدها كمل بهمس مخيف:بس الاول هليه يدي هشام الزايد كارت احمر هو الأول
ولاء بقلق: اللعبه عماله تكبر وخايفه الاذي يطولنا في الاخر
المجهول بغضب :لعبه مسميه اللي بعمله ده لعبه . ...اقفلي يا ولاء وإلا هتعصب عليكي ...ومتنسيش تبلغيني الاخبار اول بأول لما تروحي عند همسه...سلام
♡_______________♡
اذان العصر عبي المكان وده زاد القلق في قلوب الكل وهم مش عارفين يعملوا ايه
الكل كان قاعد علي اعصابه بالمعنى الحرفي
قاطع ده كله رنين تلفون عمر واللي رد علي المكالمه بسرعه وكلمات مختصره
وقال:ده عم عماد بيقول انه سبقنا هو واحمد علي الجامع ومش لاقينا هناك وقولتله أننا هننزل دلوقتي
مكملش كلامه وتلفونه تاني ...رد بسرعه وتوتر واتكلم برضو بأختصار وقفل المكالمه: ده المأذون اللي كان هيكتب علي همسه ومشعل جه وموجود في الجامع برده ...هنعمل ايه الكل مستني
سعيد بيأس: ولا حاجه هننزل نصلي وبعد الصلاه هنقول لان مشعل حصله ظرف طارئ واضطر يسافر بسرعه
عمر كان هيتكلم لكن سعيد قاطعه:لو سمحت يابني انا مش مستحمل خلينا ننزل ...وانتي يا وفاء ياريت مقولتش حاجه قدام همسه والعيال
وفاء هزت راسها بزعل وقهر علي بنتها واللي بيحصلها
بعدها مازن وعمر ساعدوا ابوهم انه ينزل وادوا صلاه العصر تحت مباركه الكل من حواليهم
بعد الصلاه
المأذون: لعمر وين العريس يا عمر يا بني انا مش شايفه
عمر لسه كان هيتكلم
لكن جه صوت من وراه :انا العريس حضره الشيخ
الكل التفت لورا وشافوا مشعل واقف في آخر صف في الجامع وهو لابس الجلباب الأبيض وزيه ابنه زيد
عمر ومازن بصوت واحد :مشعل