رواية همسة وجع الفصل الواحد والاربعون بقلم اسماء العذب
لايك الاول يا شطار
41
#همسه_وجع
صلوا علي النبي الغالي
♡_______________♡
وعد بتكشيره:حرام خالو عمر ده يتجوز سمر...ده شرير اوي وهي طيبه خالص
وليد :ايوه هي ليه ما تتجوزش حد تاني غير يكون طيب ..ده اكيد هيقعد يزعق فيها ويخوفها زينا
وعد :ابوه صح ده بيقعد يخوفنا ويزعق فينا وبيكرهنا اوي ...خليها تتجوز خالو مازن ..ده طيب خالص ويلعب معانا ومش بيزعق فينا خالص وبيجيب لينا حاجات حلوه
كانو بيتكلموا براحه شديده وهم مش واخدين بالهم من اللي بيسمع كلامهم ووليد كمل:ياريت تتجوزه ده طيوب خالص وحنين اوي وبيحب يهزر ...مش زي خالو عمر الوحش
مشعل جه من وراهم وهو سمع كل كلامهم ووليد في مستوي التلاته وهو بيتكلم بجديه وعتاب :وش هالكلام يا عيال ...عيب يُبا عيب ..هدا خالكم اللي تحشون عليه
ما يصح هالحشي إذا سمعت امكم هيك كلام بتضايق
وعد ووليد بصوت واحد: اسفين يابابا
مشعل ببسمه:ولا يهمكم شي ..بس لازم تعرفون غطكم وتصلحونه
بعدها اتأمل التلاته وهو بيتكلم ببسمه وحنان وحب ظاهر في عيونه :وش هالحلا والجمال كله...تراني شايف قدامي ملايكه مو أطفال عاديه
وعد ببسمه: شوفت يابابا..تيته نزلت السوق واخدتني معاها انا ووليد واشترت لينا اللبس الحلو ده
مشعل:طالعه اميره بهالفستان يا بعد عمري...وليد الغالي طالع بياخد العقل
بعدها بص لابنه زيد: وش هالحلا زيد حبيبي يلي يشوفك يقول عنك العريس من كتر مو حلو..بتتاكل يا بعد قلبي بتتاكل أكل والله
زيد بفرحه:مشكور ابوي..ماما همسه هي اللي اختارت هاللبس قبل ما تسافر
مشعل :اكيد لازم تكون همسه اللي اختارته لهيك طالع بهالحلا..زاد حلا لأنك لبسته يا قمري
مازن كان لابس لبس عادي بينما الكل كان متشيك ولابس لبس مرتب وغالي
سعيد: اتاكدتي يا وفاء أن همسه كويسه ومش هتختار حاجه
وفاء: ايوه واديتها الدوا بتاعها ونامت
سعيد : طيب يلا توكلنا علي الله
بعدها خرجوا من البيت للبيت اللي قصادهم تحت نظارت اهل المنطقه اللي محدش فيهم قدر يرفع عينه فيهم
في بيت سمر كانت لابسه فستان زيتي بسيط مع تسريحه شعر بسيطه ..لكن رغم بخاطرها كانت ساحره جدا
احمد وهو بياكل من الحلويات: هم اتاخروا ليه كده
الحاجه فاطمه وهي بيضربه علي ايده بخفه:فين اتاخروا الناس معادها الساعه سبعه ونص دلوقتي الساعه سبعه ونص ودقيقه...ايه يعني الدقيقه دي ..ولا انت بتتلكك
احمد بصدمه وهو بيشهق ويشاور علي نفسه بعدم تصديق: انااااا ..حرام عليكي يا بطه ليه الظلم ده انا بس بسأل لايكون فيه حاجه حصلت لاسمح الله ..يمكن اقدر اقدم يد العون
فاطمه بحنق:ملكش دعوه بس أنت وطول القعده إياك تحاول تعمل مشكله كده ولا كده ..عرفاك تحب الخناق اكتر من مراتك
امل بزعل :والله كلكم فاهمين احمد غلط ...هو بس متسرع ومش بيفكر بعقله وقت الغضب وممكن يكون متهور وعصبي وبيقف علي الوحده ...لكنه مش بتاع مشاكل خالص
احمد بسخريه:ياريتني كنت بتاع مشاكل كان بقي ارحم من اللي رصتيه ده كله ..امل بعد اذنك متدافعيش عن تاني لو سمحتي
فاطمه بغيظ:خلصت الحلويات اللي هنقدمها للناس يا طفس ...سيب يلا الطبق واقعد ساكت
..أثناء كلامهم الباب خبط والبيت بقي في حاله فوضى لحد ما عماد فتح الباب واسقبل الكل هو وحمد اللي كان بيبتسم بمجامله للكل
الكل قعد في الصالون ...كانت قاعده ام سمر وجدتها ...أما اختها شهد وامل مرات اخوها كانوا معاها في الاوضه
ثواني وخرجوا الاتنين وسابوا سمر لوحدها وبقوا يقدموا الضيافه للكل
عماد بمجامله:نورتوا يا جماعه
سعيد ببسمه:ده بنورك يا عماد والله وبنور الاسره الكريمه...طبعا مفيش داعي اشرح احنا هنا ليه لان الكل عارف السبب
عماد:طبعا ..طبعا وإن شاءالله سؤ الفهم اللي حصل يتصلح المايه ترجع لمجاريها
وفاء ببسمه:طيب ما تنادوا علي العروسه عشان نسلم عليها
عماد هز راسه وشاور لامل وشهد انهم يروحو يجيبوا سمر
ثواني وكانت سمر قدام الكل وهي مكسوفه جدا من الوضع وهي عارفه ان كل العيون هةكون مركزه معاها
سلمت علي الكل وقعدت جنب جدتها وعيون عمر متبعاها وهو تقريبا هياكلها بنظراته
وعد ووليد قربوا عليها ببسمه
وعد:ازيك يا سمر
سمر ببسمه وهي بتتجاهل الكل وبتحط وعد علي رجلها وتبوسها من خدها:انا بخير يا حبيبتي...وبقيت احسن عشان شوفتكم
زيد قرب عليهم بخجل وقد جنب وليد
سمر بأستغراب:هو مين ده يا حبايبي
وليد:ده زيد اخونا
سمر:اخوكم ازاي انتم عندكم اخوات تاني
وعد ببراءه:ايوه زيد اخونا وابن يابابا مشعل ومراته طنط هند
سمر تقريبا فهمت انه اخوهم من الاب عشان كده سلمت عليه وهي بتبص لوعد:ايه الفستان الحلو ده يا وعد ..ده انتي ولا أميرات دزني ...وليد كمان عقول اوي وانت يا زيد كمان قمر كلكم قمرات اوي بجد
يمر اندمجت في الكلام مع العيال ونسيت الباقي اللي اتكلموا في كل حاجه تخص الدهب ومعاد الخطوبه واللي هتكون علي الضيق..بعا ما سلموش من تلميحات احمد وعماد أنهى حاجه اي كلام ومش لازم مبالغه وتضييع مصاريف علي تمثيليه
لحد ما عمر طلب انه يقعد مه سمر للرؤيه الشرعيه
كانت سمر بتسمع وعد وهي بتقول ل :انتي مش لازم تتجوزي خالو عمر يا سمر ....اتجوزت خالو مازن ..طيوب خالص ومش هيزعق فيكي
سمر باهتمام: هو بيزعق فيكم ولا بيعلم حاجه تشوفهم منه
قبل ما يردوا كان عماد بيطلب من سمر انها تروح في ركن بعيد شويه من الكل عشان تتكلم مع عمر ويبقوا علي راحتهم
والكل كان شايفهم وهم بيتكلموا لكن محدش قدر يعرف هم قالوا ايه
بعدها تمت قرايه الفاتحه
♡_______________♡
عصام كان جايب أكل عشان ياكل هو وهشام لان هشام تقريبا بقي مقيم عنده من بعد انفصاله هو وإيمي
عصام: ايه يابني مالك عامل زي الست المطلقه كده ليه
هشام كام حاطط ايده علس خده وسرحان
فاق من شروده علي كلام عصام واتكلم بسخريه: لا وحياتك انا عامل زي الراجل المطلق
عصام وهو بيطبطب عليه: مالك بس يا صاحبي ايه اللي مضايقك
هشام بخنقه:وحشتني اوي يا عصام..وحشتني اوي والله بقالي اكتر من اسبوع مشوفتهاش
عصام:هو مش انت قولت ان فيه كشف بيكون بعد ما تخرج من المستشفى
هشام بتكشيره: ايوه المفروض يكون بكره
عصام بعدم فهم: ومالك مضايق ومش مبسوط كده انك هتشوفها
هشام:مهو الإعادة دي هتكون مع دكتور العظام عشان الكسور اللي في جسمها ...وحتي لو شفتها الكل هيكون متجمع حواليها وهيكون المل مركز معانا ومش هعرف حتي اقول لها كلمه تبل ريقي وريقها
عصام: باين عليك واقع اوي ...أومال كنت صابر السنين دي كلها ازاي من غيرها
هشام بشرود كنت غبي ...غبي بالمعنى الحرفي..لكن اول ما اختفت من حياتي وعاشرت غيرها عرفت قيمتها ...عارف اول ما شوفتها في اوضه العمليات لما كانت عامله حادثه..مصدقتش نفسي كنت حاسس ان وحي ردت ليا ..كنت بقعد لازق ليها طول الوقت...ولى لما عرفت ان العيال اللي كانوا معاها عيالي عشقي وجنوني ليها زاد ...وبقت نفسي الزمن يرجع بيا الوقت اللي قالتلي فيه انها حامل ..ياريتني في الوقت ده خدتها في حضني وقولتلها اني اسعد واحد في الدنيا وانتا لازم نقدم الفرح ونتجمع في بيت واحد في أسرع وقت...
بعدها كمل بوجع والم باين في كلامه: لكن لاني غبي اتخليت عنها في عز ماهي محتاجه ليا واهنتها واتهمتها في شرفها مع اني كنت متأكد ان همسه مستحيل تعمل كده ...ياريت بس الزمن يرجع ياريت اكيد كنت هبقي اسعد واحد في الدنيا دلوقتي..بس انا اخترت التعاسة
عصام قرب عليه اكتر وحضنه وهو بيطبطب عي ضهره:متزعلش وبكره كل حاجه هتتصلح ...ربنا يريح قلبك يا صاحبي
بعدها قرب الاكل منه :خد يلا كل اي حاجه وبكره ان شاءالله تشوف همسه وتملي عينك منها وقريب إن شاءالله ربنا يجمع القلوب مع بعض
هشام هز راسه بشرود
♡_______________♡
بعد ما رجعو من عند سمر عمر كانت الدنيا مش سيعاه من الفرح بالمعنى الحرفي...كان حاسس انه طاير زي العصفور ..مواقفه مع سمر بتعدي قدام عيونه في اللحظه.دي من و هم صغيرين ولما كانوا بيلعبوا مع بعض ...مفيش حاجه فيها اتغيرت ...زي ما هي من سنين وكأنها لسه سمر الطفله زي ماهي كلامها ضحكتها عفويتها وشراستها كله زي ما هو
وفاء بفرح :رغم اني كنت مصدومه الاول من اللي اتحكي ليا وعن سبب الخطبه دي بس انا مبسوطه اوي اوي ليك يا عمر ..وياريت سمر تبقي من حظك ونصيبك بجد ..اكيد عمرنا ما هنلاقي واحده زيها ..جمال وأدب وأخلاق وأهلها ناس محترمه وهاديه وفي حالهم
سعيد ببسمه واسعه:والله كلامك صح يا وفاء الناس اي حد يتمني يعاشرهم ويناسبهم وعمر هيبقي محظوظ لو الموضوع كمل معاه بجواز
عمر كل ده كان في عالم تاني وهو قاعد علي جنب في الصالون
وفاء: انا هروح اطمن علي همسه واحضر ليها العشا
فجأة عمر قال :وانا كمان جعان وعاوز اكل
وفاء بأستغراب: تاكل ايه يابني هو احنا مش اتعشينا عند الناس
مازن ببراءه مزيفه:تلاقيه كان مكسوف يا ماما..يلا اعملي حسابي وحسابه في العشا عشان انا كمان كنت مكسوف
وفاء برفعه حاجب وسخريه:مكسوف ...ده انت لوحدك مخلص على أكل الناس وواكل نص صينيه الرقاق لوحدك ..وضربت نص الفرخه يا طفس...كل ده ومكسوف ..أومال يخويا لو مكنتش مكسوف كنت قومت الناس جعانه
مازن بضيق:بصو بقي في اللقمه للواحد وانا اقول مش بتخن ليه اتاريكم باصين ليا في اللقمه الي بأكلها....بعدين ياماما انا كنت محروم من أكل البني ادمين انا وجوزك الراجل الطيب ده ...وكنا بنقضي عشانا نوم علي أننا ناكل الحاجات الغريبه اللي بيطبخها عمر دي
في اللحظه.دي عمر فاق علي صوت مازن اللي بيتريق علي أكله وبيتهمه انه طباخ فاشل ...ايوه مفيش معني لكلامه غير كده.
وبعد مناوشات وطريقه وضحك كتير وفرح من الكل لليوم واللي حصل جه معاد النوم
عمر بأعتراض: انا مش عاوز انام علي الكنبه زي كل يوم ضهري بيوجعني
سعيد.:اومال هتنام فين سريرك بينام عليه عيال اختك
عمر :خليهم يناموا مع مازن
مازن بسخريه:يا سلام طب ما يناموا معاك انت
عمر بتوضيح:انا مش هينفع لان السرير اكيد مش هيكفينا كلنا
مازن بتشنج:يا سلام مش هيكفيكم لكن هيكفينا كأنك بتتكلم عني ولا كأني عصايه مكنسه
عمر :خلاص نومهم انت علي سريرك ونام انت علي الكنبه
مازن:لا يا حبيبي انا واحد متكسر ولازم انام علي سرير مش علي كنب ..نومهم انت علي السرير وكمل انت نوم علي الكنبه
عمر :لا انا ضهري وجعني نومهم انت
مازن كان لسه هيرد لكن سعيد اتكلم بنفاذ صبر وصوت عالي:باااااس انت وهو ...
بعدها شاور علي مازن وقال :انت يا مازن نوم واحد من العيال معاك
بعدها شاور علي عمر وكمل:وعمر ينوم التاني معاه وبكده السرير يكفي
عمر بأعتراض:بس انا مبحبش اناك جنب حد
مازن بسخريه واضحه: وبالنسبه لمراتك المستقبليه...ايه هتنيمها في البلكونه ولا في فرشه علي الارض
عمر بتأفف :هكون اتعودت عليها ..وبعدين أنت عاوز تعمل مراتي زي اي حد ..ههه ده انت بتحلم دي قاعده في ركن لحالها في القلب
مازن :الله الله..والله وبقينا نسمع عمر أفندي بيتكلم زي العيال التوتو اللي بيتريق عليهم
سعيد :يابني انت وهو ركزوا معايا انا عاوز اروح اريح شويه ...قلت كل واحد ياخد عيل ينام معاه ...مازن ياخد وعد جنبه وعمر ياخد وليد
طبعا وعد ووليد كانوا الاتنين بيسمعوا من سكات لحد ما جات سيره النوم وإن كل واحد فيهم ينام علي سرير غير التاني
وعد بسرعه:ما تخلي وليد ينام معانا مع خالو مازن ياجدو
وليد:ايوه يا جدو انا عايز انام مع وعد احتا علي طول بنام مع بعض
سعيد بحنان:معلش يا حبايبي ..السرير مش هيكفي انكم تناموا مع بعض عشان ناموا زي ما قلت ...بعدين يا وليد هو انا من كام يوم لما سألتك مين جاب الشوكلاته دي قولت انه عمر
وليد هز راسه :خلاص يبقي كده خالك عمر بيحبك عشان جابلك شوكلاته ...يلا بقي روحو ناموا انتوا اكيد تعبتوا ...ولو احتجتوا حاجه نادوا عليا او علي تيته وفاء..لان عمر ومازن هيكونو زي المقتو لين لما يناموا
....يلا تصبحوا علي خير
المل رد عليه ودخلوا الاوض
مازن حط وعد جنبه علي السرير وغطاها وحضنها وبقي قاعد علي التلفون وهي مركزه مع وليد بزعل واللي عمر كان متمدد علي السرير وقاعد علي تلفونه وساحبه هو لسه بره بيبص عليه ...بعدها بص علي وعد اللي مازن حاضنها وبيطبطب علي شعرها وهو مركز مع تلفونه
لحد ما اخد باله أن وعد باصه علي وليد
مازن بصوت عالي :نيم الولد جنبك يا جميل وسيب السمر بتاعك شويه مش هيطير
عمر التفت ليه وبص عي وليد بتأفف ومسكه وحطه علي السرير وهو بيتكلم بصوت واطي موصلش لمازن اللي متابعه :اتجمد ومش عاوز اسمح حسك لحد الصبح عشان مزعلش واضايق ...وساعتها ممكن اضايقك معايا فاهم ..يلا اتخمد
وليد بسرعه كان حاطط راسه علي المره ومدي ضهره بعمر وباص علي الحيطه وهو بيعيط بصوت واطي عشان خايف من عمر
مازن كان بيبص عليكي تلفونه باهتمام بعد ما تأكد أن وليد نام لكنه تنح لما سمع صوت وعد اللي تقريبا كانت مركزه معاه :باربي..شعرها احمر
مازن بتوتر:يا ليله مش فايته هو انتي شوفتيها
♡_______________♡
في يوم إشهار جواز مشعل وهمسه ...كانت همسه حالتها تسمح انها تقعد علي كرسي متحرك وكأن في نفس اليوم معاها كشف دوري في المستشفى عشان يتأكدوا أن حالتها مستقره ومتماثله للشفاء ومفيش اي اعراض
سعيد بجديه :أكدت علي المأذون يا عمر انه يجي في معاده
عمر :ايوه يا بابا اتفقنا انه يجي قبل صلاه العصر عشان الأشهار هيكون بعد الصلاة
سعيد هز راسه بمعني تمام وهو بيسأل عمر تاني ويأكد عليه: أكدت علي عمك عماد واحمد انهم يجوا ويحضروا ويبقوا معانا
عمر هز راسه: ايوه يا بابا قولتلها امبارح والنهارده كمان اتصلت تاني أكدت علي عم عماد والحاجه فاطمة عشان تقول لأحمد لان علاقتي بيه مش ولا بد الايام دي
سعيد :طيب تمام واشتريت الحلويات والعصير اللي هيتوزع علي الناس اللي هتيجي تبارك
عمر بزهق :ايوه يابابا من امبارح اشتريت كل حاجه وداسسهم من مازن عشان ميخلصش عليهم
مازن بضيق: انت ليه محسسني انك بتتكلم عن عيل صغير..انا اكيد مكنتش هاكل الحاجه يعني
عمر بسخريه: ده بامانه انك ما اكلتش نص علبه الجاتوه اللي كنت رايح بيها للناس امبارح ولولا ستر ربنا وان ماما شافتك كنت خلصت علي الشكولاته وعلبه الجاتوه التانيه وكنا رحنا للناس ايد ورا وايد قدام
مازن ببرأه: وانت مستخسر في اخوك حبيبك علبتين جاتوه وعلبه شوكلاته يا عمر
عمر:العب غيرها ياروح قلبي ومتزوغش في الكلام وتقلب عليا الطربيزه ...عارف يامازن لو لقيت حاجه تاني زي دي في التلاجه واكلتها من غير ما تسأل وتعرف هي بتاعه مين وتطلع بتاعتي هعمل فيك ايه
مازن باهتمام: ايه
عمر بغيظ :هدفك تمن اللي اكلته بعد ما اطفحهولك يا ابو كرش
سعيد زهق من الاتنين ومشي وسابهم لانهم لما بيتفتحوا في الخناق مش بيسكتوا بسهولة
عمر بتوعد:عارف لو انك متكسر ومتكسح خلقه انا كنت دشملتك
مازن بقرف :ايه الألفاظ السوقيه دي يا حضره البشمحاسب..تؤ تؤ تؤ انت الظاهر لميت علي ناس بيئه ودون المستوي وبقيت تتكلم زيهم ...ما هو النعجه الجرباء تعدي القطيع كله
عمر بغيظ:اسم الله علي عيال الذوات والناس الكوباره اللي انت لامم عليهم انت لامم علي عيال معديين علي صاحبك يلا ده انت متجو.....بعدها سكت وهو بياخد باله من كلامه ومازن بيبص عليه بتحذير
نفخ بغيظ وهو بيمسح وشه بغيظ
فجأة اتبعتت رساله علي تلفونه كانت مكتوبه نفس الرقم اللي بعت المره الفاتح وقال إن وعد ووليد مش ولاد مشعل وكأن محتوي الرساله
( ازيك يا باشمحاسب ...كنت عايز اقولك متتعبش نفسك انت والأسرةالكريمة لان مشعل مش هييجي الاشهار لانه سافر الإمارات وحاليا زمانه وصل...