رواية همسة وجع الفصل الاربعون بقلم اسماء العذب
لايك الاول يا شطار
40
#همسه_وجع
صلوا علي الحبيب المصطفى
♡_______________♡
باب البيت خبط الصبح ...كان عمر بيلبس عشان شغله ومازن كمان قرر انه يروح الجامعه بتاعته لانه اتغيب كتير وكليته طب ومينفعش كده لازم مواظبه
عمر راح يفتح الباب لكنه اتصنم مكانه وبلع ريقه بصعوبه لما لاقي سمر هي اللي علي الباب
لكنه استغرب لما لاقي إيمي كمان واقفه معاها ووراهم ولاء
عمر وقف مدهوش وهو بيفكر بسرعه ايه ممكن يجمع التلاته دول مع بعض
اتكلمت سمر بهدوء: صباح الخير..الأستاذه كانت بتسأل عن بيت اختك الدكتوره همسه
أنهت كلامها وهي بتشاور علي إيمي اللي كانت بتبص عليه ببسمه وقالت :صباح الخير اسفه اني جيت بدري كده ومن غير معاد بس انا كنت رايحه الشغل وكأن نفسي اشوف وعد ووليد واسلم علي همسه أوي...اتمني مكنش ازعجتكم
عمر بهدوء وهو بيشاور لها تتفضل:لا طبعا اتفضلي احنا كلنا صاحيين وبنفطر اتفضلي
إيمي دخلت ببطء هي بتتفحص البيت ..الي كان بسيط بطريقه مريحه جدا خلت نفسها تحس بالراحه
وسعيد استقبلها ببسمه وهو بيطلب منها تتفضل
وعلي الباب عمر سلم علي ولاء ودخلت هي التاني واللي كانت جايه زياره لهمسه واتقابلت مع إيمي وسمر علي السلم
عمر ببسمه:اتفضلي يا سمر انتي اكيد حماتك بتحبك الفطار جاهز وكنا لسه هناكل ...وانتي ليكي نصيب تشاركينا
سمر بهدوء: شكرا لذوق حضرتك لكن اني اكون موجوده هنا اكتر من كده غلط وكفايه اللي حصل آخر مره
عمر بسرعه :علي فكره انتي معملتيش حاجه غلط والراجل الناقص اللي اتكلم عليكي مش انتي اول واحده يتكلم عليها ويطلع عنها إشاعات ...لا ده عمل كده مع كتير تانيين والكل بقي عارفه انه راجل مش مظبوط ومحوراتي...وانا واثق فيكي اكتر من نفسي
سمر بسخرية: واثق فيا ازاي يعني وهو متهمني اني ماشيه معاك..ولا انت عندك شك أننا ماشيين مع بعض
عمر :اكيد لا طبعا..بس انا بقول اني واثق فيكي واني مستحيل أصدق عنك الكلام ده ختي ولو مكنتش معني بيه
سمر بعدم فهم:وحضرتك بقي واثق أزاي ومن فين هو انت عايش معايا ولا دخلت جوايا وعرفة أخلاقي عشان تحكم عليا
عمر ببسمه وثقه :صدقيني واثق فيكي ولو سألتني أزاي هقولك مش عارف ...انا واثق وخلاص احساس طالع من جوه قلبي ...وبعدين مين ميعرفش تربيه الحاجه فاطمه اللي لحد دلوقتي الكبير والصغير بيعمل لها ألف حساب واللي ممشيه المنطقه علي العجين متلخبطهوش..إلا بس هو الراجل ده اللي مش مالي عينه حد ولا عامل حساب لحد
سمر بخجل :بصراحه مش عارفه ارد علي كلامك ده بأيه ...لكن كل اللي اقدر اقوله اني متشكره لذوق حضرتك ...بعدين الحمدلله الراجل الناقص ده البلديه شالت عربيه الخضار بتاعته ...عشان ميبقاش يرازي في الرايح والجاي وارتحنا شويه من خلقته
عمر ببسمه:طب احنا هنفضل نتكلم علي الباب كده كتير ....اتفضلي جوه ماما عاوزه تسلم علي خطيبه ابنها
سمر وشها اتحول تماما بعد جملته دي وبأن عليه التوتر والارتباك والكسوف وبصت في الارض وهي بتقول بصوت واطي :اسفه بس اتأخرت علي شغلي ولازم الحقه ...بلغ طنط وفاء اني بسلم عليها وبقولها حمد الله علي سلامه همسه ومازن وهبقي اسلم عليها وقت تاني إن شاء الله قريب
عمر بسعاده:قريب قوي قوي ..
بعدها اتكلم هو التاني بصوت واطي :جهزي نفسك عشان ماما تسلم عليكي بعد بكره لما نيجي نحدد الخطوبه ونتكلم في المهم
سمر بان عليها الارتباك وهي بتبعد عن الباب وبتستأذن بسرعه وعمر واقف بيراقبها لحد ما اختفت من قدامه
بعدها قفل الباب ودخل والبسمة مزينه وشه
لحد ما لاقي إيمي قاعده في الارض مع وعد ووليد ومعاها كيس بتخرج منه لعب وأنواع بسكوت وشوكلاته والاتنين هيطيروا من الفرح بيها
عمر اتأمل التلاته بأستغراب وأنه ازاي إيمي مرات ابوهم وحنينه عليهم كده والحب واضح جدة في عيونها ليهم ...معقول لو عرفت انهم عيال هشام رأيها يتغير وتكرههم...معقول يكون دي اصلا خطه من هشام عشان يلاقي حجه يدخل البيت بيها ويشوف العيال...هشاااااااام اسمه لوحده بيعصب ويجنن عمر ودلوقتي ابتلي بمراته وعياله واللي محدش فيهم يعرف الحقيقه...لحد إمتي الوضع هيفضل كده
عمر وهو بيكلم :لازم الموضوع بتاع همسه وهشام والعيال ده يخلص قبل الخطوبه وكل شيء يتوضح ...بس الهم اني اعمل زياره للدكتور هشام نتفاهم فيها وناخد وتدي بشكل ودي
♡_______________♡
المجهول كان قاعد وحاطط رجل علي رجل وهو بيدخن سيجاره بتنتهي البرود
دخلت ولاء وشافته قاعد كده ولا علي باله
ولا بزعيق :انت قاعد ولا علي بالك وكأن الدنيا بتاعتك والدنيا اصلا خربانه وجابه علينا
المجهول ببرود: ليه بس يا لولو ايه اللي حصل لده كله
ولاء: انت مش بتقول انك بعت رساله لمشعل انه ياخد باله من مراته ويفتح عنيه
المجهول: ايوه
ولا بنفاد صبر:طب اهو مشعل شاف الرساله ومعملش حاجه مع أن الاعمي كان لاحظ أن هشام عنيه هتطلع علي همسه والكل كان ملاحظ ده ...لكن مشعل باشا بتاعه معملش حاجه
المجهول بخبث: ومين قالك معملش حاجه
ولاء لاني مشفتش حاجه اتعملت لحد دلوقتي
المجهول: بكره تشوفي صدقيني
ولاء بصراخ:ومش بس كده...انت مش بعت رساله لعمر وقلت انه مجنون وهيطربق الدنيا علي دماغ الكل لما يعرف ان العيال مش عيال مشعل وعيال هشام
المجهول هر راسه ببرود وولاء كملت صراخ :اومال انا النهارده اتصل بهمسه اسلم عليها تقولي عمر رايح يخطب بنت الجيران وهي بكره مشعل هيشهر جوازه عليها ..وتبقي كل حاجه زي ما العادات بتقول ومحدش هيقدر يفتح بقه بكلمه
المجهول مره واحده اتنفض من علي الكرسي وهو بيتكلم بعدم تصديق: انتي بتقولي ايه...مشعل هيهلن جوازه علي همسه
ولاء: ايوه ..ايوه هو ده اللي بشرح فيه من الصبح وعمر اللي بتقول عليه مجنون وهيكشف كل حاجه لحد دلوقتي معملش حاجه خالص
المجهول وكأنه مسمعش حاجه وهو بيقول :أزاي مينفعش يشهر جوازه عليها ...مينفعش...
بعدها بص لولاء بأصرار مرعب :لازم مشعل ميشهرش الجوازه ابدا ويبقي الحال علي ما هة عليه....
ولا :ودي هتعملخا أزاي يا عبقري زمانك
المجهول: اسمعيني ونفذي اللي اقولك عليه بالحرف
♡_______________♡
جه المعاد اللي المفروض يروح فيه عمر عشان يخطب سمر والعيلتين يتفقوا علي معاد الخطوبه
كان لابس بدله كحلي مخليته وسيم جدا والمفروض الكل يروح معاه إلا همسه....حتي مشعل اللي رحب بالفكره جدا وراح معاهم بصفته جوز همسه خصوصا ان إشهار جوازهم المفروض يكون بكره
وعد ووليد وزيد كانو قاعدين علي جنب وهم لابسين احلي ما عندهم من لبس وكأنهم هم العرسان مش خالهم
وعد بتكشيره:حرام خالو عمر ده يتجوز سمر...ده شرير اوي وهي طيبه خالص
وليد :ايوه هي ليه ما تتجوزش حد تاني غير يكون طيب ..ده اكيد هيقعد يزعق فيها ويخوفها زينا
وعد :ابوه صح ده بيقعد يخوفنا ويزعق فينا وبيكرهنا اوي ...خليها تتجوز خالو مازن ..ده طيب خالص ويلعب معانا ومش بيزعق فينا خالص وبيجيب لينا حاجات حلوه
كانو بيتكلموا براحه شديده وهم مش واخدين بالهم من اللي بيسمع
بدل ماتدور وتبحث علي الروايات خليها علي تليفونك وحمل تطبيقنا
