رواية خائن لا يعرف الحب الفصل الثالث 3 بقلم أحمد حسن الخفاجي
كال السلام عليكم اني خفت وفتحت عيوني
من الصدمة حسيت نفسي صخنت وختنكت كوة اجر النفس امي كالت وعليكم السلام شلونك يمة اهلك اشلونهم وضلت تسولف ويا اني مصدومة كال شلون اضل واكف لو شنو كالت يا يمة اتفضل ابني اكعد هو ماصدك كعد يسولف ويضحك انتبهت علي عندة غمازة
بس مو كلش مبينة بس من يضحك تبين واني ماحجيت شي بس حيل خجلانة وكل ماباوع علي الكاه يباوعلي كال خالة هاي البنية ماعرفتيني عليها منين كالت هاي بنتي تانيا الصغيرة كال اهلا وسهلا كمر اني ابتسمت ودرت وجهي شفت شباب 2 كاعدين يباعون علينة درت وجهي ع امي كالت هاذ نور ابن صديقتي كتلة اهلا وسهلا بيك ضلو يسولفون وطلبو عشا وعصاير كملنة وكال تحتاجون شي كنالة لا تسلم واني مدري شصار بية حسيت بحساس غريب انعجبت بي اسلوبة حلو كلامة حلو شكلة حلو مرتب ترخص من عدنا وطلع ورة اشوية اتصل اخوية كال يالا طلعو واحنة طلعنة ورجعنة للبيت صارت ساعة 10 لكينة بابا راجع سلمنة علي وصعدت بدلت وغسلت صارت ب 10وربع سويت ركي وبطيخ وطلعت فواكة اكلنا وكملت المطبخ وغسلت صحون الفواكة سولفنة شوية بابا وماما ترخصو راح نامو واخوية ضل يباوع ع الفلم وغفة بمكانة واني طفيت التلفزيون ورحت الغرفتي اول ماخليت راسي ع المخدة اجة نور ع بالي وابتسمت ونمت كعدت الصبح كالعادة بابا طالع اخوية طالع بس ماما بالمطبخ صبحت ع امي وتريكت وكملت المطبخ ونظفت البيت وغسلت الطارمة والحمام البرة وكملت تنشيف ودخلت للبيت اسمع امي تحجي بالتلفون وتضحك اسمعها تكول هلا بيج ام نور استغربت كلت ام نور بس لا ام هاذ الولد واني ماسامعة امي تحجي وياها قبل سدت التلفون كالت اليوم يجونة خطار ام نور وبتهة كتلها ياام نور كالت ام نور البارحة جان ويانة بالخضر اني فرحت بداخلي وكيفت بس مابينت شي كالت العصر يجون كتلها ماشي يمة خابرت اخوية وصتة يجيب كيك من برة وعصاير وسدت التلفون صارت ب 1 اجة بابا واخوية صبينة الغدة وكملنة وغسلت المواعين وشربو الجاي وكملنة نظفت الصالة وعطرتها طبيت سبحت وبدلت لبست تراك وردي واسود حلو مورد ومخصر ع جسمي خليت مكياج خفيف وتعطرت وسشورت شعري ونزلت صارت ب 4اندكت الباب
