رواية هدية الشيخ رضا الفصل الثالث 3 بقلم أوتار حزينه
مرت الايام بسرعه اشوفن بعيون ابويه
واخوتي الفرح بعد ماجانو ضايجين
من الصار،،،،لان صاروا نسايب
للشيخ ،،،،،،عرفت بعد كم يوم
من امي رضا يريد ياخذني
هلايام،،،،
وصدك وره يومين انطوني خبر حتى انروح انجهز ،،،جهازي بيومها،،،،،تحضرت انه وامي
وطلعنا،،،،،من بيتنا،،،و تفاجات بي هو جاي بنفسه
وويا ام زاهد اخته الي نزلت
وبوستني
رضا
وكفت بره اتاني ليله وامها طلعت لابسه عبايه
والسواد وي بياضها وحمار شفتها والخدود
خلوني اعاين لها باعجاب كلت
وي روحي
شلون تريد تطلع هيج غير عيون الزلم تاكلها
اكل كلت
«حجيه بلا زحمه عليج خل تتبوش يله تجي
ويانا
العيون صارت عليه وهي صفنت كملت مبتسم
«مااريد احد يشوفج غير بس عيوني
ليله
تفاجأت من طلب هالطلب عاينت لامي الي
هم،،،،،،، تفاجات مثلي
جاوبته،،،
«ليش يمه تراها ماحاط شي بوجها
ولبسها مستور ،،،
رضا
سمعت رد امها وكلت
«اعرف حجيه كاعد اشوفها على الطبيعه
وهالشي مااريد عين تلمحه او تشوف شي يخصني
ماردت عليه بس ابتسمت وكالت
« تأمر شيخ هسه اروح البسها بوشيه
ليله
«يمه شكاعد تحجين انتي انه مااعرف البسها
وخاف من امشي اطيح على وجهي
هو رد علي بحزم
«تعلمي ليله لان راح تظلين لابستها طول العمر
رفعت حواجبي اعاين لامي مبتسمه واخته
هم هو ابتسم وكمل
«عجلي بويه خلي نمشي من وكت ونكمل شغلاتج
وكفت بمكاني وظليت صافنه عليه،،،،
اريد يغير رايه بس هو رفع حاجبه وميل راسه واشر
على الباب،،وكال
« يله امشي وسوي الكتلج علي
اخته شافت الجو توتر وكالت
«ليله روحي البسي تراه من يكول
چلمه هاهي بعد يقفل عليها
طبيت ضايجه من الفرضه عليه وهو انه بلا
شي مخنوكه من الجاي يصير بيه والنوب فرض
عليه البوشيه زهره ونعيمه جانن
يم الباب سمعن كلشي اجن ورايه انه وامي
كالن من طبيت للغرفه
«ووج هااي شنو من هسه بدت الغيره
«يمه شلون البس بوشيه تره مااعرف امشي
بيها
«تعلمي يمه زلمتج يريد هيج شدكولين اله
لاا مالبس تعاندي من اول يوم الج ويا
شيكول بنت علوان لسان وترد
الاكبر منها
امي تحجي ودور بين الشالات طلعت لي
شال خفيف كلش اسود وخرت عباتي من راسي
وخلته اليه ترتب بي وادكول
«شيكلج الشيخ كولي اي ماريد بعد تحجين ويا
هيج كدام اخته عيب يمه ماريد احد يكول
عليج ماتسمعين الكلمه ولا تحترمين
زلمتج
«الغيره حلوه ليله وشفته شلون يعاين الج
بنظرات مفضوحه
زهره حجت وهي مبتسمه نعيمه ايدتها وكملت
«اي والله الشيخ من حجه هيج كلت هذا حبها
وبدت الغيره مالته عليها
مارديت مقهوره وضايجه لان انفرض عليه
شي انه مااحبه
«يله يمه خلي نمشي
مشيت وراها ماأشوفن دربي،،،من قهري طگت
الدمعه ونزلت على خدي اردد
«بينت من اولها طلعت من سجن وراح اروح
بسجن ثاني
وصلنا للسياره هو واكف يمها واخته كاعده
ليكدام من شافني ابتسم راضي
امي كعدت ليوره ردت اصعد
انثولت من وراها وردت اطيح ايد گضتني
من خصري بسرعه وكال
« الله بويه ديربالج
صعدت بسرعه گلبي يدك بجنون ومااعرف
شصار بيه عدلت حالي عيوني راحت
للمرايه يعاين عليه ومبتسم
اخته كالت
« يله خويه خل نتوكل
هز راسه لاختي،،،حرك وطلع اعاين اله وكلت
شعجب هو يسوق من حمايته وعرفت
هلشي بعدين من ام زاهد
كالت بضحك
«الشيخ من غيرته عليج ماقبل احد يجي
غيره بجهازج وبس خله سياره وحده مال حرس
تجي ورانا
امي ابتسمت بس ماحجت شي دار الكلام على
جهازي ومنين راح نشتري كاعده وساكته
احس بي عيونه عليه وصدك
كلما ادير راسي له اشوفه
يعاين لي ومبتسم
نظراته تعبتني كلش وخلتني اخجل منه
تجنبت اعاين اله ولهيت روحي مره بعباتي مره
بالبوشيه
وره نص ساعه وصلنا ،،،،لسوك الولايه
كال قبل لاننزل
« ام زاهد اخذن راحتجن واخذي ليله الي تريده
والي تطلبه انه رايح بشغله من تكملن
خابريني اجيكم
تمام خويه
ردت علي عاين لي بالمرايه وكمل
«البوشيه تظل على وجهج ومثل ماوصيتج
مااريد احد يشوفج ابدا
«اي شيخ تدلل
امي ردت علي حياه نزلت وامي وراها ردت
انزل اندار عليه وكال
مبتسم
«ديربالج لاتطيحين
خدودي اشتعلت نار مارديت نزلت بسرعه
من ثولي سديت الباب على عبايتي
مشيت جرتني انثولت
امي راحت بسرعه
فتحت الباب طلعت عباتي شفته يضحك
والوجه صار دم
درت روحي منه فشلانه والخجل راح يگتلني
امي كالت
« جان حرك وجرج وراه
«ههه لا خيه كاعد يعاين الها وشافها شسوت
حياة ردت عليها بضحك فشلت بعد اكثر
سكتت ماحجيت شي اخذتنا لمول
جبير البي يعرفوها واستقبلونا خوش
استقبال
افترينا بي تسال بي هذا حلو اهز راسي باي
اخذت اشكال كلابيات وفساتين وماخلت شي
مااخذته وكله من هذا الغالي بعدين رحنا
للصايغ كعدت انه وامي كالت الها
«ام عباس الي تريدي لبنتج اخذي رضا
كال اي شي تطلبه ليله وامها سوي الها وفوكاها
حبه مسج
«تسلمين شيخه ماقصرتو وياها بشي
«هذا حگها خيه ماسوينا شي
«والله انه مااعرف بالذهب انتي اخذي الها
«جا اذا انه اخذ الها راح اخسر اخويه ومااخذ
غير وين ماكو شي تكمه وثكيل
كامت ليم الزلمه الي يعرفهم وكالت اله
«اريد تخم ثكيل ومال هالوكت
«ادللي شيخه هذني كلهن كدامج ثكال وموديل
هالوكت
اشرت اليه امي كامت وكمت وياها رحنا يمها
تاشر على تخم تخم اعاين
لامي واكول
«ماادري بكيفكم
«عايني هذا شوفي اثكل واحد وتكمه اخذي
ورهمي ويا ذني البتوت
اشرت على بتوت سته صفنت عليهن وبعدين على
امي كالت
«التخم كافي شيخه
«لااا على بختج ام عباس غير يرجعني رضا
ويظل يحجي عليه كال اخذليها ذهب يترس العين
ويرضيها هي وامها
امي سكتت اشرت للزلمه طلع الها البتوت والتخم
وبعدين اشرت لمحابس اثنين وسبحه
اخذتهن كعدنا الزلمه دار كهوه
علينا
عاينت للگوب بايدي وكلت شلون اشربه حياة
كالت
«وخري البوشيه واشربي
ردتها من الله وخرتها وشربت شويه الزلمه عاين
عليه رجال جبير بكد ابويه وكال
«حقه الشيخ يضمج عن عيون الناس صلاوت على
النبي عروستكم حلوه شيخه
خجلت منه ونزلت راسي هي ردت علي
«تسلم حجي وعروستنا مو بس حلوه لا اهلها ناس
طيبين ومثل الاهل النا
«من طيب اصلج شيخه هالكلام
امي ردت عليها ورها اخذنا تخم والبتوت الي
اختارتهن اليه حياة ومحابس اثنين وسبحه واخذت
لامي محبس هديه ولنسوان اخوتي كل وحده
هديه ذهب
.....
رضا
عفت اختي وي ليله وامها حتى ياخذون راحتهم
ورحت بشغل يم الصيرفه كملت ورحت
كعدت بكوفي اشرب كهوه
انتظرهن يكملن
خابرتني قبل المغرب بشويه وكالت كملنا
تعال اخذنا رحت الهن جانن يم الصايغ كاعدات
سلمت على الزلمه واخذتهن من يمه
حياه صعدت يمي سالت
«كملتن كلشي
«ااييي شيخ كملنا ومتنا من الحر والعطش
واريدك تكعدنا بمطعم نشرب شي
بارد ونرتاح يله نرجع للديره
« تامرين امر ام زاهد هسه اخذكم لاحسن مطعم
تتعشن وترتاحن وبعدين نرجع
« هههه اي والله ياريت لان هم طگنا الجوع
اخذنا لمطعم معروف بالمنطقه طبينا
لجناح العوائل،،،،ردت اغسل وجهي وايدي
كلت لامي اخذتني هي
وحياه غسلنا ورجعنا
كعدنا،،،، ورفعت البوشيه مالتي
لان ماكو احد بالجناح بس عائله
بعيده عنه ،،،بمسافه شفت رضا ماحجه شي
طلبنا اكل وكعدنا ناكل من خجلي
اكلت شويه ،،،وعفته وظليت
اعاين للمكان،،،
«ليله تعشي مااكلتي شي
مدت ايدها بلفه اخذتها منها عاينت لرضا يكتب
بجهازه وعاكد الحواجب رفع عيونه
شافني تغيرت الملامح بلحظه
درت وجهي منه گلبي يدك
بسرعه
كام وراح يحجي بجهازه انتبهت لواحد وره
جان كاعد وي العائله عاين عليه
غمز اليه وخله گلبي يهبط
من الخوف جسمي كله كام
يرجف نزلت البوشيه وبعد
مارفعت راسي
رضا
كمت ورحت احجي وي ناس عدهم طلابه ورادو
يعكدون وي شيخ عشيره وافضها لهم
عيوني على ليله عكدت حواجبي
من شفتها مرتبكه وخايفه
من شي درت وجهي
وشفت واحد يعاين الها ومانزل عيونه منها عرفته
سوه شي ردي لها گضيت
الجهاز بقوه ونار اشتعلت بصدري
عاينت الها نزلت البوشيه
وبعد مارفعت راسها
سديت الخط ورحت للميز مالتنا شمرت العبايه
على الكرسي سالتها بغضب
«هذا شسو لج
«هاا ماسوه شي
خزرتها بغضب وكلت
«لااتجذبين ولج تره شفته عيونه عليج
وانتي ارتبكتي ونزلت البوشيه
«منو رضا
حياه سالتني ماعاينت الها عيوني على ليله
منزله راسها وخايفه كلش حياه
كامت واجت ليمي كالت
«رضا شصااير ياخوويه اكف
مشيت من يمهن اختي لحكتني خزرتها وكفت بمكانها
الولد كام وزلمه ويا هم كام من شافوني
جاي عليهم والخلقه مگلوبه ارتبك
وكال
«خيرر
ماكمل كلامه گضيته من هدومه وجريته عليه
وضربته گله براسه وكع الزلمه گضني
دفعته بقوه وكعته بالكاع
صحت بصوت مكتوم
« جتااالك انه اليوم والله مااخليك تطلع طيب
منا وانه الشيخ رضا
ليله
مااعرف شلون شافه لهذا الناقص هد وشفته
تحول لوحش مو بشر گض الولد كسره
تكسر الحرس تراكضو علي
واهل المطعم جرو الولد من ايده الدم
يفلت من راسه وخشمه
طلعو من يمه وهو يهد ويعد علي ابوه ماادري
اخوه تعذر ووكع علي بس هو ماسكت رزله وغلط
عليهم ابو المطعم اعتذر منه مادار بال اله
اجه علينا الوجه دم ويخزر بيه
ختلت يم امي كال بس
كلمتين
« للسياره بسرعه
«اي خويه رايحين
ام زاهد ردت علي مشت امي المذهوله من
تصرفه كالت
«امشي يمه
تعثرت من خوفي وصدمتي ومااحس غير
يگضني من ايدي بقوه يمشي بسرعه
وانه ويا اريد اسحب
ايدي منه ماكو عبالك جلابتين وصلنا للسياره
صايره فد مرة من خجلي وخوفي منه
انقهرت على روحي لان سوه
هيج بيه كدام الاودام
فتح الباب بقوه
وكال بغضب
اصعدي
صعدت بدون مااحجي كلمه امي كعدت يمي
ماتعرف شسوي ام زاهد كالت اله
من صعد يمنا
« رضا مو هيج هدي بعد اختك ليله شعليها
بالصار
«لااااا عليها لان سالتها وجذبت عليه
خافت شيخ من غضبك
امي ردت علي كمت ابجي صاح بيه
كواااد انه حتى تضمين عليه هيج شي
جباان ليله مااكدر اخذ حگج منه وافكس عيونه
الجان يعاين بيها عليج
سكتت مارديت درت وجهي منه اكتم شهكتي
وتطلع وتفضحني
كافي خويه انت ماقصرت ويا كسرته وخليته
فرجه لامه محمد
يمه خلي ننزل
ردت افتح الباب سمعت قفل اجر بي مايفتح
صاح بيه
ووين رايحه ااكعدي وجفي شري
امي كضتني ختلت بحظنها اشهك وابجي
« مو هيج ياخويه كسرت فرحه البنت
اخته حجت ويا حرك وطلع بشحطه
«كافي يمه اسكتي الشيخ دمه حامي ومارضى
احد يباوع لعرضه
امي حجت ماسكتت شهكاتي زادت
« كاافي بجي
سمعت صوته مادرت بال ظليت نفس وضعي
وره مشوار وكف السياره وكال
« حياة انطيها مي خل تغسل وجهها
«ااخ منك ماتبطل هالعصبيه ابدا
رديت بشهكه
«مااريد شي ودوني للبيت
امي وخرت البوشيه وغسلت وجهي بشويه
مي ماعاينت اله نزلت البوشيه
وكتمت شهكتي
حرك اخته كالت
ليله لاتزعلين من رضا اخويه من يشوف غلط مايكدر
يسكت علي هاي زلمنا دمهم حامي
وتاخذهم الحميه على عرضهم
وعرض غيرهم
امي ردت
والله ماادري شاحجي هسه هذا شجابه
وشخلاه يسوي هيج
ناقص غيره وماعنده ذره شرف براسه لو جاتله
جان برد گلبي
لا شيخ خلي يولي جتلك اله اكبر مهانه اله
امي ردت رفعت عيوني اله يعاين عليه
بالمرايه وعاكد الحواجب درت وجهي منه
ظليت اسمع الحجي وماتكلمت كلمه وحده وصلنا
اول الناس انه نزلت طبيت للبيتنا دمعتي
بعيوني زهرة ونعيمه تلكني حجن
هاا ليله اا
ماسمعت الكلام طبيت لغرفتي ذبيت عباتي
والبوشيه بغضب ورحت كعدت على
جربايتي كمت ابجي
واشهك
امي طبت شايله العلاليك وراها البنات
وام زاهد اجت ليمي وكالت
هاي شنو ليش هالبجي ياليله تره اخويه
من وراج تعارك
مارديت ضحكت وكعدت يمي كملت
راح ازعل عليج اذا ماسكتي
كافي يمه اسكتي عيونج راحن الشيخ من غيرته
عليج سوه السواه
عمه شصاير
نعيمه سالت ام زاهد حجت الهم الصار وهي
خربانه ضحك عبالك متعلمه على سوالف اخوها
البنات سمعن الصار وضحكن زهره
كالت
الشيخ يغار عليج المفروض تفرحين بهل الشي
مو تبجين
اي كولي الها خيه وخليها تبطل بجي
ام زاهد ردت عليها وكامت وكالت
اروح خيه تاخرت على بيتي وولدي
ظلي يمنا شيخه تعشي وبعدين ارجعي
ههه تعشينا واكلنا ذيج الهبطه من رضا
وليله
عاينت الها ابتسمت اجت حبتني وحبت امي والبنات
وطلعت من يمنا كمت ورحت غسلت
وجهي رجعت امي بغرفتي
تحجي للبنات على
الصار
« وج خايبه هذا حبج وعشكج عشك مسودن
زهره حجت بضحك من شافتني مارديت
كعدت امي كالت تعاين اليه
مبتسمه
« اي يمه الشيخ عشك بنتي وشفته شسوه الها
وشاخذ وشلون تصرف من شاف واحد
يباوع عليها
زهره خربت ضحك وكالت
هههه اكشن صار مو ياعمه
كسره يبعد عمتج وخله الدم يفلت من حلكه
يمه هذا غير عصبي
نعيمه ردت وكملت وهي تعاين للغراض
بس والله ماقصر وياها بشي شوفي الغرفه انترست
غراض
اي يمه ومانساجن انتن هم جيبي جنطتي يمه
زهره
جابتها الها فتحتها وطلعت الهن هديتهن
شافن هديتهن وفرحن بيها كلش اجني حبني
وكالن
تسلمين ليله انتي والشيخ
بالعافيه عليجن يمه
نعيمه گرصتني وكالت بضحك
خايبه افرحي لاتظلين قاهره روحج بهل السالفه
الصارت
مو مقهوره
رديت بخنگه كعدت اعاين لامي طلعت جهازي
الهن انبهرن بي وتعجبن من كرمه وياي هن
رتبن غراضي بجنط اشتريتهن
لجهازي وتاخرنا امي راحت لابويه من صاحها
رجعت وكالت
الشيخ بره كاعده يريد يشوفج
گلبي هبط من كالت هالكلام وكلت راح هم
اسمع منه كلام يقهر نعيمه كالت
مبتسمه
اكيد اجه حتى يحجي بالصار
يمه مااروح
عيب ولج شنو ماتروحين اله الزلمه جاي
ويريد يحجي وياج شتريدين اطلع اكله ماتريد
تحجي وياك وانتو عرسكم بعد كم يوم
كلام امي هبطني بعد اكثر ولويه صارت بمعدتي
كملت بهداوه
امشي يمه ولاتفشلين ابوج ويا
ووج امشي تره الشيخ فضح روحه من سوه
السواه وبين الج هو يحبج ويغار عليج كلش
زهره كملت ذبيت حسره وعيوني غوركت
اريد واحد يوكف وياي ماكو حتى امي صفت ويا
اشرت اليه امشي
لبست شالي ومشيت وراها جان بره كاعد يمه
ابويه ماسلمت كال
سلمي بويه على زلمتج
حجيت گوه اتجنب اعاين اله
الله يساعدك
هلا ليله
رد بهدؤ ابويه ترخص هو وامي وطبو لجوه
عاينت الهم كال
اسف اذا بجيت عيونج اليوم
درت وجهي يعاين لي ومبتسم اشر لي
وكال
امشي وياي
تحرك وكفت بمكاني اندار عليه وكمل
ماراح اكلج امشي خلي احجي وياج شويه
مشى عاينت لبيت اهلي محد طلع من عدهم
مشيت وراه وگلبي يدك بسرعه طبينا
للبستان كعد على عثك نخله
وكال من شافني
وكفت كدامه
لاتزعلين عليه ياليله انه مااعرف شصار بيه
من شفت هالعار يعاين لج بنظرات
وصخه
مارديت منزله عيوني واسمع دكات گلبي
ادك براسي كمل
يجوز انتي ماتعرفين طبعي ولا تعرفين انه من
اعصب بعد مااشوف الكدامي افقد ليله واتخبل من
الغلط واضوج من الجذب وخصوصا
من الناس الي احبهم
رفعت عيوني اله كام قرب مني رجعت ليوره
كلت بسرعه وخوف
شيخ انه خفت احجي لا يصير بيك شي
ابتسم وخله الگلب يدك بجنون كملت
اروح ماايصير نظل وحدنا هنا
انداريت كال بهدؤ
اوكفي ماكتلج روحي
وكفت بمكاني انداريت علي الوجه يضحك
خلي ايد بايد اخفي رجفه جسمي
قرب مني رجعت ليوره كال
بصوت متغير
تصدكين اذا كتلج انه حبيتج من اول نظره
وكفت وصفنت علي كمل
اول ماشفتج گلبي ماادري شصار بي حالي
تخردل يبنت علوان وكلت انتي مو
بشر حوريه نازله من
السما
صار قريب مني يحجي والعيون تحجي لهفته
حبيتج وانه مو عارف الحب ابد
نزلت راسي رجعت ليوره گضني من خصري
وجابني علي بهداوه ارتبكت بين ايده اريد صوتي
يطلع ماكو ردت اتحرك ماخلاني
كلت بتوسل
شيخ خلني اروح
مو شيخ انه يمج رضا وبس
رد عليه هالرد ولمني لحظنه دفعته من صدره
ماوخر لزمه ايده زادت قوه وحسيت بحراره جسمه
ودكات گلبه السريعه كلت بتوسل
عفيه عوفني
وخر مني بس ظل لازم خصري ماعاينت
اله اتنفس بقوه ومااعرف شصار بيه رفع حنجي
شفت الوجه صاير دم وملامح وجهه متغيره للفرح
كال
شكبر فرحتي بيج ياليله
حجه هالكلام وحبني من گصتي وخرت منه
اعدل بشالي واردد بخجل وتوتر وارتباك
اروح امي تصيحني
ههه اسمعها روحي الها
مشيت من يمه بسرعه احس نار اشتعلت
بيه خجلانه من السواه وبنفس الوقت فرحت لان
اجه برجلي واعتذر مني
رضا
استعجلت بزواجي من ليله وكلت لاهلها هلاسبوع
اخذ جهزت كلشي وانطيت الاذن الطرشه
لحليمه واهلها الي سوو
اليه اكثر من مشكله من ورة زواجي
اجت قبل
عرسي بكم يوم تتوسل ماازوج عليها
ومادرت بال الها لان گلبي انغسل من يمها
وكرهت حتى شوفتها
وجنت مبقيها لخاطر بناتها وبس
كعدت بالبيت وماراحت لاهلها عرفتها تريد تسوي مشاكل وي اهلي وليله من تجي وحذرتها بس
اتفك حلگها بكلمه او تسوي مشكله اوديها
لاهلها وبعد تحلم ترجع اليه
اليوم الحنه سويت غده للزلم ووكفت ارحب
بضيوفي ماشفت ليله ولا رحت لها
بس صفيه ماقصرت دزت
اليه صور الها
شفتها بليل من جنت متمدد بغرفتي لابسه بدله
حمره وطالعه تضوي بيها الخجل تارس ملامحها وكل
صورها ماتعاين للكامره حاجيتها
اخ منج هي صوره وتسوي بگلبي هيج لو تكضج
ايدي باجر شراح تسوين بيه
ليله
كاعده بيت اهلي لابسه بدله العرس وطالعه
اخبل وحلوه كلش على كلام البنات وامي الي كاعده
يمي وكل ساعه تمسح دمعتها جنت خايفه
من هاليوم وميته من الرعب
مااعرف شلون راح تمر هالليله امي هونت عليه
هالشي بس البنات ظلن يضحكن وياي
ويخوفن بيه
سمعت صوت هورن فزيت وعرفت اجوي حتى يزفونا خوات الشيخ طبن يهلهن هن وحبايبهم بيتنا
انترس اودام وره مشوار هو طب منزل راسه
ومبتسم كشخه مثل كل مره
بس عاين اليه نزلت
راسي وجسمي كله كام يرجف حسيت راح
امشي ويا للاعدام مو عرس هذا
كعد يمي ماحجه شي
اسمع الكل تبارك اله وهو يرد عليهم مشوار كام
امي كومتني وغطتني بالبركع وكاب ماخلت شي يطلع مني وكال
يم اذني
راح نطلع مااريدج ترفعين راسج
مارديت علي امي حبتني تبجي وانه وياها صفاء
مسحت دموعي وكالت بضحك
لاتبجين يمعوده راح يروح المكياج وتصيرين وجه السعلوه وهيانها امج يمج شمره عصأ وين رايحه
شوكت مااشتاكيتي الها تعالي عليها
امي كالت
امشي يمه وي زلمتج
تعالي وياي
جاي وياج
رجع ليمنا كادني من ايدي وطلعنا لبره سمعت
رمي وفزيت من خوفي كال
لاتخافين واصعدي بهداوه
هو صعدني وكعدني ليوره سد الباب واجه صعد
يمي كال
حرك زاهد
تامر شيخ
عرفته ابن حياة درت وجهي ادور امي حس
بيه وكال
امج وي علي هي والبنوات
لزم ايدي ردت اسحبها ماخلاني حجزها
بين ايده زفونا حوالين الديره ورجعنا ليل طبيت
بس انه نعيمه وخرت الكاب
تفاجأت من شفت حليمه حرمته
كاعده وتخزر بيه
امه تلكتني بالهلاهل وحبوبته اجت حبتني
وكالت
هلا يمه هلا بعروس رضا
ماكدرت ارد عيوني ظلت عليها لابسه فستان
ومرتبه روحها بس القهر طاعن وجهها
بناتها واكفات يم الباب
مشت من يمنا وهن وراها شفت التوتر بعيون
اهله كعدت امي يمي هي والبنات
المضيف مال بيتهم
انترس نسوان يهلهن ويركصن وره ساعه الشيخه
اجت ليمي وكالت
يله يمه كومي راح يزفون رضا
عاينت لامي بخوف كامت وكالت
يله ليله امشي وي عمتج
صوتي ماكو كمت جسمي كله يرجف وماعرف
شلون راح اتصرف بهل الليله
صعدت لفوك خواته وياي وامه وامي طبيت
لغرفتي وكفت يم امي صفاء خلت جنطه غراضي
على الميز سمعت هوسه جوه زاد
الخوف والم صار بمعدتي
الشيخه طلعت من يمنا اسمعها تهوس
هي وبناتها اله لزمت ايد امي بقوه كالت
يمه لاتخافين وارفعي راسي اني وابوج بهل اليوم
طب مبتسم وامه ويا عيونه صارت بعيوني نزلت راسي اريد اصيطر على رجفه جسمي
ماكو
قرب مني امه وكفت يمنا وكالت
مبروك يمه وشايف كل الخير والله يرزقك منها
الولد الصالح الي يفرح گلبك
امين يمه
رد عليها امي باركت اله وحبتني لزمتها مااريدها
تروح سحبت روحها مني وكالت يم
اذني
اروح يمه ومااوصيج بيضي وجهي
اني وابوج كدام الشيخ واهله
مشت من يمي هي وامه صافنه
عليهن الما سدن الباب عيوني اجت بعيونه
يعاين عليه ومبتسم درت روحي منه
گلبي يدك بسرعه وخايفه
من هالنظرات كال
واخيرا جمعتنا غرفه وحده
غمضت عيوني بقوه مشيت مااعاين اله
وكلت
اروح ابدل
تحركت ومااشوفه غير صار كدامي
ردت اوكع علي گضني من خصري وكال
وين رايحه خلي املي عيوني بهل الجمال
عفيه خلي اروح ابدل
ههه خاف تقفلين على روحج باب الحمام
وتخليني بالانتظار
سكتت قربني علي وكمل
ليش هالخوف تره انه مو وحش ولا راح اذيج
مارديت كمل بهدؤ
روحي بدلي خلي نتعشه لان الجوع ضرب عندي
بس هدني رحت بسرعه للحمام سمعت ضحكته
ترست الغرفه طبيت وسديت الباب ورايه
وكفت اتنفس سريع وگلبي
يدك بسرعه
اخذت نفس وذبيته اكثر من مرة وره دقائق
تذكرت انه مو جايبه هدومي وياي
ترددت يم الباب بعدين
فتحته ماشفته
رحت بسرعه فتحت الكنتور طب وارتبكت
كلش كال مبتسم
ها اشوفج مابدلتي
هاا مو نسيت هدومي
سكت مارد بس نظراته فاضحته اخذت دشادشه
بيت ورجعت بسرعه للحمام قفلت الباب
بدلت وفليت التسريحه
غسلت وجهي اريد
اوخر المكياج لان حسيت ثكيل على
وجهي كملت وظليت احور بالحمام
فزيت من اندك الباب مرة وثاني مره رحت اله
فتحته واكف يعاين عليه ومبدل هدومه
لابس گلابيه من شافني
شلابسه رفع حواجبه كال
تعالي تعشي
دار روحه وراح كعد يم صينيه عشه طلعت امشي
بتردد وصافنه علي من ذب الغتره
والعكال بين اصغر من عمره
بهوايه اندار عليه
نزلت راسي كمل
يله تعالي ليش واكفه بمكانج
رحت كعدت گباله منزله راسي قسم الخبزه وانطه
نصها اليه وكال
بسم الله
لف لفه وانطاها اليه كلت بسرعه
اكل انت
اكل من تاكلين
اخذتها منه هو بده ياكل خليتها بحلكي اعاين
لايده حلقتي باصبعه ومحبس فضه شذرته سوده
اكلت بس اللفه ومااعرف شلون
اكلتها سوه اللخ
كلت
مااريد مااشتهي اكلها انت
ابتسم وورد عليه
بس انه اريدج انتي تاكليها
سكتت لزم ايدي وخله اللفه بيها كام وكمل
اروح اجيب جاي وجكايري ماشربت اليوم وراسي
صدع
طلع من يمي رجعت اللفه وشلت الصينيه
ورحت خليتها على الميز رحت غسلت وطلعت البدله
وعلكتها بالكنتور رجع شايل كوبين بصينيه
وكال
تشربين جاي
اي
رديت مختصر جاب الصينيه للجربايه كعد
وخلاها يمه اشر اليه وكمل
تعالي اكعدي وريحي روحج ماراح اسوي شي
الا برضاتج
خجلت من عرفت هو عرف شنو البيه وبنفس
الوقت گلبي فك من البي رحت كعدت
يمه
اخذي جايج انه احب اشربه حار انتي هم
لا شويه يبرد واشربه
اخذ جگاره عاين عليه وسال مبتسم
راح ادخن تضوجين من ريحتها
لاا ابويه هم يدخن هو اخوتي ومتعلمه على ريحتها
ورث وسحب نفس يعاين لغير جهه ومبتسم
وره مشوار
مااعرف شصار بيه عيوني ثگلت وكمت اغفي حس
بي وكام كال
اخذي راحتج راح اكعد بره ادخن
اخذ جهازه وجكايره وطلع من يمي شلت الصينيه
وخليتها يم مال العشه رجعت للجربايه
مطمنه هو انطاني كلمه
تمددت اغمض وافتح عيوني على الباب اكول
هسه يطب عليه مااعرف شلون غفيت
حسيت ايده حظتني
واخذتني لحظن حار فتحت
راسي ثكيل شفت روحي بحظن رضا
ويعاين عليه بلهفه فزيت ماخلاني اتحرك كال
بصوت متغير
اش لاتخافين ماراح اذيج ليله
رضا عوفني
توسلت بي بدموع مااعافني ظل يحجي وياي
كلام ويتغزل بيه رفضته من خوفي
ماعافني ظل يسمعني
كلام حلو هدأت بين
ايده وسلمت روحي اله
لمتابعة باقي الرواية زوروا قناتنا على التليجرام من هنا
