رواية قصاص الفصل الثالث 3 بقلم جمانه السعيدي
لمار سحبتني نهال دخلتني للبيت وهي تحجي وتغلط على خالتي
بعد هاي المره مااجت خالتي للبيت
اما نهال بقت تحجي وتغلط منا لمن رجع بابا للبيت
بس دخل قبل لا ترد السلام استلمته
ناس ماتستحي كل يوم جايه ومسويه نفسه حزبنه ولاتدخل للبيت بس اني ماانطيته مجال
تريد تحرض هلمسكينه علينا
بابا استغرب من ردت فعله ....منو تقصدين
نهال...سمر كل يوم جايه وباقيه ببت اهلك خل تجي لمار اشوفه
اني ماقبلت كتله لمار ماتجي تعاي انتي شوفيه
اول ما اجت وشافته راسا يااا شو متغيره ضعفانه
تحرض بيه
شبيه متغيره شووو وجها يخبل
شنو ضعفانه اصلا صايره اسمن من قبل
تريدله بس سالفه حتى تسوي مشكله
بس اني ماتنطيتهزمجال كتله شنو قصدج ترا بيت ابوها خير من الله شنو جوعانه
بابا....ميخالف حبيبتي لا ازعلين نفسج اني اتصل على زوجها وخلي يمنعه من عدنا بعد ماتجي
لمار...خلص هذا النهار بااعجوبه لان نهال مابطلت تحجي على خالتي وتغلط
وكانما ماصدكت لكت شغله تحجي بيه
اني كلش انقهرت على خالتي لان احبه خالتي حنينه
وتحبني بس اني مااكدر الهاي السعلوه
سامعين المثل الي يكول ضربني وبجه وسبقني وشتكا
هذا على نهال اي شي يصير كبل تركض تسولف الموقف البابا بس تسولف على مزاجه بلشي الي يصرف اله
دمرتني حرفيا بس يدخل بابا للبيت تلزمه مثل ضله
على اساس تحبه ومهتمه بي
ماتخلي يجي يمي لو يسولف عليه ولا تخليني اقرب علي
وكل شويه وكالت اني راح اجببلك ولد
اني راح اجيباك ولد يرفع اسمك
اني ام الولد اني العزيزه
تحاول تقهرني لان تحس اني الشي الوحيد الباقي يذكر بابا
باامي على هذا الأساس كانت تنتقم مني كل يوم
وارجع وواكول اني جبانه اني خوافه كنت أخاف منه واسكت مااحجي اي شي البابا
شكد ندمانه على هذا السكوت لان سكوتي خلاها تتفرعن عليه ودوسني اكثر
كنت أخاف منه لان احسه قويه ومسيطره
وقادره جمانه السعيدي وحده مثلي مستحيل تكدر عليه
بيوم كلش مريضه ومقهوره بقيت نايمه حتى مارحت للدوام بابا استغرب
بابا...ليش نابمه حبيتي هي تتخبل لو كال حبيبتي عليه
لمار...تعبانه
بابا...شببج شنو يوجعج
لمار...تعبانه وبلاعيمي يوجعني
بابا...خاف افلاونزا
لمار...بمكن لان البارحه بقبت اغسل بلفراشات والدنيا بارده
بابا...وليش تغسلين الفراشات
نهال...ياحبيبي هسه انت مااخر نفسك علمود لمار روح عيني اتاخرت واني هسه اسويله ريوك وانطيه
علاج وتصير زينه
بابا...اي اني اتاخرت بابا اذا حسيتي بتعب اكثر اتصلي عليه واني اجي اخذج للمستشفى
لمار راسا نهال سحبت بابا من ايده وطلعته من الغرفه
نهال...روح عيني مالك شغل بيه هذا دلع شنو يعني شوية فلاونزا لاتخاف عليه هسه تصير احسن
طلع بابا واني كمت ابجي حتى ماتعوفني احجي اي شي
لو تخلي بابا يهتم بيه
ماتغبل تغار ماتقبل يسئلني شبيج تريد الاهتمام بس اله
راسا رجعت عليه للغرفه
كمشتني من شعري واني نايمه
نهال...اسمعي لج هاي السوالف مو علبه مسويه نفسج مريض وتتشكين الابوج شنو غسلتي الفراش
ترا ولي خلقج ياا لمار اذبحج وادفنج هنا بلحديقه
واضم ملابسج واكول انهزمت هي وصاحبه
واخلي ابوج سالفه بكل الحلوك
وانتي تعرفيني زين اني اسويه ماعندي مانع
اذا ماتمشين عدل ادمر حياتج تشتغلين وانتي ساكته
وابد مااسمع صوتج فهمتي لو لا
موزين مني وعايفتج بلمدرسه
وله انتي مكانج الحقيقي هنا تخدميني اني حامل ومااكدر
هاي اخر مره اسمعج تشكين الابوج
يله كومي بسرعه نضفي البيت اني مااكدر اشتغل
وبعد اسمعج تشكين الابوج
لمار كانت تحجي بلغت تهديد وكلامه كله ثقه
خفت منه اي خفت هاي مو مره هاي شيطان والعياذ بلله
كمت واني ارجف كلني من الصخونه نضفت البيت
ورجعت تمددت راسا جابتلي علاج كالت اخذي هاي الحبايه
كون تموتين واخلص منج المن باقيه على كلبي
موتي ورا امج وخل اخلص منح
اخذت العلاج ونمت جمانه السعيدي ماحسيت غير بابا راجع من الشغل ويحاول يكعدني
بابا...لمار حبيبتي ليش نابمه صرتي احسن
لزمني بابا حبيبتي مصخنه
كومي اخذج للمستشفى اني مااعرف هيج مصخنه
اتصلت على نهال كالت اخذت علاج ونامت
لمار.بلاعيمي حيل مطبكات ومااكدر احجي راسا كمت
بابا....نهال تعاي ساعديه تغير ملابسه
نهال...اي حبيبي
بابا طلع وهي كرصتني من زندي حيل مسويه نفسج
تردين تموتين تردين ابوج ينخبص بيج
اني اعلمج يله هاج بدلي
لمار...بس اني مااكدر
نهال...شبيج ماتكدرين جنج حصان شنو يعني فلاونزا متعجبه
لمار بدلت وطلعت اخذني بابا ضربني ابره وجابلي علاج
واجا
بس دخلنا للبيت لاكتنا بلباب
نهال... هاا حبيبي شلون لمار
بابا...بلاعيمه كلش ملتهبات اني صوجي الصبح مااخذته
نهال..وشنو العلاج
بابا ..اخذت ابره وجبتله بندول وشراب موسع قصبات روحي حضرليه شوربه حتى بلاعيمه ينفتحن
لمار...بقيت ممده بغرفتي وبابا كاعد بصفي على الجربايه
وكامش ايدي
وهي راحت تحضر شوربه
شويه واجت جايبه شوربه عدس
نهال..حبيبي ضهري انكسر من الوكفه
بابا...سلامتج حبيبيتي عاشت ايدج
ثاني يوم صرت شويه احسن قررت اروح للمدرسه حتلو مريضه ولا ابقه بلبيت يمه
مااعرف كميه الخباثه والحقد هاي منيين جايبته
تحس اني ضرته مو بت رجله
اما خالتي من بعد المشكله الاخيره واتصالات بابا بزوجه
بطلت تجينا للبيت
كامت تجيني للمدرسه تشوفني وتطمن عليه
بعد ما بابا اتصل على زوجه وكاله من تجي تسوي مشاكل
بلبيت بعد لا نجي مااريدها توصل البيتنا
اول مره اجتني
دزو عليه للصف كالو تعاي يردوج
بس دخلت وشفته حضنته وكمت ابجي
عبالك شايفه امي
هي تبجي واني ابجي
خالتي...ليش تبجين حبيبتي الله يضلم بلضالمبن
اضربج هاي الحقيره مبينه مسمومه
لمار ماكدرت احجي لان المديره كاعده وثنيين من المدرسات خفت الموضوع يكبر وتصير مشكله هلمره حقيقيه
واني ماصدكت خالتي تجيني اشوفه
لمار...لا خاله مابيه شي بس مشتاقتلج
خالتي...ياا حبيتي ياعيوني انتي اني الي مشتاقه
ليش هيج متغيره وذبلانه
لمار...من الدراسه لا تخافين مابيه شي
خالتي...شوفي اذا اي احد يااذيج بس رددي حسبي الله ونعم الوكيل علي ورب العالمين راح ياخذ حقج منه
هاي المره عدت على خير ومحد عرف خالتي اجتني للمدرسه
ثاني مره نهال شافت الملابس الي جابتهن خالتي
من رجعت من المدرسه
اني خالتهن وياا الكتب شلون شافته ماادري
يمكن حست الجنطه جبيره
راسا فتحت الجنطه وطشرت الكتب
نهال..منيلج ذني الملابس
لمار سكتت
نهال..لا اسكتين احجي
راسا لزمتني من شعري وكامت تاخذني وجيبتي احجي منو الي جابلج هاي ااملابس
خاف مصاحبه ولج اليوم اخلي ابوج يدفنج هنا
احجي منيبن هاي ااملابس
لمار...اي اي عوفيني خالتي خالتي جابتهن
نهال..وخالتج وين شافتج
لمار...اجتني للمدرسه
نهال...هااا يعني ماتابت من هذيج المره هلمره اله اسويه عليه سوده ومصخمه
لمار...انتي شتريدين منه احجي ودموعي تنزل
نهال...هااا شوفي شلون عبت راسج انتي من يمته تراددين
اليوم تراددين باجر اضربيني عكبه تنهزمين من البيت
دخلت ابدل ملابسي وماطلعت بعد اجا بابا
نهال...هلو حبيبي
بابا..هلو وين لمار
نهال...تعال شوف خالته التحفه رايحتله للمدرسه ومعبيه راسه علينا اجت مناك تغلط عليه وتفشر وتسبني
بابا...لمار لمار ماتغلط
نهال..شنو قصدك اني اجذب ادخل شوف الملابس جايبتله
شنو احنا مقصرين وياها
والنوب تارسه عقله حجي علينا اشكال واللوان
دخل بابا للغرفه لكاني ممده بملابسي مال المدرسه
بابا...صدك خالتج تجي للمدرسه
لمار...دنكت
بابا..احجي تجيج
لمار...اي
بابا..وشتريد اني مو اتصلت على زوجها وحذرته شتريد
عايشين بسلام ليش تدخل بحياتنه
لمار...بابا متريد شي بس شافتني وراحت
بابا...اني راح اتصل على المديره تمنع عنج الزيارات
واذا ينعاد هذا الموقف اشتكي عليه بلتربيه
ماحسيت غير بابا يتصل على المديره ونازل عليه حجي
ويهددها يشتكي بلترببه
يعني نهال مصممه تخليني اقاطع العالم كله
تريد تستفرد بيه حتى تعذبني براحته
من بعد هلمره ماشفت خالتي بس العامله الي بلمدرسه كالت اجت تشوفج والمديره طردته من المدرسه
بفتره الامتحانات نهال جابت وراحت بيت اهله
واني رحت البيت جدي وعماتي يقرني علمود الامتخانات
والحمد لله حسيت نفسي خوش جاوبت
لان خلصت من هاي السعلوه
ارتاحيت بيت جدي
بابا كل شويه وكال ترحين تشوفين اختج
لمار...لا مااريد اروح
بابا...ليش
لمار...من تجي اشوفه
نهال جابت بنيه مو ولد واني صارت عندي اخت بس مافرحانه بيه ابد
لان مااحب نهال ماحببته
ردت روحي بيت جدي اكل وانام وماكو اي ضغوطات نفسيه
عليه
حتى همه فرحانين بيه لان من ازوج بابا كمت مااجيهم
بسبب نهال
بيبي جانت حاسه بيه ومتاكده نهال تعاملني موزين
بيبي...نهال اضربج
لمار....بيبي هاي مو انسانه طبيعيه بمكن عدها أمراض نفسيه
تحتار شسوي
وماتربدني اقرب على بابا ابد
حتى لو يصيح باسمي تتخبل ودها تموتني حتى بابا يبقى بس اله
بيبي...هسه صارت عدها بنيه وراح تعرف شنو الضنه وتغير معاملته وياج
اني جنت حاسه هي وياج مو زينه
بس بعد الفأس وكع بلراس وجانت حامل ما اكدر اسوي شي بلكت تتعدل من صارت ام
لمار...انشاء الله ولو اشك تتعدل ابو طبع مايغير طبعه
هاي حيه تغير جلده بس ماتغير طبعه
للحكايه بقيه
لمتابعة باقي الرواية زوروا قناتنا على التليجرام من هنا
