روايه حظ عاثر الفصل الثالث بقلم ليل ادم
ادهم : ملكيش حل والله ياست الكل انتي
الأم: صحيح عملت اي النهارده
أدهم: والله في واحد مش عايز يسبني في حالي كل شويه يعملي مشكله
الأم: بجد
ادهم: اه والله راجل رخم ارخم من عم سمير البقال اللي تحت ده
الأم : صحيح عرفت اللي حصل ل عمك سمير
ادهم : أبوس ايدك اقفلي جهاز الموساد اللي اتفتح مره واحده ده وركزي في حاجه واحده بس ياما
الأم: اي هيا
ادهم : بكره الساعه سبعه ونص صحيني بلاش بقا حد من الجيران يتصل بيكي فضولك ياخدك تنزلي وأنا اروح في داهيه
الأم: أنا كده برضه يا ادهم
ادهم : حقك عليا ياست الكل انتي مش كده أنا اللي كده بس وغلوتي عندك بلاش بكره على الأقل
الأم: خلاص ادخل نام يا حبيبي انا هصحيك
ادهم : الله يرزقك ياما ( وبيضحك)
الأم: قولتك مش بحب كلمه ياما دي اسمها ماما أمي
ادهم : تصبحي على خير يا مامي
الأم: وانتا من اهل الخير يا حبيبي
في الصباح فاق ادهم على صوت تليفونه فتح المكالمه
ادهم : ألو
رحاب : ادهم انتا فين
ادهم : مين معايا
رحاب : أنا استاذه رحاب انتا لسه نايم
ادهم : ( قام وقف من على السرير بص على الساعه كانت عشره ونص مبقاش عارف يقول اي ل رحاب )
رحاب : ألو
ادهم : مع حضرتك يا استاذه
رحاب : انتا لسه نايم
ادهم : حضرتك مش النهارده ٢٥ يناير المفروض اجازه
رحاب : يناير اي يا ادهم إحنا في شهر أربعه
ادهم : اه منا قصدي النهارده ١٢ أربعه يوم اليتيم
رحاب: لو حتا يوم اليتيم انتا مالك يا ادهم
ادهم : منا ابويا مايت
رحاب : ادهم أنا طالعه نيابه ----؛- قصادك بالظبط ربع ساعة مكنتش هناك هقول ل غاده انك جاي النهارده متأخر
ادهم : خمس دقائق وهكون هناك
رحاب : ويوم اليتيم
ادهم : ربنا معاه سلام ( قفل المكالمة وخرج كالعادة كانت أمه تحت مع الجيران خلاص لبسه وقابل أمه على السلم )
الأم: بسم الله ماشاء الله ابني ده يا هاجر
ادهم : هو انتي بتعرضيني للبيع مش قولتلك سبعه ونص الصبح
الأم: اعمل اي طيب مش هاجر جت وكانت عايزه تشوفني
ادهم : حسبي الله ونعم الوكيل في كل سكان العماره واحد واحد يا شيخه ( وبص ل هاجر ) انتي هاجر
هاجر : اه
ادهم : منك لله يا بعيده ( ونزل جري على السلم وصل ل رحاب )
رحاب : حظك حلو كنت لسه هتصل على غاده
ادهم : معلش كنت فاكر النهارده اجازه بس طلع النتيجه عندي فيها مشكله
رحاب : أنا شوفت الملف بتاع امبارح وشوفت الملخص بتاعك برافو عليك
ادهم : دي اقل حاجه عندي والله يا جدعان أنا بس محتاج فرصه
رحاب : انتا محتاج تبطل صياعه مش فرصه
ادهم : تشربي قهوه
رحاب : لا احنا الجلسه اللي جايه
ادهم : خلاص أنا اروح اجيب القهوه اقعدي هنا عبال ما أجي لو حد ضايقك قولي من طرف ادهم
رحاب : طب روح ياعم السيطره
( راح ادهم يجيب القهوه وخد معاه الشنطه بتاعت رحاب اللي فيها كل اوراق القضية وبعد خروج ادهم كان دور القضية جه وهنا اكتشفت رحاب أن الأوراق كلها مع ادهم دخلت على وكيل النيابة مع العميل وللاسف مش عارفه تقول اي حاجه عماله تأخر الوقت لحد ما يجي ادهم وبتتصل على ادهم عمال يكلسن عليها )
وكيل النيابة: يا استاذه طب لو حضرتك مش جاهزه ممكن نعمل تأجيل
رحاب : لا والله تمام بس حاسه بعدم اتزان شويه
وكيل النيابة: طب تحبي اجيب لحضرتك حاجه تشربيها
رحاب : لو سمحت في شاب اسمه ادهم معاه الشنطه بتاعت أيدي فيها البرشام بتاعي لما بوصل ل الحاله دي ممكن حد من عند حضرتك يجيبه من الكافتيريا
وكيل النيابة : ( طلب من الحرس يبعت فعلاً يجيب ادهم )
في جانب آخر
أدهم : ( مع صاحب الكافيه ) بس مكنه القهوه دي غاليه علي كده صح
صاحب الكافيه : اه بالذات بعد ما بقيت الشباب تعملها مشروع في العربيه
ادهم : بيجيب همه يعني الموضوع ده
صاحب الكافيه: اه طبعا يا استاذ ادهم أنا فاتح الكافيه ده من ورا العربيه
ادهم : طب والله كويس والبن بتاعك موت كمان بصراحه
صاحب الكافيه: والله عجبك
ادهم : أنا شارب اتنين قهوه ياعم لحد الوقتي لما حاسس ان قلبي هيقع
صاحب الكافيه: أسمها قلبي هيقف
ادهم: لا هيقع من الفرحه اني عرفتك ياحج على
صاحب الكافيه: ( بيضحك) والله انتا عسل يا ادهم بيه
حارس المحكمة: ( بصوت عالي) في حد هنا اسمه ادهم
صاحب الكافيه: الحق بيسأل عليك
ادهم : هو في حد يعرفني هنا غيرك يا حجوج
الحارس : استاذ ادهم يا جماعه لو فيكم حد اسمه ادهم شغال مع محاميه
ادهم : لا كده شكله أنا يا حجوج
صاحب الكافيه: طب رد يابني مستني اي
ادهم : قولت يمكن يكون حد غيري وبصراحه قعدتك حلوه ياعم على
الحارس: يعني مش موجود
ادهم : اسمها استاذه رحاب
الحارس : اه
ادهم : اه أنا
الحارس: يا اخي منا بقالي ساعه وقف قصادك الست تعبانه والبرشام معاك في الشنطه
ادهم : ينهر اسود الشنطه معايا ياله بسرعه
وصل ادهم مكتب وكيل النيابة دخل المكتب
رحاب : ( بصوت واطي) كنت فين الله يحرقك
ادهم : صاحب الكافتيريا اغما عليه وكان حوار كبير غصب عني والله
رحاب : هات الشنطه
ادهم : اهي يا سيطره
رحاب: هات يا آخره صبري
بعد انتهاء الجلسة
رحاب: انتا كل ده كنت بتعمل القهوه
ادهم : اعمل اي بس يا استاذه بعدين مش الحمد لله الموضوع أتلم
رحاب: الحمد لله
ادهم : المفروض تقوليلي تعالي اشرب قهوه على حسابي شاي عناب
رحاب : تعالي أنا عايزه فعلاً اشرب قهوه دماغي وجعاني
ادهم : ألف سلامة على دماغك يا استاذه
خدت فعلاً رحاب ادهم على كافيه بره المحكمة خالص
العامل : تشربي اي
رحاب : عايزه قهوه وشوف الاستاذ يشرب اي
العامل : تشرب اي يا فندم
ادهم : سندوتش اي حاجه لحسن عندي هبوط غريب
رحاب: هتشرب سندوتش
ادهم: انتي فطرتي أصلا
رحاب: لا لسه
ادهم : سيبك من القهوه وهات لينا فطار
رحاب : مش هفطر الوقتي أنا
ادهم : روح انتا ياعم أنا هشوف الموضوع ده
العامل : طب تحب تطلب اي
ادهم : هات اي حاجه أن شالله اطباق فاضيه
العامل : تمام
رحاب: يابني هو انتا تعرف اي جوده الأكل هنا علشان تاكل من اي حد كده وخلاص
أدهم: هو أنا كنت هشتري المحل علشان اعرف الجوده أنا يدوب هفطر بس
رحاب: والله مش طبيعي
ادهم : ياخبر
رحاب: في اي
ادهم : نسيت العربية عند المحكمه
رحاب: خليها آخر اليوم هجيبك هنا تاخد العربية
ادهم : اخاف تتسرق
رحاب : ( ضحكه بصوت عالي) هيا دي فيها حاجه تتسرق
ادهم : اه والله فيها الطمع وبعدين دنا لسه جايب فيها طفايه حريق ب ٦٠٠ جنيه نفسي أجربها والله تخيلي الطفايه أغلا من العربية
رحاب: ( بتضحك ضحك هستيري من أدهم)
ادهم : اه والله بتضحكي دانا نفسي العربية تولع علشان اجرب الطفايه دي
رحاب: وجبتها ليه يا فقر
ادهم : كنت بجدد الرخصه لقيته بيقولي فين طفايه الحريق قولتله هيا دي لو أتحرقت محتاجه طفايه حضرتك قالي أما محتاجه اي قولتله جردل مياه وكتير عليها كمان
رحاب: وبعدين
ادهم : زعل اوي وعملي علامه غلط وقالي تعالي ومعاك الجردل كمان شهرين يا خفيف
رحاب: وعملت اي
ادهم : روحت ومعايا الجردل ( وبيضحك)
رحاب: لا بجد انا اول مره اضحك كده
ادهم : ياستي ليكي عندي كل يوم خروجه من دي
رحاب: ياستي وسيطره وخروجه دنتا ضايع
ادهم : والله الراجل اكله حلو اوي
رحاب: اه فعلا
ادهم : ( نده على عامل الكافية) حسابك كام
رحاب : لا مش هينفع استنا يا ادهم
ادهم : لا والله ابدا المرادي عندي خود امسك
العامل : ثواني هجيب الباقي لحضرتك
ادهم : تمام
رحاب: غاده بترن عليا
ادهم : ردي عليها
رحاب : ألو
غاده: انتي فين يا رحاب
رحاب: جايه على المكتب
غاده: طب بسرعه علشان في مشكله
رحاب: خير
غاده: تعالي بس بسرعه ادهم معاكي صح
رحاب : اه
غاده: طب تمام ياله بسرعه بس ❤️❤️❤️❤️❤️❤️❤️❤️الفصل الرابع من هنا
بدل ماتدور وتبحث علي الروايات خليها علي تليفونك وحمل تطبيقنا
