رواية بين الحب والأسر الفصل الثالث 3 بقلم أمل مهدي

رواية بين الحب والأسر الفصل الثالث 3 بقلم أمل مهدي

مهم جدا ادوسون النجمه

وتعلقون حتى لو بحرف 

حتى تصعد القصه 

والكم جزيل الشكر والامتنان

""""""""""""""

  بين الحب والاسر

بقلم // امل مهدي //

البارت الثالث

"""""""""""""""

وسام.....

اني وسام ابن عائله غنيه ابويه صايغ بالكاظميه وعمامي هم صياغ احنه ٣ اولاد وسام وحسام

وسامر امي افتخار وابويه عزيز كل الكاظميه تعرفنه

بيتنه بحي الجوادين 

اني مدلل البيت سياره كرونه ابويه مشتريلي اطلع واتونس اني واصدقائي رسبت بالسادس ٣ سنوات ورحت عسكريه وصار سنه ابويه ينطي هدايه وفلوس علمود ما ينقلوني للجبهه وهلمره واسطتي لواء جابني بهاي الدائره حتى يبعدني عن الجبهه

اول يوم داومت انسحلت موظفه

اخذت عقلي جمال ما شايفه قبل

وجه طفولي بيضه والشعر بني بلون اعيونه النعسانه

خربطت احوالي

كمت كل اشويه ادورلي عذر حتى 

اروح للشعبه واشوفه

ومن اشوفه عيني تقفل تريد تشبع

منه

حتى هيه لاحظت صفنت ابوجهي

اسمه سراب

شكد حلو اسمه

اصلا كلشي حلو بيه

عزيز.....

افتخار وينج..

افتخار.......ها عيني يمك ليش اصيح

عزيز.......وسام اجه

.......اي اجه وكبل على غرفته

.......صيحي خل اشوف اسوه

.......امبين فرحان يمكن مرتاح ابمكانه هذا

وسام ماما ....تعال ابوك يريدك

وسام..... ها بابا

...مو كتلك خابرني من ترجع

وين حطوك اشلونه مكانك

وسام........خوش مكان بس فراش مال موظفين جيب طلبات وودي طلبات

........بابا نعمه تدري اشكد كلفني مكانك اتحمل يوميه داوم ولتزم

تره لا دكول لواء واسطتي وقويه...

همه كلهم واحد يخاف من الثاني

وسام.......واني اشكايل هسه....

........اي عفيه ابني لا ضيع تعبي

بس احد ينغث منك گبل للجبهه الداير مدايرك كلهم ضباط يأمرون وينهون

افتخار......يمه اسم الله لا تفاول عليه ياجبه

غير اموت...

........لعد دائما انصحي تره ابنج مو وحد عن ولد العالم بس الفرق احنه عدنه افلوس ودننطي الخاطره

سراب......

ليش ما يروح من بالي وين ما التفت

اتخيله واكف كدامي 

ونظراته شگد اثرت بيه

اول مره احس ولد عجبني

بس والله موبس اني باوعتله حتى مياده المسمومه هم كصته كص

اول مره اباوع على شاب

اني عمري ما فكرت بهاي السوالف

اروح بدربي واجي بدربي 

تفكيري كله دراستي

وشلون اساعد ابويه

فززتني امي.....

يا اشبيج.....صار ساعه اصيح

وين صافنه

سراب......وين صافنه يعني

اميره.....اليوم ام مهدي اجتني خطابه على شيماء لابنه ابراهيم

سراب.....ايي ...كلتي الابويه

.....اي كلتله...اول مره ما قبل كال زغيره ومدرسته اشلون واني كلتله خوش قسمه اشرط عليهم اتكمل

وشوف

سراب......اي زين سويتي

.........الجمعه يردون يجون مشايه لازم ارجع خبر لام مهدي

سراب .....اي يمه اخذي الموافقه على الشرط كبل ما يجون

امي كالت لام مهدي بعدها زغيره ابوهه يكول اريدها تكمل دراسه

ام مهدي....اي يعيني تكمل عدنه شكو بيها

اميره....يعني ما عدكم مانع تكمل دراسه

....والله يعيني هو ابراهيم يگول اتكمل بعد ما علينه بيهم

الجمعه.....

طبكت ٤ سيارات اخوان ام مهدي وعمام ابراهيم من الصبح اباب ام مهدي اجو من تكريت اتغدو يمهم

وللعصر طبو علينه زلم معكله ونسوان

الاستقبال والهول انترسن وخلينه كراسي بالطرمه

ابويه احتار ما عدنه گرايب غير عمي محمد ومقاطعه 

اضطر يدز عليه مجرد كدام الناس للخطبه

وحضر اصدقائه ٢ ابو حيدر وابو فاطمه وجيرانه ابو عباس وابنه

وعاد عليهم الشرط وكال اني لام مهدي اكبعه وانطيه بس اريد تكمل دراسه

ابو عزام...

والله ابو رائد احنه اليقدر اختنه نخاوي ونشيلو على راسنه

وانته من هسه اخونه وعضيدنه مو نسيب وبس

والي الشرف احط ايدي بأيدك

وانه گدام الحاضرين 

احط غايبه عشره وحاضرها عشره

غاليه وبنت غالي

قروه الفاتحه

وتمت الخطبه ولبسوهه سوار ومحبس وحلقه يسموها الهديه وحطو خمس الاف

مبلغ للنيشان وراحو هذا كله من ابو عزام ...

وحددو الزواج من يتخرج ابراهيم من الدوره ويصير ضابط

شيماء ....

اباوع للحلقه ما مصدكه

......يمه كلبي راح يوكف معقوله صرت لبراهيم

سراب.......اثكلي شبيج شيماء

......راح يطلع كلبي من صدري من الفرح ما مصدكه سراب

تدرين هو هم فرحان كال اليوم تحققت كل الاماني

سراب.....الله يتمملكم على خير حبيبتي

.شيماء...ويرزقج واحد يحبج مثل ابراهيم يا رب....يا سراب بنت اميره

......ههههههه شبيج ولج گمتي اجدين بيه

.......حضنتني سراب اني فرحانه

اريد اركص اريد اغني ...وتهز بجتفه هيه وشهد...

......اباوعله

الحمد لله ابراهيم يحبه ووفه وياها چنت خايفه عليها 

ابراهيم اترخص من ابويه يبلش بمعاملة الزواج لان يرادله وقت وموافقات

ياالله اتم

وابويه بالعكس ساعده

سراب......

كل يوم من ادخل الشعبه اشوفه واكف على صفحه يباوعلي ويبتسم

واني ارتبك ومدري شيصير بيه

هسه اشبيه غير حالي حال الموظفات ليش ارتبك من

عيونه تباوعلي

صار اسبوعين بديت اتحاشه نظراته

المفضوحه وهتمامه الزايد ابشعبتنه

لان مياده بدت تراقب.....

دخل وسام...

ست مديحه المدير يريد البريد

مديحه ......اي وسام هسه اكمله

بهلاثناء

دك تلفون اشعبه 

مياده......نعم استاذ ..الكتاب كملته

منو سراب نعم تمام

اللتفتت عليه...عيني ست سراب

....نعم

.....نعم الله عليج المدير يريد

توديله هذا الكتاب

اظاهر اشتاق.......

وكفت اخذ الكتاب وخزرته

وسام جان واكف يباوع وسمع كلشي

طلعت للمكتب مال المدير

واني اعصاب الى متى اسكتله

مياده بدت تتماده...اخاف اشكيه للمدير ...اخاف تكبر وصير مشكله

دكيت الباب...

......مبين كان منتظرني...تفضلي سراب

....استاذ هذا الكتاب...كان امبين بوجهي ضايجه

مقدم خالد.......يباوعلي واشرلي براسه بمعنى شكو

.......ماكو شي

.......ههههه اني حافظج اصلا وجهج

ميكذب

.......ما كو شي والله

.......اذا احد ديضايقج كولي

.....ابتسمت...يعني اذا ضايقني احد 

شسويله

........هههه وعيونج اودي وره الشمس

....ابتسمت والله كلامه حلو حتى نساني مياده الحقيره 

رجع ليورى ارتجى على الكرسي

وبين انو مهتم.....

.....هسه ما كلتيلي اشبيج

......ماكو شي

.......ها ماشي 

.......اترخص استاذ

.....تفضلي

دخلت ضايجه وطلعت مبتسمه

حلو اتحس انو واحد مهتملك ويعرف اشبيك من نظره...

استاذ خالد ارتاحله .......

وكلامه ويايه دائما 

يبعث بيه التفائل والراحه

طلعت وتفاجئت ابوجهي وسام 

عيني اجت ابعينه 

تستفسر مدري تعتب

تعديته ومشيت لان وكفته ونظرته مو طبيعيه

انتهى الدوام 

طلعت متجه للخط مالتنه لاكاني مستخدم هم بالدائره نعرفه اسمه حسن كال

........ ست سراب تلفون يردوج

بالشعبه...اني رجعت الموظفين اكثرهم طلعو

لكيت وسام واكف اباب الشعبه 

استغربت

وسام ......ست سراب اسمحيلي دقيقه

......خلي اشوف التليفون

.......ماكو تليفون هذا عذر حتى احجي وياج.....ارتبكت الطابق فارغ بس حسن واكف ليغاد

.....شتريد وسام

.......سؤال وجاوبين عليه كلشي ما اريد

عندج علاقه ويه استاذ خالد ؟ 

........خزرته انت اشكاعد تحجي

........بس جاوبيني ارجوج...ومبين عليه مثل مقهور 

.......يعني اصدكني اذا جاوبتك

.........اي ريحيني وجاوبيني

........استاذ خالد مديري وصديق ومعارف مو اكثر

........ابتسم وكال ها هيه لعد فهمت كلشي

........شنو الفهمته

..........عوفج مني بس احذري من ست مياده تره تكرهج

........ابتسمت ادري....هسه اروح؟

........مد ايده بيه ورقه هذا رقمي 

اتمنه اذا صار عندج وقت نحجي

واذا ما تردين شكيه الورقه وذبيه

.......باوعتله ومديت ايدي اخذت الورقه شي بيه دفعني ما اعرف

ليش

اخذت الورقه واني ارجف اول مره يصير هيج ويايه

ضميته بالجنطه

وطلعت بسرعه متوتره

وخلصت باقي اليوم بتوتر وافكار تتصارع ابراسي

مره اللوم نفسي لان اخذت الرقم منه ...

ومره اطمن روحي واكول اشوفه شيريد...

اول مره يصير ويايه هيج

مرن اسبوعين واني كل يوم اريد اخابره واتراجع

وبالدائره نظراته تلاحقني بس ابد ما حاجاني 

من ذاك اليوم

اليوم جمعه ..عطله وكاعده بالبيت اخيرا قررت اخابره

الجو صيف وبليل انام بالصطح ...انتظرت الكل نام ونزلت بحجة الحمام...ماكنت محتاجه غير 

دقايق

دكيت الرقم بالتليفون الارضي

لازمه السماعه على اذني وعيني تراقب الدرج اخاف احد ينزل وكلبي

مثل الطبل اول مره اسوي شي من ورى اهلي

و

اول مره احس بروحي خايفه وخجلانه بنفس الوقت

دكتين......واجاني صوته...

وسام

الو سراب.......

ضليت ساكته اشويه

سراب احجي تدرين صار اشكد انتظر هذا الاتصال

سراب لا تعذبيني ردي عليه

عندي اهوايه حجي اريد اكوله الج

الو تسمعيني...

....جاوبته بهمس اسمعك

آآآآآه ...آه لو تدرين شكو بكلبي

......وسام انت شتريد مني

.......اريد احجيلج من يوم الشفتج

ولهاي اللحظه شنو الاحس بي 

.......انت متعرفني ولا اني اعرفك 

........ اني احس اعرفج من سنين يمكن من انخلقنه

من اول يوم شفتج سكنتي گلبي 

وحتليتي كل شي بيه

.....مدا اشوف بعد وكت على هلحجي 

....ما اصبر صار شهرين احجي وياج بيني وبين نفسي

كل احلامي صارت انتي

وكل امنيه ما عندي غيرج انتي

.....ما انكر كلامه اخذني وبدل الدقايق صارت نص ساعه اكثر الوقت استمعله...

سديت الخط ... هاي مكالمته كلبت كياني ليلته مانمت خلصته اباوع للسماء اول مره اشوف الليل حلو والنجوم تلمع

ظليت اتگلب ما نمت احساس بداخلي حلو حبيته اول مره

امر بي 

طلع

الفجر واني نسمه طايره

فوك الكاع

خلصت الليل احلم ابوسام وكلماته

الفجرت كل احساس بداخلي......

كمت بدلت ملا بسي ووكفت انتظر الخط مال الدائره ....وصلنه دخلت 

الدائره والمح وسام اباب الاستعلامات واكف ويه اثنين ولد

صبحت عليهم واني امنزله راسي اخاف عيوني تلتقي بعيونه 

ونظراتي تفظح البداخلي

وقعت ورحت الشعبتي

مديحه....وسام عفيه جاي راسي يوجعني.....بنات تردون

مياده كالت اريد واني هم اشرت ابراسي

جابلنه الجايات ووزعهن علينه من وصل يمي كانت عينه ابعيني

وابتسم وطلع من جيبه باكيت بسكت وخلى على الميز

مياده .....ما يفوتهه شي

فضوليه بعد....شافته

مياده.......بس اله بسكت ..اي عيني 

لو ادري شمسويه الكم الكل يداريه

....اني بتسامتي اختفت...وشلت البسكت وخليته يمه على الميز

هاج اني ماحب البسكت

وسام كال......هسه اجيبلكم ولا يهمكم

ومر اليوم عادي بالشغل راح تبدي المدارس وهاي اخر سنه الي بالتجاره

متامله اتخرج حتى اصير بمكان احسن

استاذ خالد كلي حتى اطلعج ايفاد ويايه بيه مكافئات وحوافز وراتبج يتعدل

رغم هسه ما مقصر المكافئات

ينزل اسمي حالي حال مياده ومديحه واصلا امدللني

اكثر منهم

علاقتي ويه وسام حلوه يعشقني 

حد الجنون كلامه رقيق وحالم امتلكني بعسل كلامه ورقة احساسه

ثلاث اشهر نتكلم بالتليفون ومرات اكعد على المكتب بداية الدوام 

الكه رساله او ورده او هديه بالمجر مالتي قبل ما اجي بلحظات يخليه يعبر عن شعوره وحبه الي

وعذابه وهوه يشوفني كدامه وما يكدر يحاجيني

بده يشكي ويذمر من دخولي على مقدم خالد.....يغار اذا احد يحاجيني

ويعصب بس ما يكدر يحجي

يرجع بيتهم ويظل امكابل التليفون

بلكت اتصل......

وسام......سراب اني ما اتحمل بعدج عني راح افاتح اهلي واخطبج

سراب........خلي اكمل هاي السنه

ليش تستعجل

....نزوج وكملي ابقي بوظيفتج اني ما امانع المهم اتكونين يمي

بعد ما اتحمل

...وسام ما صارنه ٣ شهور 

....شنو ما متاكده من مشاعرج اتجاهي

.....لا طبعا انت كل دنيتي بس ليش الاستعجال ياعيني

خل نصبر فد سنه بلكت تفض هاي الحرب وتسرح من الجيش

....هاااا هسه عرفت ليش ما تردين ترتبطين بيه

لان تستحين مني اني جندي مستخدم ....وانت موظفه

.......لا ابد والله فلا امفكره بهذا الموضوع

....بدون ما تحجين صحيح

الناس متعرفني ابن منو ولا شعندي

.....وسام اشو انت تسأل وجاوب روحك

اصلا الدائره كلهم يكولوت انت واحد مرتاح وزنكين

ازعل اذا عدته تره 

.....لعد وافقي اجي اخطبج

...موافقه هههه

....الله يخليج الي ياعمري

عزيز.....

شنو مداشوف وسام هلايام

......افتخار يرجع من دوامه امكابل التليفون وكاعد يحجي وي صاحباته حتى طلعه كام ما يطلع من البيت

.........علوى بلكت يعوف شلة الفاشلين الرسب من وراهم

........قابل ازغير ويرسب من وراهم

هو ما اله واهس بالدراسه

.......شوف منو يدافع....اني صوجي احجي

.......حتى لو ما كمل عدنه خير ياعزيز المن انريده

........اليسمعج يكول اريده يعيشني

افهمي لو باقي بالمدرسه جان ما راح عسكريه هاي حرب لشوكت اظل ورى

بعدين الشهاده الجامعيه اله نو اليه تره 

.......اوووو...والله دمرته للولد عوفه

مو كافي قبل يصير فراش وساكت

.........لا والله خلفله عليه ساكت

اخاف يريد يصير ضابط

ظلي دللي بي علما اطيحين حظه

وسام......

نزل من الدرج على راحته عيونه منفوخه من النوم

اخر درجتين نزل رجله وكعد

افتخار.......تريد عشه ماما

وسام .....لا بالاول اريدكم ابموضوع انت وبابا

عزيز.......خيرشكو

وسام...... اريد اخطب

عزيز......شتخطب

وسام.... اخطب بنيه....قابل اخطب ابقصر المؤتمرات

عزيز......انت تحجي صدك

وسام.......اي طبعا

افتخار....... ومنو تريد من عمامك خوالك

وسام .....لا ذوله ولا ذوله

عزيز.......انت مخبل وينك وين الزواج ....انت بياحال

افتخار........خل انشوف يريدمنو

وسام........موظفه بالدائره حبيته

افتخار .....عرفت والله ابن صايغ

وحلو والسياره اخر موديل سحلن روحن عليك بنات الفكور

عزيز......منين هاي

وسام......بنيه بسيطه ابوهه سايق بوزارة.....

اهلها ناس بسطاء واوادم والاهم احبه

وتحبني

افتخار .......وتعوف بنات عمامك وبنات خوالك جمال وفلوس وتاخذلي بنت الفكور ولك وسام تريد اتموتني

وسام .....انت ظلي الفكور يالفكور

الناس عبيد عندج

والله شنو عدنه فلوس

عزيز.......اي فلوس وشباب كلتلك اقفص علي خوش صيده

وسام........ الاحبه بنيه بسيطه ومؤدبه

ومثقفه يمكن ما عدهم فلوسنه بس 

ما محتاجين

اني احبه اريده ولازم اخذهه اذا ما تخطبوهه اليه والله حتى من العسكريه اهرب

عزيز......صار اعصاب...لك اشلون 

اظل محتار بيك .... اعوف شغلي واكابلك ..يا غبي اذا هربت يعدموك

وسام.....اي خلي يعدموني

وكام وصعد الغرفته

وسام يعرف هو نقطة ضعف ابو

ومتعود اذا راد شي يتنفذ

داومت اليوم اول دخولي الشعبه

لكيت كدامي استاذ خالد

واكف ويتكلم ويه الموظفين

اشرلي......سراب انت هم ويانه حضري نفسج

......وين استاذ

......اليوم افتتاح المشروع ومحتفلين لان انجزنا ومعزومين على الاحتفاليه

كان وسام واكف هو وحسن مقابيل شعبتنه ويباوع 

من سمع استاذ خالد ...

يبلغني احضر نفسي ظل واكف ومبين عليه الانزعاج

......اني باوعتله شفته يخزر بيه

احتاريت....شسوي

......استاذ يصير ما اروح

اللتفتلي وكال.....انت بالذات 

اليوم ترحين.....كلامه حرجني

واباوع قسم من الواكفين نظراتهم مو راحه صارت

مياده......ليش استاذ مجردكاتبه

سراب اشمعنه هي بالذات

......كان مدنك على اوراق استاذ خالد رفع راسه ورد عليه بنتر

كل اقسامنه راح تطلع كدامي وهي وحده منكم

هو يعرف مياده وحقارته وتلمح علويش بس بالوقت المناسب يعرف يرد ويسكته

طلعنه كلنه ...كوستر مال الدائره واكفه صعدنه بيه واني اباوع على وسام اشلون محتقن وجه ومعصب

مشت بينه السياره وكانه رايحين سفره ضحك وسوالف والمسجل عالي مال السياره 

استاذ خالد ونقيب عماد ومهندسين اثنين كانو بالمقدمه بسياره خاصه بيهم

واحنه بالكوستر

  كعدت يم مديحه كلنه بحدود ٢٠ واحدمن كل الاقسام

الماليه والحسابات والتدقيق

كل اشويه يلتفت استاذ خالد يباعلنه 

ويبتسم

چنت اني يم الجامه كاعده

من تقترب السيارتين لازم يلتفت

حتى حسيت باحراج لان اكثر الموجودين يباعون عليه

مياده ....ادردم ما يتحمل الايباوعله 

مديحه ابصفي ضربته ابعكسه

اني اسمع همسه واسوي نفسي ما سامعه

خليني ساكته ما ريد اتوتر

وصلنه تكريت كانت احتفاليه وافتتاح المشروع كعدنه خطابات واناشيد

ووكف استاذ خالد والقى كلمه بالمناسبه بعدين اتغدينه كانو امسوين سفره يمكن طوله ٣٠ متر وكفنه من الجانبين ناكل ونسولف 

كانو بغاية الكرم والاخلاق ثلاث ساعات خلصت الافتتاحيه ورجعنه 

وصلنه سامراء

وقرر استاذ خالد انمر بالملويه 

وصلنه يمها كان يوم دوام فماكو احد

وامرنه كلنه نصعد

سراب ...استاذ اني مستحيل اصعد اخاف

مقدم خالد......محد يبقى الكل يصعد

واني متكفل بيكم صعده نزله

.....عفيه استاذ ما اكدر 

مديحه هم كالت ما اكدر

.....يله اشو ايدج بيده اصعدو

طبعا الشباب صعدو كدامنه والبنات

بس احنه تاخرنه 

وظل ورانه الى ان صعدنه...اني مجلبه بالبوري وخايفه

وهو كل ساعه امباوعلي ويضحك

وهو والولد صعدو باخر القمه كان متخصر وواكف يباوع ولابس نظاره

شمسيه ويأشر ويحجي ويه الولد

عن حبه اله وكم مره صاعده ...

ظلو بحدود النص ساعه وبعدين كال يله ننزل

اباوعلهم كانه ينزلون من درج بيتهم

واني بمجرد ما نزلت نظري ارعبت معقوله اني صاعده هلكد

من الخوف بجيت...

كانت محنه بالنسبه الي

الكل نزل حتى مديحه اخذته مياده وموظف ويانه ونزلو الا اني

....اخر شي صار الاستاذ كدامي واني مجلبه بالقمصله مالته وانزل ورى خطوه خطوه وكل اشويه 

وضاحك

راح اشمريني من فوك يمعوده

خلصه يضحك عليه 

واني ارجف

وصلت الكاع بالشافعات

والكل يصنف عليه

مياده اجت يمي ....اي اتماوعي بعد

جرته مديحه وشاورته

اني قوتي كله انتهت بالخوف

وهاي فوك راسي تلغي ...ساكته وباوعله

ارتاحينه اشويه وصعدنه بالسياره 

ورجعنه دخلنه الدائره تقريبا بالاربعه

وهنا احتاريت اشلون ارجع لان الخطوط طالعه والدائره معزله

واكفه على الرصيف واحجي ويه البنات والمح وسام بالركن مال الشارع

عرض عليه استاذ خالد يوصلني ما قبلت كلتله راح اخذ تكسي

واجرلي تكسي وصعدني يالله راح

والموظفين قسم على الطريق نزلو وقسم واحد صعد ويه الثاني وراحو

مشت بيه التكسي مسافه

واشوف وسام بسيارته يمشي ويه التكسي وياشرلي

وكفت ابو التكسي ونطيته كروته

وراح ....وكف وسام يمي ونزل

وسام.......اصعدي سراب

سراب........لا ما اكدر والله خلينه هنا 

وسام.......ارجوج اصعدي اريد احاجيج مسافه نمشي وتصعدين وترحين

......صعدت واليوم كله توتر وخوف خلصته

مشه مسافه ووكف يم مطعم مدري كافتري

...كال انزلي نص ساعه وانت ابيتكم

.......خلينه بالسياره نحجي

..... لا انزلي نشرب شي

ونزلنه الكعده جانت اطل على الشط

جمال المنظر ووسام ريح اعصابي 

بس الاحظه هو ما مرتاح

وظل يحقق ويايه اشلون رحت وين كعدنه وشحجه خالد وشكال خالد

.......وسام انت ما عندك ثقه بيه

........عندي ثقه بيج بس هو مو راحه عينه عليج

....معليك منه المهم اني عيني عليمن

.....سراب اني احبج واغار عليج حجيت ويه اهلي على الخطبه وعن قريب نجيكم

فرحت وبتسمت ..

يعني راح اجيب اهلك وتخطبني....

........وداعت هاي العيون راح انكون سوه ومحد يفرقنه 

......يومه ظليت ويا اتعشينه وسولفنه

اول مره اطلع ويه احد غير اهلي

كنت كلش متوتره وبداخلي خوف من احد يشوفنه من المعارف

اللتفت حواليه وكانه الناس كله تعرف اني كاعده ويه الشخص الاحبه

قبل موعد نهاية دوام التجاره كمنه ورجعت للبيت

صحيح تعبانه بس مرتاحه

رغم خلصت يومي توتر وخوف

شيماء ......

اليوم ابراهيم راح يجي ياخذني نعقد محكمه ...البس واتانق ولفيت شعري وفليته وره ظهري وهو اسود وطويل وتمكيجت فاتح

اباوع بالمرايه....واحاجي روحي

يمه شنو هلخلقه

دخيل الله الخلقني

هنياله براهيم

على هذا الجمال 

هو غير اخبل اني

وبست نفسي بالمرايه

اميره.......شبيج يمه اتخبلتي

اكو واحد يحاجي روحه

امشي انزلي اجه خطيبج يلعوبه

شيماء......

ابراهيم اجه....يمه كلبي رشيت العطرحتى امي كامت اتكح اختنكت

سبحت بي 

.....عمت عينج ولج انت مال رجال بس لا تخجلينه ويه العالم

شيماء... اخذت جنطتي 

وأأشر اني.... والله لارفع راسج يا ام رائد

اني تربات ايدج 

ونزلت اركض ...اخذني ابراهيم هو وام مهدي وصلاح وابويه 

عقدونه محكمه ورجعنه الظهر وصوت الهلاهل مال امهدي وصل الراس الشارع وطشت الجكليت

يومه جنه كلنه معزومين ابيت ام مهدي

وسام......

ماما اشوكت ترحون تخطبولي

افتخار......انت من كل عقلك لك 

ابني الصداقات هاي كله تروح تكضية وقت

وسام.......لا هاي تختلف عن كل البنات هاي احبه تفهمين شنو احبه

والله بعد ما اداوم خلص

وشسون سوو

وبلغي الابويه....

افتخار ......اشلون يربي شبي هذا الولد تخبل علينه

عزيز........الو ها ام وسام شكو

يا طلابة وسام المتخلص

اكسر راسه غير...

دروحي عندي شغل اجي بليل

واني اتفاهم ويا

رجع للبيت تعبان واعصاب افتخار 

وينج

........هله عيني الله يساعدك

.........الله لايساعدني وسام موجود

واني ارتاح مو بالحيف

وسام تعال انزل نحجي

وسام.......نعم بابا

انته التريده شنو......زواج اختار عدنه هواي بنات من عمامك خوالك

ومن باجر اخطبلك

.....واني ما ريد غير سراب ومراح ازوج غيره

.......واني اكلك ما اريدغريب يدخل بيتنه ما تعبت وصلت للي وصلتله حتى احطه ابحضن الغربه ....

.......والله لعد باجر ما اداوم

......... ايطبك مرض عسما يعدموك

مالي شغل بيك

افتخار.......ولك وسام هاي ساحرتلك ما كو غيره

.......يا سحر تره اني الردته واني الحاجيته واني الاركض وراها

والله اذا مارحتو وخطبتوه ما ابقالكم بلبيت

......عصب عزيز اشلون ابنه يوكف ابوجه وكف وضربه راشدي

اتهددني ولك عساك لا ضليت

.....اتفاجأت من ضربة ابويه

عمره ما ماد ايده عليه

بس ماشي.........

             الفصل الرابع من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال