رواية عاد طليقي الفصل الثالث 3 بقلم جمانه السعيدي
رجعت عليه خالتي ولكتني لازمه راسي وابجي
ام عادل لاتبجين يمه اني خابرت عمج وهسه راح يروح ورا ويرجع
بس انتي اصبري بنيتي وصيري قويه
مسحت دموعي وكمت اعزل بلغرفه
شويه وكالت اجو امج وابوج يشوفونج
اني شفت ابوي واني دفنت راسي بصدره وكمت ابجي
مو بجي عادي
بجي ويااا صريخ
وهو حاضني ويهدي بيه ويكووول شبيج منو وياج
ليش تبجين
نور مشتاقتلكم اهي اهي
سحبني وكعدني وكال الله يستر وين احنا ومشتاقتلنا
هذا الباب كبالج
ليش تبجين خوفتني عليج
تجين وياي للبيت
ام نور هذا كله من الدلال هاااا شعبالج هو هذا العرس
ابو نور حبيبتي انتي مو بعيده وذوله هم اهلج
ووين زوجج خل اباركله
اني من العرس الهسه ما شفته
ام عادل طلع هسه شويه ويرجع
ابو نور شوفي جبتلج هديه كلاده ذهب ومحبس
نور مسحت دموعي وكتله شكرا
كلت بكلبي حقك ما تعرف المصيبه الي وكعت بيه بنتك
كعدو اشويه وراحووووو
عمي خابر عادل ولحكه لكا بعده بيت صديقه لان يسافرون سويه
صديقه عافهم وحدهم وطلع
ابو عادل ليش هيج بويه ذني شيباتي مالهن حوبه عندك
عادل اسافر يعني اسافر
...وبت الناس
...هاي تحسبها عليه مره
انت مصدك جايبلي طفله لاجسم لا شكل وتعال هاي زوجتك
...بويه البنيه بت اوادم وشريفه وحبابه
...انت تريد تعزز علاقتك بصديقك لاتخليني اني الضحيه
اني هاي البنيه ما اريدها ابد
.. بويه انعل الشيطان وارجع وياي اني مو ابوك
ليش تخليني اتوسل بيك
.. ابوي على عيني وراسي بس هاي البنيه اني ما اريدها ابد
وبلعراق بعد ما ابقه
....ليش هيج تسوي بيه امك شنو ذنبها تبجي عليك
.. ولله ما ارجع وراح اسافر وهاي المشكله انت وكعتني بيها وانت تحلها
طلع ابو عادل زعلان وحتى ما رجع للبيت وجها بلكاع من ابو نور شراح يكله
ابني طلع نذل ومآ يريد بتك
ابني سافر من اول ايام العرس وعاف بتك ورا
بيومها ما رجع للبيت ابد اله نص الليل
وعادل سافر ولا حسب حساب الابو والا الامه
ولا الكميه الخجل من ابو نور
ولا هاي المسكينه الي جرحها وعافها ورا
نور تمددت بليل واني فكره اجيبني وفكره توديني
اذا هو ما يريدني ليش قربلي
ليش ما عافني بنيه
شنو يريد يثبت رجولته براسي
اذا ما رجع شلون
شلون ارجع الاهلي وراح شتكول الناس عليه
الناس شراح تكول ليش عافها زوجها اول ايام العرس
الناس راح تتوقع العيب مني
شنو موقف ابوي وامي
اني شنو ذنبي بهاي الزواجه
وشنو راح يكون مصيري
اذا ما رجع اني شلون راح اعيش حياتي
مطلقه وعمري ١٥ سنه
تعبت كلش من التفكير ونمت
ثاني يوم اجت امي تشوفني واستغربت من حالتي
مبين عليه الحزن والتعب
امي ليش يمه شبيج احجيلي وضعج ابد ما عاجبني
انت تتوجعين
تعبانه شبيج
نور مابيه شي بس لان الاجواء جديده عليه
بعدني ما متعلمه عليهم
ام نور تجين وياي اليوم تبقين عدنا
نور لا يمه زحمه تجيهم ناس تبارك شلون العروسه تعوف بيت زوجها قبل السبعه
بلسبعه اجيكم
ام نور ما بقه شي عكبه السبعه
يمه زوجج ابد ما شفته وحتى ما باركتله على العرس
نور يمه مشغول
ام نور شنو مشغول وهو بعدا عريس
بلكوه يله قنعت امي وراحت
امي كلبها يعلم حاسه اكو شي
بيومها كمت انضف ويه خالتي اريد التهي باي شي
بلكت انسا شويه
وتتحسن حالتي
خلص اليوم بصعوبه واني مثل الميت ويمشي
ما احس بكلشي
لا احس بطعم الماي والا الاكل
كلشي مر بحلكي
اني ما متوقعه سافر جنت متوقعه ممكن يرجع باي وقت
بس يرجع راح احجي ويااا واكله اني احبك لاتعوفني ابد
انت بس جربني
وراح تعرف اني شكد احبك
ثاني يوم الصبح كعدت ولله كوه اكوم من الجربايه احس عضاامي كلها مكسره
ومآ بيه حيل
دخلت سبحت حتى اتنشط
خالتي بلمطلخ واكفه
وعمي وعامر طالعين
اندكت الباب
كلت الخالتي اني اروح افتح الباب
فتحته ولد انطاني ضرف وكال هاي امانه دزها عادل الكم
طبكت الباب واخذني الفضول اعرف شكووو بلضرف
فتحته ووكعت المصيبه على راسي
عدل داز رساله الابو وياها ورقه
عادل إلى والدي العزيز اني اسف اعتذر منك ومن امي
لان خليتكم بهيج موقف صعب
بس ولله مو بيدي اني ما اكدر اتقبل هاي البنيه
والحياة بالعراق كلش صعبه
اتمنى تقبل اعتذاري انت الي ورطتني بهاي الزواجه
اسف لان عفتك بهيج موقف محرج
اعتذر منك للمره الثانيه
بس استقر اتصل بيكم
تحياتي ابنكم عادل
فتحت الورقه الثانيه كانت ورقة طلاكي
اني شفته وراسا اغمى عليه
وبعد ما دريت شنو صار
