رواية بين الحب والأسر الفصل الثاني 2 بقلم أمل مهدي

رواية بين الحب والأسر الفصل الثاني 2 بقلم أمل مهدي

رافد....

ها يابه ردتني

........صدك الكالته شهد

........شنو .اشكالت

.......بابا سمعته واحنه دناكل 

اسوي روحك ما سمعت رافد

والخلقك باجر اذا الكه الحمامه بالسطح املص ركبته ونطيه للبزازين صير آدمي وحتار بدروسك

شتريد اصير مطيرجي

افتهمت....

رافد....اي يابه

....باجر ما الكه الحمامه

....اي.... كاله مغصوب بعدم رضى

مرت الايام ثقيله بهمومه ضروف المعيشه وقلق الحرب وازماتها

الي ما يحس بيه الا الفقير كهرباء دائما منقطعه ازمات الغاز والنفط لا تنتهي 

توكف بالسره نص نهار لو تحصل قنينه لو لا

وغلاء المعيشه وقلة

الدخل

قاسم .....

رجعت بليل من الشغل حاسبت ابو عقيل ومثل كل مره يحاسبني على التفاليس ويطلع روحي 

حتى توصيل جهالي المدارسهم يحاسبني علي

واني اجر خلك ويا بلكن تفرج

واعوف سيارته

مريت على الجامع صليت وسلمت على شيخ عبد الله

وشكيتله من ابو عقيل

وطلع يعرف طبعه وكال ما دام عايش برزقه للسياره اتحمل

ليما الله يفرجه

ودعالي هوايه واني بالحقيقه اتفائل بهذا الشيخ احسه ملاك

مو مجرد رجل دين

بليل اندك الباب

فتح الباب رائد

صلاح ..... اشلونك عمو ابوك موجود

....اهلا عمو اي هسه اصيحه 

وطلعله ابويه......

.....السلام عليكم

.....ياهلا عليكم السلام اشلونك يابه

....تسلم ابو رائد...ابشرك باجر الفحص

.....الله يبشرك بالخير

.....يابه الفحص مجرد روتين يتاكدون انته سايق لو لا

.....الله يوفقك ما انسه فضلك

.....يمعود لا تحجي هيج احنه اهل

والحمد لله فعلا انقبلت موظف يعني سايق بالوزارة........

هذا التعين كان انقلاب في حياتنه نحو الافضل

داومت ونطوني سياره حكوميه الراتب مو اهوايه بس نعمه من الله

صار استقرار نوعا ما في حياتي و نفسيتي لان تامين المعيشه صعب والناس على كد حاله والشغل قليل 

ومن بعد سنه سحبت قرض عقاري على البيت كان ٦٠٠٠ الاف

وضفت بناء للبيت لان كان غرفه 

وهول ومرافقه كبرت البيت ورتبته 

وسويت المطبخ فرفوري وبنيت فوك غرفتين وحمام هذني الرائد والرافد وطبكت البيت كاشي وطلعته

للشارع

والباقي اشتريت سياره تكسي

نص عمر اشتغل بيه بعد الدوام

حالتنه الماديه استقرت وتحسنت

اهوايه

سراب ......

اهلا خاله ام مهدي اتفضلي

ام مهدي ......اخذي من ايدي

جانت جايبه سلتين وحده عنب ووحده تمر......هاي اخويه صلاح جان عند اهلنه والبارحه اجه وهذا خير بستانه 

........خاله علويش امكلفه نفسج

.....دخذي يايمه خير جثير 

يعيني امج ماكو

سراب ......خاله بالسوك هسه على جيه اكعدي

ام مهدي....... تقرين يعيني واني عطلتج

.........لا خاله دا احضر اصلا قاريه اني

.........انت وين اداومين 

.....والله خاله ثاني تجاره

........يا ما شاالله.......لعد ليش ما تتعينين

.........منو يعيني على شهادتي ياريت خاله الكه تعين جان كملت مسائى

.........يعيني وصلاح تدرين اشكد يعين ناس ويتوسطلهم اذا تردين اكلو

..........اكول الابويه واردلج خبر

.........اي بكيفج

.......خاله سهر ليش مبطليه

........والله يعيني احنه البنوات سادس ابتدائي وتكعد ما يرضون اهلنه المره تشتغل وتدرس

وهيه حاجزهه ابن خاله سنه وياخذوهه 

........اها زين.....يمكن امي اجتي

فتحت الباب واخذت منه العلاكه

ام رائد........هله هاي ام مهدي يمنه بس لا أتاخرت عليج حبيبه

..........لا يعيني كاعده ويه سراب اسولف

سراب......

يمه تكول ام مهدي صلاح يعيني

يكدر ...شتكولين

ام رائد......صفنت...والله ماأدري شوفي ابوج

ام مهدي......خليه يعيني تفيد نفسه وتفيدكم 

ام رائد......والمدرسه مالته

ام مهدي......تحول عصري مو هيج

ام رائد......الله كريم انشوف

سراب.......

اتوسطلي صلاح وعيني كاتبه على شهادة المتوسطه وحولت تجاره مسائي

.....صحيح اني كاتبه بس باحسن مكان ووصى عليه ضابط كرابته 

خلاني ابمكان ز ين ضمن ادارته

الشركه مالتنه احدى الشركات التابعه للدائره..............مدرائه ضباط

وبيه مهندسين وموظفين مدنين

تقوم الشركه ببناء الجسور والمجمعات السكنيه وكل المشاريع الخاضعه للدوله ومن ضمن اعماله جسر ابو الطابقين

شركه كبيره ومرموقه مو اي احد يجي بيها

بس صلاح ضابط بالحماية واكيد معارفه هوايه وختارني بهذا المكان

اول يوم دوام تعرفت على مديري المقدم خالد 

الي اكلني بنظراته من اول ما دخلت ركز ابوجهي وكانه مشايف بنات قبل ....

مقدم خالد......اهلا اسمج سراب قاسم احمد ...مو

.....نعم استاذ

........انت شكد عمرج 

سراب......كنت مرتبكه على خايفه اول مره افوت هيج مكان

......استاذ ١٧

مقدم خالد ...ببتسامه يلتفت الصاحبه الكان ايضا ضابط ...زغيره مثل ما توقعت

شبك كفوف ايده وخلاهن امامه على المكتب بعدين طلع فايل 

قره بي اشويه اظاهر هذا فايلي

وشال القلم وكتب بي وسده

رفع راسه وبتسم بوجهي

اي سراب انت طالبه مو

سراب ....نعم استاذ ثاني تجاره 

مقدم خالد......جيد كملي حتى تفيدج على المستقبل

سراب....اكيد استاذ

مقدم خالد.......باعيلي را اتكونين قريبه مني بالشعبه البصف مكتبي

وشغلج مرتبط بيه واي شي تحتاجي تطلبي مني

واعتبريني صديق لا تعتبريني مدير

وبالفعل ماكان يعاملني كموظفه عنده

بحيث اخذ راحتي من اساله او اتعامل ويا داىما يضحك ويهتملي

بس ابد ما فد يوم اجاوز حده 

او سمعني كلمه غير لائقه

حببني ابشغلي ما كان يحملني شغل فوگ طاقتي

حتى يسمحلي اقره اخر ساعه من الدوام

گنت احسه مثل اخ جبير ويخاف على اخته

لان ابد ما لمحلي بيوم بكلمه او نظره غيرت تفكيري اتجاها

داومت مثل كل يوم...واول ما وصلت كالت مديحه 

.....ابسرعه سراب تعاي عاونيني بالطبع المدير يريدهن هاي القوام

وستلمت الطبع قوائم اهوايه وستمارات عمل

استاذ خالد.....اجه مستعجل..يله بنات جيبولي القوائم والاستمارات راح تجي اللجنه بسرعه

وديناهن كل وحده اخذت قسم

دخلنه القاعه هو شافني شايله وياهم راسا وكف وتمشه خطوتين تلكاهن من ايدي...مديحه ما اهتمت بس مياده ظلت اتباوعلي بنظره ما عجبتني وعيبة بحلكه

اللتفت عليه 

وجه كلامه الي ... 

سراب ما ريدج توصلين مكتبي 

ما طول اللجنه يمي سمعتي

....نعم استاذ

اني ما فهمت ليش نبهني

ولا حاولت افهم

رجعت مكتبي وظليت اشتغل عادي 

بس مياده كلساعه ذابه احجايه وتفر بديهه

ومديحه تخزرها

مديحه......اوي كتلنه الجوع سدن الباب وخلناكل 

مياده ....اي والله اني هم جوعانه 

بسطنه بالاكل كل وحده جايبه شكل حطينا على الميز سوه ناكل

رن تلفون الشعبه مالتنه

مياده....الو اي استاذ موجوده 

لحظه واجيبها

مديحه......شراد استاذ خالد

مياده....يعني شنو حتى اكل مناكل وليش الا اني يخاف على ست سراب على رجليه نقش الحنه

اشو ما وديه وخليه الا هيه تودي الاستماره

ومدت ايده بنتر ونطتني الاستمار

......هاج وديه

اني اشتغل بنصهم مثل الاطرش بالزفه همه اكبر مني وافهم

وطبيعتي ما اجاوب ولا اعرف اقبح اخذت الاستماره ورحت عليهم بالاجتماع ونسيت اصلا هو حذرني 

دكيت الباب....

....تفضلي.....استاذ هاي الاستماره

.....عقج وجه وبين ما راضي اخذه من ايدي

اللجنه كانو اثنين رتب كبيره و٣ مهندسين

واحد من الضباط ....كال منيلك هاي خالد اشو ما شايفه قبل

اني رفعت راسي باوعتله كل تصرفاتي بريئه 

... وسالني

.....انت اشكد عمرج ؟

قبل ما انطق واجاوبه...استاذ خالد كال

.....ارجعي شكرا

واني بين ارتباك وبين نظرة استاذ خالد الغاضبه طلعت ركض ورجعت المكتبي

من طلعو اللجنه دخل علينه استاذ خالد مثل الاعصار

كان عصبي كلش....

سراب انت اشلون تجين المكتبي وللجنه موجوده اني مو كلت وحذرت

وللتفت ....

مياده مو كتلج اجيبيه انتي للاستماره

ليش خليتي سراب تجي

....اني جنت اتغده وهيه گالت اني اوديها اني معليه

فتحت عيني متعجبه

الحقيره مياده ذبته ابراسي

رزل مياده ورزلني

وطلع ...

واني دموعي مكدرت اللزمه اول مره يصيح عليه وهاي مياده وكلامه 

مديحه.....مو انتي كلتيله روحي ليش اذبيها ابراسه

مياده.....اني چنت اتغده يعني شسوي

آني ما حجيت ابد بس انهضمت من رزالة استاذ خالد

طلعت من الدوام رحت للتجاره امتحنت وطلعت للبيت تعبانه وضايجه 

اميره.......هله يوم سراب اليوم من وكت

....عندي امتحان وطلعت

....خير انشالله 

الله يوفقج ما تردين غده...؟؟

... واني صاعده الدرج ...يمه اتغديت اريد انام بس

وصلت الغرفه اريد ادخل....

لفت انتباهي باب السطح مفتوح

تقدمت اريد اشوف منو بالسطح

واتفاجأ شيماء تحجي ويه ابراهيم 

ابن ام مهدي......من فوك سياج السطح...

....شيماء صحت وهمه اثنينهم جفلو ...اجتي شيماء تركض عليه وظل ابراهيم يباوعلي ينتظر ردة فعلي

قفلت باب السطح وجريت شيماء

من شعرهه للغرفه وقفلت باب

الغرفه ماريد احد يسمع ولاول مره

امد ايدي عليه واضربه ولج حقيره هاي شدسوين....

شيماء.......

يوميه اطلع للدوام وارجع اشوف ابراهيم واكف ابابهم يباوعلي

ظل تقريب الشهر على هل وضع

يعني معقوله واگف على مودي ...اي اكيد

والا ليش الا بهذا الوكت يوگف 

ما چنت ادير بال لاي ولد اروح بدربي واجي بدربي

وبيوم طلعت وشفته واكف اشويه بعيد عن باب المدرسه ويدور بعيونه.....متعمده

فتت من گدامه

وخليته يشوفني .....تغير وجه وابتسم ....واني بادلته الابتسامه وعرفت هو جاي ورايه ...

رجعت للبيت وهو يمشي ورايه

من وصلت بابنه اللتفتت

لكيته واكف ابابهم ...

هل مره ضحك وحط ايده على صدره ونظرته چانت غير شكل

واني بادلته النظره والابتسامه

...يومه دخلت البيت واني طايره من الفرح اول مره يدك كلبي ....

شعور جديد....

اول مره احس بي

بدلت ملابسي وواكفه على المرايه

اني حنطاويه والشعر اسود طويل

وعيوني وساع نرجسي اني وسراب نتشابه كلش بس سراب بيضه وعيونها نعسانه واني عكسه

ملامحنه كلش حلوه ...

وبديت اجمع تفاصيل ابراهيم واخزنه بذاكرتي

ابيضاني طويل وضعيف شواربه شكر وعيونه نرجسي فاتج وبتسامته اتموت...فزيت على صوت امي

ولج شيماء....وين صرتي

.....اي يمه اجيت..باوعت نظره اخيره بالمرايه...

يمه شنو هلجمال هو غير اخبل

فدوه العينج شومه ونطيت الروحي

بوسه....ونزلت اركض

وره يومين اجتني اخته سهر جايبه دشداشه الامي حتى تخيطه اله

كعدنه اشويه انسولف ومن رادت اتروح خلت ورقه بيدي وكالت هاي من ابراهيم

ومن ذاك الوقت بدت قصة حبنه

دائما نحجي اشويه من اصعد الصطح لان يدري اني ما اطلع بس للمدرسه

ابراهيم وعدني يخطبني بس يزوجون اخو مهدي هو ورى

وخصوصا هو طالب لازم ينجح من السادس حتى خاله يدخله دوره مال ضباط

بس بعد ما كشفتنه سراب لازم ما ادري اشلون...

سراب ......اشلون تحجين ويا اذا احد شافج شيكول سمعتج يا حيوانه تروح

شيماء..... بچيت وخجلت من نفسي اول مره سراب تضربني

اني وياها عمرنه ما اختلفنه

...والله ماكو شي بس نحجي 

سراب........لج ابويه اذا عرف اشلون راح يكون موقفج گدامه

متخافين ....شسويلج هسه

ضلت تبجي وحجتلي اشلون صارت علاقتهم

....تعوفي اذا شفتج حجيتي ويا اكول لابويه اذا يريد يجي يخطبج

سمعتي شيماء....!!!

لو اعيد

....سمعت

.....التهي بدراستج يا غبيه اذا تزوجتي ابراهيم يبطلوج تدرين لو لا

ذولي بابة عرب ماعدهم ابنيه تدرس وتشتغل

......لا...لا والله متفقه ويا اكمل وهو هم كال اني اريدج تكملين دراسه

...هاي اذا اهله رضو 

ابراهيم.....

نزل من السطح ضايج سهر وينج

....ها ابراهيم

....بسرعه روحي الشيماء شوفي 

اشصار كبستنه اخته واخاف تفضحنه

....سراب ...!!!! صدك وين شافتكم

....غير بالسطح.....امشي فضيه

....هاي اشبيك تريده تكتلني والله ماروح خليه باجر

....يمعوده خاف توصل الخالي صلاح وصير مشكله

....ابراهيم عوفه باجر اروح واشوفه الشيماء

وانته شمتاني احجي ويه امي وخطبه

....هسه يكولون الا نزوج مهدي

بس والله اروح اجيب خالي ابو عزام يخطبلي اذا ما رضو

ثاني يوم ..

سهر بحجة دشداشتي ورحت الشيماء وحجتلي كلشي

وصلت خبر البراهيم ان هيه ما تكدر تتواصل ويا تخاف من سراب

.....جنيت اني ما اصبر يوم ما احجي وياها 

منين لعتلي اختها هسه

بيت ام مهدي...

العصر كاعدين كلنه بالهول ودخل عليهم ابراهيم 

..... يمه اريد ازوج

ام مهدي..... فكيت عيني متعجبه 

يازواج دشتغل بالاول 

....... اخطبولي واني اشتغل كلشي الجان

صلاح........ دنجح وتخرج من السادس واني ادخلك

الدوره مال الضباط بلكت على العطله تنفتح و تنقبل وصير ضابط اصبر خالي

اخوك لسه ما تزوج

مهدي.....زوجو انه بعد اتخرج واتوظف بعد وكت

ابراهيم........هاااا بعد مالكم حجه 

ام مهدي .........خالك ما يطيك حنان بعدهي زغيره 

ابراهيم .......وكف 

.....شنووو منو كال اريد حنان هاي وين لكيتيه يمه منو حاجي ابحنان

صلاح .......خويه ابنج جنه يحب وحده

ام مهدي......صدك ابراهيم تعوف بنت خالك وتاخذ غريبه

ابراهيم.......يمه الرايده تعرفيه وتعرفين اهله وانه ما اخذ غيره لو ابقى بدون زواج

....صخام بوجهك ولك وخالك شكله ما يريد بنتك

....يمه شنو هيه غصب خالي ابو عزام عوفي عليه

بس وافقي رحمه الروح ابويه الطيبه...

سراب ......

داومت ثاني يوم كان المقدم خالد رايح ايفاد الكركوك يتابع مشروع

كملت شغلي وطلعت كتبي اقره

كان المدير سامحلي اخر ساعه من الدوام اقره بيه

وكل اشويه 

مياده تنطيني احجايه واني ساكته

الى ان جابتلي أوامر اداريه وكالت وزعيهن على الشعب 

هو شغله وذبته ابراسي

طلعت افتر على الشعب وانطيهم الامر الاداري

واني محذرني استاذ خالد ما افوت الذيج الشعب 

والصدك ما يوم سألته ليش

بعتقادي شغلي بس يمه

لاكاني نقيب عماد...هذا النائب لخالد وصديقه المقرب

عماد.....ليش اهنا سراب

سراب ......العفو استاذ دا انطيهم كتب اداريه

عماد.....هذا مو شغلج ارجعي واني راح انطيهم

رجعت الشعبه ضايجه تلكتني مديحه........ولج اشبيج وجهج يبجي

.......مابيه وزعت قسم والباقي اخذهن استاذ عماد يوزعهن

مياده.......مممم مدلله حتى الشغل يشتغلو ابداله

...اني متحمله عليه وانفجرت انت التالي وياج شبيج لاجه ويايه تره اسكت اكول اكبر مني فحترمي نفسج احسلج

........لج لا صيحين ابوجهي اتادبي لا اشوفين الكل يباوعلج شفتي نفسج علينه

.......اني مؤدبه غصبن عنج

مديحه ....يمعودات صوتكم 

اتالي ويياج مياده عوفي البنيه ابحاله

سكتنه 

واني داخلي يغلي تبسمرلي وسممتني بالحجي حيل ضوجتني

لميت كتبي وطلعت عندي امتحان

مال نهايه السنه والجو حار ومتعب

خلصت وطلعت وصلت شارعنه نزلت من المصلحه لكيت ابويه واكف يم السياره وويا رائد ورافد

وعقيل وشهد كاعده فوك السياره 

تلكوني يضحكون نسوني كل التعب

اليوم جمعه ابويه ما يشتغل يوم الجمعه يرتاح يتفقد شغلات البيت 

قاسم....اميره

اليوم اخذكم زياره للكاظم بعد صلاة الظهر حضرو نفسكم

اروح اصلي بالجامع واشوف شيخ عبد الله وارجعلكم

اميره.....اي عيني

الله وياك...

صاحت امي علينه يله كومن اويايه

نظفنه وسوينه غده وتحضرنه

اشويه واجه ابويه وجه مخطوف

ومقهور...

.....خير قاسم اشو رحت شكل ورجعت شكل

قاسم.......مصيبه يا اميره شيخ عبد الله ماخذي الامن ومصادرين الجامع هذا خطيه وارثه من ابو 

الجامع وجهال عنده زغار اشلون حالهم اشلون يعيشون 

اميره......خطيه والله صدك مصيبه

الله يعينهم

هوايه نسمع بهاي الفتره ناس تاخذهم الامن من الجوامع من العمل من البيوت اذا فتشو ولكو كتب دينيه يروح بيه ابو البيت بحجة منتمي لحزب الدعوه وحتى اليصلون بالجامع ياخذوهم الى درجه الناس انتشر بينهم الخوف

ونهجرت الجوامع

....رحت لابو عقيل اسال على الشيخ يكلي روح لاتبليني لا تسال عليهم ...هذا عود جان صاحبه ويخدم بالجامع

اكله دليني وين عائلته بلكن انساعدهم ...يصيح ويطردني لا توصلني بعد اني لا اعرفك ولا اعرفه للشيخ....

اميره........لا تلومه العالم تخاف 

ما تريد تتورط هم صاحب بيت وعائله......

........والله يا اميره كلبي انفطر عليه رجال اخلاق وشهم الله يفرجله

.....انشاالله

ها حاضرين يله كومو اروح

كلنه طلعنه وسدينه الباب وصلنه

وابويه فوت السياره بالكراج الوره الامام واجانه ماخذين اكلنه فرشنه بالحضره وكعدنه والناس اهوايه جايه وكل اشويه واحد يروح يزور لو يصلي اصلا احنه ابداخل الصحن الكاظمي وذوله الاطفال اليبيعون مي يفترون

يمنه اجه واحد شايل شعر بنات يبيع وصاحت شهد 

بابا اريد عفيه وصاحله ابويه واشتراله هيه وشيماء اني ما احب الشعر بنات ما اخذت

للساعه بالسبعه ابويه

كال يله خلنرجع ...لملمنه غراضنه 

وصعدنه سيارتنه ورجعنه ...

اليوم دوام الصبح لكيت استاذ خالد راجع واني على مكتبي شفته ويه جماعه واكف ويتحمدوله على

السلامه...باوعلي من بعيد وراح. دخل مكتبه

لحظات واجاني جندي مستخدم عدنه اسمه علي كال ست سراب المدير يريدج....

كمت اريد اروح شفت مياده عيبت بحلكه وكالت بسم الله بعد ما وصل

مديحه باوعت عليه خزرته

اني مشيت ما هتميتله يطبه مرض

دكيت الباب......واجاني صوته

.... تفضل

........مرحبا استاذ الحمد لله على السلامه

....كام من مكانه يسلم وجهه

يضحك ولا كانه ذاك الاسبوع

عصبيته ورزالته الي

اهلا سراب يا مرحبا الله يسلمج

اشلونج يابه

.......باوعت على ضحكته ابتسمت

الحمد لله اشلونه سفرتك استاذ

.......كلش زينه....اي اشلونج شخبارج

........الحمد لله كلته بزعل

.....انت زعلانه عليه ادري بيج

......لا استاذ ليش ازعل ...كلته ابرود

.........لا ...لا امبينه زعلانه 

........استاذ اريد اعرف ليش صرت عصبي ذاك اليوم اني ماسويت

شي

.....اشلون ما امسويه ....اني مو كلت ما توصلين للمكتب واللجنه موجوده وانت اجيتي...يعني خالفتي كلامي

..........استاذ مياده كالت روحي وديله الاستماره

وثانيا شكو بيه

.......جر حصره....وفتر كعد على الكرسي مقابيلي وكال ...شفتي اشلون يباوعولج من دخلتي خو هذا بهاء راسا سال عليج ذوله ناس رتب ومناصب واذا وحده دخلت مزاجهم ياخذوها حتى لو كانت مزوجه مستعدين يطلگوها وياخذوها وماكو موظفه ما يحطون عينهم عليه وانت ازغيره وحلوه وبريئه ما ريدج تطلعين كدامهم او تتعاملين وياهم

خليج بعيده.....بشعبتچ معليج بالحواليج

هسه فهمتي....ليش حچيت عليج

....اي حقك استاذ

.....هههه بعدج زعلانه

....هههه اكيد لا

طلعت منه واني دايخه هذا شنو

يغار عليه لو شنو الموضوع حسيت ديوصلي رساله بس شنو ما

فهمت .....

يعني اهتمامه بيه حب لو شنو 

كان هو دائما تعامله وياي 

ضمن الحدود ما يوم اتعداها 

بس اليوم اكو شي ابنظراته

باسلوبه....بضحكته

انتهه الدوام طلعت وبوجهنه تلاكينه بوجبه مال جنود خدمه اللزاميه جايين الدائرتنه

ينسبوهم يمنه فراشين منظفين كلهم شباب

رحت امتحنت

ورجعت للبيت مثل كل مره

نقيب عماد......لك هلو والله الك وحشه....الدائره من غيرك صدك ظلمه

مقدم خالد....اشدعوه تره هنه ٣ ايام

.......ههههه. اي اشلونه الايفاد

.....تمام ماشي المشروع والولد

خوش ولد

........اي ما مريت مناك على الاهل 

.........اي والله الليله الثالثه خلصته 

يم الحجيه وكلعاده خلصته ازوج وليش ما تزوج......ماكتلي اشلونه الوضع واني ما موجود

........اعرف شتريد ...يااخي ما تخطبه الا واحد يجي ياخذه منك

لو صارحه على الاقل

...........بعد وكت عماد خل اتكمل السادس ...اخاف احجي وصدني

واني دااعلمه عليه دا امهد اشويه اشويه لا تنسى فارق العمر

....يمعود انت مكبرهه 

....ميخالف اشوفه بريئه وزغيره

وهاي اني فوك راسه

.....اشكد بارد الخاطر الله

ابراهيم نجح ونقبل دوره للضباط اجه فرحان شايل الاوراق بيده

...يله يمه مالج عذر اخطبيلي

الله يخليج

ام مهدي....اي يمه نروح الخالك بالاول ناخذ من خاطره

....اي اروح باجر فدوه اروحلچ ويبوس بيها

....والله يمه خايفه منك

اجيبلي وحده ما ترهم ويانه

....آفه اني براهيم وداعتج تحبچ وتموت عليج

...ها ولك منو هاي

...شيماء يمه

.....حطت ايدها على صدرها وشهگت....بت ابو رائد...!!!

انتقلت صف خامس اعدادي وسراب هم نجحت ورائد الا رافد

كل صف يعيده وصار عنده قفص بالصطح مال طيور ويوميه عركه ويه الجيران عليهن

وقاسم يجي يصيح ويبسطه و يذبح اطيوره وذاك يجيب غيرهن 

واخر شي ختمه من بطل من المدرسه وهو اول متوسط

قاسم........لك بابا ياخذوك عسكريه وتصفى بالجبهه وتاليتك اتموت افهم الدراسه احسن الك

رافد........اني ما استوعب اكره المدرسه خلي اروح جيش اني راضي

وهاي مشاكلنه الماتخلص ويه رافد

سراب........

داومت اليوم الداىره مخبوصه وجوه جديده

.....صباح الخير

.......مديحه.......هلو سراب صباح النور اما مياده الهله كوه تطلع منه ما عليه بيه

......شكو اليوم هوسه 

.......اجتماع المدراء العامين وجايبين مستخدمين جدد وديقسموهم على الطوابق والشعب 

..... اي شفتهم من البارحه بالدائره 

اني بلشت ولتهيت ابشغلي يا بريد يا طباعة كتب الى الساعه ١٢ 

مديحه .......جعنه ادزن لفات

اني كلتله اي ومياده كذلك انطينه

فلوس وهيه وصت جندي بره ورجعت

وره اشويه اندكت الباب ..رفعت راسي ...

هذا اول مره اشوفه الجندي...

طويل ابيضاني عيونه سود وسيم ومبين عليه ابن دلا ل وراحه

.........السلام عليكم

........ردينه عليكم السلام

......ست مديحه هذا الاكل..كان لفات وبطاله ببسي كزاز كلهن ابصينيه ازغيره

مديحه......خليهن اهنايه شكرا وسام....نزل الصينيه ورفع راسه عليه اثنينه نظراتنه التقت لا كدرت اني ادير وجهي ولا هو شال نظرهه مني...الى ان التاف وطلع

فززتني مياده.......متاكلين وين صفنتي

......مديت ايدي اخذت لفتي والببسي واكل 

صورته ونظرته نطبعت ابعيني كل ما اريد ابعده ......ماكو 

هو ظل كل اشويه ويجي بحجة يحاجي مديحه لان هيه اكبر من عدنه كلنه

ست مديحه تحتاجون شي ..اني كاعد بره اخاف ترديني...ونظراته مشخصه علي 

مياده........مديحه هذا الحلو مستخدم جديد والله ما يستاهل يصير جندي ياعيني

مديحه.......خزرته شنو هلحجي لا يسمعج الولد 

مياده......واذا سمع احلى مستخدم لليوم هذا اشوفه ولتفتت عليه مو سراب شتكولين

سراب.......شويه ارتبكت .......ما 

ما ادري....

            الفصل الرابع من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال