رواية أم عزباء الفصل الثاني 2 بقلم ميلو حسن
سماح:كملت لبس حوايجهاً ووقفت قدام لمرايا تحاول تخفي الآثار الي ف رقبتها
منذر:مستند ع سرير ويشوفلها بنضرة انتصار
سماح:وهيا تلبس ف عبايتها ....وين الدواء؟
منذر:ههه متبيش تعطيني بوسة الوداع
سماح:بصوت مليان غضب....وين الدواء بسرعه
منذر:نزل من السرير ووقف قدامها بزبط...عندك علم خليتيني ننجن فيك
سماح:دفاته ....وكيف جايه بتطلع
منذر:تلقيه فوق المكتبهً قدام الباب وأول م يكمل رقمي عندك
سماح:نزلو دموعها وطلعت متسرعه💔💔
________________________
شيماء:كيف طالعه من الحمام جت عيونها ع أمينه
أمينه:سامحيني ي بنتي تأخرت عليك
شيماء:قعمزت ع سرير.....لا الممرضات كانو معاي ومحتجتش لشئ
أمينه:به طمنتيني شنو تحسي توا وشنو وضع البيبي؟
شيماء:أما بيبي؟ انا معنديش بيبي
أمينه:كيف؟ شيماء معقوله تحكي هكي
شيماء:قامت شعرها حاسه نفسي مليانه جراثيم من المفروض نطلع من المصحه
أمينه:ي بنتي متتهربيش من سؤالي
انتي توا أم والبيبي معنداش غيرك ف دنيا
شيماء:انتي عارفه انه نا حاولت اكتر من مره اني انزله صح ؟
يعني انا مستحيل يوم من أيام نتقبل بيبي حملت بيه بالحرام وسبب ف قتل بابا ودمرلي حياتي كلها
امينه:تعوذي من الشيطان انتي إنسانه مؤمنه
الي صار اكبر منك ومنه البيبي هدا شن ذنبه ؟💔
شيماء:خلاص سكري السيره انا خديت قرار ومستحيل نتراجع عليه
امينه:قرار شنو ؟
شيماء:مسحت ع وجها بيديها الاتنين وخدت نفس مريح...في عيله بتتبناه وغدوه الصبح بيكونو هنايا
امينه:تنهدت بقوه...مستحيل يعني انتي بتسلمي ف ولدك لدرجه هادي معندكش رحمه
شيماء:ههه ع أما رحمه تحكي ؟
انا الرحمه نسيتها ف اليوم الي مات بابا وشفت الكل كيف تخلو عليا وسيبوني
شفت حتى الناس الي تحبني ضحت بيا
مليت من النكد والدموع والوهم
ههه للأسف معنديش قدره اربيه لا فلوس ولا شرف كثر خيري عطيته لعيله يمشو ع ريش
💔
امينه:وانتي من وين تعرفيها العيله ؟ وليش طلبو يتبنوه
شيماء:راح نحكيلك
شيماء:طالعه من المطبخ ومتجها لصالون
وقفها الحديث الي بين امينه وراجلها
يوسف:انا شنو قتلك اخر مره لو متلزيهاش حًنطلقك صح
امينه:استنا البنت حامل اول مً تجيب البيبي وح نتصرف معاها
يوسف:شنً تقولي انتي ؟بطنها بتكبر وأهلي راح يخنسو
امينه:منقدرش ألزها مستحيل خلي اهلك بعاد علينا هالفتره
امينه:وهدا شن عنده علاقه بي الي قعد يصير
شيماء:رجعت تحكي
بعد م فكرت ف كلامكم خديت قرار اني انزل الجنين وتنتهي الضجة الي قعده تصير بسببي
بس للأسف معنديش فلوس يكفو حق العمليه
اضطريت نسرق سلسلتك
ثاني يوم الصبح وصلت المصحه طبعا سلسلتك الذهب انا سرقتها علشان نخلص حق الاجهاظ
شيماء:لو سمحتي الدكتوره موجوده؟
الممرضة:اي لكن عندها حاله حاليا تقدري تستناها ف غرفة الانتضار
شيماء:تمام شكرا❤️
لحضات
هبة:خشت تبكي ....ي ربي مستحيل يعني معنديش امل نحلم ونشوف بيبي
الممرضة:صعب تحملي ودكتوره دارت جهدها معاك ومافيش فايده
شيماء:غريبه الدنيا ناس تتمنا وناس بتستنا
الممرضة:لو سمحتي انتي عندك مراجعه أو بتعالجي؟
شيماء:اءءء انا جايه علشان عملية الاجهاظ
الممرضة:اوك نعطيها علم ونرجع نكلمك
شيماء:تمام
هبة:لو سمحتي ممكن نعرف السبب؟
شيماء:نعرفك انا؟
هبة:اءءء اسفه
الممرضة:تفضلي الدكتوره تستنا فيك
حددت موعد مع دكتوره وعً أساس بعد يومين بنرجع علشان العمليه🔥
لكن شكله هالبيبي مستمتع وهوا يعذب فيا
جاني اتصال قبل م نوصل المصحه ورديت وكانت هبة نفسها
وترجتني اكتر من مره اني منزلش الجنين علشان تاخده هيا بمقابل مهما كان يكون لاتهمه ي ناري هبه أهل راجلها ح يطلقوها لو ماجبتش بيبي
وطبعا انا وافقت وشرطي الوحيد كان انه يعطوني نص مليون مقابل البيبي 🤷🏼♀️
امينه:وشنو حً ينفعوك لفلوس ؟
شيماء:ههه اقل شي نشري ونعيش مستقله خير م نشوف وجه راجلك كل صبح
وبعدين انا ام مثاليه 😂😂
عطيت ولدي لعيله بدخ خير م يتربا بين يدين ام فاسده ساد انه جي ع دنيا بالحرام😅
🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥
سماح:هيا ماما عاد قويلي روحك باش ترجعي احسن من قبل
سميه:خدت لحبوب ....وين حصلتي لفلوس ؟
سماح:درت حلوه لبنت جيرانه وخلصتني قتلي اعتبريهم هديه
سميه:به بنتي ربي يعاونك
مسره:مافيش حد راضي يشري الحوش عرضته ف النت اكتر من مره
سماح:انا من غدوه بندور خدمه وبإذن الله مش راح نحتاجو لحد
مسره:بصوت مستفز ....زي خدمتك اليوم وله مختلفه؟
سماح:شافت لي أمها ....اهم شي ي ماما ترجعي تمشي ع رجليك وكل شي ليه حل
مسره:كل شي صار معانا بسبب الحقيره شيماء حتى خوالي الي كانو مساندينا رخو بينا
الي يشوفهم حتى ف شارع يهينهم
سماح:سكري فمك مش وقته كلامك هدا
وبعدين مش عذر هدا لو في واحد يحبنا كانو هما توا يصرفو علينا
مسره:اقل شي خالك عطاك الشقه هادي تعيشي فيها
أما عمامك حتى معاش بوك الي من حقنا احتلوه
سميه:حسبي الله ونعما وكيل فيهم أختك ماتت وتوا ربي يسامحها
مسره:هههه اشبح عاد توا وين تهيج؟ مرات تطلع عايشه وتفاجئنا😂
سماح:فنصت ف مسره
مسره:بالله ساد انا فديت منكم ومن الوهم وناضت
سماح:مدوريش ماما كل شي راح ينحل بس انتي قوليلي توا شن خاطرك تتعشي؟
سميه:الي قادره عليه بنتي
سماح:تمام عندي دجاج نفكر ندير شاورما
__________________________________
شن صاير ؟ وليش اهل شيماء مفكرين انه شيماء ماتت؟
من المسؤول ع الكدبه هادي ؟ وشن السبب؟
معقوله قدرت سماح تبيع شرفها علشان علاج أمها؟
معقوله الضروف توصل إنسان للحاله هادي؟
سماح رغم انها ضعيفه لكن مش موضحه ولا حاجه قدام أمها
لانها تعبت من لخساره ومتبيش تخسر احد من عيلتها تاني💔
به شن حًً يكون مصير العيله هادي ؟
___________________________
شيماء:بين يديها صحن فواكه وتاكل😋
امينه:ع سجادة الصلاه وقايمه يديها فوق تدعي
شيماء:ادعي لي طه بالله ان شاءالله يشوف أيام حلوه
امينه:طلقت السلام...شافت لي شيماء ...من طه؟
شيماء:الي ف الحضانه
امينه:صار الي ف الحضانه
شيماء:اي 🙄
امينه:مفكرتيش حتى شويه انك تمشي تشوفيه
شيماء:وعلاش بنشوفه ؟ شكله زي البيبي
مدتلها الصحن خودي مني انا بنرقد
امينه:تتكلم بحسره...لو كانت امك هني مستحيل تخليك تسلمي فيه
شيماء:هههه شكلها امي دعواتها مقبوله
يكفي تترحم عليا كل يوم
امينه:مش عارفه شن فيه ف راسك ولدك بعتيه واهلك خليتيهم يصدقو انك ميته لشن تبي توصلي بس؟
شيماء:مسكت دموعها ...هدا الي لازم يصير
امينه:ي رب سامحني البنت هادي خلتني نشارك ف جرايمها كلها
شيماء:جرايم؟😂😂
__________________________
ماجد:طالع من الدوش ....رقد ع سرير
رنيم:حبيبي مقتليش شن رأيك ف لعشاء؟
ماجد:كان سارقه النوم قدر ينطق كلمة آه
رنيم:عيونها ع ماجد وتأكدت انه رقد
بعتت مسج لي انور ...شنو في ؟
انور:انا رجعت لحوشنا ونبي فلوس
رنيم:شنو اتفقنا مه ع أساس بتقعد ف طرابلس؟
انور:شيماء ماتت معنديش ليش هارب؟
رنيم:اففففف اكيد وفاء عاودتله...تمام غدوه الصبح يكونو عندك
انور:تمام
رنيم:حطت التلفون ع رف....انا ضروري من غدوه نمشي لدكتوره ونتأكد من كل شي 🔥
🔥رِوَايـــــــــات ميـــــلـو حــــسسـٰـــن🔥
🔥رِوَايـــــــــات ميـــــلـو حــــسسـٰـــن🔥
ثاني يوم ⛅️⛅️
شيماء:حطت ورقة الخروج في الشنطه...هيا
امينه:ماسكه البيبي وتتفحص فيه ...تعالي شوفيه اقل شي يشم ريحتك
شيماء:رن تلفونها...ردت..ايوا
محمد:قدام المصحه نستنا فيك
شيماء:كويس ...ثواني ونكون عندك...سكرت الخط
امينه:تبكي...حرام عليك
شيماء:هاتيه واطلعي استنيني براا
امينه:نتمنا تتراجعي وطلعت💔
شيماء:حطت طه ع سرير وقامت قطعة لقماش الي كان ملفوف بيها❤️
_______________________________
سماح:لبست عبايتها ...اففف شكلي تأخرت
مسره:متنسيش الخيمار
سماح:شكرا مش ناسياته
مسره:ههه حتا هوا سر المهنه وبدونه ح تصير زي ضجه قديمه
سماح:قربعت اختها كف قوي....هدا باش مر تانيه تعرفي تتكلمي
مسره:حاطه يديها الاتنين ع وجها💔💔
سماح:طلعت ...فتحت باب الحوش وجت عيونها ع ضرف ...قماته بيديها ....تنهدت 💔
________________________
شيماء:وين الشنطه؟
محمد:فتح باب السيارة ...تفضلي
شيماء:بدون م تشوف لي طه...هدا البيبي
محمد:خداه منها وهوا فرحان...تمام وردي بالك تتراجعي ف قرارك
شيماء:ههه اركب السيارة انا ألي يصحلي نهددك مش انتا وهيا راجعه
امينه:مسكين الطفل نحرم من أهله اكبر غلطه اديريها ف حياتك ي شيماء وراح تندمي
شيماء:انا أم عزباء ي عمتي مش ام شريره
