روايه حظ عاثر الفصل الثانى بقلم ليل ادم
باب مكتب غاده بيخبط
غاده: اتفضل
أدهم: حضرتك قولتيلي خلص وتعالي
غاده: اه فعلا اتفضل اقعد يا ادهم
أدهم: شكرا
غاده: شوف يا ادهم أنا وفقت على أنضمامك لينا لاني عارفه يعني اي أول دفعه اربع سنين موضوع بيحتاج اجتهاد كبير مع مسؤولية من فضلك مش عايزه اللي حصل النهارده يتكرر تاني مهما كان الظروف
ادهم : تمام أسف لو قصرت مع حضرتك وأن شاء الله هثبت لكل واحد في المكتب اني فعلاً أستاهل انضم ليكم
غاده: عشمي في كده
ادهم. : تمام بعد اذنك
غاده: اتفضل
خرج ادهم من المكتب قابل مستر سامي
سامي : رايح فين يا عم الأول
ادهم : هو ممكن حضرتك تنده عليا ب أسمي وبلاش موضوع الأول ده
سامي : وماله المهم انتا شغلك مع استاذه رحاب هتكون تحت أيديها تمام
ادهم : تمام
بالصدفة تقابل ادهم مع مي
مي : اي ده انتا قبلت
ادهم : اه وانتي
مي : اه تمام
ادهم : طب كويس انتي شغاله تحت ايد مين
مي : سامي
ادهم : أنا قولت كده والله
مي : اشمعنا
ادهم : يابنتي ده لما بيشوفك عينه بتعمل شكل قلوب غريبه كده بعدين دمه يلطش يخربيت وش أهله عامل زاي البومه
مي : ( عماله تعمل اشاره الي ادهم أن سامي وقف ورا ضهره بس ادهم مش فاهم ومكمل )
ادهم : لا وكل ما يشوف وشي ياعم الأول ياعم الأول ياأخي تبا ل تقل دم امك انتي مالك بتعملي كده ليه انتي زعلانه اني قولت كده على ابو كرش ده
مي : اسكت اسكت خلاص
ادهم : اسكت اسكت هيا شكلها بتحب سن اليأس أنا مالي بعد اذنك إلا صحيح هو مكتب استاذه رحاب فين
سامي : المكتب اللي ف وشك ده
ادهم : هو صح
مي : ( هزت رأسها)
ادهم : ( لف وشه ل سامي وهو مش قادر يبلع ريقه من كسوفه )
سامي : أنا دمي يلطش
ادهم : ( بينه وبين نفسه دنتا واخد الموضوع من أوله الله يحرقك)
سامي : أنا بكرش صح
ادهم : يا بيه الراجل اللي ملوش كرش ملوش لازمه عندك أنا اهو
سامي : انتا اي
ادهم : مش متربي ايدك أبوسها سبني أخد الشهر ده وبعدين هخلع ذوق معايا الدنيا
سامي : ليا كلام تاني مع استاذه غاده اتفضل شوف شغلك
ادهم : ( بص ل مي ) طب قولي حاجه
مي : منا عماله اعملك كده وانتا مش فاهم
ادهم : ما الحركه اللي بتعمليها دي كنت فاكرك معجبه ولا حاجه بتلعبيلي حوجبك متتكلمي
سمع صوت استاذ سامي
ادهم : لا سلام بقا لحسن المرادي فيها طرد من هنا ( وراح مكتب الاستاذه رحاب )
رحاب : ادخل
ادهم : أنا ادهم
رحاب : تعالي اقعد
ادهم : شكرا لحضرتك
رحاب : انتا عامل مشاكل مع سامي ليه
ادهم : هو لحق دخل ل حضرتك
رحاب : لا انتا من أول يوم والراجل رافض وجودك أصلا ودي اول مره تحصل مع سامي
ادهم : معلش هيا الشجرة المثمرة لازم يحصل فيها كده
رحاب : خود ياعم الشجره
ادهم : يزيد فضلك اي الورق ده كله
رحاب : قضيه عميل هنا اقعد مع الورق ده بقا شوف هتعمل اي
ادهم : معلش في السؤال يعني
رحاب : اسأل
ادهم : هو مكتبي فين أصلا ولا أنا هقعد على الأرض هنا
رحاب: ( ضحكت بصوت عالي)
ادهم : ( بينه وبين نفسه مفيش واحده وحشه في المكتب ده يخربيتكم كلكم )
رحاب: شايف المكتب اللي هناك ده
ادهم : مكتب اي دا كرسي جمب الحيطه
رحاب : بالظبط كده انتا هناك بقي
ادهم : هناك فين أنا مع حضرتك في نفس المكتب هو ده الطبيعي
رحاب : بالظبط كده احنا عاملين نظام كل مساعد في مكتب الاستاذ بتاعه علشان المكتب في محامين كتير مفيش رفاهية أننا نعمل مكاتب ل المساعدين
ادهم : الله يكون في عونك يا مي
رحاب : مي مين
ادهم : لا ابدا بعد اذنك اقوم أنا أشوف الموضوع ده
رحاب : اتفضل
أول ما بدأ شغل تليفونه بدأ يرن كتير
رحاب : اعمل التليفون صامت لو مش عايز تفتح
ادهم : لا معلش اشوف بس في اي ليكون في مشكله في البيت
رحاب : طب رد بدال التوتر ده
ادهم : اي ياست الكل
الأم: عملت اي يا حبيبي
ادهم: هكون عملت اي الحمد لله أتحلت
الأم: وعملت اي لسه قاعد بالشبشب
ادهم : لا ياستي الحمد لله جبت جزمه
الأم: ركز بقا يا ادهم عايزك محامي كبير
ادهم : محامي كبير أد عمو سامي كده يعني ( وبيضحك)
الأم: مين عم سامي ده
ادهم : ده اكبر محامي شوفته في حياتي عليه حتت كرش اقسم بالله عايز اربع مكاتب لوحده
رحاب : ( قاعده سامعه صوت ادهم عايزه تضحك بس خايفه الكلام ده يوصل ل سامي بصت ل ادهم ) اي مش هنشوف شغلنا بقا ولا اي
ادهم : طب مع السلامه انتي يا حبيبتي
الأم: ياود اصبر اقولك حاجه مهما
ادهم : مش وقته ياما بقولك سلام
الأم: طب هات فشار معاك وانتا جاي لحسن الموضوع كبير
ادهم : موضوع اي شوقتيني
الأم: مش خالتك أم أيمن جالها عريس
ادهم : ينهار اسود هيا الست دي كل سنه ليها عريس
الأم: منا بقولك موضوع كبير
ادهم : ربنا يحميكي ل صنعتك ياما
الأم: شوف الواد ياخد مني اللي عايزه والآخر يقولي سيبي كل واحد في حاله
ادهم : لا المرادي بقولك ربنا يخليكي ل صنعتك ( بص ل رحاب لقاها على أخرها ) سلام الله يكرمك ياما
الأم: سلام بس اوعا تنسا الفشار
ادهم : حاضر سلام
رحاب : اي
ادهم : دعوه الأم حلوه يا استاذه منتي عارفه
رحاب : ماشي يا سيدي شوف شغلك بقا
ادهم : ( فتح الاوراق وبدأ يشتغل عليها لحد ما انتهى اليوم )
رحاب : ادهم أنا ماشيه عايز حاجه
ادهم : لا شكرا لحضرتك أنا كمان خلصت وماشي
رحاب : طب ماشي
ادهم : ( لم أوراقه ونزل مع رحاب )
رحاب : قصادك أد اي مع الأوراق دي يا ادهم
ادهم : أنا خلصت أصلا
رحاب : خلصت اي
ادهم : اه والله ولقيت لحضرتك حل كمان
رحاب : طب مقولتش كده فوق ليه قبل ما نمشي
ادهم : هو حضرتك سألتي
رحاب : أنا سبتك تاخد وقتك وخصوصاً انك اول يوم
ادهم : يا استاذه أنا مش اول مره اشتغل أنا خريج2020
رحاب : وكنت فين كل ده
ادهم : لأ دي قصه كبيره بقا هتعرفيها مع الوقت المهم أن دي ملخص كل القصه اللي في الورق اللي فوق ده
رحاب : يعني الملف ده كله لخصته في الورقه دي
ادهم : اه
رحاب: خلاص بكره بقا نقعد نعمل مراجعه لكل الأوراق دي
ادهم : تمام
رحاب : معاك عربيه
ادهم: اه لو عايزه تروحي اي مكان تحت امرك
رحاب: لا منا عربيتي اهي
ادهم : هيا دي عربيه
رحاب : اه
ادهم : لأ دي عباره حضرتك
رحاب : ( بتضحك ) ليه هيا عربيتك فين
ادهم : شوفي كده أحقر عربيه وقفه في الجراچ
رحاب : ( بصت ل عربيه صغيره كده وقفه على جمب )
ادهم : هيا دي عربيتي
رحاب :(بتضحك ) ودي بتركبها ولا بتاخدها في جيبك
ادهم : خلي بالك عربيه على أبوه بس للاسف مقدرتش اعمل فيها تكييف
رحاب : ليه
ادهم : الميكانيكي قالي لو التكييف ركب انتا مش هتركب ولو انتا ركبت هو مش هيركب
رحاب : ( ضحكت بصوت عالي جدا)
غاده: خير في اي ضحكوني معاكم
رحاب : قولها كده يا أدهم الميكانيكي قالك اي
ادهم : قالي التكييف لو ركب أنا مش هركب ولو أنا ركبت هو مش هيركب
غاده: ليه فين العربية بتاعتك
ادهم : افخم عربيه في الجراچ
غاده: تبقا دي
ادهم : هو العربية فيها شبه مني ولا اي هو أنا كل ما أتكلم مع حد يطلعها بمنتها السهوله ليه كده
غاده: ( بتضحك ) عارف يا ادهم ممكن تاخد التكييف على كتفك وانتا سائق
ادهم: لا منا لقيت حل احلي
رحاب وغاده : اي هو الحل
ادهم : تعالوا معايا ( وخدهم عند العربية طلع مروحه صغيره من العربيه قالهم ) أليكم الحل الفعال
رحاب: حتا المروحة صغيره دنتا فقر
ادهم : بس جباره عارفه مجرد بس ما تشتغل أفضل اقول اللهم أجرني من نار جهنم
غاده: دنتا ملكش حل والله يا ادهم الله يعينك عليه يا رحاب صحيح عامل معاكي اي ده
ادهم: طب أستني علشان مش بحب حد يشكر فيا وانا واقف
رحاب: اشكر فيك اي دنتا عايز تترمي بره المكتب
ادهم : أصلا
غاده: اي ده بجد
رحاب: لا لأ بهزر معاكي
غاده: صحيح مستر سامي أشتكا منك تاني النهارده خلي بالك
ادهم : الراجل ده حاتطني في دماغه والله أنا ولا عملتله اي حاجه
رحاب: معلش يا غاده عديها المرادي
غاده: ادهم اعقل شويه وبكره الصبح تكون قبل الميعاد هنا أنا عديت موضوع البصمه بسبب حاله الوفاة بتاعت الست اللي قولت عليها دي
ادهم : اه ام ايمن الله يرحمها كانت ست عظيمة
رحاب : مش دي اللي جالها عريس
ادهم : ( لغوش على الكلام) طب أتفضلي انتي يا استاذه غاده علشان وقت حضرتك
غاده: سلام سلام يا رحاب
رحاب: سلام
ادهم : اي تسليم الأهالي ده
رحاب: اه انتا كنت عامل حوار عليهم أن في حد مات وكده
ادهم : اه
رحاب : دنتا مصيبه اشوفك بكره
ادهم : دا لو وصلت بالعربيه دي أصلا
رحاب: سلام ياعم
ادهم : سلام
سامي : عربيه أنهي تحفه دي اللي قافله على عربيتي
ادهم : ياساتر
رحاب: روح شوف سامي بقا بدال ما تطرد بسببه
ادهم : ماشي
بدل ماتدور وتبحث علي الروايات خليها علي تليفونك وحمل تطبيقنا
