رواية الرثاء الفصل الثاني 2 بقلم ملك المدني
وأنه شمضيعني
غير عيونك الما تدري عني
وانه شمتعبني غير ظنوني
اذا باچر عفتني يمي انت
وماتهنيت بوجودَك خفت
لا تنباك مِني .
لاتنسون التصويت والتعليق على كُل الفقرات لُطفاً
مُلاحظه:: القصد كان التسفير وليس التهجير صار خربطه بينهم اتمنى تعذروني
﷽
........................................
< الرجوع بالزمن تحديداً يوم الجمعه سنة 1969 أتمام الساعة الواحده ضُهراً >
-يمه لخاطر ربج ليشش غير افهمم ليشش
-هيه مو منه ولا من نسبه شون تريد تخليها من نسبنه وعشيرتنا وتخليها تخلف منك خالد كلمتي وحده ومتنثني تسمعع.!!
بللت شفتي وفركت راسي بنرفزه من الموضوع الي انطرح وانسد مو برضاتي ، جريت الكُرسي وگعدت عليه
-يممه بس فهميني يعني حتى لو اني رايدها مراح توافقون بسس فهمينييي
-صوتك ميعله خالددد تسمعع لاعبالك طلعت جم شعره بوجهك صرت رجالل من كتلك خلاص يعني خلاصص وهيه لا من ثوبنه افهم خالد اذا اخذتها تره كلشي ينتهي ويجوز تخسر كُلشي خليك على حالك هسه وهاهيه
فركت شعري بغضب وغيض من كُلشي جاي يصير بهاي الفتره ، بللت شفتي وكمت وكفت مقابيلها::انتِ مترديها لو بس تحجين هيج علمودي؟
-خالد ابني انتَ ليش هلكد واكف عليها اكوو شكد بناتت ابني الله يخليك هاي المسئله ابدد مو هينه تعرف اذا صار الوقت راح تروح منك خالد كفنه شر الدوله لا يصير بيك شي انتَ ستوك صرت ضابط لاا تخسر مقامك وشرفك اسمع من امك ولا من شخص ثاني اريد مصلحتك ابني
اتنهدت واني احس مخنوك من الجاي يصير كمت من يمها ورحت كعدت بالصاله أجت يمي رحيق وهيه تاكل لفة موز وصمون باوعت عليها واردفت
::بـالله عليج متحجين ويا أُمي مو خنكتني واني احاول وياها وميفيد
-تره حقها خالد احنه هسه بوقت تسفير يعني بأي وقت راح يجون يكشولوها وشمروها بالحدود وانتَ تريد تاخذها ميصير خويه بعدين يجوز ياخذوك انتَ هم او يسوون وياك شي استر على نفسك وعلى جهالي بعد مين اجيب الهم خالل
-رحيق خويه هسه انتِ طابكه ويا أُمي يعني شون حبيت ميصير؟؟؟
-اني كتلك لاتحب بس جاي نكُلك انو هيه متصلح النه وهاهيه مكنالك انو عيب من الناس وغير حجي خويه هيه قسمه اذا صارت خيراً على خير واذا لا فَ الله مقاسملك
اتنهدت وبقيت ساكت أُختي واكبر مني بهواي ما اكدر انتاقش وياها او اصيح باوعت على جهالها كُل واحد صار شكبره بجرها مُتوسطة صار وأُمي عَلمتنا على الاحترام وهذه قرارهم ولازم احترمه ، بقيت بين نارين بين گلبي وأهلي
صعدت وحطيت راسي على المُخدمه واني حاس راح ينفجر من التفكير وضغط الشغُل ، فزيت على ايد احد يمسد على راسي فتحت عيوني شفتها أُمي ابتسمت الي وهيه تسمح على راسي
-يمه لهل درجه انتَ رايدها ؟
-يوم متتخيلين اني بألايام أنتظرها تطلع حتى اشوفها وهسه اسئلين شكد أحبها ، يمه لو بيدي اشوفج شكد احبها لو تطلب روحي مهر الها قابل
سحبت ايدي وتمسح عليها وهيه تردف::لو بيدي جان كتلك روح اخذها بس يوم شفت سيارات شُرطه يم الفرع ومبين ياخذون بيهم ومن بينهم شفت أهلها يعني انتهى كُلشي
غمضت عيني وحسيت دوخه أجتني فَجأه سحبت ايدي من أُمي وكمت اروح للحمام اغسل حطيت ايدي اسند روحي وحسيت كُلشي جاي يتلاشى من يمي اذكر ملامحها زين
" شعرها ألبُني عيناها الخضُر شفتاها الورديتان المَمولئه
أنفها المسقول بياضها وگأنها قُطعت ثلج قَد سَقطت من السماء وتلك العيون وگانها غزاله "
فتحت عيوني واني مقابيل الچامه الموجوده بالحمام فتحت صنبور الماي وبديت اخذ ماي بأيدي واطش على وجهي
-لاا مُستحيل يصير هيج اكيد أُمي جاي تضحك عليه حتى انساها لااا اكيد اكو شي غلطط
طلعت من الحمام ونزلت جوه أركض اسمع صوت رحيق وهيه تندهه عليه بس مهتميت لاحد رحت اركض حيلل وكأنو شي فقدته ، صح اني فقدتها اركض واحس نفسي مجاي اسوي شي البيت صار بعيد وصلتت للفرع والمح البيت بس مجاي اكدر اوصل اله حسيته صار بعيد وكانو جاي يتلاشه
حطيت ايدي على الباب وادك حيلل واصيح اريد احد يفتح الباب حسيت انجريت واني اشوف ابوي وابراهيم اخويه يسحبون بيه
ادفع بيهم واصيح
-بس خلي اشوف حبابين بس خلي اعرف اذا اخذوها بويه حباب لاتسوي بيه هيج اترجاك بس خلي احد يكلي اخذوها هاا بويه لاتسون بيه هيج
سحبني ابويه ورجعني للبيت دفعني داخل البيت وهوه يحجي وياي::خلي اشوفكك بعد تسوي هيج خالدددد اني هيججج ربيتككك احجييييي لا اضل ساكتتت خالدددددد
هزيت راسي بـ لا اجه وكف يمي وضربني راشدي حسيت خدي اشتعل وراسي افتر على الجهه الثانيه صاح وعيط وغلط وضربني واني ساكت افكر شون راح الكاها ، خلصوسمعت صوت الاذان دخلت غسلت وتوضيت ورحت اصلي
فرشت السجاده ودعيت ربي يجمعني بيها بأي شكل من الأشكالل حتى لو جنت مسافر ولكيتها حتى لو اطريت اسوي ايشي مو مهمم اهم شي الكاها .
خلص اليوم ورحت للفراش اتمدتت وحطيت راسي وبگلبي ادعي حتى الكاها ، صحيت ثاني يوم ولبست ملابسي ورحت للشغل دكيت على كم شخص اعرفه يشتغل بالدوائر الثانيه يدور على اسمها بس ما لكاها مر اكثر من ثلث اسابيع بين الشغل وادور عليها بس ماكو اي اثر مثل فص ملح وذاب ولا دورت يمنه لانو هذه حيصير عليه مجلس تحقيق حسب ماكالوا النه الانو بعدني جديد ويمكن اشتغل عد الدول الثانيه هذه تفكيرهم.
كعدت على الكرسي وتجيت راسي من التعب صار شهر على هذه الحجي واني باقي أهنا اجه خبر انو شخص هرب ورجعوا اهنا ويا الحراس بالزنزانه وضحوا النه انو لازم ناخذ بالنه من هذه الشي ، كاعدين اني وروجان ورا ما راح سيد من يمي تعبت وكلت اله اروح شويه اتمشى واجيب ويايه كم حاجه هز الي راسه وافق.
كمت وسحبت القبعه وحطيتها جوه ايدي ورحت اتمشى وسمعت صوتها يناديني رحت الها مسرع ودكاتي ماكادر اوكفها .
" الرجوع الى الحاضر بعد مرور شهر واسبوع عند اتمام الساعه 7 صباحاً يوم الأثنين سنة 1969 في منزل صاحب خالد " سيد " "
فتحت عيوني شفتها كاعده ومبتسمه ابتسمت اني هم على ابتسامتها عدلت كعدتي وصرت مقابيلها::صباح الخير فيروز
فيروز::صباحك العافيه ، اليوم نروح لبيتك؟
-ان شاء الله حتى تشوفين اهلي ويعرفون هم
هزت راسها بموافقيه ومحجت شي عاهدت نفسي انو اعيشها بأحله عيشه رغم حالي بس كلت ما اقصر عليها بشي حتى لو قصرت على نفسي ، كمت وهيه ويايه تشبثت بأيدها واني أتملها
كعدت على التخم وهيه كالت تريد تسوي الريوك بقيت كاعد شويه وسمعت صوتها::خالدد تعالل شويه
-عيوني الج كولي
-تسلم عيونك
شفتها تفرك بأيدها عرفت متعرف تسوي چاي ابتسمت برحابة صدر وكفت على الطباخ::روحي كملي الباقي هسه اني اسوي چاي
هزت راسها مبتسمه::تلسم خالد
ابسمت على ابتسامتها واني فرحان ، بدينه نسوي الريوك وهيه تخلي على السفره ، اما سيد فَ راح للعماره لعمامه وكال الي ناخذ راحتنه ، رحت يمها وكعدنا ناكل ونسولف شويه
تعرفت عليها من كُل الجوانب وهيه هم ، خلصنه ريوك ورحنه نبدل اخذتها ورحت للسوك اشتري الها ملابس اخذت هواي اشياء من عطور وملابس وشرطة عليها انو تلبس الحجاب وافقت اشترت كم ربطه حتى تلبسهم .
رجعنه للبيت وهيه دخلت تسبح واني بقيت كاعد ادور بين ملابس سيد حتى اني هم اغسل ، خلصنه كُلشي وبقنه ملابسها اهنا ، اجاني شعور سيئ حوال هذه الشي بس بقيت مصر انو اكو شي حلو راح يصير لولا هذه الشي ليش ربي سخر الي كُل هذه الاشياء
لزمت ايدها ورحنه بطريقنه لبيت اهلي ، غمضت عيني واني اسمع دكات گلبي درت عيوني عليها واحنه واكفين ننتظر تگسي يجي ينقلنه لبيت اهلي ، دارت وجهها عليه وابتسمت بادلتها الابتسامة يمكن صعب عليها تتقبل هذه الشي بس راح يصير عادي بمرور الايام ويجوز ينمو حُب بداخلها
وصلنه للبيت ونزلنه وكفت مقابيل الباب وحسيت نفسي مو مستعد لهاي ألحظه ، طرقت الباب ثلاث طرقات وأجاني صوت أُمي ::منوو بالبابب؟؟
خالد::هذا اني يوم تعاي فتحي الباب
بلعت دريك وحسيت هاي الكم دقيقه صارت اشهر بين متجي أُمي اذكرت حجي ابوي وتعب أُمي ورفضها المُستمر لهذي الشغله درت وجهي الها والتوتر والخوف مبين عليها شديت قبضتي علّى ايدها ورجعت درت وجهي ويا فتحت الباب
بانت الصدمه والغضب على وجهه أُمي بس بقت ساكته وأردفت بهدوء::تفضلوا ادخلوا جوهه
دخلت وهيه دخلت برجلها اليمين ، معارضة أُمي أيشي
دخلنه جوهه وجان ابوي كاعد بالصاله اردفت بصوت حتى يسمعني ::السلام عليكم
رفع راسه واردفت وهوه مشايف فيروز::وعليكم السلام
راد يرجع راسه بس حس بوجود شخص بينه جديد وعرف منو رفع راسه على السريع وهوه مصدوم اردف بعصبيه
-خالدد اتوقع عرفت انيييي شكلتتت
-يابه عقدنه البارحه يم شيخ جاسر
-لاااا مبين انتَ تسمع كلام اهلك وتبر بيهمم
-يابه اني والله مامسوي شي بالحرام ولا ماخذها بالحرام كُلشي صار برضه ربي وتعرفني اني مؤمن بربي ومو من طبعي اسوي شي يعارض ربي
انسام::ابو أبراهيم استهدي بالله وهسه نفهم كُلشي لاتسبق الاحداث ومبين البنيه مفارقه اهلها لاتصير شراي النار ومتبر بيها اعتبرها يتيمه
سكت ابوي وكعد راحت أُمي شويه واجت::خابرت رحيق تجي وتجب وياها كم غرض للبنوته خاف محتاجه شي او مستحيه على الاقل رحيق تفهم عليها
محد حجه شي كعدت وهيه بصفي وأيدي بأيدها بدون ما أعارض شي ، مشى وقت يله أجت رحيق سلمت واخذت فيروز وياها وراحن للغرفه
سحب ابوي كوب الچاي وبده يشرب منه عم التوتر بهاي الحظات حسيت مسوي جريمه وجاي اتعاقب عليها ، اردف بعد مُده من السكوت::انتَ بهاي سوايتك تعرف شسويت وشنو الناس هسه تحجي علينه
خالد::شلي دخل بالناس بويه اني الي بيكم وبنفسي الناس اذا سويت عرس تحجي ماسويت تحجي سويت صح تحجي سويت غلط تحجي شنو تسوي راح يحجون رضوا او ما رضوا اني شلي دخلل بيهم اني عليه انتوا ومرتي فيروز هاهيه ختام حجي
علوان::خالد ابني اني معارضة هذه الزواج اله بسبب واحد هوه خوفي عليك شنو يصير بيك بعدين من يعرفون انتَ شنو سويت وفعلت هاا كول اليي شراح يصير متوقع محد راح يبلغ عليك متوقع سيد راح يبقه ساكت؟ كول يله ليش ساكت
حسيته حصرني بزوايه وحاط حبل المشنقه لو اموت لو اموت بالحالتين لازم اجاوب شي اخلي يقتنع بلتت شفتي واردفت
-بويه ارحم والديك واموات المؤمنين بس فهمني انتَ شرايد مني هسه ؟ اروح ابلغ على نفسي لو شنو؟ فهمني انتَ شنو رايد اني اطلع بيت وحدي وأجر احسلي حتى لا اصير عليك ثكل ولا حجي زايد عليك وعلى البيت هاهيه تم كُلشي
علوان::حاسبني انتَ بس على البيت هاا؟ ولك بيت شكبره تجي تكول تطلع وحدك خالد ابني اني مقصدي هوه خوفي عليك من الدوله انتَ بهاي فعلتك عرفت شنو سويت هاا تعرف لو لاا؟؟؟
خالد::اعرف كلشش زين اني شنو مسوي وشنو فاعل محد يجي يبرر الي فعلتي بس بويه انتَ كلشي ولا حزنك وعدم رضاتك عليه انتَ والوالده انتوا عدي اهم من روحي ومن كلشي بس اعذروني فيروز اني من زمان رايدها ومن ربي سخر الي كلشي اجي اعوفها اعتذر وعذروني
عيوني تتنقل عليهم ، اتنهدت من بقوا ساكتين وعرفت اقتنعوا بحجي رجعت اردفت::اني رايد اطلع بيت وحدي وسيد كال الي اذا اريد اخذ شقته بس اني رفضت راح اجر الي بيت واكعد بي وان شاءالله ربي يسهل علينا كلشي واتمنى رضيتوا عني وعن فيروز
مر وقت على حديثنه صار وقت الغدا وكل شخص راح لمكان بأضافة كُرسي جديد لمدامتي ، خلص اليوم وصعدنا اني وياها للغرفه تمددت على الفراش وهيه بصفي ، جانت ليله سعيده بكامل المواصفات من حجي وياها وهيه بحضني
فتحت عيوني على زقزقة الطيور وهيه حاطه راسها على صدري ابتسمت واني اتأملها شلت راسها وحطيته على المُخده واني رحت اغسل حتى اروح لدوامي
طلعت من الحمام وشفت امي كاعده بالصاله تقراء قُرأن ابتسمت ورحت يمها::صباحج خير يوم
-وصباحك هم يمه ، فيروز وين؟
-طلعت من الغرفه جانت نايمه هسه اشوفها اذا كاعده او لاا
هزت راسها ورجعت تقراء واني رحت للغرفه فتت شفتها كاعده ترتب الفراش ابتسمت::صباح الخير فيروز
-صباح النور ، جوهه كاعدين؟
-ايي أُمي سألت عليج وكلت الها اشوفج اذا كاعده حتى تنزلين
ما حجيت شي بس أومأت براسها ، راحت تنزل جوهه واني غيرت ملابسي الى ملابس الشغل وعدلت شعري ورشيت العطر ونزلت جوهه ، فتت للمطبخ جانت كاعده تحط المربى على السفره ابتسمت بهدوء وأُمي حطت الچاي هم على السفره
كعد ابوي والكُل على السفره ومن حديث الى حديث ثاني وصلوا الى حديث أبراهيم::بويه أبراهيم شوكت راح تزوج
ابراهيم::بس شويه يهدء الوضع ونزوج اذا الله سهلها
انسام::ان شاءالله اني اشوف البنيه حتى تحضر هم كم غرض الها ونشوف الكم غرفه جديده وغراض تحتاجوها
محد عارض بعد ، خلصت ريوك وكمت اروح كامت وياي فيروز وراحت للباب ابتسمت وحطت الي قنينه بيها ماي وكم حاجه اكل وغيره ، اخذتها وسحبت راسها قبلته أجت أُمي تودعني ورحت وكفت يمهاا وبست راسها
الطرق كُله افكر شون راح الكه بيت واكعد بي وين راح الكهه هذه البيت وبيا زاويه وبيا منطقه صعب الكه بهيج وقت بيت يلفني اني وفيروز ، استصعبت هواي امور بحياتي بس مو بكد هذه الأمر ، وصلت للمركز ورحت للغرفه مالتنه كعدت على الميز وبديت اشتغل من فايلات وتعزيل وتصفيه
مر الوقت بين الشغل والترتيب وبس اخذت استراحه اكل وصلاة وهذه جان استراحتي ، رفعت عيني شفتها الساعه توحي انو راح تصير بَـ 9 مساءً اخذت غراضي ورحت يم الهاتف الي موجود بالمركز و وكعدت دكيت على هاتف البيت واجاني صوت ابوي وهوه يسأل ::منوو؟
خالد::هذه اني بويه خالد
-هاا شرايد بويه محتاج شي ؟
-لاا بويه بس رايد فيروز اذا متصير عليك زحمه صيحها الي
-هسه بويه
سمعت صوته وهون يصيحها اجت وسمعت صوتها::هله خالد محتاج شي ؟
-لاا بويه بس أسألج انتِ اذا رايده شي او محتاجه
-لاا والله عمو وعمة كُلشش مدلليني وحتى عمة جاي تعلمني على الطبخ وشون اسوي كيك وهسه حطيناها بالفرن تستوي وانطلعها ادزلك شوي بيد أبراهيم
-لاا بويه مشكور انتوا اكلوا واذا ردتي شي موجود رقمي جوه التلفون تلكي شيلي التلفون وتلكي بورقه دكي واني اشيله
-تمام ، خالد
-همم
-ما ادري شون اشكرك بس من كُل گلبي اشكرك على الي سويته وياي
-ماكو شكر بويه عليش اشكريني
ابتسمت وسديت التلفون منها.
رحيق::سديت الباب ودخلت للمطبخ شفت أُمي هيه وفيروز يسون اكل::سلام عليكم عيني
اردفُ اثنينهم::وعليكم السلام
انسام::هله يمه وينج اشو مختفيه
-هايي شني يمه البارحه اجيت
-عادي يمه غير اشتاق الج والبارحه ماشفتج يادوب اجيتي شويه ورحتي بس سلمتي ورحتي للغرفه ماطلعتي اله من اجه علي
-يله اليوم اجيت ابقه اسبوع لانو علي راح سفره شغل
-علخير ان شاءالله
هزت راسها أُمي واني رحت كعدت على الكُرسي اباوع على فيروز جميله وشكلها هادء ضليت صافنه وبس ابصبص عليها حتى احسها ارتبكت اداركت الموضوع واردفت
-فيروزه اكلج حاجه
-كولي عمـري
-اروح فدوه لعمـرج كُلشي بيج حلو حتى حجيج حچي مُثقفين ماشاءالله عليج حبيبه ، بس كون اليوم ماعدج حاجه واخذج للسوكك اشتريلج كُلشي وارجع هيج ما ابقي حاجه بنفسج
ابتسمت الي بود واني هم بادلتها الابتسامه كمت من مكاني ورحت يم ابويه كعدت واني وياهه نشرب چاي::احم ابويه اكُلك
علوان::كولي بويه محتاجه شي؟
رحيق::ايي والله مشتاقه الأُمي وكُلش طاكك گلبي عليها خلي نروح الها
علوان::جنج على شوفت أُمج نروح بويه ليش لاا
هزيت راسي وكملت شرب چاي ، أجت خاله هيه وفيروز نكعد سويه ونسولف أجت جوارينه أُم رزان وهيه محمله أخبار المنطقه::خيرج خاله أشو جايه ملهوفه علينا
أُم رزان::غيرر اخبار جابيتلكم سمعتلج ذيجج السالفه الزوينه الي طچ بالگلب ولجج يمُهه بيهن الزينات وبيهن الشيناتت
انسام::سولفي أُم زران عيوني أذني صاغيه الج
ضحكت على خاله وأُم رزان أثنينهم يحبن هيج سوالف ، سحبت أُم رزان القوري مال چاي وتصب وتحجي
أُم زران::سمعت يم حوراء ام حسنين تكول على سعديه أُم عليلة انو عليلة تحب واحد وتشوفه من السطوح وتكول جاي الولد خاطب وابو عليلة راد يطي تقيه بس شني خايبه عليله مسويه مُشكله شنو تطون أُختي ومن هذني السوالف وأبو عليلة الزمها وملخها تملخ ولجج الصياح ذاك اليوم يمكن حتى الميت سمعهه وحق الهذه الله
انسام::ياا والله خطيه عليلة خوش بنيه مو مال هيج سالفه تصير الها بنيه تنحط على الگلب
أُم رزان::ايي والله حجيج حجي أُم أبراهيم ، ايي لعد شصار على سالفة أبراهيم شوكت العرس
انسام::ان شاءالله كال بس شويه الاوضاع تصير زينه ونسوي العرس
أم رزان::علخير ان شاءالله
بقت للعصر أُم رزان وراحت ، أجه أبراهيم للبيت ضايج ورحه طالعه أردف وهوه صوته عالي::فيروزز جيبي الي ماي
انسام::يمه عيب كوم انتَ اخوك مو جاب مره حتى تصير النه خدامه
ابراهيم::ماطلبت منها شي هوه ماي
انسام::حتى لو أُمي انتَ ميصير اعتبرها أُختك
راد يحجي وأجت بيدها ماي رادت تطي وسمعنه صوت أُبوي::جيبي اني اشربه عمو هوه خلي يكوم يجيب لنفسه
اتمشت لحد ابويه واخذ الماي شربه كام ابراهيم وهوه يستغفر
اضحك عليه بداخلي يستاهل منو كله يصيح عليها حتى تجيب اله ميعرف ابوي ميحب هيج شي ، مر وقت وكمنه نسوي كيك وحلوايات
رحت للمطبخ جانت كاعده وتفحص ايدها وكفت يمها وشفتها مشخطه بللت شفتي واردفت::اشوف ايدج وخلي اجيب مُعقم
فيروز::ميحتاج عمـري هسه تصير زينه بس بسبب الكلبشات هيج صارت
-لاا اني عدي خوش مرطب ايد اسوي اني معليج هسه اجي احط الج وتصير تجنن تُلك لك تصير
ابتسمت واني رحت طلعت المواد وسويت الخلطه وبديت احط على ايدها خلصت ايدها وحطيت لايدي انتظرت عليها 15 دقيقه ورحنه نغسلهم ، رجعنه للمطبخ وجبت الها كلينس ومرطب مال اطفال ، حطيت شويه بالكلينس وبديت امسح على الاماكن مال جروح شوي اذاها بس صارت احسن من قبل
ابتسمت واردفت::استمري على هذه اسبوع هسه ترجع مثل قبل بعدين ايدج ناعمه حيلل وحلوه لازم تهتمين بيها قابل مثل ايدي جنها ايد رجلي علي
ضحكت بهدوء واردفت::اريد اسئل شي بس مستحيه
-دكولي ياعيوني اعتبريني أُختج الكبيره
-اني احس بشعور اتجاهه خالد واريد اسوي اله الي يحبه بس مااعرف عنه شي فَ ياريت تساعديني
-يااجنج على مُساعده اطيج عيوني مو بس اساعدج
-يعني ما ادري شون اردلكم الجميل هذه الي جاي اتسو الي اصراحه ابدد متخيلت هيج راح تعاملوني لاني اجيت من سجن ويعني
-قابل بأرادج حبيبة انتِ أُجبرتي على هذه الشي مو بأيدج يعني مسويتي لاجريمه ولا غلطتي بشي هذه الشي كُل شخص جاي يصير وياهه
ابتسمت بهدوء واني كمت جبت الها ورقه وقلم::يله اني احجي وانتِ سجلي
أومأت براسها واني بديت اعدد الها الي يحبه والي ميحبه وهيه تكتبب ، مر اسبوع ورجع خالد للبيت واني بعدني يمهم لانو علي ما رجع ، كاعدين كُلنه بالهول واردفت اني
-خالدد شوكت ترجع تلتحق ؟
خالد::اخذت اسبوع عُطله كلت ابقه بالبيت
رحيق::ايي عفيه لعد خلي نروح للزياره كُلنا سوهه
علوان::يالله لعد حضروا خلي نطلع الفجر
محد عارض الي حجاهه كمنه نحضر غراضنه ، خلصت كُلشي وحضرت غراض الجهال اجاني زيدان وكف يمي واردف::يمه راح نروح لبيبي؟
-ايي حبيبي راح نروح الها ونروح لعمك زيد هم ونروح لجدة ابوك ونزور موتانه كُلهم
-بس يمه اني اخاف من المقبر احس يضيق صدري هناك
-ليش يمه باوع اطيك أيه أقراها أهناك زين اول ما ندخل للمقبره انتَ اقره الايه ماشي حبيبي
-زين ماما عادي ابقه أهنا؟
-لاحبيبي يضل بالي بعدين محد باقي اهنا ليش تريد تبقه ، تروح لبيت جدك؟
-لاا اجي وياج ما احب ابقه اهناك ويا عمه زهراء احسه مخبله
-لاا حبيبي عيب هاي عمتك ميصير هيج تحجي هيه تحبك بس هيه شوي مريضه ومحتاجه ترتاح ماشي حبيبي يله روح نام ولا تنسه أقره أيه الكُرسي وباجر هم اقراها تمام حبيبي
هز راسه موافق وراح ينام واني تمددت على التُخم ، افكر بأُمي وشكد مشتاقه الها ولحضنها اتنهدت وحسيت بدموعي جاي تنهُمر على وجناتي واحس بحرارتهم مسحت دموعي وقريت أية الكُرسي وسحبت الغطى انام على التُخم
فزيت على صوت الاذان مال الفجر كمت من مهجعي ورحت للحمام اتوضى حتى اصلي ، وكفت وحسيت بوجود شخص يدخل كبرت وسجدت ، سلمت ودرت وجهي شفت خالد كاعد ورايه ابتسم الي واجه كعد يمي وسحب ايدي
-عساج بخير خويه
-يديمك حبيبي محتاج شي؟
-سلامتج بس طلب صغير
-كول اطيك عيوني
-تسلمين خويه متقصرين ، بس خايف على فيروز احس مجاي اعوضها عن اهلها او جاي تحس بنقص ىا ادري يعني احس بيها شي بس مجاي تحجي ياريت تحجين وياها
-ان شاءالله احجي وياها ورا ما نرجع حتى على انفراد
-تمام كملي واني اروح اصلي
هزيت راسي وهوه راح غمضت عيني ودعيت الهم براحهه والطمئنينه ، لفيت السجاده وحطيتها على صفحه ورحت اسوي ريوك حتى ناكل ونطلع ، أجوي كُلهم وتريكنه وكل واحد راح يبدل ويلم غراضه
مر الوقت وصلنه للنجف الاشرف رحنه للمقابر بعدين رحنه الأمام علي (عليه السلام) زرنه وصلينه الضُهر وطلعنه لكربلاء ، وصلنه ورحنه نتغدى وبعدين زرنه ورجعنه للبيت
راح كُل واحد لغرفة ونام ، صار الصبح ونفس الروتين بس طلع ابراهيم للشغل وابوي وخالد راحو يسوون الحديقه ، تحمحمت وسحبت فيروز ورحنه للصاله الثانيه كعدنه واني كعدت مقابيلها
-ايي مدام فيروز هسه نجي نحجي شبيج اخويه يكول احسج ما مرتاحه
-رحيق يعني ما ادري احس بيه شي بس ما ادري يعني ما ادري صراحه
-يولي تشتهين شي يعني تحسين بلعيه او هيج من هذني السوالف
-لاا ما احس بشي من هذني
-هاا اجه بالي خاف اطلعين حامل
-لاا رحيق مصار ثلث اسابيع من ازوجنه يعني
- اكو يحبلن من اول يوم عزيزه گلبي
-صُدكك مجنتت اعرف يعني عبالي دائماً يطولن
-لاا عادي حسب طبيعت الرحم
ضلينه نسولف ومر الوقت وصار اليل ، شفت أُمي طلعت وياها فيروز وصيتهم على كم حاجه الي ، كاعدين كُلنا سويه بس فيروز ماهيه استغربت واشوف أُمي كاعده ومبتسمه أجت فيروز يمنه وهيه تمشي
ابتسمت الها فتحت عيوني من المنظر وعطت بصوت عالي.....
يتبع...
اعتذر على التأخير بس وضحت بالقناة انو صار عدي ضرف
ولا تنسون التصويت رجاءً
لمتابعة باقي الرواية زوروا قناتنا على التليجرام من هنا
