رواية خائن لا يعرف الحب الفصل الثاني 2 بقلم أحمد حسن الخفاجي
كالت اللة يرضئ عليج يمة تانيا ابتسمت كتلهة يمة احبج اموت عليج كالت اني هم احبج طبعا اني اموت ع امي اعشقها اتنفسها ماانام اذا مو بحضنها ماخليها تشتغل ابد اخاف عليها عدها ربو كملت ريوك وخليت الملابس
بالغسالة غسلت المواعين ونظفت المطبخ وطلعت نظفت الصالة والغرف بيتنة مساحتة 150 طابقين بي 4 غرف 2جوة و2 فوك وحمام خارجي وداخلي وطارمة صغيرة كملت التنظيف طبعا ايد بالغسالة وايد بالبيت رجعت للمطبخ شفت امي كملت الغدة وطفت الجدورة كالت اللة يرضئ عليج بنتي انشاللة تجيج قسمة زينة واطمن عليج قبل مااللة ياخذ امانتة كتلها اسم اللة عليج يمة عمرج طويل انشاللة بستها جنت حيل اخاف من تحجي هيج وياية كالت اريد احجي وياج اني امج واريد مصلحتج يمة كتلها كولي ست الحبايب كالت خالتج ام عمار تريدج الامير واني ماريد انطيج الامير طبعا امي عدها بس اخت وحدة وماعدها خوان ابتسمت وكتلها تامرين بس اني ماريد اتزوج واعوفج اريد ابقة يمج ضحت وجرتني لحضنها وباستني من راسي ورة اشوية دخل بابا تلكينا ودخل اخوية ضلينة نضحك ونتشاقة وسوالف كملنة الغدة سويت الجاي وصبيتلهم وديتة للصالة شربو الجاي واني طلعت غسلت المواعين ولميت المطبخ امي دخلت علية كالت يمة راح انام وانتي هم نامي ارتاحي كتلها اوك رحت للصالة شغلت التلفزيون جنت اتابع مسلسل تركي فريحة خلصت ب 3 واني خليت راسي وغفيت ماحسيت الة ساعة ب 5 كعدت شفت اهلي كاعدين ديسولفون بالمطبخ كمت غسلت وبدلت كلت لامي خل نطلع للخضر كالت ميخالف نروح اخوية كال اني اوصلكم بابا كال اني راح اطلع لبيت ابو محمد بيت عمي بشارع فلسطين وانتو تعشو لتحسبون حسابي كنالة ميخالف رحت مكيجت مكياج خفيف وبدلت لبست بنطلون جنز حبري وبدي اسود ولبست العباية الخليجية وحذاء فلات لونة احمر وجنطة حمرة وشال اسود طلعنة من البيت اخوية ظل يصيح يالا عاد اخرتوني عندج شغل طلعت اركض وامي وراية اول ماصعدت للسيارة اخوية عاط بية كال خفف الحمرة اني خففتها بالكلينكس وكمت اسب بي بكلبي وصلنة للخضر هوسة وزدحام اني كامشة امي وامشي ع كيف علمودها خطية متكدر تمشي وشباب يباوعون والدنيا مكلوبة هناك طبينة زرنة وطلعنة امي كالت تعالي نكعد بالكازينو احسن هدؤء هنا كلها شباب كتلها حاضر يمة دخلنة للكازينو كعدنة ونباوع الاجواء حلوة وعوائل والزرع والهوائ النقي والسمائ صافية تخبل. وموسيقئ هادئ كولش سمعت صوت طفل يبجي نداريت اريد اشوفة وجان يصير كبالي هاذ الولد الشفتة بالمول باوعلي وبتسم اني انصدمت شفتة وكف واجة يتمشئ علينة كال السلام عليكم ...
