رواية بين الحب والأسر الفصل الثاني والعشرين 22 بقلم أمل مهدي

 

رواية بين الحب والأسر الفصل الثاني والعشرين 22 بقلم أمل مهدي

هو اسبوع بس عشنه قلق بقلق 

وكل ما يقترب موعد السفر اخاف اكثر

هاجس الفراق ترك اثر بنفسي

ما اكدر بعد ابعد عنه بكل لحظه

وبكل ثانيه اريد اكون ويا

اتعذب من اشوفه صافن ويفكر

ومن يفز من صفنته يستغفر

اعرف خلافه ويه امه معذبه

والسبب آني

لاهو يكدر يتنازل عني ولا اني 

الاكدر

ما اعرف ليش واكفه بطريق سعادتنه

هلافتخار

انسانه اتموت ولا تتنازل عن مستواهه الطبقي

وسام ...الو هلو ياسر

ياسر ....لك هلو خويي ابو السوم

اشلونك 

......والله بخير ردت اسلم عليك

اني باجر مسافر للعلاج

.....صدك والله باجر يمك 

......لا شيجيبك ياسر انشالله اذا رجعت تعال

....يول اتكول اذا رجعت عمليتك خطره

.....والله هيه يفتحون راسي بس يكولون مو خطره

......ههههه عجل شلون مو خطره

لا 

دحك سد التليفون باجر يمك اتريك

بلغ اخيتي ام علاوي باجر اوصلكم المطار

.....ام علاوي منو

......يول انت ابو علاوي وهيه اخيتي ام علاوي

.....ههههه ما اصيرلك چاره

بليل اجونه اهلي كلهم يسلمون علينه حتى رافد ولبنى واول مره

اشوف بعيون وسام رغبته بطفل

خليت امير بحضنه

يباوعله متعجب

وسام......شنو هذا الجمال ما شاء الله

تدرون اول مره اللزم طفل وبده يتفقد ايده ورجله 

تعالي سراب شوفي اشكداته يتلمس

ابشرته ويبتسم

رجعه الرافد الله يحفظه الكم

اميره..... الله يرزقكم انشالله

الذريه الصالحه

.....اشكرج خاله

وهمه يمنه سوالف وكعده دخلو بيت خالي سعد كلهم

رافد ورائد ..واولاد خالهم سعد غير

شكل ناس متواضعين 

اتعرفو على اخواني سوالف وكعده حلوه

شكد حلوه اللمه بس لو امه واخو هم يجون

سهرنه ذيج اليله للوحده وبعدين الكل راحو

رتبت البيت وغسلت الماعين 

واجيت يم حبيبي الليله ما اله واهس بيه

حضنته مثل طفل نيمته على ايدي

وامسدله بشعره الى ان نام

صحينه ثاني يوم على دكت الباب

وسام......الساعه تسعه

هذا اكيد ياسر

فتح الباب....

ياسر.......نعلعلا كعدتكم من نومتكم 

والله نسيت انتو عرسان

صباح الخير

.....صاير هواي تنسه ياسر

دفوت مغبش اشعندك...

.......عمي هاي عدكم غبشه اهل

بغداد

سراب...صباح الخير

ياسر....دنك راسه هلا اخيتي صباح النور

خليت الجاي والريوك كدامهم حتى ياخذون راحتهم

واني دخلت جوه احضر بالجنطه

وسام.....اشلونك ياسر 

.....اشلوني عفت بيت ابوي رحت يم

اختي ماخذه ابن عمي

بحجة ادور شغل...

ما اطيق البيت غيرتي تمنعني اعيش

وياهه بنفس البيت

وكانت نفسي بيه

كلت احسن شي ابتعد

وسام.....واخوانك رضو

....الااشويه يجون. وياي ما يقبلون 

بس اني ارتاح هيج

كلتلهم كم يوم وارجع وهمه كابلوني وكعدو

يول لو تشوف ابنها فهد قصدي ابن اخوي سيف

تبعني عمي وعمي

وسام....انت كلته هسه الكه ابنه يكلي عمو

.......هااااي يخوي قسمه عجل اني منو وما اقبل بيه

وسام....اني رايح والنيه على الله

اذا الله

كتبلي ارجع اسوي شغل اني وياك انشالله

ياسر....يول انشالله ترجع واني

استقبلك بالمطار

اني اترخص ازور الامام الكاظم واجيكم 

وسام ....ماشي ارجع غداك يمي

ياسر ...لا تشيل همي حضر روحك والله كريم

طلع ياسر....واجاني وسام

سحبني عليه....وباوع ابوجهي

هاي شنو

....شنو

......ما ادري اشو مشتاقلج

....ضربته على صدره ...ههه خوفتني

.....والله احس مشتاقلج مدا اشبع منج انتي شنو احمدك ربي انطيتني 

هاي النعمه

.....لعد اني شگول

...وبده يطبع بوساته بشغف 

ويهمس

احبج...احبج ...احبج...

واني ذبت بكل همسه منه

حضرنه الجنطه وحده جبيره تكفين 

وسام ....ها ما ناسين شي

سراب...كل شي جهزت

هسه على جيه ياسر وحسام

سراب...اريد احجي وياك ممكن

وسام......اللتفتلي ولزم ايدي

خير تعاي اكعدي شكو

.....هههه شبيك وسام شغله بسيطه

....گولي يگلبي انت تامرين أمر

....الله يحفظك اليه

من نطلع منا اريد انمر على بيتكم

.وسام....ليش

سراب......اني متاكده هسه خاله افتخار مقهوره بلكت من اشوفك

تتصالحون لان اكيد تدري مسافر للعلاج

وسام....اخاف تغلط بحقج ما اريد اعرضج الهيج موقف

....اني قابله راح اتحمل كل شي تحچي

واترجاهه همين ما اريدك تروح وانت تفكر بشي

....ما ادري شكول

....لا تكول شي اتكل على الله

....ماشي

طلعنه للمطار بسيارة حسام وجان اويانه ياسر

وسام.....حسام هذا مفتاح شقتنه

خلي يمك ومرنه على البيت

حسام....يابيت...بيتنه

وسام....اريد اسلم على امي

....ماشي

وصلنه الباب لزم ايدي تكاودنه ونزلنه

وسام....من رخصتك ياسر لحظات واجيك

ياسر....روح يول الله يبرد الگلوب

دخل حسام واحنه ورى

لاكتنه ام هادي

بوست وسام وبجت 

....الله يردك مشافى بعد روحي

.....الله يخليج خاله

حسام....ماما وينج اجوج ناس

يسلمون عليج

افتخار....كاعده والحرگه بگلبي 

اريد احضنه ابني فرحتي الاولى

مقهوره عمليته بالراس وخايفه عليه

بس شسوي ما اطيقهه

اخذه غصبن عني

ويدري بيه اكرهه

ماحبيته

لا من ثوبنه ولا مستوانه

وسام...اتقدمت ولزمت ايد ماما اشلونج 

افتخار...دمعت عيني وحضنته

كلبي حن خايف علىيه

وخرني من حضنه وباس ايدي

ماما ادعيلي

افتخار...ساكته والعبره بصدري ما اريد اضعف

واجاني صوتهه صعقني

سراب....اشلونج خاله....صدقا نطقته بخوف

افتخار...وخرت وسام بايده باوعتلي 

ودارت على وسام...

ليش جايبه اني اشكتلك

مو كلت ماريده تدخل بيتي

وساممممم

سراب......خاله اني ردت اسلم عليج وسام ماله علاقه

افتخار....وانتي منو ومنو كال اريد استقبلج ابيتي

انت وحده متستحي فصخت خطبتج من زمان المن تابعه ابني

شفتي نفسج عجزتي ومحد يكلبج

خلصتي فراره بالدوائر

وضحكتي على ابني

وحجي اشكال...كله واني ساكته

حسام يسكته متقبل تسكت الكل على صياحه واكف يسمع حتى اولادهم الزغار كل الحجي ما اثر بيه بكد كلمته الاخيره

لو بيج خير جيبيله طفل

نزلت ادموعي ووسام يجر بيه

الخاطري ماما كافي أهانه وهيه

ولا سكتت الى درجه فحطت

سراب....طلعت حسيت راح اتموت 

واصير اني السبب

ماكو هيج حقد وكره شنو من گلب عده حجر حجر قاسي

وكفت وره الباب امسح دموعي

خجلتني وصغرتني وهانتني كدام اسيل ورواء

ستحيت من ياسر اطلع ابجي

واسمع سامر تعارك ويه وسام

اطلع ماريدك بعد لا تجي امي 

راح اتموت انت مو ازوجته ابعد عنه لا تجينه

وحسام راد يضربه السامر..

بس وسام منعه 

وسام....يالله نمشي وصل يمي

لزم ايدي بأيده وطلع صعدنه وياسر

يباوع بالوجوه

كانه فهم بس ما سال

وصلنه المطار ودخلنه ودخل ويانه حسام وياسر

وسام....ياسر تعال اريد احجي وياك

ياسر....اي كول تمشينه اشويه

ومديت ايدي بجيب قمصلته

ياسر....وسام لا اسويه ازعل منك

وسام.....هذا عربون العمل الجديد

من ارجع انكمله

ياسر...يول لا تزعلني منك مستوره

وداراجع على رواتبي

وسام......انت لا تزعلني احلفك بالمرحومه اذا اطلع ايدي لا تردهن

ياسر...حضنه الوسام

رب اخ لم تلده امك

وسام.....هههه اني هم هيج اكول

رجعنه لكينه حسام امشي الجنطه

باقين على الختم

نادو على الطائره

وحنه توادعنه

حسام.....سراب احسبيه عليه امي 

هاي عقليته لا تنزعلين

سراب....اني لعيون وسام ردت بس تصالحه 

عن نفسي مسامحته

...اصيله ديري بالج على وسام

لا توصيني على روحي

وسام ابتسم

سلمو على بعضهم واحنه تقدمنه لختم الجوازات

صعدنه الطائره وايدينه متگاوده

وحلقت بينه الطائره في الفضاء

رائد.....

من بعد اسبوع اجاني ابو سامي

ابو سامي.....السلام عليكم

رائد...وعليكم السلام عمي

......عمي رائد احنه نتشرف بيك وباصلك تكدر تتقدم وجيب اهلك

......وكفت عمي مشكور الله يوفقك وانشالله اشيله بعيوني واسعده

.....الله يحفظك ابني

....اخاف شويه نتاخر اتاني اختي بالاردن ويه زوجه راحو للعلاج

يعني حسبة شهر انشالله

....عمي ابراحتكم

فرحت وخابرت على ريهام وفرحته

متاني بس تجي سراب وانشالله تسهل

ليث ...شبيك تحاجي روحك ههههه

السلام عليكم

رائد....شوف دومك اصيدني هههه

ليث....يابه اذا مكابلتك طول الدوام

اشلون ما تخليك تحجي ويه روحك

الله يساعدك

رائد...

يا هله ومرحبه يابه الف الف 

مبروك الله يتمملك على خير

ليث....يوم الالك يابه

رائد....عن قريب انشالله

ليث.....ها قررت تطلبه

رائد....حجيت ويه ابو سامي ووافق

ليث....اي شمتاني لعد

رائد.....تجي سراب وزوجه من الاردن غير

ليث....من گال اسمه احس فز گلبي

وجريت حصره اشكبرهه

ليش اشعدهم. بالاردن

رائد......خطيه وسام ديتعالج

غير اجه ميشوف بعيونه 

ليث...استمع وصراحه انقهرت على حاله 

سنين امتانيته وتالي يجي مريض

استغفر الله

بالتالي كلمن ونصيبه

رائد...اريدك ويايه بالمشايه

ليث....اي ليش لا 

رائد تسلم ابو الشباب

ياسر.....

رجعنه من المطار 

حسام...اليوم انته اتبات يمنه

ياسر....تسلم يول ذبني باقرب مكان لا تكلف نفسك

حسام....لا ميصيرلعد اوصلك الكراج

....ماشي تسلم

وصلت كراج العلاوي سلمت على حسام ونزلت

اذكرت وسام مديت ايدي بجيب القمصله وطلعت الضرف لكيت 

فلوس شده ام المليون 

رجعتهن بالضرف

رب اخ لم تلدهو امك ...احجي ويه نفسي

الله يشافيك وسام والله انته اخ

صعدت تكسي للرمادي

حسام......

وصلت البيت امورث اعصابي گابه

....وين سامر 

اسيل.....طلع

رحت على غرفة امي

شبيج ماما...انت شنو قصتج ويه سراب

البنيه جايتج ابرجله 

وانت حتى العرسهم ما رحتي

وسام ابنج لو لا كيته بباب جامع

فهميني

ليش اتاذي وهو مريض

مصدكنه رجعنه بعد هاي السنين وانت تعادي

مكافي ادورين مستويات هيه الناس بحالنه

افتخار....روح انته ويا ما طول طابك ويا

ما طابك ويا على غلط البنيه حبه واخذه وصبرت وتحملت فراگه سنين

وما عافته

كافي طگت روحي

حتى سامر ميحب وسام من وراج

افتخار.....حتى تعرف الغريبه الدخلت بينه وفرقتنه

هيه ماله علاقه بينه 

فهميني انتي مو حبيتي ابويه وما تنازلت عنه

وسام وسراب نفس الشي حبو بعضهم

والبنيه وفتله اصيله وبنت ناس

افتخار....لا تقارني بيه

حسام....ليش لان مو بنت صايغ

اعصاب واصيح وامي قافله

كدامي التلفزيون دفرته برجلي

انكلب وتفلش

رواء اجر بيه وتبجي

وصراخ الجهال خافو وصارت هوسه

افتخار ....امشي اطلع ما ريدك

اتبع اخوك

حسام.....يعني اني هم تطرديني

هين...يجي يوم حتى اني اعوفج

ظلي عاملينه مثل الاطفال

وصعد الفرفته

سراب....

ساكته وفكري بغير عالك..

والطياره فوگ السحاب محلقه بينه

الى مصير مجهول ما اعرف مدى خطورة العمليه

وفتخار خوفتني

الكلام الكالته نابع من كره مو طبيعي

بحيث حتى وضعية

وسام ما همته

والطفل اذا ما صار طفل اشلون اني

اسمع بالثلاثين صعب يصير حمل

فززني وسام

گرصني من خصري

......وسامممم لحد يشوفنه

.....وين صافن حبيبي

.....باوعتله ماكو شي

......كل السوته افتخار وماكو شي

اني كلتلج ماريداسمعج كلام وتاذيج

وانت اصريتي

.....وسام امك ليش تكرهني

.....امي ما تكرهج...امي تكره المستوى الانتي بي

بختصار افتخار عاشت بمستوى 

الطبقه المخمليه الراقيه كانت عائلته

اغنى من عائلة ابويه

بس ابويه حبه وهيه حبته وما قصر عليه عيشه نفس مستواهه

كانت تريدلي من عمامي لو خوالي

همه كلهم نفس التفكير واحد يناسب 

الثاني

كل واحد يتباهه اشكد عنده رصيد ذهب

عرفتي شنو السبب

بس هيه نست شغله...الحب

اني حبيتج وبعدني احبج ولاخر عمري راح احبج

يهمس يم اذني

...دمعت عيني

ولتفتتله واني هم احبك لاخر عمري

چنت مستعده انتظرك

اعيش على ذكرياتك هم راضيه

لزم ايدي وهو يباوع بعيني ورفعه باسه

رجعتلت وبعد ما اعوفج 

تحلم الاقدار تفرقنه

فزينه على المضيفه ...تحاجينه

....لازم انتو عرسان ههه

سراب......هههه اي 

....الف مبروك ...تفضلو غداكم

...شكرا جزيلا

انطتنه وراحت

وسام......اگلج هاي المضيفه اشكد حلوه

.......فتحت عيني متعجبه 

انت مو مشوف وسام وشلت الجطل

.......ههههههههههههه ضحك من كل گلبه

اكو واحد وياالكمر ويباوع للنجوم

.....اي مو اكول

....صدكي هناك افتريت ٣ معسكرات بايران كتبت اسمج على الحيطان

اكثر من ٣٠٠٠ مره

چنت ارتاح من اكتب اسمج واظل

اباوعله احس يصير تواصل روحي بيني وبينج

مره جندي قراهه كال هاي شنو سراب كله حايطكم سراب

جاوبه ياسر......هذا اسم القاعه مالتنه حتى منتيه

هههههههه

بدو يوصون بربط الاحزمه حتى نتهيا للهبوط

منتجين وادينه متلازمه ونسولف

همس

وكفت الطائره وبدينه نتهيا للنزول

نزلنه انباوع بعيون المستقبلين 

لان المفروض عمو جليل يستقبلنه

سراب....اشلون اخاف ما يعرفك

وسام.....هيج اني متغير

سراب اشويه ....واحنه نحجي سمعت واحد صاح وسام

التفتنه

عمو جليل...

اهلا عمو الحمد لله على السلامه

هله بالغالي...اشلونك بابا

.......الحمد لله عمو اقدملك سراب

زوجتي

جليل.....اهلاعمو شلونج شخبارج

شافين الخير

....شكرا عمو

يله اروح...يله سحبنه الجنطه وطلعنه

اخذنه للفندق النازلين بي

كان حاجزنه  

....ارتاحو واني امر عليكم بليل اخذكم الخليل

....ماشي عمو تسلم

سراب ...وصلنه المغربيه دخلنه الفندق راقي كلش

الغرفه واسعه وحلوه واطل على حدايق كانت بالطابق الرابع

دخل وسام للحمام

واني وكفت كدام باب الجام مال البالكون

المكان حلو بس مدا احس بجمالية المكان 

خوفي على وسام يضيع مني من جديد

تايه بافكاري وخوفي فززني وسام

من لف ايده على خصري وحضني

من ورى 

وخر شعري وخله راسه بركبتي

.....هواي صايره تصفنين

......ما ادري 

....خايفه عليه 

.....سكتت

......قل لن يصيبنا الا ما كتب الله لنا

.....نزلت دمعتي ونعم بالله

.....سراب اريدج قويه 

......ههههه المفروض اني اصبرك واقويك...مو صحيح

......ميهم احنه واحد يقوي الثاني

يله فوتي اسبحي ورتبي نفسج

راح يجينه عمو جليل

لزم وجهي بيده يحب هاي اللزمه حتى الامه جان يسويه

لزم وجهي ويبوس بيه

....وسام كافي

....اني ما اشبع من بوسه اذا مو فد ٥٠ مترهم

....ههه

عفته وسبحت وطلعت لبست وتحضرنه

اجانه عمه وطلعنه للمستشفى

عمه خليل لازم فترة نقاهه ٣ شهور تحت مباشرة الطبيب

دخلنه وحضنه الوسام ويبجي

خليل....الحمد لله الله مد بعمري حتى اشوفك

وسام ....اشلونك عمو شلون صرت

اقدملك زوجتي سراب

خليل.....ما شاء الله الله يحفظج بنتي اشلونج

....الحمد لله....شكرا

شايفين كل الخير

الله يسعدكم

وسام.....تسلم عمو ارتاح

خليل ....اشبيك مريض عمو ابوك 

مات وهو يوصي عليك

ام رواء....اهلا يوم وسام عاش من شافك

الف مبروك تستاهل سراب اصيله

يوم الله يهنيكم

......اشكرج خاله تسلمين

خليل ...عمو وسام ابوك حملني امانه

وسام ....خير عمو شنو الامانه

خليل.....يحجي ويرتاح اشويه

ابوك عزيز عافلك وديعه باسمك بالبنك المركزي العراقي

وامني علو المفتاح والرقم

والحمد لله اجيت المفتاح عد خليل هو والرقم

وسام.....شنو يعني وديعه مثليش

خليل...والله يا ابني ما گلي فلوس 

غير شي ما اعرف

عمو جليل....هسه خلي نلتهي بعلاجك وبعدين ترجع بالسلامه

وتشوف 

وسام...صح عمي

جليل.....باجر حجزنه يم الدكتور

وسام...انشالله عمو

اترخصه منهم

ورجعنه للفندق كعدنه بالصاله

نتعشه.....انباوه ابكل مكان النفاخ

ورموز ولوحات التهاني بالعام الجديد

احنه الان قبل نهاية عام ٢٠٠١ بيومين

كملنه اكل وصعدنه الغرفتنه

رتبت الملابس بالديلاب ما ادري گلبي يكول سفرتنه اطول

واني شهر الاجازه راح يخلص 

لا رحت ولا جددت الاجازه

هو اصلا اني بياحال

لبست شي خفيف واجيت وسام

لابس دشداشه بيضه يرتاح بيه

ويباوع الاخبار

الحمد لله الغرفه بيه تدفئه

سراب...متنام

....بعد وكت......دا اسمع اخبار

......گوم حبيبي عوف الاخبار

لزم ايدي سحبه وكعدني بحضنه

.....اخاف ثكيله عليك

.....اسكتي...حاضني ويسمع

....وسام عوف الاخبار اتوترك

.....ظل كل شويه يكلي اسكتي واني ما اخلي يسمع 

احط كفوفي كدام عينه

أخر شي طفه التلفزيون وشالني وراح للسرير

اني اضحك وهو متوتر

لان ما خليته يسمع الاخبار

چتفني وصار فوكايه

هسه اشلوني متوتر لو لا واني اضحك...

صفن بوجهي شويه

......اني ما خايف اعمه خايف انحرم من هذا الوجه ما اشوفه وهو كل عافيتي بي

خلصت ليلتنه بكلمه وهمسه وسعاده

اتعوض ايام حرمانه وفراگنه

اليوم كان موعدنه ويه الطبيب

اخذنه عمو جليل 

كعدنه بحدود الساعه ننتظر بعدين شافنه الطبيب وطلع على كل

الاوراق 

وبده فحص باجهزه غير الشفناهه بالعراق...مطوره اكثر 

وسوله الوسام فحص سريري

من بعد ساعتين اخبرنه التشخيص صحيح مثل ما كلولكم بالعراق

لازم تزال هاي الخثره الدمويه 

والا تأدي لتلف العصب

وسالنه ليش عايفينه 

وعرف انه جان اسير

الطبيب.....حاليا راح نستعمل الليزر

الاشعه لازالته ومن خلال الجلسات راح انراقبه اذا قلت ماكو داعي 

عمليه بالراس واذا ما اتاثرت

راح نضطر نعامله جراحيا

وحددنه يوم ٢-١-من العام ٢٠٠٢

نبدي بجلساتنه 

اخذنه غرفه بالمستشفى ودفعنه

١٠ الف دولار تامين 

الغرفه بالمستشفى عباره عن سويت 

مجهز من كلشي

ولهذا نقلت كل ملابسنه وغراضنه لان لازم اكون معا بستمرار

عمو جليل انطانه اسم كم مكان

وكال اطلعو اليوم اتونسو 

راس سنه والعالم كلهه محتفله 

دخلنه مطعم اتعشينه

وبعده

اتمشينه اكو شارع الملك حسين مخلين بي شاشه جبيره 

وهنا حتكون الاحتفالات

واكو كافتريه مكشوفه عاليه اخذنه مكانه بيه وسط الناس

ومتونسين لابعد حد

لف ايده وره ظهري وحاضني والبرد

يكص گص

اباوع بوجه وسام

حلم....كل شي دا اعيشه كانه حلم

ايدي بايده بعد كل هاي السنين

الحمد لله 

الناس هوايه اكتضت الساحه بالمحتفلين

واحنه على المدرج نباوع متونسين

وبده العد بالسماعه والناس تعد بصوت عالي

وسام ...ايده وره ظهري وحاضني ونعد ويا الناس الى ان انتهينه

..زيرو

وشتعلت المفرقعات نحو السما راسمه اشكالهه المفرحه المبهجه

نباوع للسماء تطرزت بالاضواء الملونه...

العاصمه الاردنيه

اشتعلت....

بالالعاب الناريه صوره روعه

واحنه انشوف العالم فرحانه

مستقبله عامهه بتفائل

ذكرى لا يمكن ننساها هذا اليوم

شعور الفرح والامل حلو

حضني وسام بكل قوته وكال

اتمنيتي شي

سراب....اي

وسام ....شنو

سراب اتمنيت تنجح عمليتك والله يشافيك وترجع احسن من قبل

وانته شنو امنيتك

وسام.....

باوعلي ودار وجه للسماء يباع على اضواء الالعاب الناريه بالسماء

يصير عدنه طفل

            الفصل الثالث والعشرين من هنا 

لمتابعة باقي الرواية زوروا قناتنا على التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال