رواية بين الحب والأسر الفصل العشرين 20 بقلم أمل مهدي

رواية بين الحب والأسر الفصل العشرين 20 بقلم أمل مهدي       

شفتهه وخضر شما بالحياة اصفر

ورجع ذاگ الخلگ

شويه شويه گمت ازغير

-------------------

حسام.....

ها كمل الطباخ

سامر.....كمل وتغدت الناس..

وين جنت

.....ويه وسام غير

....لعد وينه ماكو

.......وديته الخطيبته

......انت من كل عقلك اتودي بيدك

الهاي....

.......سامر اعرف اشلون تحچي

هاي البنيه انتظرت اخوك ١٦ سنه

والاهم وسام يحبه وهيه تحبه

.......انت نسيت ماما فصخت خطبته من زمان ...وماما متقبل وسام يزوحه

.......مو بكيفنه ولا بكيف ماما

وسام هو يقرر ياخذه لو لا

.......حطيت ايدي على كتف سامر

وسام مريض ونظلم ونحرم من احلى ايام شبابه

والله رجعه انه لازم اندير بالنه عليه

هذا اخونه

نسيت بابا اشكد وصانه عليه قبل ما يموت

اياك ابيوم تجرحه بحچايه

........افهم منك انت قابل ياخذ

هاي المانعرف اصلهه

........احذرك سراب عدهه اهل وناس محترمين واثبتت اصيله وبت اصول

من ما عافت اخوك

واني بيدي راح ازوجهم

......وجيبه ويانه

.......اي لعد وين يسكن وسام لو 

بس احنه ولد عزيز هو حاله من حالنه

عفته ودخلت البيت 

سامر.......لعد اقنع ماما اذا تگدر

دخلت للمطبخ البيت هوسه كل كرايبنه جايين

وتلكوني

لعد وينه وسام وين راح 

حسام....رواء صبيلي غده

افتخار......هاي وين وديت اخوك

بس لاالبنت السايق...

حسام......واذا راحلهه شيصير

افتخار.....غير اتبره منه

حسام......ماما الخاطر الله فكري بابنج تره وسام مريض

ويحبه السراب

والبنيه صبرت ١٦ سنه اتاني كافي

افتخار.....محد صخم وجهه وكله اتاني ابني ما انطي الهيج وحده فكريه

حسام.....اهووووو رواء جيبيلي اكلي فوك بسرعه جوعان

وعافهم وطلع من المطبخ

وسام.....

سراب

.....ياروح سراب وعمرهه الرايح والجاي

.......اريد تاخذين اجازه طويله

......اكيد

......بعد ماريد نتفارك لحظه

......واني هم هيج اگول

.......اليوم احد.....الخميس اريدج 

يمي

.......انشالله

......احبچ

.......واني هم احبك

......اني اكيد اكثر

........لا والله اني اكثرمنك احبك

........ههههههه اشلون نعرف

.......ما اريد اعرف شي متاكده منه مثل ما متاكده انت كبالي

ونتهت سنين الفراگ

حضني حيل...اللله جنت احضن بنفسي وتخيلچ بين اديه يارحمتك 

ربي

الحلم صار حقيقه ابفضلك

اندكت الباب

باوعت للساعه ٩

هذا اكيد حسام

فتحت الباب....باوعلنه وضحك

وسام مفتوحه دكم قميصه واني حجابي مفتوح

حسام......ههههههه يابه اذا اني اظل استر عليكم بهاي الشقه تطلعلي گرون

......ههههه

... ولهذا قررت ازوجكم شتكولون

وسام .....يوم الخميس اريد

حسام.....يجرالك حزام ظهري

يله اروح

اي يله 

لفيت حجابي طلعنه وقفلنه الشقه

كعدت بالمقعد الخلفي ووسام بالامامي يم حسام

واحنه ادينه بيد بعض 

وصلنه بيت اهلي...

سراب....انزلو تفضلو

دخلنه نضحك والكل طلعنه رائد وعقيل وشهد وامي

يسلمون على وسام وفرحانين

اميره لو مو حزينه جان هلهلت

وسام.....خاله البقيه بحياتكم

اميره....حياتك الباقيه يوم

وسام ...خاله اترخص منج ومن رائد الخميس اخذ سراب

اميره...باوعت على سراب لا كلت اي ولا لا

يمه الحمد لله من الله فك اسرك

......اشكرج خاله

ساعه كعدو وراحو...

حسام...طبكت السياره ونزلت اني ووسام 

جانو اغلب الكرايب رايحين باقين بس بيت. خالي سعد اهل اسيل مرة سامر

....وين ماما افتخار

رواء... جوه بالهول

وسام ....السلام عليكم

كلهم ردو ما عدا افتخار 

وسام .....ادنيت كعدت يم ماما

وخليت ايدي وره ظهرهه وحضنته

اااااخ يا ريحتج يا ماما شكد احبه

حبيبتي افتخار عمري وبوس بيه

جنت كلش فرحان

افتخار..... اذا صدك اتحبني گول وين جنت

وسام.....جنت يم سراب كلته واني اضحك

ام وسام حضري نفسج هذا الاسبوع

اريد ازوج

الخال سعد......بهسرعه والله حقك

اتشوف الخير خالو

افتخار..... على جثتي زواجك منه

وسام.....اشكد جان مبين ابوجهي فرحان ...اتغيرت كل ملامحي

ماما اني جاي ابشرج وافرحج

زوجة سعد....شبيج افتخار دزوجي للولد وفرحي لو اني منج بنفس اليوم اجيبه اله

افتخار .....اذا على الزواج باجر اجيبله بنت الارباطعش بس سراب لا لا 

جريت اديهه لامي اثنينهن وباوعت بعيونه متوسل

وبستهن

هاي خطيبتي من قبل ١٦ سنه وعاقد عليه واحبه وهيه تحبني وانتظرتني

بختصار اختيارهه مثل الاختيار بين الموت والحياة

افتخار.....اي لعد ارجع واعتبرك ما اجيت 

اذا ختاريته وفضلته على امك

اتريد تاخذلك وحده عجوز ما تريد 

خلفه

وسام....صدمه حجي امي كان اليه صدمه

بعد الصار بيه جنت مصور تغيرت

ماما سراب ضيعت احلى سنينه

وهي تنتظرني وتره شهاده وجمال

اوظيفه وهواي رادوهه احسن مني قبل ما اتأسر ورفظتهم على مودي لان تحبني واحبه

احبه سمعتي ماما وما راح ازوج غيرهه

افتخار وكفت وصارت اعصاب

وعله صوته اجه حسام وسامر

والكل واكف

افتخار.....تعاندني وسام ارجع منين ما جيت واني اعتبرك بعدك اسير

حسام.....ماما 

افتخار....اسكت انته ...السبب منك

ليش تودي اله وليش تكلله اجه

سامر....يا اخي متخاف على امنه شجلبت بسراب ماكو غيرهه

وسام....انصدمت اكثر هذا سامر هيج يحاجيني

حسام.....اسكت سامر عيب تحجي ويه اخوك هيج

سامر....يا اخي ملينه

قبل مشاكله سراب وهسه ما صارله يومين من اجه هم سراب

سعد.....اسكت سامر انته متستحي تحجي ويه اخوك هيج

كفر خو ما كفر البنيه يريده 

واصلا خطبه قبل ما يتأسر

وسام.....لا خالو عوفه صحيح اظاهر

اني جيت وجبت المشاكل ويايه

تمشيت للدرج اصعد الغرفتي

واسمعهم صارو هوسه ورايه

خالو سعد وحسام اتعارك ويه امي وسامر

بعدهه امي عايشه احلام المستوى 

الطبقي

وتنظر للناس من خلال مستواهه المالي

منصدم الكآبه والضوجه رجعتلي

تمددت على سريري

دك الباب حسام

وسام ...اتفضل

تقدم وكعد يمي لا تهتم الخميس عرسك

وسام.....اي اريد سراب الخميس

تبات يمي

حسام.... باجر اطلع صباغين للغرفه 

ورفع راسه يباوع للحيطان تدري امك اول ما تاسرت راحت لاهل سراب وفصخت الخطبه

وسام ....شنو

حسام ...ليش ما كالتلك سراب

....لا

.....وتعاركت وياهم بس سراب ما قبلت تنطي الحلقه وظلت لابسته ونطت ماما النيشان كله

وسام......مع الاسف ماما لعد ابويه وين شلون قبل

حسام.....تعارك ويه امي بس شيفيد انت ما موجود

جان ملتهي بيك خايف ومقهور عليك

وسام......تصور اكدر ازوج بالبيت

حسام .....اي لعد. وين

وسام ....وامي وسامر هذا الماعنده احترام

حسام .....معليك اول وتالي امي

ترضى

سراب.....

ما اعرف اشلون كدرت اخلي يروح

روحي راحت ويا

اصبر نفسي

مي خالف سراب كلهه ٥ ايام ونصير سوه

كلشي ما كان ابالي غير اتحضر الهذا اليوم

اتصلت على شيماء وبشرته ومن السماعه

اسمع هلاهل ابراهيم وشيماء

وحاجتني ام مهدي تبارك

ام مهدي.....لا ما اكدر اكعد يجيبنه ابراهيم ونجيج والله لسويلج زفه

لا صارت ولا ستوت

سراب....خاله ما ريد هوسه ابويه 

حتى السنه ما طالعه

ام مهدي....لا يعيني ابوج اليوم فرحان الج لا عبالج الميت ما يحس

شيماء......هله هله هذا اليوم ناذره انذور اله

يومين واحنه يمج سراب

جنت فرحانه وكلهم بالبيت فرحانين اليه

رائد ....اشلون بامه مو فصخت خطوبتج قبل

اميره....يمه كلنه ندري اصرفت ابكيفه وهذا وسام جاي برجله

يريده وحدد العرس

سراب....اني ما انتظرته كل هاي السنين الا لان اعرف وسام شنو هو

واني ما اعوفه حتى لو امه ما قابله

رافد بس سمع جاب لبنى واجانه

اميره....تمنيت ابوج اويانه اليوم يفرحلج ...جان شايل همج

حضنت امي فرحانه

يمه ادعيلي الله يتمملي على خير

اميره.......الله يسعدج وينطيج على نيتج وكلبج الطيب 

آمين ربي اشوف اولادج بحضني انشالله

ما نمت

الساعه وحده دك التليفون وعرفت هذا وسام

....الو

.......هلو حبيبتي وروح روحي 

.....هههههه شبيك وسام نبرت صوتك

حزن صار شي

.......لو كل شي يصير ما اهتم دامج 

موجوده 

سراب الخميس اريدج يمي

......اني من هسه يمك

.......اختنك اذا انتي مو يمي

......واني هم احس ناقصني شي

....باجر شسوين

......ها كلتلي....باجر اطلع للدائره اخذ اطول اجازه اكدر احصله

وبعدين اروح للسوك اجهز نفسي

لان بعد باجر تجي شيماء واروح للصالون

اريد اجيك واني باجمل صوره

.....اني راضي بيج وماليه عيني حتى لو بثوبج

تعاي ليش ما كلتيلي امي فاصخه خطبتنه وماخذه نيشانج

......ميهم ياعمري وسنين صبري

هاي الامور ما تهمني اني لا تحجي ويه امك ...

هيه هم خطيه جانت مقهوره عليك

..........انتي شنو بشر لو ملاك اني ما ادري شمسوي بحياتي والله انطاني هلسراب

......اني احبك

ثاني يوم رحت للدائره...وتعجبت الكل عرف اجه وسام 

منين ما امشي يباركولي ويفرحولي

اريج وعلي اجوني المكتبي مهنين

واريج هلهت 

من سمعت الخميس عرسنه

دخلت على المدير

استاذ كريم.....كان يمه ابو علي

واخيرا راح نخلص منج سراب

سراب......ها ما طول هيج اريد اجازه سنه

.....يمعوده كولي غيرهه شنو سنه والله جنه نتشاققه

.......ههههه والله استاذ انتو تردون تخلصون مني واني هم اريد اخلص منكم

ابو علي.....عمي تراجعنه اريدج

ههههه

سراب .....لا جديات استاذ اشكد تكدر انطيني اجازه

....اسبوع كافي

.....لا طبعا اريد شهر وفوك

....يله هاي شهر الخاطرج ومن ترجعين الله كريم

....اشكرك استاذ

.....يابه الف مبروك مقدما انت بنتنه شتحتاجين ما يردج غير لسانج

....تسلم استاذ

طلعت ولملمت حاجاتي وودعتهم

اخذت شهد واريج وطلعنه للسوك

كلشي اشتريت الي والوسام

اريد كل شي مميز وما عندي وقت

طبيت البيت هلكانه بس رغم التعب فرحانه

اي هذا يومي النتظرته اسنين

اريد افرح ما اريد افكر بشي غيره

رائد......

داومت اليوم فرحان

كلش فرحان سراب مو بس اختي الجبيره 

هاي قدوة البيت كله واخيرا راح تستقر ويه وسام...بس من اكعد واذكر وجه امه لمن اخذت النيشان

وتعاركت ويه امي اخاف عليه

صباح الخير ليث

....صباح النور

.....خير شبيك مريض؟

.....لا ما نايم البارحه

.....ليش..بله اني مانمت من الفرحه

انت اشبيك.. اخاف هم فرحان

.....وانت اشعندك فرحان

......غير وسام خطيب سراب رجع

ليث.....من كال خطيب سراب رجع

حسيت واحد وضربني على راسي

ساكت اغلي واني اسمعه يوصفلي فرحتهم وحددو زواجهم الخميس

.....كافي الخاطر الله رائد مو دمرتني

.......متفاجأ اول مره ليث ينهره 

هشكل

شبيك ليث شنو دمرتك يوجعك شي

......اني اسف صحت بدون ما احس راسي دمرني خلي اطلع احسن

.....وين رايح اجي وياك

....لا ماكو داعي دير باللك على الشغل ابمكاني

اخذت السويج وطلعت وين اروح ما ادري

اني شبيه شنو واعدتني بشي بينه

كلام عهد وعد

اني ليش سمحت النفسي تتمادى بحبه 

حب من طرف واحد... اعرف نفسي 

من البدايه هيه مواليه ولا لاي احد

غير خطيبه

والله هنيالله هسه....... استغفر الله

امشي وما ادري وين متجه دايس بانزين وعقلي يسولف وحرگه بكلبي 

٣ سنوات ادور الاعذار الشوفته وامني روحي بالچذب

اوعه ليث من البدايه مو الك وخلص

لازم تضرب راسك بقندره

حتى تفهم

فزيت على هورن ابصفي

انتبهت

واذا بيه طالع على طريق تكريت

وصلت الظهر 

ذبيت السياره بره البستان

ودخلت تعبان بسكته دخلت غرفتي

ام عزام.....هله يمه ليث

......يمه ماريد احد يكعدني 

تره تعبان

......ها يمه خيرك اخاف مريض

.......لا يمه بس تعبان اريد انام

٣ايام ما طلعت من غرفتي حتى الاكل اكل بالغرفه

ام عزام....يمه شنو قصتك دطلع اكل ويانه ...انريد انشوفك

ليث.....كلش مالي خلك اريد ابقى وحدي ارتاح

عافته وطلعت قلقه عليه

ابو عزام.....يفتر بالبستان 

ام مهدي...... صباح الخير خويه

ابو عزام....... هله بخيتي اشلونج

ام مهدي..... الحمد لله احنه جم يوم ورايحين البغداد

ابو عزام........ خير تتونسون

ام مهدي...... لا غير بنت ابو رائد رجع خطيبه الأسير وراح تزوج

ابو عزام........ ياهي سراب

ام مهدي..... اي خويه صبرت وتعذبت هوايه

والله ما قصر جبر بخاطره ورد اله ازلمته

ابو عزام..... سكت وايده على لحيته

يحجي ويه نفسه

توني عرفت شبيك يا ليث... كون

يصير خير

ام مهدي..... يا خويه شو سرحت 

وين رحت

ابو عزام...... يمج خويه وين اروح

رجعت للبيت 

ما كعد ليث

ام عزام......كعد بس ما يريد يشوف احد يكول تعبان

ما ادري اشجاريلو هلولد

ابو عزام.....ظل صافن يفكر وراح عليه

دك الباب

ليث......تفضل

ابو عزام.....ما سالت على ابوك...اجاك

ابوك يسال عنك

ليث.....جان ياكل وكف وتقدم يبوس راس ابو

العفو يابه انه اجيك ليش تتعب

.ابو عزام.....انه اتعب من اشوف اوليدي متغيره اللوانو

كول وانه ابوك اجيبلك الماعرفت اجيبه 

الحد يمك

ليث.......ههههه تسلم يابه الله يحفظك

اشويه مشاكل بالشغل وجيت ارتاح

.....عجل كوم النومه مو الك

.....وين انروح

......البيت عمك سالم جايينهم بيت ابو ظافر 

كوم نكعد يمهم ساعه

طلعنه انه والوالد البيت عمي سالم

لكيت بيت ابو ظافر وغيث ولد عمي وابراهيم ومهدي

وعرفت ابو ظافر جاي خطابه على 

سحر الظافر

كاللهم عمي وابوي انشالله ندزلكم الرد

طلع ابو ظافر وابنه ... وحجه ابوي

ابو عزام......انه رايد سحر الليث

يابو سالم

ابو سالم.....كبع واخذ انه ما اعزه على اخوي وابنه عجل الغريب اعز منك

ليث ساكت..... اتفاجأ

ابوسالم .....ها عمي

ليث....تسلم عمي وكف وباس راسه

اضايق لان ابو فرض عليه بنت عمه

بس اعرافهم ما يجوز يعترض 

على ابو وهو بكعدة الزلم

كاموله كلهم يباركون ولد عمه وعمته

ابراهيم....عجل الافراح هلايام تهل

خالي اني باجر ما خذ العائله ونازل على بغداد

ابو عزام خير انشالله اشعدكم

والله خالي سراب اخت ام ذرغام

رجع خطيبه الاسير

ابو عزام....ها يارحمة الله وباوع على ليث نظره يتفقد حاله

ليث....اني تسمحولي سلم وطلع

ابو عزام....

يباوع ورى....

رواء....

التهينه بوسام طبته مفاجأه ما متوقعيه 

نسيت حتى ابويه بالعمليات وتفصلنه عنه دوله

فرحناله الله رجعه النه بالسلامه

وحسام ما شالته الكاع من فرحة

ولتمو عمامنه وخوال حسام احنه اصلا اقارب وجيب وودي

طلبات واكل بيومه دزو من المطعم والكل فرحان بوسام

لليل دك التليفون ....عمو جليل

رواء.....ها عمو بشر

جليل.....ابوج هسه طلع من العمليات وطمنونه عليه زين

رواء.....الحمد لله عمو

اني هم ابشرك اليوم وسام اجه

جليل......يارحمتك ياربي هسه ابوج يفرح جان شايل هم الامانه

رواء.....شنو عمو شنو امانه

جليل من نرجع نحجي عمو سلميلي

على وسام والجميع

رواء ....يوصل

سديته منا وبشرتهم

وسام.....

كعدت الصبح ونزلت جوه لكيت

ام هادي بالمطبخ

وخالي سعد ومرته يتريكون

وسام..... صباح الخير....كلهم

...صباح النور 

ام هادي.... هله بهصباح

اكعد يوم تريك

....اشلونج ام هادي شخبارج

.....والله يمه نعمه عايشين برحمة الله

....ونعم بالله

نهار وفاتحين البردات وكع باكيت الچكاير 

دنگت ادوره اتلمس بالكاع

ام هادي....شدور يمه

.....خاله باكيت الچكاير انطينيا بلا زحمه عليج

الخال سعد.....وسام انت متشوف

....خالي بضوه مااشوف ويصير صداع عندي

مرة سعد....سوده عليج افتخار

هذا حال وسام وتقهرينه

ام هادي

....انطتني الباكيت وحطتلي الريوك 

اجه حسام وويا الصباغ

راد يدخل

افتخار..... اني اشكلت

اذا يريد يزوجه خل يرجع منين ما اجه

حسام......ماما انت صدك تحجين مو هذا وسام التبجين عليه سنين

افتخار.....ياريتني ما بجيت وهو اول ما اجه باعني

حسام.....ماما الصباغ بالباب

خلينه انفرحه هذا الاسبوع ونجيبله اليحبه

افتخار.....ابد.... ما تخطي خطوه ابيتي هلسراب

وسام جان بالمطبخ يسمع

والله صعبه امي بعد العذاب الشفته

وبرحمه من رب العالمين رجعت والا لو باقي اهم منو مثلا العراق لو ايران

مع الاسف ماما....

وسام....

حسام اخذني للشقه مالتي وجيب الصباغ وياك

طلعنه ثلاثتنه الشقة الاعظميه

وبدو الشغل بيه 

كل الاثاث استغنو عنه ما عدى الكيتار والستريو

اضطرينه نأجلنه الزواج للاسبوع الثاني

كملنه صبغ وديكورات

واثثه حسام من كلشي جهزت الشقه بضرف

٦ ايام

وسام .....

لمن حجالي حسام عن ابو علي من جايهم

هواي فرحت ان هو راجع العائلته

بس نقهرت على محمد هذا الرجال الفقير عبالك كلبه حاس مايرجع...الله يرحمه اتصلت عليه

وحجينه هوايه ووعدني بعد ما يرجع من العمره راح يجيني اما الرائد وعدني يجي ...وياسر 

اخ ياسر.....

ياسر....

وصلني التكسي بمنطقتنه ما متغيره هوايه بس اشكال البيوت والقطع مبنيه يعني مطوره

منطقتنه ناس مستواهم عادي

باطراف الانبار

دخلت شارعنه وصلت بيتنه نزلت

وتشكرت من السايق

وحرك راجع البغداد

شفت بيتنه وكبالله بيت عمي

دكيت الباب

طلعتلي بنيه شابه على راسه حجاب

تفضل رايد منو

.....سيف او هشام...اني ياسر اخوهم

....صفنت البنيه بوجهي 

ياسر الأسير.....!!!! 

....اي انتي منو

....ضحكت اني افراح زوجة اخوك

هشام فتحت الباب وكالت اتفضل

اعذرني ما اعرفك

....لا عادي

دخلت شفت اطفال البيت متروس

كعدت بلاستقبال

ياسر...وين امي..

....الجهال سكتو وافراح حيل قبل ما اخذ اخوك ميته

ياسر.....ضربت ايدي بكصتي

ااااااخ يا يمه ...جنت ادري ماالكاج وبجيت... ياحيف 

بجيت

بالم ذيج الايام جنت اتمنه اريحج اعوضج يا يمه ما شفتي غير الفقر والعازه

عافوني وراحو مستغربين 

محد يمي عافوني

عاتبت الوكت وريحت كلبي من بچيت

شويه ودخلو ابن عمي وسيف وهشام

اني ابجي وهمه يبوسوني گول يا الله امنه راحت الرحمت الله قبل ١٢ سنه

وعمي هم الله يرحمه من سنين توفه

ياسر ....الى رحمة الله

والبيت انخبص جهال وكرايب

وجيرانه شباب وكلهه ترحب وتسلم

واجن خواتي اربعتهن وكل وحده وعائلته

العرفته ٢ من ولد عمي ماخذين خواتي الزغار وعدهم اطفال احنه

عاده عدنه بنات العم لابن العم

كلهم يمي كاعدين سيف اخويه ازغر مني ابنه عمره ١٠ سنين اسمه فهد ما فاركني اشكد حبيته رجال وين ما روح ويايه عمي وعمي

رغم بيتنه طابقين بس بس اخواني 

كل واحد عنده ٦ جهال 

اختي الجبيره شهلاء والثانيه كحلاء

مزوجات غربه

اجونه وره يومين الكل فرحان بيه

شهلاء.....اشلونك ياسر

ياسر.....شوفي يرادلي يومين احجي حتى اشرح اشلونك......ههههه

سيف......عجل لو اكلك وين جنت

يرادلك جم يوم تشرحه هههه

شهلاء.... بعدك اتنكت الف الحمد لله من رجعت يا

خويه وشفناك الا جنه مأيسين

ياسر.......فرحت من شفت احوالهم زينه سيف عنده سياره يشتغل بيه

وهشام عنده محل ادوات احتياطيه مال سيارات

خواتي هم مرتاحات

والبيت باني اكثر ومرتبي

حمدت الله وشكرته حالتهم مستقره

ياسر

بس شي ابنفسي اعرفه شهله بنت عمي ما اجتي ولا واحد جاب سيرته

ولا اني فكرت مرة سيف وينه ليش ما جت ورحبت بيه يومين وانه بنصهم

...اكلكم ماكو تلفون اريد اخابر

هشام.....اي عدنه ساحبين خط تعال

كمت طلعت من الاسقبال على الهول

وشلون صدفه اصير بوجهي شهله بنت عمي حبي القديم كاعده وبيده طفل

ارتبكت واني اباوعلهه هاي مزوجه

احجي بكلبي 

هاي شبيك ياسر لعد تتانيك

وكفت وبيده الطفل وكالت

شهله.....اشلونك ياسر

الحمد لله على السلامه

ياسر.....الله يسلمج بت عمي انت اشلونج..

هيه مرتبكه تحاجيني وصوته يرجف

....بخير

واحنه نحجي اجه فهد بيده علاكه

يمه هاي ابوي دزهن

....انتي ام فهد مرت سيف

.....غرغرت الدمعه بعينه واشرت براسه ...بمعنى اي

                الفصل الواحد والعشرين من هنا 

لمتابعة باقي الرواية زوروا قناتنا على التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال