رواية بين الحب والأسر الفصل التاسع عشر 19 بقلم أمل مهدي

رواية بين الحب والأسر الفصل التاسع عشر 19 بقلم أمل مهدي

وهذا بارت لعيونكم الحلوه 

راح اشوفون بي لقاء العشاق 

بعد 

فراق الأسر شلون يكون

بين الحب والاسر

بقلم. امل مهدي

البارت التاسع عشر

______________

وسام.......

زينت وسبحت ونطونه ملابس نظيفه

واكل درجه اولى

ودخلونه قاعات افراش نظيف

الرائد وياسر واني

كل واحد على سريره متمددين

فرحانين

حتى نوم مانكدر ننام

وسام......مدا اصدك عبالك حلم

الرائد......شوف هاي اللتفاتات ربك

شكد جنه انشوف الفرج بعيد بس امره كن فيكون

الحمد لله على كل حال

ياسر......باقي نرجع لاهلنه

وسام......همه ليش جابونه اهنا

الرائد.....هاي يسموهه دواعي امنيه

يطمنون علينه ويعوفونه انروح لبيوتنه

انفتح باب القاعه

ودخل الضابط المسؤل علينه وويا ٢ 

حمايه

.......اشلونكم ارتاحيتو هسه

كلنه كلنه 

مرتاحين الحمد لله

......جيد انشالله باجر نعرضكم على اطباء نطمن على صحتكم

وتقدم الياسر

.....شفت ولد وياك تكوده وين صار

.....اشر ياسر على وسام

هذا خوي وسام

اتقدم يم وسام....

.....شنو انت متشوف

وسام......سيدي عندي مشكله نظري 

ضعيف كلش

.....شنو من زمان

.......لا سيدي اخر سنتين بدت تضعف عيوني

.......ماشي باجر الطبيب يشوفكم

على ٨ كلكم حاضرين

......تمام

راح الضابط واحنه طفينه انام

صحينه الصبح وكمنه غسلنه

وطلعنه للمطعم 

طاولات نظيفه وكراسي

ياسر.......ظلموهه علينه..العراق رجع للقرون الوسطي

العراقيين كاتلهم الجوع

كلشي ماكو لا كهرباء لا ماي

كسرو مجاذيفنه كرهونه بعيشتنه

خليجون يشوفون مو هذا العراق ابو الخير

حصار والناس بعافيته وبخيره

وسام......هاي اشبيك اعلام حتى ننذل اكثر

الرائد.....هذا العراق ما تهزه ريح

نزلونه الريوك واهم شي الجاي

آخ يا الجاي جنه نتحصر عليه

ناكل ونشاقه ونضحك

وفجأه صفنت رحت وين ..الى اخر لقاء بيني وبين سراب لمن تريكنه

بالكافتريه مال الدائره مالته

جنت التفت اشوف محد يباوعلنه واخلي 

اللفه مال گيمر بحلكهه وهي تضحك 

وغصت وادك على ظهرهه

ابتسمت..

الرائد....ها وين سرحنه 

وسام.....ضحكت

الرائد......كلهه يومين وتشوفهه

بس ما وصيك ابنفس الاسبوع ازوجو 

ماكو بعد وكت

ياسر......والله اذا تزوج وما تعزمني

بعد لا اني خويك ولا اعرفك

وسام.....بس الكاهها مثل ما عفتها

الرائد.....انشالله تلكاهه لا تشغل باللك

يله امشونه

طبعا بس المريض العده مشكله

دعوهم للفحص بس ياسر ما يفارك وسام

صار عيونه اليشوف بيهن

وسام....

دخلت غرفه بيه اثنين اطباء

وشرحتلهم حالتي

وعيني اليسرى على اثر ضربهم

الي

الطبيب.....صبت باغماء شي

وسام...نعم حوالي٢٠ ساعه استمر 

الاغماء

شخصو الحاله على وجود نزف 

اثر اضربه وحتمال النزف قريب من العصب مال عين فلمن يدخل الضوه للبؤبؤ مال العين

يسبب الصداع

اما العين اليمنى صار اجهاد عليه وتلوثت بسبب الماي النستخدمه مال البير

المهم زودوني بكتاب اراجع بي بعد ما ارجع لاهلي واكيد علاج

حالتي مو سهله بس تتعالج

هذا الشي طمني ما اريد افقد بصري واني ما شايف امي وابويه واخواني 

لو سراب

اريد املي عيني بجمالهه

واتلمس وجهه باصابيعي مثل قبل

ااااااخ يا سراب يالوعة كلبي

ياسر....ها بشر

وسام.....خير انشالله المهم اتعالج

ياسر.....ياالله الحمد لله

رجعنه القاعه تلفزيون العراق 

يصدح واحنه براحه نفسيه ما حاسين بيه من سنين

من بعد ٨ ايام 

اجانه نفس العميد وجمعونه كلنه

ووزعولنه مبلغ ٣٠٠٠٠ الف دينار

ياسر.....ولك يابه هاي شنو رواتبنه

مال ١٦ سنه

وسام ...هههه

الرائد...يمعوداخذهن واسكت

حجه هوايه العميد توصيات ونصائح بعدين كال المنشأت راح تاخذكم للكراج اذا بغداد

وقسم للمحافظات

وهنا بدت لحظات الفراك ترسم الطرق انه

ودعنا وداع حار الرائد وقبل ما يصعد السياره

اخذناله تحيه اني وياسر

واحنه نضحك...رجع حضنه

.... اني احسكم ولدي اخوتي

اتبادلنه ارقام التليفونات وتاملنه بعده ما متغيره والعناوين 

وراح رائد حسن صعد المنشأه وهو

يلوحنه بثنين ادي

واني وياسر هم صعدنه المنشأه

وذبتنه بكراج العلاوي

اهنا افترقنه وكفت يمه الى ان قبطتت التكسي للانبار حضنته

ياسر امانة الله ورسوله خوتنه تستمر 

اريد اشوفك لا تكطع واني هم اجيك

ياسر.....لا تخاف انت واحد طاك للستار اشلون اعوفك

راجعلك 

...هههههه الله وياك

ودعته ومشت السياره

واني حاط ايدي على عيني

اشلون لازم ارجع اطلع من الكراح حتى اخذ تكسي وكفت بمكاني اخاف انجبح 

واسمع واحد يصيح وسام لك وسام 

التفتت هذا ياسر

اشو رجعت

.....يول غير نسيت عجل غير اوصلك يالله اروح

....هاي صدك ياسر مو السياره مقبطه اشلون رضه تنزل السايق

....دخل اضحكك بعدك ما تدري

اخذ مني الكروه بالاف يالله عافني

..... صدك......!!!! 

.....اگلهم الكراوي بالدنانير

......يضحكون عليه

.....حقك اتعجب عجل غير حلفت العبريه واحد واحد يالله انطيت الكروه

واحد كلي وين جنت نايم ويه اهل الكهف

.....هههههههههه بربك تنزل على مودي

.......يول صار سنتين اكود بيك

بس اعذرني نسيتك والله 

......هاي اوله ياسر لعد لو شفت بنت عمك شسوي

.....دسكت يمعود هسه الكه ابنه يكلي عمو

......هسه شنو

.......يول قشمرونه عبالي انطوني مكافئه مال اسر كلت عجل من ارجع اله اشتري تريله وشتغل بيه على طريق الاردن

شو يخوي طلعو منطينه كرة السياره البيوتنه هههههه

وسام.....كايدني ويمشي ويصنف.

هسه مو زين ما خلونه انجديهن

هههههه

.......والله احنه تصنيف يربك

......هسه شنو اجرلي تكسي وروح

.....يول شنو تخاف اندل بيتكم

تره من الباب ازتك ورجع

.......خرب غيرتك اني ما ريدك تندلني

لعديلله اجرنه تكسي

سراب.....

رجعت من السوك اشترين مسواك وشغلات الشهد وملزمه هذا المديل الجديد ما يقرون الا بملزمه لعد

احنه اشلون جنه نقره ونجحنه

وتخرجنه

دخلنه البيت لكيت رافد جاي ولبنى

واموري حبيب عمته

طلعتله الملابس لبسته لبنى

ومن ايد الايد ما يوكع بالكاع

اميره.....اشلون صار ابوج لبنى

......والله خالله بعده على وضعه

اميره....شنو العلاج ما فاد

لبنى.....لا والله خاله نفس حالته حتى اخذنا للعلاج الطبيعي اني ورافد وما فاد

اميره.....الله يشافي

يمه سراب اتصل عليج واحد من الدائره قبل ما تجين

سراب.....يمه يا دائره المغرب

ما كلج منو

اميره.....لا ما كال بس كال اني من الدائره رايده بشغله

سراب......فكرت منو بعدين نسيت الموضوع 

باجر اداوم واشوف

ثاني يوم داومت 

سالت منو متصل عليه كالو محد

اني هم عفته للموضوع

استمر دوامي للوحده متحضره اريد اطلع

واكفه يم السكرتيره

دك اليفون

....نعم ست سراب منو انكله

خالد

اني واكفه سمعته 

اشرتله كولي طالعه ما موجوده

....اسفه طالعه

رجعت سدته

كلتله اي تلفون ما ريد عدى دائرتي

من بره اعتذري بايشي

رجعت مكتبي...ما ريد مشاكل

اشعنده هلخالد ويايه

ما ارد عليه احسن

رجعت للبيت وروتين الحياة نفسه

للعصر رافد طالع وابنه بده يكح

ويبجي

لبنى.....اشلون امير صخن ورافد ماكو

سراب ...كومي ناخذه للطبيب

رحنه وساعه علما اجه سرانه

ما خلصنه احنه والسته والجو بارد

اخذت تكسي ورجعنه

اول ما دخلت

اميره.....ولج هذا هم اتصل وجنه

صار عصبي گال گوليله خالد

على شغل

.....اني ارتبكت هذا اشبي

يمه هذا عنده شغل بدائرتنه ويريد اتوسطله عوفي هسه واذا خابر

بس بيني وبين نفسي قلقت

بس لا مرته امسويه مصيبه اني

ما كان عايزني غير خالد ومشاكله

اجه رافد بلليل اخذ لبنى وراحو

اني صعدت نمت...

وثاني يوم طلعت للدوام ..

شغل كالعاده تدقيق وصولات صرف

وتدقيق مشاريع

حوالي الساعه ١٢ وشويه دك تلفوني البلغرفه مالتي

....السكرتيره...ست مدير الهيئه

استاذ خالد طالبج

....ماشي انطيني الخط

خالد.....بدون مقدمات او سلام

يحجي ومبين عليه عصبي

انت ما تكوليلي وين تولين اتصل بالدائره طالعه وبالبيت طالعه

لو هذا عذر

شعبالج شريد منج وما تردين عليه 

سراب......ارتبكت اول مره يهجم بهاي الطريقه ويحاجيني

خير استاذ اسفه والله

لا تتاسفين

كم مره اكلج كثرة الاعتذار ضعف

جر حسره لحظه

ورجع الهدوءه

وسام رجع قبل ايام وصل ابمعسكر ابو غريب ويجوز هسه ابيتهم 

گالهه بهدوء....ردت افرحج

هاي اخر مره راح احاجيج بيه اطمئني

وسد الخط حتى بدون سلام

كلشي بيه رجف ..اريد اكوم من الكرسي مابيه

٣ايام يريد يفرحني بجية وسام واني ما ارد عليه

وسام رجع هسه هو وين

اخذت جنتطي اريد اطلع رجليه ما يشيلني

شعور فرح بصدمه بخوف يألم

مزيج من المشاعر ما اعرف افسره

طلعت ياهو يحاجيني ما ارد

كوه امشي كأنه ادفع بجسمي دفع

ثكيله خطواتي

وفرحه بصدري خانكتني تريد تطلع بس متعرف اشلون

اعيوني الدمع يلمع بيه

طلعت من بناية الدائره 

كان اكو على عرض الواجهه ٣ درجات مقابيل الممر العريض المؤدي للباب الرئيسيه

حطيت رجلي على اول درجه واني

مدنكه سمعت واحد صاح 

سراب...سراب

حسام...

كلام سراب عن الاسره فرحني بلكت

الله ويجي وسام ونفرح بي

عمي خليل تخربطت صحته وحتارينه بي طلع عند ٣ شرايين مسدوده

ولازم عمليه قلب مفتوح وتبديل شرايين

هو ما عنده اولاد بس بنات ورواء

زوجتي بنته الكبرى

لازم اقوم بواجبه وقررنه انسفره للاردن يسوي العمليه

ورافقه عمي جليل وزوجته للسفر

اما اني لزمت محله مال الصياغه ومحلنه

صار اسبوع من راحو واليوم العمليه

نراقب وباقين على التليفون ابقلق

خليل قبل العمليه بلحظات

اريد جليل احجي ويا

.......ها ابو رواء خير أأمرني

.....ما اوصيك اخاف الله ياخذ امانته انت مسؤل عن الامانه مال عزيز ابرگبتك اسلمه بيد صاحبه

......يله معود گوم بالسلامه وانشالله انت اسلمه بيدك

...المهم وصيتك

......ها هيه

حسام رجعت البيت تلكتني رواء

....الله يساعدك

...هله بيج ..محد خابر

....لا والله كلبي نار على بابا

.....ماكو شي

دك الجرص......ام هادي الباب

...اي عيني

وسام....

وصلنه التكسي ولمن عرف احنه اسره تونه راجعين حلف يمين ما ياخذ كروه

كال انتو ضيوفي اليوم اأمروني

طيبة العراقيين وحبهم البعضن

بكل موقف تلكاهم يثبتون عراقتهم

واخلاقهم

وصلنه نزلنه السايق واصر الا انشوف احد بالبيت يالله يروح

نفس الباب والنخله والشارع

الله شكد لعبت بالبايسكل اهنا بهذا الشارع 

دكيت الجرص

اجاني صوت ام هادي... منوووو

اني

......فتحت الباب منوتردون

.....اشلونج ام هادي اني وسام

...يمه وسام يمه ياعزيز كلبي

حسام كاعد بالهول وعينه على الباب من الشباك يباوع

هذا منو الحضن ام هادي

وسام...لك وسام 

ماما الحكي وسام اجه بلحظه انخبص البيت

وكلهه ركضت للباب

حسام.....وسام انت رجعت

ويتحاضنون وطلعت رواء واولاده واجه سامر بالشورت جان نايم

جرو للبيت

ياسر.....اني هذا حدي ويضحك

راجع ويا ابو التكسي

وسام....مو هسه تعال

وشال ايده وتشكر من السايق

ياسر....لا يخوي وصلتك بالسلامه

اروح اشوف اهلي

حسام.....لابو التكسي مشكور يابه 

الله وياك ...

مشه التكسي

معليك اني اوصلك الباب بيتكم فوت

ودخلنه جوه

وسام.....امي

حسام ....امك جوه طبله

هو نفس البيت بس الاثاث متغير

يوم افتخار

افتخار.....وسام ياگلب امك

وحضنته وتبجي ...صدك اجيت

ولك وسام هديت حيلي

وسام ....من جنت طفل احب الزم وجه امي واطبع بوساتي بكل انحاء وجهه

امي احبه اموت عليه

واني حاضنه والدموع بعيني صدت

عيني وراهه صورة ابويه جبيره 

ومكتوب جواهه المرحوم عزيز الصايغ

اتبنجت وكف كلشي بيه ابويه

عزيز مات

وخرت امي من حضني 

گولي يوم ابوي عزيز مات 

لك يابه ...لك يابه ليش مو اجيتك 

والله شفته بالحلم

ياسر....كعدت بلاستقبال واسمع 

صراخ وسام

كمت ركضت لكيته بالهول منهار وفاقد

ويصرخ

ابويه ميت لك ياسر...اشكلتلكم

حلمت بي والله

حتى اني بجيت البيت انكلب فاتحه

والكل يبجي

كلت لاخوحسام ....تره ياسر مريض

عيونه موزينه

سكتو اشويه واجو كعدو كلهم سويه

وتعرفت على اخوانه

بعدين وكفت كلتلهم اني اترخص طريقي طويل

حسام كال ما تطلع الا تتغده 

حاولت ما فاد

جابو الاكل ومنو اله نفس ياكل 

اوسام هذا حاله

كمنله ودعته وقويته بكم كلمه 

من البؤس الجنه عايشينه والله فرجلنه

الصبر يخوي لا تجزع مرت الاكبر من هاي

تسالمنه وطلعت اريد الانبار

واصر حسام الا ياجرلي سياره الى باب بيتنه

وخابر على واحد يعرفو سايق تكسي صعدت وطلعنه

اشوف اشضامتلي هاي السنين

الفاتت

وسام....يسكتوني واني احجي الحلم وابجي

حسام.....كافي وسام ابوك هذا يومه

سواء موجود او لا يموت

كل واحد واجله 

صلي على محمد وخلينه فرحانين بيك

شويه والبيت انترس خوالي وعوائلهم وعوائل عمامي عرفت عمي خليل مريض بلاردن يجروله عمليه

اشكد فرحان ابنصهم بس فرحتي ناقصه

ابويه وحنيته وفرحته هاي ناقصتني

هوسه الكل يسألني اشلون جان الأسر وشلون خلصت هاي ال١٦

سنه 

اشلون متغير...اعيونك اشبيهن

هواي حجي

لليل بديت اصفن احتاجيت اسمع شي عن سراب بس حتى خجلان من نفسي

اريده واني توني عرفت ابويه

متوفي...

حسام فهم سكوتي ..اجه كعد يمي

سراب لليوم منتظرتك

....فزيت....صدك حسام شايفه

...اي وقبل شهر خابرتني وكالت راح يجون اسره بلكت وسام وياهم

......ابتسمت هاي بنيت گلبي وفيه مثل ماعفته

......تعال خلنخابره دكيت رقمه ...الو

اميره.....الو منو حضرتك

......اذا ممكن ست سراب

.....والله يمه ما موجوده

...... ها خير انشالله مع السلامه

سديت الخط

لا يظل بالك باجر اخذك للدائره مالته

اريد اسويلهه مفاجأه

خلصت هاي الليله

بين اهلي وكرايبي عفت بنات خالي زغار هسه نسوان

اخواني

متزوجين وكل واحد عنده اثنين 

من تسال على كل واحد اتشوف السنين اشلون مشت وغيرت

بس انت وسام على حالك

خلصت الليل نايم بحضن امي

لاهيه عافتني ولا اني اريد 

اعوفه

مشتاق الريحته مشتاق لابويه

سولفنه هوايه ووجه الصبح 

غفيت اشويه

فزيت اباوع الساعه بالتسعه اصبح

وكلهم كاعدين

وحسام 

جايب ٢ خرفان والكصاب ديذبحهن

وبيتنه اهوايه بنات واولاد زغار

وكل اشويه اسال انت منو وانت ابن منو

حياة ابكاملهه انقطعت مني

والحمد لله على كل حال

كعدت جابولي صينيه الريوك

اكلت اني وامي...رغم البيت هوسه

بس كلبي كام يلوب 

اريد اشوفهه اباوع الحسام مخبوص

اخر شي 

حسام.....يله اروح

وسام.....وشلون بامي وهاي الهوسه شعليك

كوم بدل

رحت على غرفتي مثل ما هيه

فتحت الكنتور

ادورلي ملابس

حسام.....عوفك من الكنتور سده

هاك البس هذني مني علما ننزل ونشتريلك ملابس كامله اجهزلك

.....دخليني البس من من ملابسي

....حسام موديلهن راح كل قميص ياخته اشطولها

يمعود دعيفهن 

هاك البس بسرعه

وسام....اگلك سيارتي شغاله بعدهي

حسام.....لعد اشلون بين فتره والثانيه اطلع بيه

حتى لا يجيم المحرك

عوفه هسه نغسله وعود سوقه

وسام.....اصلا اني ما اشوف ويني وين السياقه

حسام.....هاي صدك ضاربيك 

ومصگطين عينك 

وسام....اي والثانيه ملتهبه فحصوهن

من جنت بمعسكر ابو غريب ونطوني كتاب المستشفى ابن الهيثم

حسام.....يامستشفى..معود لا ..لا

اوديك طبيب اختصاص واذا يحتاج اسفرك هم نسافر

اشو الحمد لله الله مفضل علينه

والخير هوايه

وسام...يله كملت

طلعنه....صعدني بالصدر وهو يسوق

سيارته عاليه حلوه

سامر....حسام وين ماخذه وين رايحين

حسام ....ساعه ونرجع اوكف بمكاني

وصلنه الشركه مال سراب

طبك السياره حسام ونزلنه

حسام...سالنه الحرس الواكف بالباب

من رخصتك يابه

....تفضل

...ست سراب مداومه اليوم

.....اي شفته الصبح موجوده بس هسه راح يطلعون الموظفين 

تكدر توكف اهنا وهسه تطلع

....ماشي

دخلنه قريب البنايه من جهة الحديقه ووكفنه انباوع الموظفين بدو يطلعون

حسام.....اذا اشوفه تعرفهه

وسام ....الا تقترب مني نظري ضعيف بالنهار يصير عندي صداع من افتح عيوني

الله كريم انشالله يرجع نظرك

حسام.....واحنه نحجي لمحت سراب

تمشي بهدوء بس مو على بعضه

صحت عليه

سراب...سراب

اللتفتت عليه... وشافت وسام

وسام هاي سراب

اشوف هيئه بس مو واضح

مديت ايدي

سراب...هذا وسام معقوله دموعي تنزل ما اعرف اصيح اعيط افرح

كل الصار

نزلت الدرجات ركض

ولزمت ايده الماده الي

وهو جرني وحضني وثنينه نبجي

باوع بوجهي يتاملني ورجع حضني

كم موظف شافوني ابجي

شكو ...سراب

حسام....رجع خطيبه من الاسر 

ماكو شي

اللتمو علينه مهنين وفرحانين

سراب...اريد انطق كلمه ماكو

اتربط اللساني

بس دموعي تنزل

حسام....سحبنه اثنينه للسياره من بعد ما اترخص منهم

امشو فضحتونه ويضحك

وسام ...شقتنه بعدهه 

سراب..... ضحكت اي والمفتاح بجنتطي

وسام.....حسام ودينه للاعظميه

حسام......شكو بلاعظميه

وسام.... هسه اتشوف

صعدت اني وياهم وسام لازم ايدي ما حلهه ابد

وعيونه بعيوني...

واني من الفرحه بس ابجي ما مصدكه هاي المعجزه 

احس روحي دا احلم

وصلنه المكان نزلنه ثلاثتنه 

وصعدنه الدرج

حسام....شنو اني بنصكم مثل الاطرش بالزفه

متفهموني منو هنا

مجاوبنا جنه واحد يباوع للثاني

حسام.....استلم

هاي الناس مسنحه ولا يدرون

عني

سراب...

فتحت الباب مال الشقه

ودخلنه

وسام......

ظل يباوع يتفقد الشقه وللتفت

على حسام

هاي شقتي گبل ما اتأسر بس سراب

تدري بيه

حسام.....هسه فهمت 

هاي عش الغرام...هههه

وسام.....اتقدم خطوتين ولزم ايدي

غرامي وعشقي وسرابي

اخذني للستريو...هذا بعده شغال لو

سراب....احجي واباوع بعيونه الوسام

بعده شغال جان يواسيني من

يدكني الحنين الك

وام كلثون تحجيلي قصه اصبرني 

بفراكك

حسام......يمعودين اني موجود

ههههههههه

ضحكنه كلنه

هسه شنو

وسام....جيبلنه اكل وروح

سراب....اهلي

حسام...انطيني الرقم اني اخابرهم

وطلع وسد الباب ورى

وسام...شغل اغنية انساك 

لام كلثوم

واجه كعد يمي

لزم ايدي رفعه وباسه وايدي الثانيه

وجر حسره

شكد اتمنيت هاي اللحظه

ظل مركز بعيني

مشتاقلج

بكد سنين الفاركتنه

ورجع باوعلي ومشه اصابعه على كل تقاسيم وجهي

....ابد ولا يوم نسيت هذا الوجه

صوره عايشه بعيوني ما فاركتني

سراب.....ليش ذبلان وعيونك شبيهن

وسام......هواي حجي هسه اريد 

عيوني تشبع منج 

فتح الحجاب وجر شعري من القراصه

وبده يشمه خصله خصله

حضني وراسه بركبتي يشتم وتنزل دموعه

ابويه مات

.......واني هم ابويه مات

وخر مني عمي ابو رائد مات؟

........هزيت راسي والدموع ترست عيني

البقيه يحياتج

....وانت هم البقيه بحياتك

عمو عزيز خوش انسان الله يرحمه

....وامي

.....خلينه بحالنه هسه

واني هم

سراب.....بعد ماكو فراك ما اعوفك

راح اعوضك عن العمر الفات

وسام......تدرين هاجس فقدج يعذبني كل هاي السنين

عشت بس افكر اخاف ارجع وما الكاج.....واتخيل ارجع ولكاج مزوجه خالد

.....هههههه بعدك تذكر خالد

.....جنت اموت باليوم مية مره

سراب انت روحي

....وانت اعز من روحي

رجع يبوس بيه بلهفه

اندكت الباب....

دنكت خجلانه منه وجريت حجابي

وخليته على راسي

فتح وسام الباب

حسام....وهذا الاكل

خابرت اهلج سراب وفرحو هوايه

هسه شنو راح اروح

واجيكم بلليل حتى اوصلكم زين

وسام....ها هيه تسلم يا غالي

راح حسام.....

واحنه تحاضنت انفاسنه بلهفه

وحب نشكي البعضنه الليالي

وهمومنه

لازم اگلج شي 

وخرت من حضنه وباوعتله مستفسره...

....شنو

......رفع ايده بوجهي

.... مفهمت...شنو

.....اني اعتذر مكدرت احتفظ بحلقة خطوبتنه بدلته بتمر لان جنه انمر بمجاعه هههه

......دمعت عيني لعد اشكد مرت عليك ايام صعبه

حبيبي فدوه الك الحلقه وصاحبته المهم انت رجعتلي

           الفصل العشرين من هنا 

لمتابعة باقي الرواية زوروا قناتنا على التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال