رواية ملكة الشيخ ضاري الفصل الثامن عشر 18 بقلم ساره المجيد
سناريا ..انصدمت وصفنت شويه وكتله ..جدي اني صغيره ع الزواج وادم اكبر مني بهواي وانت تعرف من زمان الزواج بنسبه الي ماله وجود بحياتي ..
انت علمتني اكون وياك صريحه وماجذب ولا اضم شي واني لا راح اجذب ولا راح اضم شي اني ماحب ادم لا ك زوج ولا ك اي شي ..
ادم مجرد اخ بالنسبه الي صح هو يحبني بس الحب مو أجباري الحب اختيار وهذا الي علمتني علي بيبي وحضرتك ..
وهاي حياة طويلة راح اعيشها ويه هل انسان واشوفها صعبة اتقبله واني ماريده لتغصبوني جدو فدوة لان راح اصير بركبتكم
النبي محمد عليه افضل الصلاة والسلام من اجوي خطبوا السيده فاطمة الزهراء عليها السلام اكثر من واحد ماجبرها ..
جدي ضحك واخذني بحضنه
وكال ..جا مادري بيج هيج عقلج جبير ومتكلمة وانتي عمرج 14 سنه
سناريا ..ايي جدو لا تشوفني كصيره بس عندي عقل يوزن بلد بحاله
عمي ..هسه غير تكعد راحه ام العقل
سناريا ..شوف جدو مضغطوين ..
الشيخ سالم ...ههههههههه اي هاي هيه بنتي يجرالج الي تريدي ..
سناريا ..اشكرك جدو يله اني اترخص ..جدو محتاج شي
الشيخ سالم ..لا بويه روحي
سناريا ..طلعت وعفتهم ورحت لبيت امي رجعت بس شفتها متضايكه حيل وتتعارك وي ذبان وجها ...لهذا اليوم عبالي خلصت من ادم وشره ..
بس ماعرف الدنيا شنو ضامه الي من بعد هذا اليوم ادم قدم ع نقل وانتقل من كربلاء للانبار ..
طبعا شكد ارتاحيت مايجي غير اسبوع واحد ويروح واحاول طول هذا الاسبوع ماشوفه او حتى احتك بي ..
ابويه ماعرف بسالفة ادم لان جدي سدها وفهم ادم برفضي اله بس ادم بكلبه شي يختلف عن الخارج ..
بهاي الفتره زادت مكالمات ثائر ...الصراحه هههه اكو شي اتحرك بداخلي اتجاه ثائر بشكل غريب ..
عبالك مثل اعجاب او اكثر يعني صرت افكر بي هواي خلصت اميره امتحانات وامي كالت خوالج عازمينه ع روحه لشريفه بت الحسن ..
بويه طرت طيور احب اطلع سفرات وي خوالي فا اجه ابويه باليل وكالتله امي كالها روحوا اميره ماقبلت تروح تكول مريضه مالي خلك امي كالت ..
اسمهان ..جا اذا ماتروح اميره شلون اروح خلي نكول مانروح
سناريا ..لا لا يمه حبابه خلي نروح (بكلبي كلت اريد اشوفه للحب 🙈🙈)
امي ..اشمالج ولج من شوكت تحبين اطلعين
بابا ..شمالج اسمهان ع كيفج خلي تروح هي ومحمد ماكو مشكله اميره بابا ليش ماترحين
اميره ..بابا تعرف تعبانه من الامتحانات مصار الي يومين من خلصت امتحانات مالي خلك طلعه
سناريا ..ولج انتي بطرانه حيييييل يمعوده روحه من العمر حبابه اميره فدوه والله اشتغل شغلج أسبوع كامل
اميره ..اممممم افكر🤔
سناريا ..ولج لا تذليني عاد كتلج اشتغل شغلج اسبوع كامل ..
اميره ..عود الله كريم
بابا ..هههه يلا تروح تروح
سناريا ..ايييي زين 😍
حضرنه نفسنا وثاني يوم رحنا لخوالي لبست بنطرون اسود وقميص زيتوني وشال وعبايه ورحنه ..
جانوا الكل متجهزين جان اشوف ثأوري جاي لابس بنطرون كابوي بوري وتشيرت سمائي لطش قرب مني وهمس بذاني ..
ثائر ..هلا بروحي ونفس ريتي
سناريا ...احم هلا
امي ..يلا امشي سناريا
ثائر ..شلونج اسوو
اسمهان ..هلا يمه الحمدلله زينه شبيك ضعفان
ثائر ..غير من العشك اوووف دولبني خالة 😍
اسمهان ..هجم بيت الباميا يا عشك ولك
هبه ..هههههه هذا مسودن مالج علاقه بي
حسين ..يلا ثائر تعال صعد الغدا دنطلع
سناريا ..شفت جدي ضاري رحت سلمت علي وهو صح عصبي بس حنون هههه طلعت بيبي ملكة من كاعها اتصيح ع الجهال وع خالاتي يلمن الجهال كبل لا يجي سلام اخو خالو حيدر ( طبعا احنه نصيح لازواج خالاتي خالو )..عنده كيه فاهو راح ياخذنا اجت زينه طلعت زينه فد شي بالبس نازكه حييل ..
زينه ..شلونج خاله
اسمهان ..هلا زيونه لعد امج وين ماتروح
هبه ..لا ماتروح كالت زوجها حيدر مريض وعدها شغل
اسمهان ..حرامات والله
سناريا ..اكول زينه شلونج
زينه ..هلا سوسو مبروك النجاح
سناريا ..الله يبارك بيج حبي
زينه ..ان شاءلله الشهاده الجبيره
سناريا ..ان شاءلله
ثائر ..خلي اسولف وياجن
زينه ..لا ماقبل روح روح
ثائر ..ومنو ماخذ أذنج تحجين وحدج
زينه ..هههههه اعوفكم اخذوا راحتكم بلا وكاحه ولكم😉
ثائر ..روحي فكينه ههههه
سناريا ..شبيها زينه ليش راحت
ثائر ..هههه مابيها شي رفعت رأسي ماكو احد كلها واكفه تنتظر عمي سلام لزمت ايدها وكتلها ..مشتاقلج حبيبي
سناريا ..ها😯
ثائر ..فديت الها الي بحلكج تخبل
سناريا ..امممم اكول ثائر منو هاي أسراء
ثائر ..اهوووووو هم كالت منو هاي لج عيني صديقه
سناريا ..جذاب
ثائر ..وداعت رأسج مجرد صديقه
سناريا ..وشكو تخابرك 🤔
ثائر ..غير لزكه شسويلها ذابه نفسها كوه عليه
سناريا ..انت جذاب بس راح أسوي نفسي صدكتك بس اذا عرفت عندك علاقه ثانيه ثق بالله اعوفك ومأسئال عنك ..
ثائر ..ههههههههه زين كتيلي حتى اخذ حذري 😜
سناريا ..عابتلك فلتت ايدي منه ورحت يم خالاتي شويه واجه خالو سلام صعدنا كلنا كعدت بصف بيبي ملكة وهو اجه لطش روحه كدامي ..
المكان الي يصير الكرسي وكول شويه شامر كلمه بيبي تسكته درت وجهي عنه وظليت صافنه شويه وحسيت بيده ع وجهي 😍
ثائر ..شبيج
سناريا ..ها لا هيج مابيه شي
ثائر ..هههههه ماصدك انتي مابيج شي 😏
سناريا ..بيبييييي صيحي بثائر موتني
ملكة ..كافي ولك اكضب ايدك عنها ترا اكسر راسك
ثائر ..ههههه بيبي غير احب أشأقيها
سناريا ..شقاك مثلك 😒
ثائر ..ادري حلو غير😁
سناريا ..مغرور 😒
ثائر ..فديت روحي اجنن 😜..
سناريا ..اهو عاد كام يمدح نفسه تامر حسني 😕
ثائر ..ولج اني وين وتامر وين لو ما احلى منه وابيض اخبل هو اسمر اجلح املح هههههه
سناريا ..اوي تلحك لتامر بجماله والله يالله 🙄
ثائر ..شلون راح اكسر راسج ع كلمة الاووي
سناريا ..غيور 🙄
ثائر ..قربت منها سويت نفسي اعدل بالتشيرت كتلها ..ايييي اغار ع ام شامه اويلي 😍
سناريا ..متت خجل خرب بيومك ثائر دفعته باوعت علي كتله ..انطيني موبايلك اسمع شي
ثائر ..طلعت الموبايل وسماعه وانطيته اله خليت وحده بذاني وثانيه بذانها وكمنا نسمع اني وياها 😁...
سناريا ..طلعلي اغنية اتجنن عجبتني وكل مايكول المغني ابقى احبك هوه يضحك ويغمزلي ..خالو سلام يسولف وبيبي والكل ملتهي محد بحال احد لحد مكال ثائر ..
ثائر ..اكو احد راح ينفجر
سناريا ..عزززة منو
ثائر ..دوري رأسج وشوفي
سناريا ...درت رأسي شفت نور اويلي منها عيونها حمر تجدح تريد تنفجر ..رجعت كعدت كتله ..من كول عقلها تحجي شبيها هاي 😕
ثائر ..اي هي لزكه خرب بيومها
سناريا ..امممم زين اكول اشعجب ماحبيتها
ثائر ..شكالولج اني مخبل عاقل احبها لج اني من حبيتج انصدت يابه انتي نعمه وهي نقمه ..
سناريا ..لا جديات ثائر
ثائر ..همست الها اني عشقتج من نمتي بحضني وانتي عمرج تسع سنوات ومن طحتي بحضني من الشجره ومن لزمت ترافت جسمج اويلي لا تذكريني ترا جسمي كام ينتفض استري علي 😣
سناريا ...اصخام خجلت حيييل يمكن صرت طماطه دنكت ماحجيت شي
وظليت صافنه واذكر كلامه شويه وكالوا يلا وصلنا ..
نزلنا كلنا ثائر وأمير وحسين راحوا يجيبون عربانه نخلي بيها الغدا ظليت واكفه اني وزينه وهي مرتبكه ماعرف شبيها
مو ع بعضها ..
سئلتها شبيج زيونه
زينه ..ها مابيه شي بس اريد اروح للمغاسل ترحين وياي
سناريا ..اي اروح يله اريد اعدل شالي
زينه ..خلي اصيح لخالتي هبه
سناريا ..راحت تصيح خاله هبه كالت تعالن نروح سوه مشينه بس زينه حيل مرتكبه ومتوتره دخلنا لحمامات وخاله هبه غسلت لبنها عباس ..
واني ظليت اعدل بشالي توضيت حتى اصلي وزينه خلت موبايلها يمي وراحت الحمام شويه ودك شفت مكتوب ثائر ..
كلت ارد رديت طلع صوت ..
بعدني هستوني اريد ارد اخذته مني
زينه ..هاي ليش تردين
سناريا ..اسفه مو قصدي بس شفت ثائر المتصل
زينه ..ها اي اي يلا خلي نروح
سناريا ..لبست عباتي وهيه هم وخاله هبه خلصت طلعنا شفنه ثائر واكف بالباب اخذنا وهو يحشش علينا من وصلنا كعدنا كلنا شفتهم فارشين حصيره جبيره وكلنا كاعدين ..
اجه مدد يمي وخله رأسه ع رجليه وكال ..
ثائر ..أيباأأأأأه والله نعسان
هبه ..جا ماظليت بالبيت اذا نعسان
ثائر ..اي والله اريد انام بس خفت ع اختي تضيع ومحد يدير بال عليها
هبه ..واختك لو احم ههههه
ثائر ..ههههه تفكيرج منحرف مو بيدج ..
سناريا ..جريت كفشته بدون محد يشوف
ملكة ..يلا يمه كوموا زورو حتى نصلي ونتغدا ..
اسمهان ..اكول خلي نروح شويه شويه موكلنا حتى لا نضيع
سناريا ..اي والله اني اظل اخر وحده حتى لا تورطني بجاهلجن من هسه خلهم يمي من تخلصن عود تعالن اخذوهم
خالاتي ..عابت هاج
ثائر ..اباوع عليها لمو الجهال وكعدو يمها همست بذانها ..يوم التشيلين جهالنه ان شاءالله 😍..
سناريا ..ها عود اسكت ليفضحوك الجهال 😏
ثائر ..امداج انتي مو مال رومانسيه
سناريا ..خرب بحظي رومانسيه بمكان مقدس اسكت عيب يمعود ..
ثائر ..ما مسوي شي حرام بنت خالتي واحبها ورايدها بالحلال هسه راح اطلب من شريفه بت الحسن انتي ..
اطلبها منها واكلها دخيلج يابت الحسن المجتبى يابت المسموم يابت المظلوم دخيلج رايد منج سناريا مرتي بالحلال اكفليني عند ربي ..
سناريا ..دنكت وابتسمت كام هو والشباب وراحو ظليت بس اني والجهال وبيبي واميره وخاله ونيران وزينه ..
واني العب بالجهال ...
.......
خلصنا زياره رحت صليت ومن طلعت شفت ثائر منتظرني كتله ..خير ياطير
ثائر ..ليش اطلعين وحدج ولج
سناريا ..لاتخاف ماضيع
ثائر ..امشي لا أكسر رأسج
سناريا ..ترا زودتها
لزم ايدي وكف اكبال القبله الصلاه وغمض عيونه وبس شفايفه تتحرك وماسمعت شي من كلامه ..
ثائر ..سناريا اريد اكلج شي
سناريا ..ممم
ثائر ...اذا أجه يوم وصار شي عليه وافترقنا اريد شغله وحده منج صعب ع كلبي اكولها بس لا توكفين ع ثائر كملي حياتج ماشي ..
ماريد تنظلمين وياي واذا ع حبي خلي بكلبج واذكريني 😔..
سناريا ..اووي عابتلك ليش تحجي هيج ترا خوفتني
ثائر ..لان احبج والي يحب ما يضرحبيبه ويضحي اله بس ثقي بالله احبج بجنون واتمناج بالحلال وماطالب غير ربي يكون بصف حبنه بس لازم نكون اقوياء ..
سناريا ..هزيت رأسي وكتله ان شاءلله
ثائر ..يلا امشي
باوعت شفت أسوار مكتوب عليه سناريا اخذته واشتريته الها كتلها مدي ايدج حبيبي
سناريا ..ممم ماشي😊
ثائر ..لبسته الها وكتلها ..يخبل عليج
سناريا ..هههه حلووو شكرأ
رفعت ايدي ولعب بالسوار
هههه يالله كولش حلو ..
ثائر ..ههههه انتي احلى منه
سناريا ..وصلنا يمهم كعدنا وتغدينا ومن خلصنا رحنا للسوك اشترينا شغلات هواي عجبني دفتر صغير كلش حلو اشتريتا ورحت بي ..ثائر جان واكف يم أمير ..كتله اتفضل
ثائر ..عاا شنو هذا صدقه لله كلش حلو ولج
أمير ..جا بس ثائر يحصل هديه لعد واحنه ..عمي بخخخت
سناريا ..ههههه
ثائر ..اششش انطم لا تخلي عينك مو زين
سناريا ..باي
امير ثائر ..بايات
امير ..هاي صدك خليتها تحبك والله عمي انت طلعت موهين
ثائر ...انه ماجبرتها ع حبي الحب مو اجبار الحب ثقه بس تنزرع الثقه والاهتمام بقلب المقابيلك صدك يكوم يعشقك مو بس يحبك ..
امير ..ماشاءلله صاير قيس
ثائر ..هههههه اسكت يابه ..
.....
في مكان اخر
زينه ...بعد هاي المكالمه صارت مكالمات بينا كول يوم يتصل ارد علي ونحجي سوه من صدك حبيته بس ماعترفت بحبي اله ابد ..
ردت اعرف عنه اكثر مو بسرعه انطي كلبي اول أسلمه استلمت النتيجه ناجحه الحمدالله صرت مرحله ثالثه ....
بيوم بيت جدو ضاري سووا عزيمه لزياره شريفه بت الحسن ..جنت باليل دا احضر الغراض ..اتصل رديت
زينه ..الووو
صكر ..هلا بسهورها وبنورها شلونج يالغالية
زينه ..الحمدالله وانت
صكر ..دومج حبيبي هسه صرت احسن من سمعت هل صوت
زينه ..دومك يارب
صكر ..شدسوين
زينه ...دا احضر غراضي
صكر ..شنو عندج طلعه للكليه🤔
زينه ..لا أبد بس باجر عندي روحة لزياره السيده شريفه ..
صكر ..اهاأأأ خوش وانتي ترحين
زينه ..شي أكيد
صكر ..ماشي ابيش الساعه
زينه ..يمكن بل10 الصبح لان غدانه اهناك بس ليش تسأل ..
صكر ..حبيت اشوفج ترا مشتاقلج مووت ماتحمل بعد
زينه ..ها مافهمت شتقصد
صكر ..يعني اجي للزيارة اشوفج
زينه ..شنوو لا لا عفية لتجي
صكر ..ماطالب أذنج اني كتلج اجي 😏
زينه ..امممم اوكي تعال
صكر ..زين شراح تلبسين
زينه ..يمكن ماعرف خل اصور ملابسي وادزهن الك شتكول ..
صكر ..اييي يلا
زينة ..سديت الخط صورتهن ودزيتهن ..ورا عشر دقايق اتصل ..
صكر ...الاحمر ونيلي احلى وأستر ..
زينه ..بس الدنيا حاره
صكر ..لا مبين خفيف ..
زينه ..اممممم ماعرف أجربه وأشوف
صكر ..زينه
زينة ..نعم
صكر ..اشوكت يحن هل گلب ع هل عاشك الولهان
وللحكاية بقية ...
- تڪتفي بـ شخص ݸهو يڪتفي فيك هذا اجمل شعور ممڪن تعيشـه..❤️💍
