رواية بين الحب والأسر الفصل السابع عشر 17 بقلم أمل مهدي

رواية بين الحب والأسر الفصل السابع عشر 17 بقلم أمل مهدي

....رائد

...الو ليث وين صرت

......اني بعدني بتكريت

.....انت صدك تحجي ابو باقر يريد يشتكي علينه

واني وقفت الشغل الى ان ترجع

وحسين ماكو

هاي الهوسه اضر بسمعة الشركه غير تجي 

اتحلهه

........عدنه مشكله وضطريت اروح على تكريت وباجر احسبني يمك

......باجر ليث لا تتاخر

...ماشي

اوف ياحسين كون اللزمك هسه

دكت الباب

استاذ عندك مجال 

....اي تفضلي ريهام

.....هذا اشعار من المصرف هسه اجه

الصكوك مالت ابو باقر ما نازله بحساب الشركه

استاذ اخاف استاذ ليث يبطلني

والله ما ادري حسين يبوكهن گال اني ابن عم ليث واني صدگته

رائد.....يا ابن عمه حيا الله من عشيرته

....اشلون هسه

انت ليش ما كلتيلي

....استاذ ظل يتوسل وكال اسبوع وكدامج انطيهن الرائد

.....من يجي ليث اصيحلج وحجيله

....تمام

وهاي الاوراق تحتاج توقيع استاذ ليث

......دعوفيهن هسه

....ريهام فكرتي

.....دنكت بخجل... اني موافقه

... ابتسمت اتاكدي راح اشيلج بعيوني وبس تطلع سنة ابويه اتقدملج

.....ماشي

......اليوم طالعه حلوه.....

.....ابتسمت ليش كل يوم محلوه

.......لا ابد انت كل يوم بعيني احلا

......ابتسمت

شي بيه ريحني انه صارت الي

ثاني يوم اجه ليث جان امبين عليه

كلش تعبان

اهلا رائد

اهلا ليث

.......خابر ابو باقر والمهندس وحسين وحضرلي

كل شي يخص العماره

بلغهم اجتماع

.....صار....ليث اريد تسمع ريهام

عدهه شغله على حسين

.....صيحه 

ريهام....... السلام عليكم

ليث...تعاي شكو شعندج على حسين

ريهام....استاذگال هو ابن عمك وترجاني ياخذ الصكوك الثلاثه مال عماره وهو يسد بمكانهن لان محتاج كال اسبوع و يرجعهن

ليث.....هههههه شبيكم لخاطر الله

اغبياء غشمه

ريهام.....استاذ والله اسفه صدكته لان گال ابن عمك

ليث......روحي المكتبج رجاءا لحد يبرر واذا ابن عمي

طبعا حسين ماكو اختفه

لمن كلب وحسب ليث تبين 

الوصولا ت نصهن مزورات وقدم المهندس كشف بالتجهيزات طلع هوايه فرق

وحتى يرضي ابو باقر

فلش طابقين ورجع من جديد اباشرافه والمهندس يبني كانت عماره ٥ طوابق يعني عمل ضخم 

خسر ليث اكثر من ٦٠ مليون نصهن 

بجيب حسين

رائد....من البدايه كلتلك هذا مو راحه

عندك ثقه بي؟

ليث.....لو اني موجود كل هذا ما يصير بس

استغل عدم وجودي

رائد...يعني اني السبب كم مره نبهتك

كلتلي خوش رجال ونعرفه ونعرف اهله

ليث....لا اني السبب هلفتره بالي مو يم الشغل

تدري كم مره احاسبه واخر شي هددني

......لعد ليش مكتلي

....كلتلك حسين مو ثقه 

......كلتلي مبقى شي وارجع زين اشراح اسوي متبلغ اهله

......اني التهيت هاي الفتره هسه

انطيت خبر لابويه يروحلهم

واريد حسين يجيبو

ماكو اشتكي عليه

سراب.....

طلعت من الدوام لىشقه

اني من تتعب نفسيتي اروح ارتاح هناك صارلي ست شهور ما واصله

هناك 

تعبت انتظر وانظف واتخيل وماكو امل

دخلت مثل كل مره بيضه من التراب

هميت ابدل ملابسي وابدي انظف

وندكت الباب

وگفت منو ممكن يجيني

وبلحظه ما ادري شلون خطر على

بالي ممكن يكون وسام

اي مو كال مروان راح يجون

ما ادري بسرعه

فتحت الباب

ليث....

واكف كدامي ونظراته الحاده وايدي بجيوبه

دخل... واني بصدمه

تركت الباب مفتوح

ليث ....اشعدج اهنا وهاي الشقه المن

يستجوبني بتوتر

....انت شعندك اهنا ؟

اجابك وراي شنو دتراقبني

......تمشه للغرفه باوعه ورجع للمطبخ يتفقد المكان

اشعندج اهنا ليش جايه الهاي الشقه

والمن هذا المكان...جاوبيني

.....اشجنت تصور منو تلكا ويايه

ها گول تراقبني ليث

ليث......جاوبي بالاول

شسوين اهنا ...وهاي الشقه المن

سراب......انت شعندك لاحكني

بلله گول منو تعتقد راح تلگا بالشقه

غيري

وليش

اظن بيه السوء دائما

ليث.....شنو هاي الشقه والمن

سراب منو يجي هنا تشوفي

سراب......ليش هذا التراب ما يوحيلك المكان متروك

ليث....احجي شعندج اهنا

سراب.....كعدت على الكرسي بتعب

اني ما مضطره ابررلك وانت ضان بيه السوء

بس من اجلي راح احجي حتى لا تروح بعيد

هاي شقة وسام ومن يوم التأسر

اني اجي هنا بين فتره والثانيه انظفه

ارتاحيت هسه

ليث....كعد على الكرسي وخله راسه بين ايده مدنك

سراب....شنو اجان ابالك بله كول

ليث.....اني آسف صدكت عندج علاقه بخالد

الله يطيح حظج يا سلوى

سراب......رجاءا ليث اذا باقي

عالصداقه البينه ابعدسلوى عني

ولا تخليه تدخلني بمشاكله هيه وخالد

ليث......اصبح جنت يم خالد وما حجه عنج غير كل خير

اختي وحده غيوره ومخبله

سراب ......اني هذا الشي ما يخصني ماريد اصير علج بحلك هذا وذاك

واني لا ماكله ولا شاربه

تلاحظ ها الشي يضر بسمعتي

رجاءا ليث اصرف 

ليث ....ماشي

سراب ....وهسه گلي ...شنو تراقبني

شون اندليت المكان

ليث......يباوع بوجهي 

.اعتذر منج..... للحظه شكيت بيج

رغم صار اجم سنه اعرفج واعرف اهلج

بس حجي سلوى خربط كل افكاري

سراب......رجعنه على سلوى

تدري هذا المكان محد يعرف بي

وشوفه كل شي بي قديم

كل شي بي عباره عن ذكريات

هاي حياتي اني

اعيشه ويه هاي الذكريات

وكف يم الستريو....يدوس بالدكم

شتغل ...

اغنيه انته عمري

رجع كعد...مدنك وساكت يسمع

ليث....

بديت اتخيل اشلون جانت حياتج

ويه وسام

سراب ....يعني شنو

ليث.....مثل هيج حب جمعكم

مستحيل يموت وينتهي

وسام...

عدنه بالمعسكر بيرين يسدن احتياجنه بالماي...

ولوطعم الماي بي ملوحه

بس احسن من ماكو

انتشرت الامراض بينه وخصوصا الجلديه لان ماكو علاج واذا انطونه ادويه نقراهه

اكس باير بس هم نشربه مجبورين ماكو حل

قلة الاكل والمجاعه العايشيه ضعفتنه

وواحدنه اضلوعه بينت والماي المالح

جولگ بشرتنه

صرت اسمع بعض الاسرى يهربون

من المعسكر بس كدرو يعبرون الحدود ما سامع 

جان اكو ولد اسمه محمد انجمع بهذا المعسكر هو وعمه

وما تحمل الجوع وسوء المعيشه

وراد يطلع ويه المعارضه بس عمه

وكف ابوجهه وهدده كله اتبره منك

مو حس الوطنيه اليصبرنه

لا...الامل انه باي لحظه نرجع لاهلنه

ولحبابنه ولحياتنه

كان يهون علينه المأساة النعيشه

طلعت العصر مثل كل مره

اروح اشوف الغروب

شي يريحني من ااشوف الشمس 

وهيه تمشي بتجاه العراق

وراح تمر على اهلي وسراب وحتى الكل يشوفه

نظري تعب بس ما جنت متوقع لهاي الدرجه

واني امشي عثرت ووكعت اباوع

ماكو شي ...بس لمن تلمست لكيت حجره ما شفته

خليته اكبالي اختبر نظري هم ما شفته

هنا اتاكدت اني بطريقي للعمى

كعدت ابمكاني اراقب قرص الشمس

ونزلت ادموعي

يكولون الرجال ما يبجي

بس اكو مواقف اتهد رجولتك اشلون ما تنزل دموعك

ياسر... ...لك وساممم وينك

اليوم امغير مكانك ... اجه

وكعد يمي

شبيك وسام

.......اليوم اتاكدت بقائي احسن من رجعتي

.....شنو هاي وين لكيته

.......لان اذا رجعت ما راح اشوف الاحبهم

.....شلون بلله

.....ياسر اني عيوني دتعمى

......لا بربك....شو دحگ عليه

وشال ايده وكام يسويلي باصابعه

هذا اشكد

التفتت عليه شاف الدمع ينزل

واني ساكت

روحي هيه الدتبجي

......صفن ابوجهي....گوم نرجع

.....مخنوگ خليني وانت ارجع

.......هههه حتى الرائد يحرك عشيرتي

يول الله موجود كافي تموت بروحك

دشوف اصاير بيك

.....ياسراذا متت امانه بركبتك

تروح لاهلي وتحجيلهم كلشي عني

وتروح السراب هم وتحجيله

......گوم يخوي وخلينه ندعي الله يفرجلنه

مشينه راجعين 

الرائد.....وسام بس كلي وين من العصر ادور عليك ...وين تروح

وسام.....ليش شكو

....اخذ هاي جكارتين 

...... منيلك

....يمعود اخذ ريح اعصابك

......جكاير الكره الارضيه كله ما تطفي النار البيه

.......اها .....يابه اليوم ذاكر احبابه كلبي

.......هههه ليش يمته نساهم

.....هاك ياسر اني ابتليت بيكم

ياسر......عجل غير ابونه انته

......امشو انخمدو كاعدين شمنتظرين

ياسر.....منتظرين رحمة الله بلكت

تنزل علينه مائده من السماء

وسام......تعشينه جكاير لا صير

متعافي

ياسر.....جوعان وهاي الجكاير حمسني حمس حتى التتن مالتهم مغشوش

الرائد.....هذا الجندي من يجيب التتن يخبطه ...الولد كالولي

ياسر.....انوب شربت مي لعبت نفسي

صبرك يارب

وسام......باجر ابدل الحلقه بتمر

ونخلي لليل

الرائد....ليش لليل

ياسر.....عجل غير نتمزمز بي 

وسام......ههه هم صدك

ليل وعلى ضوه الشمعه مال البطل

حاطينه بنص الغرفه النايمين بيه

اليسموهه (قفص الأسر)او الحضيره

وهيه فعلا حضيره

كلمن بفراشه

همزين اكو اسره انام عليه جان اكلنه الدود

من بعد ٦شهور قضيناهه باتعس معسكر للاسرى

صبحنه ابيوم ينادون علينه

الكل بالساحه

جاينه مدير جديد

وصفونه على شكل سراوات

ووكف كدامنه ضابط ايراني جبير والجنود

حمايته ويا

اتضح هذا مدير المعسكر الجديد

وكف وظل يباوعلنه ابتركيز 

بعدين اتمشه بين الصفوف تفقدنه

بهتمام

گال.....انتو عباره عن هياكل عظميه

شنو السبب

اتكلم واحد بالمقدمه

.....سيدي من الجوع

.....ليش ماتوصلكم الوجبات

......نفس الاسير حجه وين اكو وجبات هي وجبه وحده باليوم

......فتح عينه متعجب ليش ما اشتكيتو

......اسير ثاني حجه سيدي ملينه

يكولونه الجوع افضل الكم

صفن شويه يباوع بوجوهنه البئيسه

التعيسه.. 

وكال ارجعو المكانكم 

وهو واكف يباوعلنه بهتمام

رجعنه ولا اثر بينه لان هوايه اجونه وشتكينه ونفس الشي

مرن يومين...

ونشوف باب المعسكر تنفتح وتدخل

ثلاث برادات جبيره

وفتحو البوابات مالتهن

ووكفونه سراوات 

يمشي السره ويمر بالبرادات وحده وره الثانيه

ويسلمونه خبز ومعلبات واجبان

شي عقلنه ما يشيله

شنو التغير مندري

الرائد......والله ذوله يخوفون

ياسر......راح يسمنونه وبعدين ياكلونه....ههههه شتكول وسام

وسام.....ههههه خلنشبع اليوم والله كريم الباجر

الرائد.......هذا انكسر خاطره علينه

وسام........لعد اشكد صرنه مساكين

ياسر......يمكن وصلت شكاوينه

الرائد....اايا كان السبب المهم نشبع

ناكل وما مصدكين

ظلينه اسبوعين على هذا الوضع

حديثنه شغلنه عملنه هو الاكل

وبيوم دخلت سيارتيت للمعسكر

جيش ضباط وجتمعو ويه المدير

وطلعو بالساحه

وجمعونه مثل كل مره

ياسر.....اشتصور اشعدهم

وسام....المبلل ما يخاف من المطر

ليش شنو الما شفنى

الرائد......بس لا وراهم نقله

وسام.....التفت على الرائد ونظرة الخوف بعينه

الرائد.......كلشي انحط بحسابنه ونهيا نفسنه اله 

ياسر......اني ما عوف وسام واروح واحجي وياهم لان مريض

صاحو سكوت.....

وبده يحجي المدير

اهنيكم تمت الموافقه على تسفيركم لبلدكم واغلاق هذا المعسكر نهائيا

صوت صرخة الفرح الصرخناهه يمكن

دخلت حدود العراق 

انهارينه من الفرح بجينه وواحد

يهني الثاني

لحظات وصاحو بينه اسكتو راح

نقسمكم وجبتين وخلال فتره

انتو ابلدكم

رغم الكل خاف بيه لعبه التقسيم

او الى الان ما مصدكين بهاي السهوله راح نرجع

بس بقى الخبر صدمة فرح ونزل علينه 

ما نمنه ذيج اليله

صار عدنه نشاط والكل يحجي باهله واخبارهم

ويسترجع ذكرياته

اكو ناس حتى اسماء اولادهم يخربطون بيه

وبدينه نحسب عمرنه

كل واحد اشوكت تاسر...وشكد صار عمره

وسام ...تاسرت ب٨٦ وكان عمري ٢٢

وصارلي بلاسر١٦ سنه

وانتو احسبو بعد

ياسر.....اني مثلك صار عمري ٣٧

دحگ اشگد فاتنه من عمرنه ما عشنا

الرائد.....اني عفت ولدي واحد ١٠ عمره والثاني ٨ وبنات توم ازغار

وسام.......شتصورون صحيح يرجعونه اشو مدا اصدك

الرائد....اليوم كل واحد اهنا ما مصدك بس الله فرجلنه انشالله

كان اكو واحد ويانه من اهالي البصره..

كال من تطلع السيارات راح تمشي طريق المعسكر كله 

وبعدين يلاكيه تقاطع اذا اتجهت السيارات على اليمين يعني طريق العراق واذ مشت بتجاه اليسار 

يعني عمق ايران

وانقرأ على روحنه السلام

الرائد......اشمدريك

......لان نمت مستشفى سويت عمليه 

ومرتين ودوني بهذا الطريق ومره سألت الجندي المرافق ويايه وگلي

ياسر....ظل الوصف عالق ابالي 

يمكن لان ما مصدكين راح نعيش

الحريه ونرجع لاهلنه

من بعد ثلاث ايام وصلت باصات

للمعسكر ابحدود الخمسين 

وجمعونه كلنه بالساحه وبدو يصيحون باسمائنه

اكثر من٥٠٠ اسم طلع واحنه ماكو

بعدين اول اسم طلع كان

الرائد....بوسنا وهنينا على الافراج

.....لاتفرحون ما امشي منا الا انتو ويايه

وصاحو كم اسم.... وراهم

وسام وياسر سويه لان من اتعاقبو

ظلت اسمائهم عليه اشاره

وسام.....

هذا اليوم ابد ما انسى

نهار وشمس طالعه وحاط ايدي على عيوني وواكف ما حسيت لا صداع

ولااهتميت النظري 

صعدنه بالباصات واحنه بقمة الفرح

وهاجس الخوف اشلون بلدنه صار بعد

الحصار

صوره محزنه رسمناهه ابمخيلتنه

العراق خراب لا كهرباء ولا بناء

ولا عمل ولا صناعه ومجاعه يعيش

الشعب

توادعنه احنه والبقو وناس تتمنه الناس توصل بالسلامه

ونطلقت مسيرة الحريه مثل ما يسميه ياسر

وعيونه كلهه متجهه للامام وكانه احنه النسوق الباص مو السايق

طلعنه من المعسكر قريب نصف ساعه تمشي السيارات في المقدمه

سيارة الضابط الايراني وكم سياره

جيش ترافقنه

وصلنه التقاطع

وسام....اني وياسر والرائد

وكفنه قلق ما ادري خوف نترقب اتجاه المسير

واخذو طريق اليمين

تحاضنه واحد يهني الثاني اما الباقين ما يعرفون شكو

وگف ياسر ابنص. الباص وصاح

ياسر....ايها البؤساء نحن الان في الطريق الى الحريه

الكل ضحك

الرائد...انت منين تعرف البؤساء

ياسر.....هذا فلم شفته بالسينما من زمان

والله من باوعتلكم وجوهكم تشبه

البؤساء البلفلم

وسام.....ههه بس لا اهلنه مراح يعرفونه

خلصنه الطريق تصنيف وضحك

والسايق كان اهوازي يحجي عربي واخذه الواهس ويانه

ياسر.....رحمه لاهلك شغلنه الراديو على اذاعه عراقيه

وشغله وظل يدور ...واجانه صوت المذيعه امل المدرس بضحكته وخفة دمه هنا استوديو عشره من اذاعه

الشباب

نترككم مع هذه الاغنيه...كانت لجورج وسوف

كلام الناس ..لا بيقدم ولا ياخر

كلام الناس مجرد غيره مش اكثر

وليه يحبيبي نسمعهم

انا عاشق بسمعهم

علت اصواتنه وصفكاتنه ويه الاغنيه

يوم تاريخي نعيشه

وصلنه قريب الحدود من معبر المنذريه دياله 

الارض متموجه

بين معبر ايران والعراق المسافه بحدود ١٠٠ متر

ومعبر المنذريه كان اعلى من المكان الوكفنه بي معبر ايران

من بعيد مكشوف المكان ماكو سيارات ولا جيش

مجرد سياره عسكريه وعليه منصوبه

دوشكه

واثنين جنود

تسطرت السيارات تنتظر

واحنه بلحظه ساورنه الشك ان ندخل بلدنه

صاح واحد من الجنود يشاقينه او يستفزنه

صدام ماعنده سيارات ياخذكم

ويضحك

وسام....معقوله هيج العراق صار حتى سياراته راحت

ياسر....لو ازحف على ركباتي هم

اعبر

الرائد......انت وين كاعد يم بيتكم

اذا محد يستلمنه هسه يرجعونه

احنه بالحدود يعني شغله سياسيه

وسام نص ساعه

القلق هد حيلنه

وبلحظه تحقق الحلم

ودخلت سيارتين لاندكروز بيضه ووصلو

الى المعبر الايراني 

وترجلو من السيارتين ٥ اشخاص ٤

لابسين قوط وواحد عميد

تسالمو ويه الجانب الايراني

واشرونه ننزل بالسره وندخل

بتجاه معبر المنذريه

العميد من فرحته بينه يسلم على كل واحد ويحضنه 

مشه گدامنه الرائد بعكازاته

واني يگودني ياسر ويضحك

كثير منه يمشي مسرع والدموع

بعينه

لحظه تحقق بيه حلم ميؤس منه

واحنه نمشي هاي المسافه

ونشوف المنشآت بدت تتقدم وحده وره الثانيه

منشأتنه الحمره كان يطلقون عليه الازبري

وصلنه دخولية العراق وكان بستقبالنه جيش وضباط يسالمون 

ويانه وياخذونه بلاحضان مرحبين بينه

ياسر......اي يابعد اهلي هذا العراق

هاي ريحته حتى الهوى بي غير شكل

وسام.....يضحك والله صحيح اشتم

الهوى شوف الوجوه هسه صدكت

احنه بنص اهلنه

صعدنه بالسيارات واخذونه مسافه

مكان بي قاعات 

نزلنه ودخلونه الاستراحه اجانه العميد الستلمنه كال

اي دواء شايلين ذبو اهنا 

وارتاحو راح يجيبون الغده 

قاعه جبيره وميوزه وكراسي

واحنه بحدود ١٠٠٠ اسير والضباط يفترون بيناتنه ويتحمدولنه على السلامه

نزلو الاكل تمن وعليه لحم ولبن 

ومروكات ...اكل راقي 

وسام .....هذا العراق شما يكولون عنه يبقى شامخ بكرمه وباهله

واحنه ناكل...

اتجه ضابط علينه برتبة مقدم

ووجه كلامه للرائد حسن

انته مو الرائد حسن

... اي آني...!!! 

.....سيدي عرفتني..

الرائد....تمعن بوجه....اعذرني

ملازم سلام؟

....اي اني سلام اشلونك سيدي

الحمد لله على السلامه

الرائد....ما شاء الله صرت مقدم

سلام......سيدي انت الخير والبركه

كلنه ايسنه من سمعنه اتصوبت

الرائد....بعد الله كتبلي عمر

الحمد لله على كل حال

اكلنه وشبعه ونطونه جكاير كرم

ما ينوصف 

وراهه وكف العميد وبده يوضحلنه بعض الامور

.....اخوان راح ناخذكم المعسكر بابو غريب كم ييوم مو هوايه اجرائات

امنيه

بعدين اغلبكم مرضه راح نعرضكم على اطباء

وانشالله ترجعون لاهلكم

صعدنه السيارات ونطلقت بينه

قريب الساعه ونص نمشي 

دخلنه مناطق ابغداد اطراف

واني گلبي يدك هسه ابويه بمحل الصياغه لو بالبيت واكيد سراب بالدوام مالتها... او يجوز ابيته مزوجه ومخلفه... انعصر گلبي من اتخيلته مزوجه... وسالت نفسي

لو مالكيتها منتظرتني شسوي

انقطعت افكاري من گالو

وصلنه ابو غريب

دخلنه معسكر جبير

واخذونه 

قاعات نظيفه انطونه ملابس

ودخلنه الحمامات

وسام...

من سنين ما شايف وجهي بالمرايه

واليوم

اتعجبت اشكد متغير اباوع الشعري

هوايه شيب منتشر ويه السواد

ولحيتي كله شيب

زينت

وسبحت.... بلغونه باجر ننعرض على اطباء

رحت اخذت مكاني ارتاح

من بعد ما تاسرت اول مره احس بالراحه

ماكو بعد حدود بيني وبينج سراب

ابويه امي حسام سامر 

مشتاقلكم 

اشلون راح التقيكم بعد هاي السنين

دك التلفون...

اميره...شهد يوم شو شوفي منو متصل

.....الو

......هلو شهد.....اني ماهر شلونج

.....هلو ماهر اني زينه

......تمنيت انت الجاوبين 

....ليش..

.....احب اسمع صوتج 

......مم

.....اشو سكتي انت هم تحبين تسمعيني

.....اي غير ابن خالي

....بس ابن خالج...انت اكثر

.....يعني شنو

.....شهد اني احبج

رتبكت بسرعه سديتهه

اباوع ايديه ترجف كلبي يدك

اميره....منو خابر وين صرتي نمتي

شهد.....ها يمه صديقتي

اميره....ها زين راح انام اشويه من يجون اخوانج صبيلهم غده

.....اي ماما

جسمي كله رجف اول مره اسمع هاي الكلمه يعني نظراته حسستني 

اكو اهتمام بس متوقعته بهلجرئه

ثاني يوم اجونه بيت خالي 

ابو ماهر لان مرت خالو مريضه وجابوهه يعرضوهه على طبيب

واكيد ماهر وياهم ...ونيران ... 

يعني

اعرف عدهم بنيه ابكدي

اسمه نيران

بس اول مره اشوفه

اميره ....ياهله ومرحبه اشلونكم

ابوماهر.....هله بيج خويه.. ام ماهر مريضه وجبناهه للدكتور ومرينالك

لا سلامته

اشلونج ام ماهر خيرج

....والله يا ام رائد كلبي تعبان

....لا سلامتج حبيبه

اشلونك يمه ماهر

......الله يسلمج عمه

....اشلونج حبيبتي نيران...

....الحمد لله عمه

شهد...

من شفت ماهر ما ادري اشصار بيه

اتخربطت احوالي رجفه بكل جسمي صارت

اخجل ارفع راسي..

اميره....شهد ولج تعاي ساعديني

....اي ماما

صبينه الغده وشلنه الماعين

على السفره

وكعدنه كلنه سويه

نيران 

حبيته بنفس مرحلتي رابع عام

واحنه كاعدين

دخل علينه عقيل 

خفت لا يحجي لان اني كاعده وماهر موجود..

بس هذا ما حجه بلعكس اهتم ورحب بيهم

واجه كابلنه وكعد على السفره

عقيل....اي والله كلش جوعان

ابو ماهر.....عافيات خالي بياصف

انت

....والله خالي سادس علمي

.....شدحيلك خالي الشهاده حلوه

...اي خالي ناوي اكمل انشالله

ماهر....حاط ابالك ياكليه

......اي والله انشالله هندسه

.....انشالله

رافد.....

وصلنه المستشفى العلويه

اني وامي ورائد

تلكانه عمي محمد

.....علخير يابه تعال شوف ابنك

رافد....هههه وين لبنى

حبيبتي الحمد لله على السلامه

وباسه من راسه

لبنى....فرحان 

....اني طاير من الفرح شو انطونيا

فوزيه ....كبر باذانه

اميره.....يمه بعد كلبي شلون حلو

اشراح اسمي رافد

......امير....عاجبني شتكولين لبنى

.....بكيفك حلو امير

طلعنه للبيت وظلت امي يمي يومين

وهاي اول مره تبات يمي

لبنى حبابه وهادئه واهم شي تحبني

واحبه

ما تسمع لامه

من اولوياته اني وهسه صار اني وامير

اخذت امومه وكعدت يم امير

حياتي كلش مرتاح بيه كل خميس 

اخذهم وابات يم اهلي

عمي محمد تمرض صابته جلطه

ونام بالمستشفى اسبوع واني رافقته

تحسنت صحته بس طلع من المستشفى ما يحجي ولا يمشي

صار مقعد على كرسي

وهنا صار مسؤليتي ...رغم السمعته عنه ويه ابويه ما كدرت اتخله عنه 

بس الشي الدائما محيرني

كلما يشوفني اشيله او اسبحه 

يباوعلي ويظل يمتمت بكلام ما مفهوم ويبجي...

        الفصل الثامن عشر من هنا 

لمتابعة باقي الرواية زوروا قناتنا على التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال