رواية بين الحب والأسر الفصل السادس عشر 16 بقلم أمل مهدي

رواية بين الحب والأسر الفصل السادس عشر 16 بقلم أمل مهدي

وبقت بالروح اساميهم

نقش جنه

چنه اريدهم جنه

***************

ليث.....

.....مرحبا

......جنت ادقق اضباره تخص ليث

اهلا يا مرحبا اشلونك...مو يكولون ابن الحلال بذكره ...هسه اني ابذكرك هاي اضبارة المشروع دققته الك

.....اي يا الله حتى تصرفولي باقي الدفعات مو سلمتكم البنايه بعد شكو

......اي مو تدلل راح اكمل الصك واقدمه للمدير العام يوقعه وتجي تستلمه

بعد  

..... اشلونج شخبارج

......الحمد لله ...اشو مختفي وينك

......والله صار هوايه بفلوجه راح

اكمل انشالله

....ها انشالله خير

......سراب فارغه عندي موضوع وياج

......خير ليث اتفضل

........المكان ما مناسب شنو رايج

نتغده بره ونحجي

...... ماشي ..واتفقنه ابمطعم هو 

دائما يروحله

ليث ينفع صديق صدوق التزامه واخلاقه اشجع واحد يصادقه

متواضع مع الكل 

ومحترم لابعد حد

وفي وكتوم وشخصيه قويه

اكعد ويا واني مأمنه ما يجاوز حده 

ما عده بعض النظرات الي احس بيهن مشاعر بعيده عن الصداقه

واتهرب منهن ...لا بالعكس افتح موضوع وسام

وابين اني گلبي مقفول وما بي اي مكان لاحد غير وسام

لاكيته وكعدنه بالمطعم تغدينه

وسولفنه بهواي امور ...

بعدين فاجأني

.....سراب شنو بينج وبين خالد ..

....... يا خالد

......هو واحد زوج اختي والمدير

العام للهيئه+++++++

.....ما بينه اي شي....بحكم المعرفه القديمه راد ينطيني منصب واني رفضت

.......وليش رفضتي

........السبب احتفظ بي النفسي

ليش شكو اصاير لا تقلقني 

......بلع ريكه برتباك وكال سلوى سامعته يتغزل بشعرج ويحجي عنج ويه صديقه

كانه يلمح....

....شنو يلمح..... بشنو

....كانه بينكم شي

ومتعاركه ويا شاكه بينكم علاقه

....اشمازت روحي حسيت عبالك لازم شعري 

ليث اصدك بيه لو لا

......اصدك... گولي

اني حسيت ابنوايا اتجاهي بس 

ما عرفت خير لو شر ولهذا انسحبت طمن اختك اني كل الرجال اشوفهم نفس الشي... واحد بس هو الاشوفه غيرهم ومنتظرته لو لاخر يوم ابعمري

اني اترخص واشكرك لان صارحتني بسؤالك وما ضنيت بيه سوء

سلملي على سلوى

وگله تطمن من ناحيتي

من كالت كل الرجال ما اشوفهم

احس اجتني كفخه على راسي

مو بس اني حبيته خالد همين 

اكيد لان جانت ويا بنفس الدائره

بس هيه

مثل السراب تشوفه بس ما تكدر

تحصله

لمت نفسي لان اني التبعته ولا يوم هيه انطت مجال بالعكس ابكل مناسبه تذكر خطيبه

سراب....

طلعت اخذت تكسي للبيت

دخلت صنطه

صعدت الغرفتي وقفلته الباب

يعني صحيح كان اباله شي عليه

شكد حقير

يتغزل ابشعري وكفت كدام المرايه واحجي ويه نفسي

اشوكت ترجع وسام....؟؟ 

تعبت والله تعبت اشلون اقنع الناس اني الك وما ارهم الغيرك

اني ابد طول هاي السنين ما منتبهه النفسي 

سمنانه وخشنان جسمي 

كل شي بيه صاير احلى جسمي وشعري....

هذا الشعر الوسام.... وهاي العيون الوسام ...وهاي الروح لو اله لو للموت

ولزمت المكص وكصيت شعري وصلته الكتفي 

محد يتغزل بيه غير وسام

وكعدت بجيت لمن تعبت لشوكت انتظر وشوكت تجي بس كلي تعبت والحجي صار يوجعني .....

اميره.....شنو سراب ما كعدت

شهد.....لا نايمه 

....دصعدي كعديه ميصلح المغربيه تنام

.....دكيت الباب

افتحي الباب سراب

.....كعدت باب الغرفه يندك واني مو نايمه عبالك ميته فاتحه دكم القمص وسحاب التنوره حتى منازعه اهدومي

كمت فتحت الباب ونسيت حتى اني كصيت شعري

شهد......ههههههها شنو هاي وين شعرج سراب ليش كاصته

.....لزمته بايدي اذكرت ورجعت اتندمت

اجه الوكت اللازم نتحجب شهد اني وياج

....ليش بعدني زغيره

....لا انت جبيره وبعدين حرام

ننزل اني وياج للسوك بعد اشويه واروح نشتري شالات زين

.....زين 

كمت سبحت وتغديت اني قويه مثل ما ابويه جان يكول ولازم ابقه قويه

اخذت شهد ورحت للسوك اشتريت اسود واللوان شالات وشغلات 

وفعلا ثاني يوم كعدت الصبح للدوام

‏ونزلت لافه الحجاب اني وشهد

‏اميره .....كاعده بالمطبخ ومحضره الريوك هيج وكت كلهم يكعدون ويرحون الدوامهم

‏عقيل......صباح الخير يمه

‏اميره.....صباح النور يوم

‏رائد....صباح الخير

‏ونزلت سراب وشهد صارو كدامهم

‏تفاجاو 

‏اميره......يمه شنو هلجمال ما شاء الله

‏عقيل ابتسم

‏ورائد ...اي هيج من الاول شوف الجمال والله احله من قبل سراب

‏وحتى شهد طالعه گمر

‏سراب......الحجاب قناعه واني صار فتره افكر بي

‏كلت اني وشهد سويه نتحجب

عقيل....الستر احله على البنيه يله امشي

متردين اوصلج

عقيل وشهد اثنينهم بلاعداديه عقيل سادس وشهد رابع

ومدارسهم وحده قريبه على الثانيه

طلعو كلهم للعمل

اندكت الباب

اميره.....فتحت الباب...خويه ابو ماهر ياهله ومية هلا

ابو ماهر.....اشلونج خويه شخبارج

اميره.....اتفضلو فوتو اشلونكم اشلونك يوم ماهر

ماهر....اشلونج عمه شخباركم 

اميره....ابخير دام انتو بخير

ابو ماهر.....شنو محد بالبيت

اميره.......كلهم بالدوام والله

بس رافد هسه اكعده

ابو ماهر.....لا عوفي خلي مرتاح

تعالي اميره اكعدي

البيت انباع مثل ما كلج ماهر

وهاي خويه حصتج ٣ ملا يين

اني ادري بيج لازمه عده

كلنه تنازلنه بس انتي واخذت منهم كلمه يمته ما خلصتي اني اجي اخذج

اميره......تسلم خويه ابو ماهر

مشكور

ماهر ....طلعت بره اغسل

ونفتحت الباب 

ودخلت...وكفت وبتسمت

شهد.....بخجل.. مرحبا 

ماهر ....اهلا بت عمتي اشلونج

شهد.....زينه

ماهر......لحظه اشويه

تدرين لايكلج الحجاب طالعه احله من قبل

خجلت كلامه بهمس ونظراته... 

دخلت اركض لاكاني بوجهي خالو 

....اشلونك خالو

.....اهلا هله بيج خالي اشلونج

...زينه

.....ما شاء الله عروس بنتج اميره

ماهر ....واكف ومبتسم

اميره.....لا يمعود بعدهي زغيره

يا عروس.

فوتي ماما بدلي ونزلي نصب غده

.....اي ماما وتباوع الماهر

ماهر....هاي النظره الزرعت ابكلبي

احساس جديد بعدني عن الديوانيه

واهلهه

اجه عقيل وورى اجه رائد ونزل ورافد

واخيرا سراب اجتي وتغدينه سوه

وكعده وسوالف

ما ادري ليش نرتاح لسولفهم 

والقربهم ...جنت اتمنه من زمان هذا 

التواصل موجود بينه

بدينه نتعرف عليهم عن قرب وقوة 

علاقة رائد ورافد بماهر

رائد...السنه اذا تخرجت ترجع للديوانيه

ماهر...اني عندي مشروع بس اتخرج

ابدي بي انشاء الله

رافد.....شنو مشروعك

....من زمان امفكر افتح معرض سيارات

رائد......كلش خوش مشروع بس 

تشتغل على المستعمل لو على 

الجديد

ماهر.....اني من جيت بغداد اشتغل ابيع واشتري يعني عندي خبره

واذا معرض كلشي اجيب بي حتى مفكر اخذ وكاله بالبيع من الشركه العامه للسيارات

رافد.....بس يرادلك هوايه فلوس

.....الفلوس موجوده وعندي صديق يدخل شريك

شهد.....بعد ما طلعت ولا عتبت المطبخ

صبيت اكل واخذه عقيل وهو يخزر بيه عود لا تطلعين

ومن بعد فتره امي خلصت عدته 

ولازم تروح تتنازل عن البيت 

اجه ماهر واخذه وراح وياهه عقيل

ظلو يومين معامله وعزايم 

الغده ابيت والعشه ابيت

يومين والثالث رجعو لاحظت

عقيل....بس يصفن ويسال امي على

خوالنه 

رافد....

رائد.... شبيك بابا عايف مرتك صارلك شهرين 

سراب ....حرام عليك البنيه حامل

عايفه شنو

رافد.....اليسمعكم عايفه بالشارع

بعدبين اني من الكه شغل ارجع

سيارة ابويه ما اصعده

رائد....وليش متصعده اشتغل

قسم لامك وقسم. الك

....ما اكدر مو تدرون اشكد عزيزه سيارته عنده

اني هواي قصرت ويه ابويه ومادااسامح نفسي

صديق امواعدني ابشغل وانشالله. ارجع يم لبنى

رائد....شنو هذا الشغل

عامل ابفرن مال صمون

اميره.....يمه شنو الجابرك ميت جوع

.....حتى لو اريد اعتمد على نفسي

......لعد هاي الفلوس اشتريلك سياره

وشتغل بيه 

.....لا يمه زوجي رائد بيهن او روحي حجي ذني مالاتج

رائد....اني بعدني مو مال زواج هسه

سراب.....ما بيه شي اشتريلك سياره

وشتغل

رافد..... عمي هم عرض عليه يشتريلي واشتغل بالنص واني ما قبلت

اميره...عفيه محمد ما تشبع فلوس

اسمعني رافد هذني الفلوس الك

سويلك شغل بيهن وارجع البيتك

وبالك اتخلي ركبتك بيد محمد

وصرف على بيتك بس مالك علاقه بفوزيه

وشالت مليونين ونطته

رائد...

ريهام اني واثق من اخلاقه وحتى فاطمه

بس هذا حسين مو راحه

يعني عايف شغل عماره ابو باقر ويوميه

يجي للشركه 

.....حسين وين وصولات المشتريات

اشجهزت وين وصلت

.......اجيبهن الك. انشالله والعماره

صعدت ثالث طابق وماشي البناء

.....كلش زين بس ميصير اتعوف العمال وتجي اهنا لازم بلاداره

فوك راسهم

......اني اعرف شغلي شويه وراجع

....ماشي على راحتك

دكت الباب

ريهام....استاذ هاي الصكوك اتوقعه

رائد....اي ريهام جيبيه...

باوعتله اشلونج 

شخبارج

....الحمد لله وتبتسم

.....لشوكت راح اتخجلين من تباوعيلي

......دنكت

.....ريهام شنو رايج بيه

......ها...ورفعت راسه ..اشتقصد ما فهمت

......شنو الفكره الكونتيه عليه

......خوش ولد 

...وبعد

.....ما ادري

.....رهام حسين لا تنطي وجه 

انت زغيره وخوش بنيه

وهو.......استغفر الله

......ظلت اتباوعلي ما فهمت عليه

.....من الاخير رهام اني رايدج على سنة الله ورسوله

وتأجل الموضوع بسبب وفاة ابويه

......ساكته وتباوع بعيني متفاجأه

.....ليش ساكته انطيني رايج

......ما ادري

......لا تستعجلين بالجواب الج الوكت كله

....ما شي استاذ

سراب.....

رافد اشترى سياره ورجع ابيت عمه

وعزل الطابق الفوك من بيت عمي

اعتقد جان عنده مشاكل ويه فوزيه

ولهذا عزل فوك

تبقى لبنى بنتهم الوحيده وما عدهم غيره

وهو حبه واختارهه لازم يكون كد المسؤليه

كاعده على مكتبي جنت اراجع عقود

اندكت الباب

....تفضل

.....السلام عليكم

.....اهلا مروان اشلونك

......الحمد لله جنت يم الجماعه جايب بطايق العرس 

كلت اسلمه الج بايدي

......واخيرا الف الف مبروك 

والله انت واريج تستاهلون كل خير

......هاي متفيد عبالج ذني الكلمتين يمشن يمي

لا عيني اريد تجين وسجلين حضور

......ههههههه والله بعيني بس تدري 

ابويه ما صارله اهوايه

.....اي هسه شنو راح تحينه الحفل

هو تره بس انشوفج كدامنه

تره والله احنه نتفائل بيج

......ههههه هاي وين لكيته انتو تتفائلون هو اني ما متفائله بنفسي

.......لا لا ليش منو كان السبب بمعرفتي باريج مو انت

......يله همزين صرت همزة الوصل

بينكم خوش انجاز مقدمه

.....يمعوده افرحي جايبلج خبر 

بچيس

.......گول بربك مروان اشجايبلي. من خبر

.......راح يجون ٢٥٠٠ اسير

....الله عليك

....اي والله هذا صديقي الكتلج عليه بالصليب الاحمر

خابرني راح يتباددلون عن قريب اكثرهم الراح يجون جرحى ومرضى

انصدمت

وكانه متاكده وياهم وسام

معقوله وسام مصوب من اتأسر

كلبي وجعني عليه 

او يجوز بعدين اتمرض

جان گال ابو علي مريض... 

عقلي كام يودي ويجيب بلافكار اذا وسام وياهم اكيد بي شي

..... وين صفنتي

......اشلون مروان متكدر تعرفلي 

الاسماء

......والله اجه على بالي هذا السؤال

وسالته

.......كال حته احنه منعرف اسمائهم

الاحين استلامهم

لان مسؤلين ضباط يستلموهم من

الحدود الى ان يودوهم لاهلهم

.....سكتت وبين عليه الحيره

......باوعلي مروان هو من زمان

يعرفني انتظر على الجمر

....كولي يا الله انشالله هلمره تفرج

.....الله كريم

مروان ..ارتبط بعلاقه ويه اريج من قبل ٩ سنوات لمن كلفته يشوف الرسائل تجي او لا من وسام

حبه وطلبه من اهلهه اكثر من مره

وما وافقو لان ابن عمه يريده

وما يأسو .... 

ولمن طول الموضوع ابن عمه راح وزوج

وعاف اريج الي صارت خطيه ابعمري ..

بس مروان ما اتخله عنه

ورجع خطبه وهلمره ابوهه واخوانه

انطوهه وتمت فرحتهم

رحت وياهه للحنه واخذت شهد

ويايه

كانت حفله حلوه هواي عازمين 

ناس

صديقات واقارب 

ودخل مروان وكعد يم اريج 

مروان ....وينهه ويلتفت منا ومنا

اريج.....عليمن ادور

مروان......الراح اتحني ادينه...سراب

يمعوده سراب 

سراب....اجيت خلي غيري يحنيك

مو مال تستباختون بيه

مروان..... هل مره انتي بلكت تنعدين منه وتنفك عقدتج... اكعدي بابا

..... ظليت اتوسل خطيه هستوهم الله فرجلهم گمت اتشائم من حظي 

اريج.....ابد والله ماكو غيرج يحنينه

وحنيتهم وتمنيت من كل كلبي

حياتهم يعيشوهه سعاده وفرح

وثاني يوم العرس ما فاركت اريج ابد ووصلته للفندق ويه الزفه 

وهلاهل الاهل

ورجعت للبيت

لكيت ابراهيم وشيماء جايينه

وام مهدي...

سراب....شنو هاي المفاجاه

ابراهيم......المثل يگول المايذكرك ..روحله ابيته وذكره

سراب.....هههه.شنو هذا المثل وين لكيته

ابراهيم......رهمته على المناسبه

دعوفج من الامثال شوفي انتاجنه الجديد رزان

سراب....ياعمري ياحبيبة خالته هذي

طالعه عليه...

ام مهدي....اي والله كلنه كلناهه

هذي سراب ابعينه

سراب.....همزين عدكم صارت نسخه 

مني

شخبارج شيماء .. 

....والله بخير مرتاحه ابراهيم وعمتي ام مهدي ذهب كلش مرتاحه 

.....اشلون سروه 

...... حامل ولاعبه ابارق لعب خلته ينقل نفسه على تكريت

....هههه زين اسوي

....بس سلوى ذاك اليوم اجتي زعلانه

.....من كالت زعلانه ماادري اصار بيه

رجفه سرت بجسمي اخاف ينذكر 

اسمي بالنص واني ما عايزه هم

.....اشو ما سالتيني اشبيه سلوى

......اشبيه زعلانه

.....تكول خالد يريد يزوج عليه

.......معقوله

....هيه هيج اتكول بس خالي ابو عزام تولاهه ما رضالهه

وليث تعارك وياهه

وخالدحالف اذا ما رجعت يطلكه

.....هااا 

.......يعني رجعت لو لا

.....لا بعدهه ...بس ليث جا البارحه

يحل الموضوع

....امم

رائد ...ما طول انجمعنه شتكولون باجر نطلع للنجف انزور ابويه

الكل ايد

على السريع طبخنه لحم وتمن برياني وسوكنه فاكهه ووخضروات

وطلعنه ويا الفجر سيارتين

ابراهيم وعائلته وسيارتنه وكلنه بيه

حتى رافد اجه بس وحده

لان لبنى على وجه ولاده

اول ما وصلت

كعدت يم راسه حسيت محتاجته

هم بگلبي ما اعرف المن احجي واشكي... 

جان من يباوع بوجهي بسرعه يسالني يقراني اذا ضايجه او مهمومه 

يابه مكانك فارغ مدا اگدر اتعود على غيابك حاسه روحي ضعيفه وخايفه من الوكت لا يكسرني وابقه وحيده وانته عفتني

شيماء.... ليش صافنه سراب

.... انطيني القرآن

ظليت اقراله قرآن ودموعي تنزل

ساعه وگالو كافي يله بعد ورانه زياره

گمت ودعته ومشيت

توجهنه للامير

وزعنه ثواب وتغدينه وزرنه علي عليه السلام ورجعنه 

دخلنه البيت العصر

ويه دخلتنه دك التليفون...

اميره.....ياستار شنو امتانينه 

خير يارب

رائد.....الو اهلا عمي 

...... عمي بلغ رافد يجينه مرته ولدت

......شنو.وين انتو يامستشفى

.......مستشفى العلويه

.....ماشي عمي جايين

لك رافد وينك .....جان رافد يسبح

طلع راسه شبيك

لبنى جابت بسرعه خلص

لا بربك....

كلنه التمينه عليه

اشجابت احجي رائد

رائد........والله نسيت اسأل عمي هههه

اميره .........يا غير تسال على البنيه اشلونهه الطفل اشلونه

اخذوني وياكم يله

طلعو رائد ورافد وامي للمستشفى

ابو علي......

ااااخ يامحمد قهرتك ظلت ابكلبي

اشلون راح اگل المرتك الولدك البقيه

بحياتكم وهمه اكيد يباعون على الدرب اليمته ترد ليهم

صعب بس الله يعيني على هاي الامانه

اخذني علي ابني وطلعنه للعماره

ومناك للمجر الكبير

طلعنه طريق زراعي خارج المدينه

حسب الوصف مالته

ولكينه القريه مالتهم سالنه ودلونه

من وصلنه بيتهم

لكينا بيت جبير وداير مدايره 

غرف طين وحضيره بيه هوش(ابقار)

وغنم

لاكانه ولد شاب لابس دشداشه وويا

طفل

......السلام عليكم هذا بيت محمدجنگال

.......اي عمي وصلتو...واني ابنه عباس

...... هله عمي اني ابو علي اعرف ابوكم جنت ويا بلأسر

........الولدغرغرت الدمعه ابعينه

اهلا تفضلو 

دخلنه بالديوانيه مالتهم....وراح

شويه ورجع وياامه

مره اربعينيه ملامحه حلوه بس حاركته الشمس وكاسر ظهرهه

التعب

فاجئتنه

من كالت هله بصدگان المرحوم

هله بريحة الغالي

ابوعلي.....كعدت اتنوح وتبجي وعلى نعاويه بجينه كلنه

التمو اهل البيت كلهم شباب وجهال

بنات

....ابوعلي.......منين عرفتو ابوكم 

مات

ام عباس.....اجونه من الفرقه الحزبيه وخبرونه 

بعد اشلون مات ما عرفنه

ابو علي.......خويه ام عباس اني جنت ويا سنين وتمرض ومات وندفن ابمعصومه كل اليموت من الاسره يدفنو اهناك رحمت الله على روحه 

ام عباس.... الحمد لله على كل حال

باوعت للجهال والولد

ابو علي.....المرحوم كال جنتي حامل

وجان دايما يذكرج

ام عباس.....اي هو تاسر واني جبت

هاجر هاي االزغيره 

اجتنه هاجر بنيه ناعمه 

ابو علي..... هله بويه الله يحفظج

جان يتمنه لو رجع وخلف بنيه يسميه سراب

التفت عليه عباس وكال

عباس.....چا امس اجتنه بنيه 

وهاي سماها ابوي....سراب

ابو علي ....رحمة الله على روحه

والله طيب وعلى نيته

اترخصنه منهم ورجعنه

رائد.....

خابرني ليث احوله فلوس

طلعت من الصبح للمصرف حولتله

وسحبت عدنه عمارة ابو باقر

حسين مسؤل عنه..

خبلني يوميه يريد فلوس

والوصلات مال الصرف كومه

معقوله كل هاي المواد ديبني بيه

الصرف ما يوازي البناء

اني من خبرتي بالشركه كمت اعرف

هواي امور متعلقه بالبناء

اجيت من بره محموس حمس من الشمس وبيدي جنطة الفلوس 

همزين عندي سيارة ابويه

دخلت سلمت على ابو سامي

ودخلت على مكتبي

سمعت صوت حسين جاي من غرفة البنات

لا هلمره ثخنهه 

كمت واني اعصاب

لكيته واكف على راس ريهام ويسولف

ريهام.....من شفت استاذ رائد ارتبكت ووكفت

خزرني...

رائد....انته شنو قصتك حسين

مداوم ويانه

لعد الموقع منو بي

حسين.....على كيفك يابه شنو هاي الاعصاب

موجود المهندس

رائد....المهندس والعمال المفروض انته رايسهم اتوجهم

بعدين تعال المكتبي خلي نتحاسب على الصرف

حسين....شكو شبي الصرف 

رائد.....ما يتناسب ويه العمل على 

هشكل العماره راح تخسر

حسين.....وانت شعليك فلوسك

رائد..... يعني اذا مو فلوسي اطشر بيهن مو هاي امانه

حسين.....شنو دتبوكني

...... ابوگك شنو هاي شركه وهذا شغل غير انقدم تقرير لاستاذ ليث من يجي

..... اني گرايبه اليث هلمره حاسبتني... 

المره الثانيه مصير اني احذرك

وطلع....

...... هذا شگاعد يحجي يهددني...!!! 

كمت رحت على ريهام

....انت شلون تحجين ويا اني مو نبهتج

.....اشو هاي بسرعه بجت

.....ليش تبجين اني اشكتلج مجرد انبهج هذا مو خوش انسان احذري منه

طلعت واني افور رحت جمعت كل الوصولات وكبستهن ابفايل

ندكت الباب....رفعت راسي ...ريهام

تعالي....اتفضلي اكعدي

عفت الكرسي مالتي وكعدت مقابيله

رائد....اني اسف جنت عصبي وصارت ابوجهج

احجي اشبيج ليش ترجفين

ريهام.....استاذ الوصولات النطيتنياهن انزلهن بحساب الشركه اخذهن حسين مني وكال ارجعهن

لا تكولين الرائد

وانت من شفتني احجي ويا 

جنت اطالبه بيهن

بس فاجأني يگلي استلمت افلوسهن 

وداصرف على العماره.....

....شلون...!!! شبيچ ريهام لو ما محذرج منه

.....والله استاذ ظل يتوسل ويگول اني ابن عمه الليث ما يحجي

.... صار اشكد من اخذهن

.... قبل شهر

....ماشي يا حسين اني اعرف شگل 

الليث

يومين مرن واجاني المهندس

السلام عليكم

عليكم السلام اتفضل

....اريد استاذ ليث

......والله ما موجود گول اني مدير الشركه بمكانه

......والله اني جاي ابلغكم حسين مجتفني ميخليني اشتغل عدل وينقص من المواد ويغش حتى بيهن

رائد.....معقوله كل هاي المواد اليجهز بيه وين تروح

استاذ يامواد انهار كله يتعارك وييايه

اقلل من الشيش والمونه

وهاي اني بلغت ارجوك اتخذ اللازم

ولا تكول اني بلغت 

.....تمام الله وياك

خابرت ليث وحجيتله كلشي

وكال اامره يوقفون العمل اني بس هلاسبوع وراجع ويصير خير

ما كان كدامي غير اوقف بناء العماره

حسين..... شنو القصه ليش موكف العمل...؟؟؟ 

رائد..... قرار استاذ ليث

...... اكيد انته وره الشغله

..... يا شغله ليث خابرني گال يتوقف العمل ومن اجي اني اشوف

ومن يجي اساله ليش

ومر الاسبوع

وبيوم دخل عليه ابو باقر عصبي

....وينه استاذ ليث

.....يومين ويجي

......اني طالع منا اشتكي عليكم

....خير دكعد وفهمني شكو

....روح شوف السقوف مال الطابق الاول والثاني متفطر ووكع منه قسم

.....انصدمت 

يعني حسين صدك يبوك بالمواد

رحت صورت كلشي يجي باجر ليث وهو

يتخذ الاجراء اللازم

             الفصل السابع عشر من هنا 

لمتابعة باقي الرواية زوروا قناتنا على التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال