رواية ملكة الشيخ ضاري الفصل السادس عشر 16 بقلم ساره المجيد
گثيِرون من لآ تربُطنآ بِهم إي علآقات ..
لگننَا أحببَنآهم مِن أسآليبهم الرآقية ...
.......
سناريا ..كعدت ورحت غسلت وجهي بس كوه امشي ع رجلي شفت بابا جاي رحت سلمت علي واخذني بحضنه وظل يحجي عليه لان مشيت وكعت
حسين ..بعد لا طلعين وحدج ولا تركضين وتلعبين مثل الولد استري ع نفسج
سناريا ..بقيت ساكته ماحجيت شي ..المهم كمت تعشيت وصليت ورجعت كعدت ع الموبايل مال امي اكنك ..
من خلصت طبعا بيبي ام ابويه عايشه ويانا يعني تجي تتعشه يمنه او يم بيت عمي لان احنه ابيوت وين ماعيجبها تجي احبها حيل واحب شخصيتها القويه بس تجي مرات اكرها ههههه ..
لان عدها العادات والتقاليد الازم تمشي من اتشوفني العب طوبه وي ولد عمي تكوم تحجي ع امي او عليه ..
بس مافد يوم رفعت صوتي عليها ولا فد يوم ضربتني يعني بالنسبه الها اني اغلا حفيده اني وادم ..
والباقين طرشات مالهم دور مر يومين وبلشت اميره تمتحن بيوم خابرتني صديقتي تبارك كالت بعد اسبوع النتائج شتلبسين كلتلها كلشي جان يمعوده اهم شي استلم وارجع اكمل نوم ...
سديت منها الخط ولبست شالي وطلعت من البيت اشوف الكل كاعدين بره ..
طبعا احنه بيوتنا مسيجه بسياج يعني عادي اذا طلعت بدون عبايه رحت سلمت ع عمامي ومن شافوني اعرج حيل ضاجوا عمامي حنييينين حيييييييل ..
يعني وكت الشده همه اول الواكفين وهمه دائما يكولون ماكو مثل سناريا بسبب شخصيتي الي زرعها جدي ضاري وابويه لان نص تربيتي ع بيبي ملكة وجدي ضاري ..
من جنت صغيره اختي اميره اصغر مني بسنه تمرضت حيل جان عمري سنه و6 شهور بيبي تولت تربيتي وعلمتني ع كلشي ..
امي ظلت ثلاث سنوات وي أميره قليل رضعتني وعشت ع الممه وعماتي هم لذلك مرات احس نفسي ماعندي مشاعر اتجاه امي ..
بس من اتوجع او انجرح اركض الها وهي تاخذني بحضنها امي نعمه الام لكن المشكله هي تفكر بحجي الناس حييل بابا دائما يكلها حجي الناس لا يقدم ولا يأخر لا تهتمين ابد ..
عمري 9سنوات لبست حجاب وبلشت اصلي بصف الخامس ابتدائي لبست عبايه بصف السادس ابتدائي بيبي ملكة كل ما اصلي تصيحلي اصلي وياها مرات اغلس عن الصلاه اريد العب اريد اكمل يوم بس لعب ..
بس دائما بيبي ملكة تعصب عليه او امي تزعل اذا ماصليت ذلك صلاتي مو ثابته هههه ...
بس من اتوجع او ادم يسوي شي التجأ لربي كبل واشكي همي اله ..
لحد ما نجحت لصف الثاني وصارت اكبر غلطه بحياتي هيه صديقتي او بالأحرى مصلحجية أسميها دمرت حياتي سوتني لا شيء لكن ربي ستر ونقذني باخر فرصه ...
صديقتي مريم.. هي مختلفه حيييل من بره ومن جوه جنت كاعده بالصف انتضر النتائج وادم اجه وياي ..
ايلاف ...اوف والله اتاخرت المدرسه شوكت تجي
سناريا ..اني ماظل عندي قلب بعد ماتحمل
ايلاف ..مثلج والله
تبارك... هسه غير تجي كومي سناريا خلي نصيح الها
سناريا ..اششش اكعدي تصيح الها بروسلي
زهراء ..بنات اجت ست رضاب ..
سناريا ..يالله يالله يالله ..بلشو يصيحون بالاسماء من وصلت أسمي ركضت اخذتها وكالت الف مبروك النجاح طرت طيور طلعت وكمت اركص من الفرحه طلعت صديقاتي كلنا نجاحات بس ايلاف اعلى مني واني اعلى من تبارك ههههه ..
طلعت ابشر ادم خطيه كعدته من النوم وجبته سحل من كفشته احلى شي بي من شي يخصني لو ابو الشغل يسوي الي ..
بس كلبي ليش مو رأضي يحبه او يتقبله هاي مشكله مرات اكول لان من اني صغيره اشوفه اخ جنت دائما اركض اله من احد يضربني او أيذيني ..
جنت ابجي بحضنه امي مره كالتلي جان ياخذني يشتريلي العاب وحلويات ويترس حضني ويجي بس من كبرت وشفته شلون يأذني من البس اترك او انزع الحجاب ..حتى ضرب يضربني ابجي واكول يكرهني مايحبني بس من يكول احبج اضوج حييل مشاعري مشاعر طفله تريد أمان بحضن دافي اخ لان احنه ضلينه 3سنوات بلا اخ والله رزقنه باخو ...
فراغ بحياتي ملاه ادم ..المهم طلعت جنت لابسه بنطرون كابوي وقميص ابيض وبي ابنيه جان دارج سالفة الكابوي طلعت شفته واكف وشمس تضرب ع رأسه ..
لابس تشريت أسود وبنطرون كحلي ومخلي ادي بجيوبه ولابس نضرات سود صحت ادم بسرعه رفع رأسه باوعلي وهز برأسه بشري كلت خلي العب بعاصبه ..
طبعا رجلي بعدها توجعني ذلك اعرج صحت علي اجه ..
برطمت وكتله ..
ادم ...ها بشري
سناريا ..رأسبه 😞
ادم ..لا يالله خرب غير تشدين حييلج شبيج بنتي انتي وين عقلج متكليلي اكيد يم لعب الطوبه وموبايل والنت وكاضيتها تمسلت ... بالله بشكد واكعه ..
سناريا ...بحزن طالعه بيهن كلهن ..
ادم ...شششششششنو خرب يومج صدك تحجين حتى فنيه ورياضه ..
سناريا ..ايي كلهن 😒
ادم ..ولج تشاقين لو تحجي صدك
سناريا ..بعد ماكدر الزم نفسي بسرعه ضحكت وكتله ههههههههه😁 ناجحه ناجحه ههههههههههه
ادم ..رجعت شعرها ليورا ورفعت ايدي ورضربتها ع ايدها .
سناريا ..اوي وجعتني شبيك ..فوك مابشرك صدك ماتستاهل .
ادم ..انجبي اكو وحده تسوي هيييج ادبسز امداج
سناريا ..لا تغلط يلا يلا اريد هديه
ادم ..من عيوني الف مبروك ان شاءلله يوم الشهاده الجبيره
سناريا ..شكرآ ..سحب ايدي واخذت الشهاده وكام يقرأ بدرجاتي سلمت ع بنات ورجعت اله ركض ركبت بالسياره وهو شغل اغنيه وصلني للبيت ..
اخذت الشهاد ونزلت حتى كبل لا يوكف السياره نزلت اصيح نجحت نجحت ههههه طبعا خلي يكون بعلومكم اني اول ابنيه بعشيرتي تدخل متوسطه 😄..
واوصل لهاي المرحله طلع خضر ابن عمي طبعا هو اخو ادم ركضت كتله نجحت ع عنادك وانت ظل نايم بالسادس
رحت لبيبي ملكة بشرتها اخذتني بحضنها وضلت تهلهل يييمه فديتها بيبي ..
شفت امال هستوه كاعده ﻷن دوامي صبحي فا ساعه هستوها 11ونص ركضت حضنتها وكتله اماأاأأأأأأأأل نجحت
امال بنعاس ..اي اي مبروك بس وخري خنكتيني
سناريا ..كبور مو مال ابشرج امداج
امال ...يمعوده مبروك كلوشششششش كولشششششش كلوشششش
سناريا ...اييييي عفييه اليوم نركص ركص لصبح 😍
بيبي ملكة ..يم عزايه اكعدي لا يجي جدج ضاري يكسر العصا ع راسج ..
سناريا ..اي خلي يجي هو وين راح
ملكة ..عنده كعده بالديوان وفاتحه هم
ام امال ..هاي شكو شنو هذا الصوت
امال ..يمه سناريا نجحت للثاني متوسط ..سناريا ..انتبهت لامال حجتها بحزن
بذيج اللحظه حييييل كسرت خاطري يعني الي بعمرها صاروا صف ثالث متوسط ويحضرون نفسهم لرابع امال ضيعفه بالقراءة والكتابه شكد اكره عمتي ام امال لان بخيله وماتنطي ابد وع بتها تعز شربت الماي ...
ام امال ..هلله هلله جا اذا نجحت شني طلعت ماكستر ..
سناريا ..اول شي أسمه ماجستير ثانيا ان شاءالله اوصلها مادام عندي الطموح وشاطرة بس شعرفج عمه انتي مامكمله المدرسه 😏..
ام امال ...بسسسج بسسج تعاييي امال اغسلي الحصير
ملكة ...ولج كافي مو راح طيحين حظ البنيه بهذا الكراب
ام امال ..عمه خليج محضر خير اريد بتي تعرف الشغل والطبخ موش مثل البعض طكت عين بيض ماتعرف ..
ملكة ..شوفي ولج تضبين لسانج كبل لا لعب بيج فلك
سناريا ..لعد والقران وعلي داحي باب خيبر ورأس الحسين الشهيد ماسكت خوششششش باوعت لأمال وكتلها ..اموله راح اروح ابدل واجيج نغسل ونكرب كرب ..
امال ..هعههههه ماشي
سناريا ..عفتها طلعت اركض شفت ادم و ولد عمي يلعبون طوبه ركضت من جهه ثانيه جان عباس صيح تعاي ولج بشري ناجحه رأسبه ..
كتله ناجحه ع عنادكم ياولد سالم ننننن
ومشيت بسرعه دخلت صرخت لامي كتلها ناجحه
امي ...اي بالعافيه يارب اشوفج دكتوره
سناربا ...اييييع ماريد اصير دكتوره
امي ..جا شتريدين
سناريا ..محاميه
امي ...اي صيري ورجعي كاع جدج سالم ..
سناريا .اي اي ارجعها
امي ..هههههه
في مكان اخر ..
زينه ...ارجف ماعرف ارد ع الرساله او ابقى بس هو رساله جاي ع واتساب شلون ياربي شهل ورطه والمصيبه الاكبر خاف مروه انطته الرقمي مستحيل صديقتي من ايام المتوسطه ماتخوني رجع دز رساله ..
صكر ..ليش هيج ثكيله تشوفين وماتردين
زينه ..برجفه بصدري عبالك واكف اكبالي ويحاجيني وحتى رقمه مغيره كتبت اله ..منو حضرتك !!
صكر ..ههههه هسه صار منو حضرتك !!
زينه ..اعرفك تعرفني جنت اكتب وايدي ترجف اوووف يربي شبلاني
صكر ..لا اكيد لا عرفج ولا تعرفيني حبيت نتعرف ..
زينه ..ارجوك بطل هاي السوالف متلوك لحضرتك وانت شيخ ونقيب وعيب هاي التصرفات ورجاءا فكر بسمعتك قبل لا تصرف هيج ..
صكر ..ياأأأأأأبه صدقه للله الي
تفهم بكلبه ..احم يعني عرفتيني !!اني كتلج ميت مره انطيني فرصه هسه انتي شنو خاسرته بالله كولي ..
زينه ..اخسر كومه
صكر ..شنو الي تخسري بلا زغره ..
زينه ..شي ميخصك
صكر ..احترمي نفسج مو زعطوط كدامج احجي عدل لا اعلمج الحجي ..
زينه ..يمه بسرعه نكلب عصبي ونار مشتعله 😨..اوووي اني شلون ورطت روحي اوف اوف ..حجيت ..
انت شلون تحجي هيج وياي
صكر ..أستغفرالله هاي مو مالت عيني واغاتي كمت اتصلت عليها بسرعه ردت
زينه ..اتصل وخفت مارد ويلح بالاتصالات كمت بسرعه رديت ..الووو شرايد مني احجي ليش هل ملحة هاي
صكر ..اسمعي لاخير ولا تقاطعني ...خوششششش
زينه ..ممممم ماشي
صكر ...اني النقيب صكر عمري 33 سنه لحد هذا يومج ماتزوجت ولا فكرت اتزوج مافد يوم لمست مره لا بحلال ولا بحرام ..حياتي جانت شغل وبس
فرضوا عليه بت عمي نفسي ماترغبها لا ك زوجه ولا ك شريكه الباقي حياتي مهنتي خلتني اشوف انواع واصناف البنات منهم شريفه ومنهم الي تدعي الشرف ..
أما انتي كنتي مختلفه عنهم كلهم اول مره تأسرني ايام وتخليني اعشقها بالحظات
اول مراه من تشوفني ترجف بصوتها بس تحجي بثقه اول ابنيه تملك نظره بريئه ..
صح وكحه ولسانج ماينجرع وسليط بس حبيتج وهأي اني اعترفتلج بحبي صدكي وثقي بالله اذا قبلتي تنطيني فرصه اليوم كبل باجر اجيب اهلي مشايه
.اجيب كل اهل الديوانيه لخاطر هاي العيون ..هسه ليش ساكته الخاطر الحمزة
زينه ..من سمعت كلامه كلبي وحده يدك حيل وي كل حرف احسه يريد يطلع من مكانه لكن خوف وتوتر ونفس الوقت خجل ومستحه من كلامه ..
استحيت ماعرف شنو اكله او شنو احجي ويا من صدك استحيت ياربي شلون هسه اكله اي وخاف يطلع جذاب بس ماعرف عقلي وكلبي متفقين هاي المره مو مثل كل مره من شخص يتقدملي كلبي ينطي الف عذر وماوفق وعقلي يتخيل الف مصيبه اذا صارت ..
من كال احبج لا حسيت خلص اني بعد ماكدر صخنت ووجهي كلب احمر من الخجل اوووف حسيت شعور غمرني اول مرة احسه ...ظليت ساكته وهو يحجي لحد ماخلص وراد جواب كتله بخجل ..افكر عود
صكر ...لا ع بختج شنو تفكرين ع اقل خلينا اصدقاء ها شنو كلتي ..
زينه ..ماعرف
صكر ..انتي ناويه تجلطيني لو شنو فضيها نطقي طلعيها للدرة تعبتيني وماظل صبر بالروح
زينه ..يمكن
صكر ...خرب خربببب لا تخبليني لو اي لو لا وكان الله يحب المحسنين ..زينه ..ماكدر ارد عليك هسه اعذرني كتلك افكر ماشي ..
صكر ..اووف من راسج اليابس يلا ماشي فكري امري لله اصبر عليج والله كريم
زينه ..ممممم ...بعد مرور عشر دقايق ....
صكر ..ها شنو جوابج صار عشر دقايق عايفج تفكرين ..
زينه ..لا شنو السالفه مو كافي احتاج اكثر
صكر ..يوم زين
زينه ..لا
صكر ..يومين
زينه ..هم لا
صكر ..اووف تعبتني هل مخلوقه كتلها احجي شكد شهر شهرين سنه سنتين تكوليييي مو سمطتي اجدادي ..
زينه بثكل ...امممم ماعرف يمكن 🤔
صكر ..انتيييي استغفرالله استغفرالله وحق علي ابن ابي طالب لو يمي جان كسرت ضلعوج اتكسر
زينه ..هأأأأأأأأ اصخام شنو تكسر ضلوعي
صكر ..بالرومانسيه شبيج 😉..من الشبكه غير .
زينه ..يبووو خرب خجلني هو اني ناقصه كتله ..يلا تصبح ع خير ..
صكر ..بعد وقت وين
زينه ..لازم انام
صكر ..اي نامي بس مو هسه بعد وقت بعدني ماشبعت منج
زينه ..همممم عندك نص ساعه بس
صكر ..خوش هم كافي.
زينه ..اي وبعد
صكر ..ههههه هاي شنو
زينه ..اي يعني شنو بعد
صكر ..احجي عن نفسج خلي اتعرف عليج اني حجيت عن نفسي اريد اسمعج
زينه ..اممممم شتريد تعرف
صكر ..كلشي
زينه ..حدده
صكر ...تعرفين شي روحي نامي انتي مبينه راح شيبين رأسي من وكت 😴
زينه ...هههه ليش
صكر ..بوووية من رحت فدوه لهاي الضحكه خو من البدايه اضحكي مسويته عجاف علينا
زينه ..ممم ماحب احجي هواي
صكر ..انتي هيج ثكيله ع دم لو لان حلوه وحلاتج زايده🤔
زينه ..ها ماعرف بس مامتعوده احجي وي شياب اقصد شاب ..
صكر ..خلفه عليج صرت شايب 😕
زينه ..هههه لا بس شفت كم شعرايه بيضه برأسك ولحيتك ..
صكر بتعجب ..وانتي شعرفج بالشيب الي برأسي بله
زينه انثولت معرفت اتجاوبه كلتله ..ها
صكر ..هههههه فديت الها ولج انتي بيضه وفاهيه وحق ابوي بكبره تنكرطين كرط 😍
زينه ..عيب🙈
صكر ..زينه
زينه ..ممم
صكر وهو يتنهد تنهيدة حارة كلها ..احبببج
زينه اتخردلت وكامت تتلعثم وانخبصت كلتله تصبح ع خير
صكر ..ااااااه وانتي من اهل الخير ياعشقي ..
زينه ..سديت الخط اباوع لروحي عزه هاي شنو شصار بيه مستحيل ماصدك.ههههه هيج اني حبيته اوي ياربي شلون شعور حلو ..
سديت الموبايل ورحت مددت اريد انام بس ماكدر كل ماغمض عيني يجي صوته بذاني لو شكله سرحت لغير عالم ..
عالم كله حب ومشاعر تنبض بصدري اول مرة يصير عندي هيج احساس يسلب مضجعي ويخليني افكر وافكر الف مرة بحياتي من جهة ثانية مو بس دراسة وعمل لا هل مرة التفكير يختلف ..
ااااااه يربي هل صكر شسوه بيه خلاني اعيد حساباتي واغير نظام حياتي معقولة هيج الحب يسوي بالواحد يجبره يسوي اشياء مجان يفكر بيها ومامقتنع بيها ...
اووويلي ياصكر بياني حبيتك ومحد سمه علي 😍.... بقيت بالي مشغول وفكري سارح بالتفكير ..لحد ماعرف شوكت غفيت ونمت ...
وللحكاية بقية ....
• شجآني وكمت أشوف
•ألدنيآ بس لونك 😞
• شعفت بية وكمت😻
•مآ أعيش من دونك
