رواية بين الحب والأسر الفصل الخامس عشر 15 بقلم أمل مهدي

رواية بين الحب والأسر الفصل الخامس عشر 15 بقلم أمل مهدي

وسام....

جسمي يوجعني منين ما اتحرك 

اصيح

تلمست راسي الغرفه ظلمه الضوه قليل

يجينه بالنهار وبليل ظلمه هندس

صفحة راسي توجعني وعندي صداع

تلمست وره اذني دم يابس

ياسر.....شو خلاغسله الك

وسام.....لا يمعود اخاف يخلص المي

خلي نشربه

....على كولتك ذوله وجبه وحده ينطونه يعني قوت لا تموت

.....اعتذر منك ياسر اتعاقبت وياي

......عجل اشلون ايصير الاخو

وكام يهتف...

انصر اخاك ظالما او مظلوما

ههههههههه

......بكل حالاتك تضحك والله لو ما انت ما ادري اشلون اعيش

.......لا يخوي لا تبالغ هم جان

تسرسحت على واحد متوليته الدنيه تخفخ هههه

......ياسر اذا الله كتبلنه نطلع منانه

نذر عليه اعلمك المهنه وخليك تشغل صايغ

انت تستاهل

ولزمت راسي اخخخخخخ يابه

راسي راح يموتني صداع ذبحني

.......شو هسه افرچه ارتاح شويه لا تحجي

كعدت الصبح الشمس تدخل من الرازونه شويه تنكشف الغرفه 

باوعت على الحايط اشكال مكتوب

ذكريات وشعر وحسرات ناس تركته

على

الحيطان اتسولف بيهم المأسات

العاشوها

كمت اقره الاشوفه وادندن ويه

نفسي....اغنية ام كلثوم

اكو بالكاع حجار مثل الطباشير ابيض...تلمسته

واخذت حجر وكمت ارسم وجه سراب على الحايط 

واتلمسه باصابيعي واني اغنيله

(كلموني ثاني عنك... فكروني

صحو نار الشوق بالبي... وبعيوني

رجعولي الماضي

بنعيمو وحلاوتو.... بعذابو... وبقسوتو

وفتكرت.... 

افرحت وياك اد ايه

وفتكرت... كمان يروحي بعدنه لي

بعدنه ليه.....

جريت حصره

اخخخخ ياخالد الله لا يريحك العمر كله

وكعدت بالكاع..ودموعي وذكرياتي هاجمني....اشتاقيتله

بچيت بنهيار ...بفقد... بيأس

بألم

كلشي بيه متحطم ...متهشم..

حتى الامل يوم عن يوم يختفي

خلص ما عندي طاقه اتحمل

وجع راسي ووجع جسمي ووجع روحي

احساس الظلم بشع 

ان تعيش مقيد مظلوم بدون سبب شعور اصعب من الموت نفسه

ياسر....جان نايم... فز

ياستار هاي من اشوكت كاعد

وسام اشبيك صلي على محمد يخوي 

يول راح اتموت ليش اتعذب روحك

انته منا راسك يوجعك مريض

كافي بجي...

ظلينه بالحبس الانفرادي شهر

اكعد بليل اصيح من راسي

فجأتا وكانه طلقه وتضربني اصرخ

ويفرچلي راسي ياسر وشويه يهده 

الالم

يسمعوني اصيح ولا واحد اجانه

وسال اشبيكم

وجبه وحده باليوم ينطونه

ويه المي

خلصنه الشهر جوع ومرض

والم 

وبيوم

انفتحت الباب ....اجانه

واحد من الحرس...

يله اطلعو خلصت عقوبتكم

وكفنه اني وياسر وتوجهنه للدرج

صعدنه وطلعنه كوه انشوف جوه ظلمه وواجهنه الضوه

رجعنه للكمب مالتنه تلكونه الاسره

ناس تتحمدلنه على السلامه 

وناس تلومنه على الصار

تلكانه

الرائد

واكف اكبال وسام وغرغرت الدمعه بعينه

.....اشلونك

......بعدني عايش

فتح ايده وحضني ودك على كتفي 

لا اسويه اياك اتعيده

.....اشرتله ابراسي اي

......وصافح ياسر وجره وحضنه

احسكم ولدي لا تصرفون ابطيش

مره ثانيه

.......عجل الا اتبره من هذا وياشر على وسام

هههههه هههههه

وسام.....

تمددت بفراشي  

انطفأ كلشي بيه ...مكتبه ما روح

ولا لزمت كتاب صلاه اتوقفت

وكطعته

اغلب اوقاتي نايم والصداع دمرني

اصيح وافقد من يجيني حتى عيوني اصير حمر 

مرتين رحت اني وياسر للطبابه ينطوني حبوب والدوه مالهم كله اكسباير يعني منتهي

بس مضطر اشربه حتى اشويه يهدا الالم

جانت عندي مشكله بالنظر عبالي

من وره الصداع

صرت ما احجي راسي ما يتحمل

دوخة الحجي

وطول الوكت شاده

يمكن الضربه البراسي السبب

لا مو يمكن شي اكيد

لان من اطلع بالنهار بس افتح عيني 

وواجه الضوه يصير عندي الوجع 

نصفي ويتركز ابعيني اليسره

كمت ما اطلع بالنهار المغربيه اشويه اتمشه وارجع عيني اليسره مغمضه

وتعودت مغمض عين ومفتح عين

رغم اشكد. فتحوهه شافوهه

ما مبين بيه شي

من شدة الصداع انعزلت ما احجي 

اجاوب على كد السؤال

ولا اتحمل هوسه

والحبوب الينطوهه كلشي ما تسويلي

كان اكو اسير ويانه بنفس الكمب اسمه كاظم هلكد يحب الايرانين

هو ولد فقير وكلشي ما محصل حاله حالنه بس هو فرحان انه بدوله اسلاميه 

انشوفه ابوده يعيش وياهم 

الرائد....كاظم انته لا تروح بعيد تره مرجعنه البلدنه معليك اشگال صدام وشگالت ايران الله وكيله محد يكلبك وانته ولد فقير

شلك بسوالف السياسه

كاظم كان يحترم الرائد ويحبنه بس ما يسمعنه...

هذا قبل سنه انقل ما ادري طلع ما عرفنه الولد راح وما عرفنه مصيره

واحنه هناك هم انخاف نحجي لان خالين علينه ناس تجسس على ناس

سكتنه....

احنه في نهاية عام٢٠٠٠ 

كل العالم فرحان ببداية سنه جديده الا احنه ماكو اتفاق على تبادل اسره

وعايشين على امل بعيد يكاد يكون وهم بالنسبه النه

جمعونه بالساحه ووكف يخطب بينه 

هذا العراقي من المعارضه

المسؤل عن المعسكر ويحيطون بي 

عساكر ايرانيين

:

ما انكر انعصر كلبي وضايقت

وذكرت ابو علي ومحمد اشلون جنه وشلون تفاركنه

وخفنه لا نتفارك اني والرائد وياسر

هلمره ما اتحمل

الرائد.....اهدأ وسام شبيك

...هلمره الموت اذا تفاركنه اني خلص

كلشي ما عندي اخسره

بس انتو امهونين عليه عيشتي

ياسر.....اكعد يخوي خلنشوف تاليه وانشالله ما نتفارك

وبده يصيح بلاسماء

واليطلع اسمه....يتحول من جهتنه

للجهه الثانيه

ظل ابحدود الخمسين طلعو وصاح

اسم الرائد

جنه متلازمين ايد بايد 

ظل يباوع بعيوني اني وياسر

ويمشي كوه بالعكازات

حل ايده مني وراح

لاحظت يصيحون اسماء الضباط

كل الطلعو همه ضباط أسره

وصل فوك ٢٠٠ 

وصاح اسمي واسم ياسر سويه

الفرحه الغمرت صدري كانه راجع لاهلي

مو منقول السجن ثاني

ما مشينه بهدوء اخذناهه ركض للرائد

ونضحك

بعدنه صاحو اسماء الى ان صرنه ٥٠٠ وكالو ها هيه

يله على الباصات

توادعنه ويه الاسره الجنه وياهم

وطلعنه 

كان الوقت بعد صلاة الظهر 

ا كل املنه انكون ابمكان احسن

تمشي بينه الباصات

ودخلنه احد المدن الايرانيه صافنين ونبحلق بالناس من زجاج الباصات

صاح ياسر

انها الحضاره ياساده وياشر على الشارع

ههههه الكل ضحك

الناس تباوعلنه

واحنه منبهين علينه ممنوع نحجي ويه احد

طلعنه طريق خارجي من معسكرنه بشمال طهران الى اقصى الغرب من

ايران 

حوالي الساعة الوحده ليلا وصلنه كان المعسكر عباره عن مدينة اشباح كهرباء ماكو بس الظلام الدامس

نزلونه من الباصات وكالونه تفرقو على الغرف دخلنا الغرف وكانت عبارة عن دهاليز

وغرف مظلمة الا من بطاله زجاج سوهه مكان الشموع ( اللي يخلون تمره وخيط براس البطل ) 

الفرق اهنا طين مكان التمره

الجوع كتلنه ولا يفكرون بينه

ثلاثتنه دخلنه غرفه 

لكيت اثنين نائمين واحد منهم كعد

على صوتنه

سالني منين انتو وشنوا هاي الاصوات والهوسه البره 

كلتله احنه جدد نقلونه من معسكر

++++++ الى هنا 

انصدم وكال اشكد انتم 

كلتله تقريبا 500 اسير 

.......كلتله جوعان اني عدكم اكل شي 

....انطانه خبز وجبن قليل قسمنا بينه اني وياسر والرائد

كل واحد لفه

وكانهه الشهد على الجوع الاحنه بي

نكتنه الفراش وكل واحد اخذ بطانيه ونمنه من التعب

صبح الصباح وهنا الصدمة لكينه الموجودين حوالي 2000 اسير عراقي بين ظابط وجندي 

والمعسكر عباره عن حظائر ما تنفع 

حتى حضائر للحيوانات 

المكان جان على الحدود العراقيه يفصلنه بس سلسلة جبال على شمال ديالى

چوله لا زرع ولا نهر

ولا مدن ولا قرى

اقرب مدينه ايرانيه تبعد عنه ٢٠ كيلو متر بالعمق الايراني

يدير المكان الجيش الايراني

والكهرباء موصليه الى مقر الآمر مال المعسكر فقط

اما الحضائر والقاعات مال الأسره ظلمه ماكو كهرباء

طلبوا منا التجمع في الساحه وگالوا لنا اللي حضرو البارحه ليلا يوكفون على الجانب الايمن والقدامى على الجانب الايسر 

وبدء آمر المعسكر محاضرة ويانه وتوجيهات عن طبيعة المعسكر والنظام بي وقسمونه على الحضائر كل حضيرة 10 اشخاص

اما الاكل فبدون مبالغه نص گرصة خبز وكلاص تمن كل ٢٤ ساعه 

يجيبوهه الظهر

كان الطباخ متعهد ايراني 

يكمل التوزيع ويدير وجه ويروح 

يبقى شي قليل تمن مرات وحكاكه

بالقزانات

ياخذه ويا

ياسر...

.....يول احنه كاتلنه الجوع وهذا يرجع بالحكاكه مو بالحيف اخلي

يرجع بيه

والله ما خلي

الرائد.....يمعود عوفه لا تفتح علينه باب

.....معليكم الا اخلي هو ينطينياهه وهو الممنون

......ههههههه

وكام يتقرب منه اول مره كان يساعده بالتوزيع 

وبعدين صادقه واخذ منه كلمه

من يخلص التوزيع 

تعالو اخذو الحكاكه وكلشي يبقى

انقهر علينه

جان ابوكته ايصير هجوم 

منخلي اشويه... داكنه الجوع

لو يكلنه اغسلو القزانات هم نغسلهن اله

جنه انعيش الجوع ابمعنى الحقيقي

والحكاكة بمثابة وجبة دسمة جدا جدا اضاهي اللحوم الحتى بلاحلام مانشوفه

بعدين فهمنه هذا المعسكر للضباط الاسره ....والعليهم علامه معاقبين

مثلنه احنه اني وياسر

وسام ....

ما اطلع بالنهار لان الضوه ياذي عيني

اطلع العصر اتمشه الى آخر المعسكر واكعد اباوع على الجبال البحدود واراقب الشمس وهيه تلملم ضواهه وترحل للعراق

احسه تاخذني وياهه

وتاخذ شكو حنين وشوق ابداخلي

ياسر.....ادور عليه هذا وين يروح

اجيت ورى

ما تكول يخوي انته هنا حتى اجي وياك اثاريك

ماخذلك خوش ختله

....اكعد ياسر

وكعد ابصف وسام

.....شوف قرص الشمس اشكد حلو

.....اي يولي صارلي اشكد ما شايف الغروب

......هسه العراقين شافو هذا الضوه

يغطي بغداد

......شنو بس بغداد تره حتى الانبار تشوفه

.....التفتت عليه ههههه

.....اي يول اضحك الدنيه خلصانه

.....اشتعتقد نرجع للعراق لو لا

.......والله انشالله نرجع الله يشوفنه مظلومين ما ظن يعوفنه

يعوفنه

بلكن نلحك على كم شعرايه سوده ابراسنه 

دحك شيبنه اني وياك...

.....ياسر هم تشتاق البنت عمك

......جر حصره ممزوجه بحزن

ما افكر مثل قبل لان هسه اكيد ابنهه ابطوله...احنه البنيه ما تبقى

ويه ما تكبر يزوجوهه وعمي اكيد 

ما صدك وتأسرت 

وانت اشلونك ويه الگلب هم بعده يون لو هوود

.....اني ولا ساعه ناسيه اهنا واشر على صدره بعدهه تصعد وتنزل ويه

النفس ...بس تدري شنو اني وياهه

مثل السراب كلما اقترب واكول راح

اخذه الكاها تبتعد

......بعد انت عاشگ سراب واسمه عليه ههههه

.....ياسر دا افكر نهرب اني وياكم بس اشلون بالرائد ما يكدر يركض

......منين اجتك هاي الفكره يول

.....صار ايام اراقب المكان

والحرس

بليل يجمعون يم الباب الرئيسيه

الفجر يالله يفترون على السياج

وسياج المعسكر عاوي

مدشوفه مفلش

......صفن يفكر 

نعلعلا غيرتك شدهتني يول

كوم ظلمت خلنرجع

وعوفك من هاي الخرابيط

اخاف سلمنه من ذيج المره بس نزعو جلدنه

لا هلمره يسونه نيشانه ويصوبون علينه

گوم نمشي انته وينك وين الشرده

مرت شهرين كتلنه الجوع حتى نفتر بالمعسكر انشوف شنو ينبت ونكدر ناكله

لكينه بكثره موجوده نبات النسميه جوزة بوه كمنه ناخذه ونبقي شويه من الحكاكه ونسويه مثل الشوربه

انسد جوعنه بيه على العشه

ضعفنه هوايه وبين علينه الجوع وكثرة الامراض و انتشرت بينه ودوه ماكو 

كل واحد يحتار بصحته وبنفسه

بين فتره واخرى يجونه ضباط ايرانين

ياخذون ٥٠ او٦٠ اسير ويرحون وين يودوهم منعرف اغلبهم ضباط

ابيوم اجانه واحد مسؤل بالمعارضه العراقيه...وويا اثنين عراقين

المفاجأه واحد من ذوله الاثنين كاظم صاحبنه القديم

ما انكر خفنه لان طلع رايح ويه المعارضه واحنه جنه ما نقبله من يحجي بيهم

حاولنه قدر المستطاع ما يشوفنه

بس هو اجانه يركض

كاظم....وين عبالكم ما اشوفكم

ويضحك

وچيت على الرائد وحضنه

الرائد.....ياهله والله معرفتك لك سمنان ومتغير

وحضن الرائد وحضنه ويبوس بينه

.....والله مشتاق الكم

ياسر....ظل بالنه يمك وين اختفيت

كاظم.....طلعت ويه ابوعلي وابوفاطمه...صار عندي بيت وازوجت

وسام....صدك كاظم ازوجت ايرانيه

كاظم......انه ازغر اخوتي وكلهم عفتهم مزوجين حتى غرفه ابيت ابوي ما عندي اسكن بيه

كلت خل اطلع واعيش انطوني راتب وزوجت وعندي ابنيه حاليا

الرائد.....شايف كل الخير

كاظم......كولو اشمحتاجين اشو متغيرين فد نوب

ياسر. ......والله من الجوع هلكنه بلكت تحجي ويه ربعك يزيدولنه الاكل

كاظم....انشالله راح اكلهم 

خطب بينه مسؤلهم

وخيرنه بين بقائنه

والخروج من المعسكر

كون البقاء هنا عباره عن موت بطيئ

بس انكون وياهم بالحزب وينطونه راتب ويطلعونه انعيش بره

وما نرجع للعراق نبقى معارضين وياهم

قليلين الدفعهم الجوع ينظمون

ويطلعون

والاغلبيه رغم سوء الحال بس

ما رضو يغيرون مبادئهم

والمساله كله ماله علاقه بالوطنيه

لان الوطنيه في دوامة المأسات التي نعيشها ما الهه اي ذكر

ولهذا تحملت الالم والمرض والجوع

وبقيت في مكاني

املا بالعوده الى اهلي وحبيبتي

راحو وراح كاظم ولا شفنه احد منهم

ولا زيدونه الاكل

مع الوقت الحاجه خلتنه انسوي سوق نتبادل بي احتياجاتنه مع الجنود الايرانين انوصيهم على اكل وشغلات نحتاجه ضروريه مثل الملابس الداخليه

فنبادله بساعاتنه حلقاتنه محابس 

شو شنو نملك

اتنازلت بالبدايه عن ساعتي كانت اورينت ماركه وجابولي بمكانه ٣ فانيلات و٣ لبسان

كلشي لازم نذكر بعضنه اني والرائد

وياسر

وكان عندي محبس رجالي ذهب

ابويه صاغه الكل واحد بينه اني وخواني بي اسم الله

هذا بدلته بتمر ٤ كيلوات وجكاير

وراديو ازغير

نسمع الدنيه وين وصلت

اخبار اغاني

ومن بعد فتره 

ما بقالي غير حلقتي وكانت عزيزه عليه لان حروف اسمائنه اني وسراب وتاريخ الخطوبه مكتوب بيه

ظليت اعاند روحي ما ريد افقده 

احسه الشي الوحيد البي لمسة

سراب

ظلت فكرة الهروب من المعسكر امسيطره عليه 

ويوميه كمت اجمع معلومات اتمشه حوالين سياج المعسكر وحددت منين نكدر نعبر لان السياج مهمل ومو عالي وظهر المعسكر بتجاه حدود العراق

وحتى الحلقه كلت اتحمل الوضع

واضمه من اكمل مخطط الهروب

ابدل بيه تمر ناخذه ويانه

لان طريقنه طويل

گمت اضم من الخبز يوميه اشويه ايبسه حتى اذا طلعنه منا يفيدنه بهاي الهيمه

وبيوم كعدنه الصبح صاحو بالسماعات علينه نطلع

ولتمينه كلنه بالساحه 

وطلع آمر المعسكر وجابو اثنين

معاقبين

الحرس مسوين خمره مال طين بالنص وحطوهم بيه بدون ان يابهون لبرودة الجو 

تبين ذوله اسره ونهزمو قبل. شهرين

ولزموهم الاكراد وسلموهم للجيش الايراني ورجعوهم للمعسكر

دفنوهم ابخمرة الطين لحد ثاني يوم

يالله سمحولهم يطلعون

ويرجعون لقفص الاسر

هاي الحادثه هبطت كل معنوياتي وتخطيطي للهروب

لان همه اثنين وصاحين وما دبروهه

اشلون احنه ثلاثه وواحد تك رجل والثاني تك عين

ليث.....

اسبوعين ما نازل البغداد اتابع بنايات ملتزمه مقاوله بفلوجه

نزلت تعبان ما رحت للشقه رحت على اختي سلوى بيته بالعامريه كعدو من 

تحول شغل خالد البغداد

خابرتني قبل كم يوم رادتني 

....اشلونج سلوى بيج شي ...من خابرتيني ظل بالي يمج كلت معقوله متعاركه ويه خالد 

....رايدتك ابموضوع بس انت تحله الي

....خير... 

.....تعرف سراب اخت شيماء

.....اعرفه ليش

......اشتعرف عنه يعني...

.........شنو شاعرف عنه خوش بنيه

......سمعت خالد يخابر عماد صاحبه

ويحجي بيه

.....اشلون يعني يحجي بيه

....يتغزل بيها بشعرهه وعيونهه ويكول من شفته الهسه ما مرتاح بعدهه ادك بالكلب

......سكتت 

جسمي رجف واحس حراره صعدت

الراسي

معقوله عدهه علاقه ويه خالد

وذكرت قبل كم شهر من ابوهه تخربط وهيه ماكو ويكولون بالدوام

......وين سرحت ليث تعرف شي

الله يخليك الغيره ذبحتني اذا تعرف عده علاقه ويه خالد كول اني اختك

.....على كيفج واني شمعرفني تره

سراب امتانيه خطيبه الاعرفه

....ليث فدوه راح ينطيه منصب ويجيبه يمه 

.....شنو من اشوكت هذا الحجي

.....قبل شهر.... واجهته وتعاركنه ونكر يكول انت تتخيلين 

ومن هددته اروحله للدائره كال الا 

خط طلاكج اسلمه بيدج

.......اي هاهيه صدكي

......الغيره موتتني فهمني شسوي

خالد متغير من رجع البغداد. لليوم

شسوي

.....اني اشوف شصرف واذا عرفت شي اكلج

بس انت صيري طبيعيه لا تهجمين بيتج يجوز فاهمه غلط

اتغديت يم سلوى 

وطلعت ..ما عندي صبر ابقى الافكار

براسي تودي وتجيب

زين المن اروح الخالد لو السراب

اشلون اكشفهم اذا صحيح بينهم شي

واخير شي رحت البيت رائد

.......لك هلوووو حيا الله من جانه

......السلام عليكم اشلونك رائد 

......بخير ....والله كلت هسه الشركه 

معزله اجيك للبيت شخبار الشغل

.......كلشي تمام بس ردت اسالك

انت عندك ثقه بحسين

......اي ليش اشبي

.........يعني مسلمه ملايين تعرفه يشتغل عدل

......هو من جماعتنه هناك كرايبنه 

وصار سنه يشتغل ويانه ما شفنه منه شي

وبعديمك دائما دقق ورى

.....ماشي

نزل رافد كعد يمه وسوالف

ظل يمنه لليل وراح

حسام.....

كاعد بالمحل مالتنه ودخلو عليه ثنين

واحد بالخمسين عمره وولد شاب

.....السلام عليكم بويه

........عليكم السلام عمي تفضل

هذا محل عزيز الصايغ

....اي تفضل اني ابنه

......زاد فضلك ...اعرفك ابنفسي

اني ابو علي كنت اسير ويه اخوك وسام

وكفتت 

حسام.... عمي صدك اشلونه احجيلي

...والله

بس لا اخذك يم الوالده تحجيله اليوم انت ابضيافتنه

ورحنه للبيت..

شفت بيتهم جبير والمنطقه راقيه بعد صياغ امبين عليهم الخير والله حقه وسام يتعذب من البدايه عرفته ابن خير ويستاهل الله يرده لاهله سالم

حسام....تفضل عمي ابو علي

ماما وينج

.....ها شكو منو ذوله

.....تعاي ودخله عليهم...يوم ابو علي جان اسير ويه وسام..تعالي اكعدي

افتخار.....السلام عليكم... اهلا وسهلا

اشلونه ابني

ابو علي.....عليكم السلام خويه

والله اني ويا من تاسر لحد ٩٣ وتفاركنه

افتخار.....ياروح امك اشلونه احجيلي عنه صحته احواله

ابو علي.....حجاله كلشي وضعه

مرضه يومه وين يقضي وشلون خايف لا تروح منه خطيبته

حسام....لا متانيته لليوم

ابو علي......اي والله عمي اصيله

اني البارحه جنت يمهم ناس ذهب

افتخار..... بعده ما تايب منه اهناك

ويحجي بيه

حسام......ماما مو وكت هذا الحجي

ابو علي اني عبالي الگا جدامي لان احنه اخر وجبه جينه بيه

بلكت ورانه الله يفرجله

وعمي حسام هذا رقمي امانه لو رجع

يتصل عليه واني اجي

....تسلم عمي ادعيله وولله اني اجيبه واجيكم

....حسام كل الكاله عن وسام ما يشفي الكلب من ست سنوات متفاركين وما ندري اصار بهاي السنين

امي من يوم الاجه ابو علي والليوم 

رجعت دمعته بعينه 

وتحجي بوسام

سامر هاي الايام راح نخطبله اسيل بنت خالي سعد

واني اخذت رواء بنت عمي خليل وعندي طفلين وامي

راضيه كل الرضى عنا

ناقصنه بس وسام يرجع ويعيش ابنصنه

لبنى.....رافد لشوكت راح نبقى اهنا

رافد......اني مو كلتلج ارجعي شعليج بيه

لبنى......اني ما ضايجه بالعكس اهلك احبهم ويحبوني 

بس دوام عندي وبدتت المدارس محد

ينطيني اجازه واني ما اكدر اعوفك

ما ارتاح واني بعيده عنك

رافد.....ارجعي واني كم يوم واجي وراج

للبنى......ليش مو هسه

رافد...... ادور شغل والكه يالله اجي شتردين انتي اصرفين عليه

لبنى......لعد والسياره

رافد.......اني كلت ما اصعد بيه

يعني ما اصعد ...هاي مالت ابويه واني ما استاهل اللزمه

لان ما وفيت ابكلامي ويا

لبنى....رافد اني حامل متخاف عليه

اذا تريد لعد انقلني وخليني يمك

.....لزم ايدهه حبيبي ويقبل ابوج

.... المشكله مو يقبل او لا

رافد ابويه مريض صاير ينسه اهوايه وما عدهم غيري

اشكد انت متألم على ابوك اني هم

دا اتكطع على ابويه 

احسه مريض وما يحجي

            الفصل السادس عشر من هنا 

لمتابعة باقي الرواية زوروا قناتنا على التليجرام من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال