رواية حظ عاثر الفصل الخامس عشر بقلم ليل ادم
ادهم : أنا مش رايح في حته أنا بقول أهو
الأم: ونسيب العيال كده بينا على المستشفى
ادهم: ياجدعان وربنا كده ما ينفع دي رابع مره في نفس اليوم
سعيد: هو ده وقت تعد في بنموت يا كافر
أدهم: ياعم ارحم نفسك انتا شويه شعرك و شويه حوجبك وشويه الحجات وشويه تشرب لما تموت هو انتا اي ياجدع
أم أيمن: طب معلش يا ادهم ياله علشان نلحق وقتنا
أدهم: ياله ( وخد سعيد على العربيه )
الأم: الله هو الواد حماده فين
ادهم : حماده يخربيتك يا حماده شكله نام فوق
الأم: أطلع هاته طيب سيب سعيد يقعد هنا عبال ما تنزل
أدهم: ماشي
طلع ادهم كان حماده نايم قصاد باب الشقه على الأرض
أدهم: يابني قوم بتعمل اي
حماده: اي يا اخويا نورت والله تعالي اقعد
ادهم: ياض انتا اهبل قوم يابني حرام عليك
حماده: مش هينفع اقوم من هنا صاحب المحل قالي خود بالك
ادهم: هيا طلبت معاك بحراسه قوم يا حماده الله يكرمك خلينا نروح المستشفى
حماده: اي ده مين تعبان
ادهم: انتا
حماده: يالهوي ياله نروح نشوف ماله بسرعه
في جانب آخر
سعيد قعد في العربيه
سعيد : حاسس ب نار يا فاتن مش قادر
الأم: معلش يا حبيبي ربنا يقومك بالسلامه
أم أيمن: يالهوي يا فاتن مش الدكتور قال مينفعش يقعد ل يلاصق
فاتن: يالهوي تفتكري ممكن يلاصق
أم أيمن: مش عارفه
الأم: حركها كده شمال ويمين يا سعيد
سعيد : هيا مين دي اللي أحركها
الأم: اهو ادهم جه يقولك أنا مش هينفع اقولك
ادهم: ( أول ما شاف سعيد قاعد ) ينهار اسود ياجدعان مين عمل كده بس في الواد
سعيد : في اي يا ادهم أنا هموت صح
ادهم: أتحرك كده يا سعيد
سعيد : نار مولعه يا ادهم مش قادر
أدهم: منا عارف بس أتحرك بس خلينا نطمئن
سعيد : كده
ادهم : الحمد لله اركبوا ياله
حماده: خلي بالكم من نفسكم ربنا معاكم يارب حجه مقبوله يا خالتي
فاتن : اركب يابن الهبله حجه مقبوله اي بس
حماده: انتوا رايحين فين
ادهم: ( نزل فتح باب العربية حط حماده جوه العربية وقفل الباب حماده اول ما ركب نام )
الأم: والله ما عارفه العيال دي بتعمل في نفسها كده ليه
ادهم : وانتا سايب مصر كلها وماشي ورا حماده المخترع الكيميائي
سعيد: هو حماده فين يا ادهم
أدهم: يابني حماده على شمالك اهو
حماده: ( فاق من نومه ) أركن على جمب يا ادهم
ادهم : في اي يا حماده
حماده: ( بصوت عالي) أركن بقولك
الأم: أركن يا ادهم شوف ابن المجنونه ده عايز اي
ادهم : اهو يا حماده
حماده: ( بص ل ادهم دقيقه كامله بدون اي كلام ومره واحده نام على نفسه)
ادهم : اتفرجي
أم أيمن: الواد بيخطرف
سعيد: نار مولعه فيا يامو بهجت
أدهم: ام بهجت مين يا سعيد
سعيد : نار يا ادهم نار
أم أيمن: سيبه يقول اللي عايز يقوله يا ادهم الله يكون في عونه ده قاعد على شطه
سعيد: اه اه يامو بهجت قاعد على نار
ادهم: اه هو بيقول عليكي انتي ام بهجت
أم أيمن: بهجت بقا ولا مش بهجت سيبك منه عبيط
أدهم: اهو خلاص الحمد لله وصلنا ياض يا حماده فوق ياض
أم أيمن: (. ضربت حماده بالقلم) فوق بقا
حماده: اي ده في اي احنا فين
ادهم : ملكش دعوه انزل
حماده: حاضر
أدهم: هات ايدك يا سعيد قوم سنه سنه معايا
سعيد : ماشي
أدهم: طب في اي طيب
سعيد : مش عارف
أدهم: ياض قوم ( وبيشد سعيد)
سعيد : ( صوت )
ادهم: في اي ياض خضتني
سعيد : (بيعيط) قطعتها يخربيتك
ادهم: لصقت
سعيد : اه اه
أدهم : يادين النبي
الأم: ادخل بسرعه يا ادهم للدكتور
أدهم: حماده هات سرير قصاد العربية ل سعيد عبال ما اجيب الدكتور
سعيد: حاضر
ادهم : ( دخل على الدكتور) الحق يا دكتور
الدكتور: في اي تاني انتوا عائله غريبه
ادهم : سعيد لصق في كرسي العربية
الدكتور: سعيد مين
أدهم: سعيد اللي كان عندك هنا من شويه اللي باش من المياه السخنه
الدكتور: اه افتكرته ماله ده
ادهم: بقولك قعد على الكرسي بتاع العربيه مش عارف يقوم
الدكتور: منا قولتلك بلاش يقعد هيلاصق
ادهم: طب اعمل اي
الدكتور: معلش بقا خود ( ومد ايده ادا ل ادهم قطر)
ادهم: اي ده اقتله لا مش للدرجادي
الدكتور: تقتل مين يا غبي خود القطر اقطع الكرسي بتاع العربيه علي أد الحاجات وهاته
ادهم: اقطع الكرسي لا أنا اقتله احسن هيا دي فيها هزار
الدكتور: روح قبل ما تجيب دم ياعم
ادهم : لا خلاص رايح رايح
خرج ادهم معاه القطر
سعيد : اي ده هتعمل اي
ادهم : الله يحرقك يا اخي اوعي يا ما
الأم: هتعمل اي
ادهم : هقطع الجلده بتاعت الكرسي على قدها
سعيد : هو أنا هعيش بيها ولا اي
أدهم: مش احسن ما تعيش في العربيه ( وبدأ يقطع جلده الكرسي فعلاً لحد ما قام سعيد و لاصق في جلده الكرسي )
أدهم: حماده جاب السرير
الأم: هو جه أصلا من ساعه ما راح
ادهم: يارب خدني من الناس دي ( ودخل يدور على حماده لقا حماده نايم على سرير استقبال في المستشفى)
أدهم: حماده يا حماده
حماده: حبيبي تعالي اشرب شاي والله
ادهم: يابني هو أنا مش قولت هات السرير ل سعيد وتعالي
حماده: اي ده هو سعيد جه
ادهم : دا انا مشفتش كده قوم يا اخي ( وخد السرير وخرج يجيب سعيد )
أدهم: نام يا سعيد علشان مش هتعرف تمشي
سعيد : مش قادر يا ادهم نار لو نمت على ضهري هموت
الأم: خلاص نام على وشك
ادهم: ايوه صح نام على وشك اسنده معايا يا حماده
حماده: ياله
ادهم : ايوه كده تمام اوي مرتاح كده يا سعيد
سعيد : نار برضوه والله يا ادهم بس البتاع بتاع حماده خلا جسمي يهدأ شويه
ادهم: طب تمام ذق معايا يا حماده
حماده: ياله
ادهم : بس الدكتور في الاوضه دي
سعيد : لا لأ مش عايز ادخله على وشي كده عيب قومني يا ادهم
ادهم : ماشي هات ايدك
سعيد: اي ده اي ده في اي
ادهم : لا متقولش
سعيد : ( بصوت عالي) ألحقووووووووووني
الأم: لاصق برضوه
ادهم: اه
حماده: لأ بقا دنتا بقيت صعب اوي ياعم
الدكتور: (خرج على صوت صويت سعيد ) في اي
ادهم: لاصق تاني
الدكتور: يابني منا قولتلك مينفعش ينام خالص
سعيد : شوفلي حل أنا بقيت مغنطيس ولا اي
الدكتور: دخله جمب عم جمال لحد ما اجيب قطر واجي
سعيد : لا عم جمال لا يا ادهم بلاش يشوفني كده
أدهم: ياعم انتا ف اي ولا في اي
باب الغرفه أتفتح
عم جمال: ( نايم على ضهره باصص في السقف ) مين
أدهم: احنا يا عم جمال
جمال: عايزين اي تاني ياشويه مجانين
سعيد: سكت الراجل ده
جمال : اي ده مالك يا سعيد عندك البواسير ولا اي
سعيد : قولتلك بلاش ادخل للراجل ده
جمال : اي الورده اللي علي ضهره دي يا ادهم
أدهم: لاصق في كنبه العربية قطعتها على قدها
جمال: وسرير المستشفى ده عهده ( وبيضحك)
سعيد: اشوف فيك يوم يا جمال
جمال: روح البيت كده ياض يا سعيد ولو حد قالك مالك قوله البواسير مجنناني
أدهم: (بيضحك بصوت عالي)
جمال : ادهم
ادهم: نعم يا عم جمال
جمال : الوليه الحربوته معاكم
أم أيمن: أنا حربوته يا راجل يا ناقص
جمال : دنتي ولا اليهود يابنت الجزمه
أم أيمن: قوم كده على رجلك علشان تحضر فرحي كمان اسبوع
جمال: كده من عده
أم أيمن: هو انتا ليك عده يا جمال خليني ساكته
جمال : اي مليش عده أما ليا اي يوليه يالي محدش عرف يربيكي
أم أيمن: هضرب فيك اي دنتا عامل ذاي المتكفن
جمال : من بوزك الفقر يابنت الفقر
أم أيمن: لي يا حبيبي
جمال: حبك بورص يابنت المنكوبة يعني عشر رجاله قبلي ماتوا وجايه تسأليني أنا ليه
ادهم: مش انتا اللي لسه ماسك في الدنيا يا عم جمال
جمال: خود تعالي
سعيد: نعم
جمال: لا خليك انتا نايم على وشك يا حبيبي
ادهم : نعم يا عم جمال
جمال : دوس على الزرار اللي منور ده كده
ادهم : اهو
جمال: شاطر يابن الشحروره
أدهم: ماشي يا جمال يا عنتيل
الممرضه: مين داس على الزرار
جمال : خودي المجانين دي كلها بره معادا الواد اللي عنده البواسير ابو ورده على ضهره ده