رواية ملكة الشيخ ضاري الفصل الرابع عشر 14 بقلم ساره المجيد

رواية ملكة الشيخ ضاري الفصل الرابع عشر 14 بقلم ساره المجيد 

ثائر ..قربت منها وكتلها ..افلتي اذا كدرتي اطلعي 😡

سناريا ..شلت الجفجير ..وكتله اموتك اذا قربت مني افضحك والله ..ابتعد احسنلك 

ثائر ..ههههههههههههههايي يلا اصرخي وشوفي شسوي 

سناريا ..انت ماتستحي ومستهتر والله اكول لخاله تعلمك الأدب ..

ثائر ...قربت منها ولزمت ايدها وسحبتها الي بستها من خدها حييييييل وكتلها ..يلا صرخي 

سناريا ..توترت اتذكرت ادم من باسني بسرعه نزلت دمعتي ودفعته وحجيت بقهر بس بصوت ناصي ..

انت حقير انت مثله انتوا كلكم تريدون هذا الشي مني اكرهك وماحبك اكرهكم كلكم الله يخلصني منكم ..

ثائر ..استغربت من ردت فعلها هاي شبيها ليش هيج انهارت اني شسويت قابل ..كتلها اشبيج سناريا اشبيج قربت منها رجعت ليورا انضربت بالثلاجه وخلت اديها ع وجها وكامت تبجي بسرعه سحبتها لحضني ..

وهي بجت بحركه اول مره اشوفها هيج تبجي ..اششش كافي يمعوده ابوس رأسج كافي ولج دموعج غاليه عليه بداعتي لتبجين والله مو قصدي ائذيج ..

سناريا ..رفعت راسي ومسحت دموعي وكتله انت تحبني بسسس مو مو برغبه صح

ثائر ..هههههههه اني احبج واموت ع هاي الشامه اويلي تعرفين ليش بستج بخدج ..الشامه الي بخدج تجذبني الج والله ..

سناريا ..انت تريدني لرغبه ؟؟!!

ثائر ..سناريا شبيييج ذبحتيني ع رغبه رغبه تعرفين شنو الرغبه ..

سناريا ..مسحت وجهي وكتله ..لا 

ثائر ..سحبتها وكعدتها ع الكرسي ..وكتلها الرغبه يعني .......ووووووووووو هسه فهمتي ..

سناريا ...رفعت حاجبي وفتحت عيني ع وسعهن ولطمت ع وجهي كتله ششششنو

😱😱😱ثائر ..وجع نصي صوتج شبيج راح اتفضحينه 

سناريا ..ابد مجنت اعرف شنو معناة الرغبة ومن كالها الي ثائر انصرعت لا يالله يعني آدم هيج جان قصدة وهيج جانت نيته ويايه 😳😳 

شكد حقير ونذل ولا جنت اعرف هاي غايتة ويايه شكد كرهته واستحقرته ..

ثائر ..شفتها صافنه عبالك وحدة امبنجه لوحت بيدي كتلها ها يمعودة وين رحتي الووووو

سناريا ..فزيت ع صوت ثائر وصحيت ع نفسي كتله ها لا هيج ماكو شي يله خلي اروح للهول ..

في مكان اخر

زينه ...لبست عباتي وكلت اروح اشوف خاله اسمهان ماطول اجت ..وبالغلط اتصلت ع رقم بلا أسم صاحلي ابويه مانتبهت ع أسم او الرقم رحت اشوفه ..

زينه ..ها بابا 

ابويه ..سويلي جاي وشوفي اخوج الخبل وين راح 

زينه ..حاضر بابا ..دخلت للغرفه سمعت موبايل يكول الووو بسرعه رديت ...الووو ثائر وينك يمعود ابويه صار ساعه يدور عليك انت شلون تأخذ السياره وهي عطلانه  

صكر ... جنت كاعد وع غفلة رن جهازي باوعت شفت رقم غريب فتحت خط وكلت الووو وجان اسمع صوت الغزالة الي دولبت حالي اويلي يابه شهل هذا صوت 

زينه ..الوو نعم منو !!..

صكر ..احزري 

زينه ..سحبت الموبايل اشوف بيمن اتصلت لا ياربي النيقب صكر😱

 امدني ان شاءالله امدني بسرعه رفضته ..غلقت ألموبايل عززززه بعيني ..عززززه شسويت اني لا يالله هسه شيكول عليه ليش اتصلت بي شكد فشلة ياكاع انشكي وبلعيني يبووووووو

وجهي كام ينطني الوان سمعت ابوي يصيح

..ابويه ..ها اتصلتي وين هوه

زينه ..ها بابا لسه هسه اتصل 

ابويه ..يلا بسرعه بنتي 

زينه ..فتحت الجهاز اجت كومه رسأئل خرب أنه بسرعه طفيت النت وتصلت ع ثائر من الرصيد ..

ثائر ..كاعد وهي بصفي وداكل كبه وعيني بس صافنه عليها مدري شبيه جان تفززني بصوتها الهبلة ..

سناريا ..كافي تأكل يمعود ماضلت كبه 

ثائر ..وانتي شبيج تباوعين ع لكمتي قابل ماكل من جد اهلج

سناريا ..قصفني عابتله شكد مكروه 😳   

كتله ايي مو خلصت الكبه 

ثائر ..اي خوش كبه اطبخين حتى من نزوج نشبع كبه منج 😉

سناريا ..هههههه ومنو كال اني أقبل بيك 🙄

ثائر ...ليش عيني ماتقبلين شنو ناقصني 

سناريا ..امممم ماعرف 

ثائر ..لحظه هاي زينه كاعد اتدك ...الووو هلا خيتي

زينه ..وينك يمعود ابويه اكثر من مره يتصل عليك ليش ماترد

ثائر ..اني بيت جدي ضاري شصاير شبيج 

زينه ..ها مابيه شي سلامتك بس تعال اخذني تعرف درب اظلم وغروب اخاف اجي وحدي ..

ثائر ...ماشي 

كمت وكتلها ...عاشت ايدج الكبه طيبه فدوه ..كرصت خدها وطلعت جان تصير نور بوجهي ماهتميت ورحت طلعت باوعت لسناريا وغمزتلها وهاي الفطيره تضحك ...

سناريا ...طلع ثائر ودخلت نور وجها ماينطلع بي من العصبيه عفتها وخليت الكبه والطماطه الحمس بالصحون وطلعت لخالتي كتلها كالت خوش روحي ارتاحي ..

غسلت وجهي من حرارة النار ورحت كعدت اريد اشوف شكو ماكو ماسمعت شي جديد كله نفسه ..

في مكان اخر 

زينه ...كعدت ومخليه الموبايل اكبالي ماعرف شسوي ياربي اخاف اتصل ويصير شي ..

زين هسه اني شسوي متفقه وي مروه ع أساس اتدزلي الاستنساخ الترجمه مال الكتاب ..

هاي شلون هسه احلها ..شويه واتصل رقم نفسه بس ع الرصيد ..سويت وضع طيران ..احسن شي ..

عفت الجهاز ع الميز ورحت للمطبخ خليت الجاي ع النار واعض باضافيري وخايفه لا صدك يسويها ..

هسه شبيه خايفه فار الجاي ورحت صبيته وخليته لابوي ..

شويه ودخل ثائر سلم ع ابويه ..

ابوي ..ولك انت ماتجوز ماتوب من هاي سوالفك يعني اظل اني اركع بسوالفك مو راح اتموتني ناقص عمر 

ثائر ..شكو ياستار ..وهاي المره شمسوي اني بله

ابوي ..ولك شمسوي وتحجي فوكاها ولك شلون تضرب السياره ها احجي ..

ثائر ..هاي ياسياره ضربتها والله ماضربت السياره

ابوي ..هسه خابرني مؤيد ابن جيرانه كال شفت ثائر ضارب السياره وراح للبزول ..

ثائر ...جذذذذذذذذذاب وحق ضريح الحسين جذذذذذذااااااب أني طلعت منه رحت كبل لبيت جدي ضاري صارلي ساعه يمهم او اكثر لا طلعت ولا طبيت حتى اسئلهم هذا يتبله عليه الكلب اني اعلمه ..

ابوي ..خوش يجي ونشوف قابل مؤيد ميت 

زينه ..ها ثائر نروح

ثائر ..يلا امشي من رخصتك يابه ..

زينه ..رحت لبست عباتي وطلعت اني وثائر اتذكرت الموبايل رجعت ركض بسرعه جبته واجيت ومشينه جان ثائر يوكفني 

ثائر ..زينو باركي لاخوج

زينه ..عكدت حاجبي باستغرب كتله ع شنو 

ثائر ...زينو ولج كتلها احبج كتلها اخيرا

زينه ..يا يا عزه ولك بعدها صغيره شتحجي انت 

ثائر ..شسوي ولج تخبلت راح انجن احبها وهي بارده وياي ولا عبالك اني يمها اضطريت اعترفلها حتى تفهم هل شي ..

زينه ..اي حقها غير طفله وينها وين الحب انت وين عايش الطفله لسه تلعب بالطين واصلا هي مو واعيه لكلامك ..

ثائر ..شمدريج

زينه ..احكم ع تصرفاتها يعني تصعد لشجر تلعب وي الجهال سناريا طفله لكن جسمها جسم مراه ..

لا تستعجل ياخوي ولا تاخذ منها اكبر من عمرها وخليك حريص عليها لاتنسه هيه بنت خالتنه ..

ثائر ..ان شاءلله خيتي لاتوصين حريص سناريا بعيوني احطها والي يرشها بالمي ارشه بالدم وحق الكعبة ..

زينه ..عفيه عليك يابن ابوي والنعم منك ادري بيك كفو ومعدل ..

ثائر ..تسلمين بعد اخوج ولا تخافين ان شاءلله اكون حريص بأذن الله ..

كلت بكلبي هاي شلون ورطه اني نسيت هيه طفله فوك كول هذا ياربي اني احبها يلا اتحمل تكبر فد سنتين او تلاثه واخطبها ..

اي اتحمل ..هاي كاعد اجذب ع روحي شلون اتحمل واني اشوفها اكبالي 😕...

في مكان اخر 

سناريا ...كاعدين كلنا دخلت زينه وثائر كمت سلمت عليها وثائر مثل الي بحلكه حجي بس مايحجي لو يموت ماكعد اني ويا بمكان واحد يخوف هذا 🙊🙊...

تعشينه وتعللنه كلنا واخذتنه السوالف حسيت باحد كرصني من خصري 😨..

باوعت وشفت ثائر وعيونه عليه ..اشرت اله شكو شبيك ..ثائر ..كاعده وصدرها طالع وماخذها الواهس والشعر اويلي هاي لحد هذا اليوم ماتلم شعرها راح تموتني ام الشعر هسه اني احير بالشعر لو الشامه الي بخدها لو بصدرها الي امبين ولامنتبها يارب عين عبدك الضعيف ..

قربت منهه كلها ملتهيه تسولف وتضحك محد باحالي كرصتها من خصرها باوعت عليه خزرتها بعيني ..

سناريا ...شبيك وجعتني

ثائر صك ع سنونه وكلها ..لمي نفسج لا اعضج هل مرة 😡

سناريا ..ليش جلب انت وتعض 🤔.

ثائر ..صرخ صرخة بدون وعي واتعصب كلها ولججججججججج ..

كلها انتبهت ع صوته بسرعه ابتعدت عنه بسرعه ..

خالو احمد ..اششششبيك ولك ..

ثائر ..ها مابيه شي خالي سلامتك بس شي كرصني

خالو احمد ...جا هيج تصرخ ..

سناريا ..باوعت لثائر وكمت اركص بحواجبي عود شوف 😏..ههههه هو سوه بسيطه بحنجه كمت ورحت للمطبخ طلعت كيوي وكعدت اكل احب اكل تالي اليل اله طعم ..

بهل لحظة ماحس غير ع دفعه قويه انضربت بالثلاجه ..

نور ..حقيره والله لكول لعمتي اسمهان ع سوالفج ادبسززز

سناريا ..وجع هاييييي شبيج هييي اني الادبسزز لو انتي

نور ..شوفي سناريا لو تموتين ماتزوجين ثائر ولا هو يحبج عشم ابليس بالجنة ثائر ياخذج ...انصحج ابتعدي عنه احسنلج ترا اندمج وربج

سناريا ..هههههههههاييي خوفتيني يمممه كمت ارجف ..اصحي بابه ومنو كالج اني من الاساس احبه ..

نور ..شوفي تحبي ماتحبي هذا شي مايهمني بس قسمآ برب الكون العب بيج لعب واخليج تتندمين بيوم فكرتي بي

سناريا ..نرفزتني هاي شايفه روحها عليه العوبة قربت منهه وكتلها ..

أسمعي ولج ماعاش ولا كان ولا راح يصير الي يهددني مو حفيدة الشيخ ضاري الي تخاف منج ..

وع عنادج اي احبه واموت علي وهو هم يحبني وراح نتزوج وكولي سناريا كالت 😏

نور ..اني الج والله اخليهم كلهم يعروفن انتي شنو ..

سناريا ..هه اعلى ما بخيلج اركبي امشي ولي يله 

نور ..خوش يا سناريا خاتون اني اعلمج

سناريا ...كبوررر ياخذج ونخلص من شكلج لحد حتى لحد شلون كائن ياربي انت وحدك عالم ....

هسه ترا اني مليت كمت وطلعت من المطبخ جان انضرب بصدره اوف اوف اخذني من زندي وسحل ورا البيت ..

هسسسسسسه شبيك اوكف ساحل مطي وراك يمعود اوكف عزززة بعينك ولك اشبيك 

ثائر ...شكايله لنور ولج

سناريا ..ماكلت شي 

ثائر ..احجي كبل لا هسه اسوي شي اندم عليه 

سناريا ....شوف اني مكايله شي واذا كايله شي هذا يخصني مايخصك ماشي

ثائر ..فورت دمي يعني فوك ماتغلط فوك ماتجاوز ماخلت الي خيار صدك طفله واني غلط من اعترفت بحبي الها وهسه راح تذلني بهذا الشي ..

لزمتها من اكتافها ورفعتها لفوك وخليت عيني بعنيها وكتلها ششششوفي اذا ماتجرين عدل وحق الحق العب بيج طوبه ..

هاي ولا خافت ولا رمشت باوعتلي بنظره تحدي وكالت ..

سناريا ..هههه اكلك شي ..مايلوكك دور العصبي اذا تحب نور شكو ذبحتني احبج واحبج ..دفعته بقوة وكتله ..الحب خلي الك اني مو بحاجته ..

مشيت بسرعه وعفته دخلت وكبل شمرت روحي بحضن بيبي ملكة وهي حلو بيها من تفرك ايدهه او تمسد اوف ترتاح وتقراء فوك رأسك آية الكرسي ..

يعني صدك تحس نفسك براحه

ملكة ..شمالج حبيبه

سناريا ..مابيه شي بيبي

ملكة ..لا اكيد بيج شي كولي خلي أسمعج 

سناريا ..بيبي هم اجه يول انظلمتي من احد ..

بيبي اخذت نفس وكالت..اااااااه يامه ويامه انظلت يابنتي وناس هواي اذوني 

سناريا ..منو ظلمج

ملكة ..الزمن واهلي بس ربج عوضني وجازاني ع صبري وقوة ايماني بي

سناريا ...زين احجيلي بيبي فدوة 

ملكة ...احجيلج شنو 

سناريا ...عن ايامكم قبل

ملكة ...اييييي ايامنه جانت حلوه وناس ع نياتها مره اخذت خالاتج ورحنه كلنا انحش جانت الدنيا بسرعه تغمض (يعني الشمس تغيب)..

وما نخلص اله من ينشلع كلبنه.. نطلع من الصبح ومن زوجت خالج احمد جانت ام أسياء (زوجة خالو احمد)..خطيه جانت تجيب النه الريوك من الصبح ..

سناريا ..رفعت رأس وكتلها.. ليش تتشغلون بيبي يعني ماعدكم احد يشتغل وياكم.

ملكة ..جدج ضاري مايقبل احد غريب يدش لكاعنه وخاصة هو عنده بنات شلون يشوفهم الغرب

سناريا ..اهاأأأأأ

اسمهان ...سناريا يمه يلا كومي نامي كافي سهر

سناريا ..كايمه يوم يلا تصبحون ع خير 

اسمهان ..اخذي وياج اميره ومحمد وعلي 

سناريا ..ايي يلا تعالو 

اخذتهم ورحت فرشت ونمت فتحت شعري ع طوله والعب بالخصل واذكر ثائر شلون خزرني ..

 ليش هو سوه هيج اني شمسويه اله لو ماني احترمه جان عرفت اتصرف ويا بس هو مثل أدم بس يحب يغلط ويضرب اصلا كلهم نفس الشي كلهم ...

خليت رأسي ع المخده اجيت انام بس ماكدر وأسمع سوالفهم وضحكهم صدك مزعجين ...

...............

في مكان اخر 

زينه ...كاعدين نتعلل دك موبايلي يمكن هاي سادس مره وكل مره النقيب والله ماعرف شسوي كمت رحت لغرفة محمود

طبعا (زينه ماتكول خالو محمود تكول محمود واطلع كبل هههه)..

زينة ..سديت الباب وايدي ترجف اخاف ارد ونفس الوقت اخاف ارفض ..

اخذت نفس ورديت ..الوووو

صكر بعصبيه ...انتيييي شلون اتسدي بوجهي جاهل كدامج شكو تتصلين اذا انتي من أساس تريدين ترفضي

 شنو شايفتني ..

ماعندي لا شغله ولا عمله وانتظر حضرتج حتى تردين يكون بمعلومج انتي بهاي سوايتج حييل نزلتي من عيني توقعتج اثكل من هيج ورزنه بتصرفاتج بس مع الاسف ..

زينه ...هاي انت شبيك ..انت شنو شلون تصيح عليه هيج شلون تاخذ موقف قبل لا تسمعني ..

اتصلت عليك بالغط لا اكثر وماكو داعي لهاي الكميه من العياط مو طرشه الي تحجي وياها اوك

صكر ...اول مره بالغلط مره ثانيه شنو ..هازينه ..اعتذر وحقك ع رأسي بس انت مافهمت شي وبسرعه حكمت مره ثانيه فكر قبل لا تحكم ورقمك راح انطي حضر واخلص نفسي واعتذر مره ثانيه

صكر ..هوب هوب شمالج اكلتيني حاصل فاصل اصبري خلي نتفاهم ..

زينه ..انت شتريد ترا حيرتني 

صكر ..اريد سلامتج 

زينه ..مشكور يلا مع سلامه

صكر ..شمالج مستعجله خلي نحجي 

زينه ..عندي شغل مو فارغة للسوالف

صكر ...اممممم وشغل شنو بله

زينه ..هل شي مايخصك اعتقد 

صكر ..اليوم مايخصني بس باجر يخصني ونص

زينه ...شنو قصدك 

صكر ..شوفي من البدايه كتلج اني ناوي وياج زواج لذلك راح اتقدملج 

زينه ...واني كتلك رافضه هاي الفكره وخليها بالك مستحيل اقبل بيك ..

صكر ...ممكن السبب 

زينه ..اي اكيد اول شي ..انت اكبر مني هاي وحده اثنين اني بعدني طالبه مو مال زواج وثالث شي ماحابه اتتزوج هسه ..

صكر ..اسبابج مو مقنعه ابببدآ .

زينه ..براحتك يلا تصبح ع خير ..

صكر ..وانتي من اهل الخير ..

زينة ..سديت الخط باوعت ع نفسي وخليت ايدي ع كلبي احسه راح يطلع خرب هاي شبيه صدك استخفيت كمت انطيت رقمه حضر وحذفته من جهاة الاتصال 

وللحكاية بقية..... 

اذا شفت تفاعل قووي انزل بارت اضافي بالليل  

             الفصل الخامس عشر من هنا