رواية حظ عاثر الفصل الرابع عشر بقلم ليل ادم
رحاب : ألو
ادهم : ألو
رحاب: اي ده مش معقول صاحي بدري كده ونشيط
ادهم: والله ما نمت أصلا أنا من امبارح في المستشفى
رحاب: اه ربنا يشفيه يارب
ادهم : انتي عرفتي منين هيا امي نزلت حاجه في الجروب بتاعكم
رحاب: يابني مالك منا كنت معاكم
ادهم : اه انتي قصدك على عم جمال
رحاب : اه ليه هو في حد تاني تعب امبارح ولا اي
ادهم : اه الواد سعيد يعيني
رحاب: سعيد ده اللي هو العريس
ادهم : عريس اي بقا ما خلاص يعين أمه
رحاب: ليه بس كده ماله مات ولا اي
ادهم : ياريت كان ارتاح وريح
رحاب: يالهوي ليه كده
ادهم : باش مننا امبارح
رحاب: مش فاهمه
ادهم : أنا جايلك كده كده سلام
رحاب : أنا نازله عبال ما تيجي ولا خليك مكانك اجي اخدك بالعربيه
ادهم.: خلاص أنا في المستشفى هتمشي شويه لحد ما نتقابل اتفقنا
رحاب: ماشي
بعد لقاء رحاب مع ادهم
رحاب : اركب يا فقر
ادهم : أنا مالي أنا
رحاب: بقولك اي انتا تعرف طبعاً كل الدفعه بتاعتك صح
ادهم : منتي عارفه هو أنا بسيب حد في حاله
رحاب: أصل محامي الخصم غتت اوي غاده من امبارح عماله تقولي خودي بالك منه مش سهل خالص مع أن شكله صغير مش كبير
ادهم: معاكي صوره ليه
رحاب : اه قولت يمكن تعرفه
ادهم: وريني
رحاب: اهو
ادهم : ده زين
رحاب: اي نظامه ده
ادهم: ده حبيبي خلي بالك بس غاده عندها حق غتت فعلاً بتاع حواري
رحاب: طب شوف كده الشنطه اللي جمبك دي فيها الاوراق قولي رأيك كده الكفه توزن مع مين
ادهم : هنا
رحاب: اه
بعد ما فتح ادهم الاوراق وبدأ يتابع القضية
رحاب: اي
ادهم: لا تمام احب اقولك الحوار خلصان
رحاب: لمين
ادهم: ل زين طبعاً بقولك من تحت السلم بعدين انتي سايبه المهم وماسكه في الهلس كله خلي بالك
رحاب: مش فاهمه
أدهم: يعني انتي شغل بالك ان الراجل فعلاً برئ وعماله تلفي و تدوري حوالين أتفه الأسباب مخدتيش بالك من صوره المحضر
رحاب: فيها اي
ادهم : يابنتي مكتوب فيها تم العثور على السيد فلان ابن فلان أثناء السير ليلاً وتم الاشتباه في وفي آخر المحضر الطويل العريض ده مكتوب اي بقا
رحاب : اي
ادهم : ومن ثم تم التحرك من ظابط المباحث فلان ابن فلان الي مكان الاقامه التابع ليها المتهم بتاعنا وتم وقوع المتهم في تمام الساعة الثامنة مساء
رحاب: ( وقفت بالعربيه على جمب) اي ده مخدتش بالي اذاي وريني كده
ادهم: خودي
رحاب : اي ده يعني المحضر أصلا ينفي وجود المتهم مكان وقوع الجريمه
أدهم: دي غلطه من الكاتب
رحاب: حلو وده اللي احنا عايزينه الله ينور عليك
أدهم: دي اقل حاجه عندي
رحاب: كده الكفه فين
ادهم: عندنا طبعاً بس يارب زين ميكنش عرف يطلع منها أصل أنا عارفه ابن لذينه
رحاب: ربك يستر عايزك صاحي معايا يا ادهم
ادهم: معاكي اهو
بعد الوصول إلى المحكمه
زين : أنا مش عارف اي جاب أهلك منتي مرميه في البيت يا رحمه
رحمه : منتا كده كده قولت الجلسة مش هتاخد معاك عشر دقائق الله واكبر عليك يعني
زين. : عشر دقائق ونخسر يا هبله مش نكسب منا قولتلك قبل كده كنت عملت مشروع التيك توك اللي بحلم بيه
رحمه : انزل جلجل المحكمه يا بطل ياله فرجنا
زين : رحمه ابوس ايدك أمشي أنا مش متفائل اقسم بالله
رحاب: مالك يابني ما تمشي
ادهم: اهو زين هناك
رحاب: سيبك منه ياله
ادهم : لا استني أجس منه اعرف دماغه فين
رحاب: تفتكر
ادهم: لا أصل زين لو خسران هيقولك وش مش بتاعتي
زين : ( من بعيد بيشبه على ادهم ) ادهم ادهم
رحاب: بينده عليك
أدهم: سامعه استني ( لف وشه) اي ده يابن اللعيبه بتعمل اي هنا
زين : جاي اشتري جاز وانتا
ادهم: نفس المشوار
زين : وكتاب الله
ادهم: اه وربنا تخيل
زين : اتجوزت ياض ولا اي
ادهم: لا ياعم الاستاذه رحاب اللي هتقف قصادك النهارده
زين : يالهوي على حقوق واللي بيجي من حقوق
رحاب: اهلا
زين : مالك يا استاذه رحاب والله الحوار اسهل من كده أنا داخل خالتي عندكم لا مجتش همشي
ادهم: مين دي ياض
زين : رحمه مراتي انتا لسه عندك فقدان في الذاكرة
ادهم: لا بس ساعه الفرح انتوا الاتنين كنتو مقشفين
زين : مع اني كان معايا فلوس كتير والله ياض يا ادهم
ادهم: المهم انتا شايف الحوار اي
زين : الكاتب خرب القضية خالص ياعم مبروك عليكم
رحاب: ( بدأت تطمئن) ادهم أنا دخله الجلسه
ادهم: ماشي أنا جاي مش هتاخر
زين : امك عامله اي وربنا وحشني اوي
ادهم: ياعم انتا من ساعه ما اتجوزت و محدش عارف يشوفك
زين : طب ياله الجلسه هتبدا
ادهم: زين رحاب تخصني بلاش
زين : وربنا يا ادهم أنا جاي خسران القضية بس أنا كنت ناوي أهد المحكمه على دماغ محامي الخصم غتت بقا انتا عارفني بس بما انك موجود الحوار انتهاء أنا بس هاخدها جوله صغيره كده تستحق المشاهده
ادهم: بس بالأدب
زين: منا قولتلك بقا طالما انتا موجود خلاص
بدأت فعلاً الجلسه وكل شيء كان ماشي في سكه خسارة زين القضية
القاضي: محامي الطرف الآخر عنده اي سؤال
زين. : سؤالي بس ياريس ل استاذه رحاب
رحاب: لو سؤالك خارج القضية والمحضر بلاش منه
زين : لا من جوه المنهج وربنا درسناها كلنا ( وبيضحك)
ادهم : ( تبت على ايد رحاب أنها تقعد ويكمل هو مع زين)
رحاب: حاضر مع حضرتك استاذ ادهم
زين : ( بص ل ادهم وضحك و اقترب منه تلعب )
ادهم: ( ألعب )
زين : استاذ ادهم لو مفيش في محضر القسم الخطأ اللي أرتكبه الكاتب هل كنت قدرت تنفي وجود المتهم بتاعك في مكان الحادث
ادهم: لو مفيش محضر خالص يعني أصل مينفعش اخد من المحضر اللي عايزه و اسيب اللي مش عايزه إلا لو احنا في سوق
زين : نعتبر المحضر موجود إلا حته اللي انتا عارفها
أدهم: كان زمان المتهم بره ومحدش عارف يوصل ليه
زين : اشمعنا
ادهم: منا لو حذفت الجزء بتاع خطأ الكاتب طبيعي هحذف معاه أنه تم القبض على المتهم
زين : اي ده هيا مكتوبه في نفس القطعه ( وبيضحك)
ادهم : لا في صفحه ١٢ باب القصيرين
القاضي: يا استاذ انتا وهو التزموا أدب الحوار احنا في المحكمه
زين : ياسيدي الفاضل. مينفعش بسبب خطأ الكاتب يطلع متهم في قضية ذاي دي براءه
ادهم: خلاص ممكن تروح تشتغل مكانه يا استاذ زين
زين : تمام تمام شكراً يا استاذ ادهم شكراً لحضرتك سيده القاضي
القاضي: حكمه المحكمة
زين : من فضلك يا سيده القاضي ثانيه واحده
القاضي: اي تاني
زين : هو فين الكارنيه بتاع النقابة يا استاذ ادهم
القاضي: رد يا استاذ ادهم
رحاب: لو سمحت يا سيده القاضي الاستاذ زين فاضي عايز يضيع وقت حضرتك و وقتي إحنا وكلاء مكتب -------- ف طبيعي يعني مش هيطلع معايا محامي من المكتب من غير ما يكون
القاضي: خلاص خلاص
ادهم : ( شد ايد رحاب) ابن الجزمه كان هيضيع مستقبلي
رحاب: خلصت ياله بينا
بعد الجلسه
زين : على فين
ادهم: راجع المكتب انتا مش عارف اني مش معايا الكارنيه عملت كده ليه
زين : والله يا ادهم سخنت غصب عني حقك عليا
ادهم: حقي عليك اي بس يا زين لو كان القاضي تبت في حوار الكارنيه كنت هتضيع مستقبلي وهتحبس كمان
زين : والله اول ما القاضي قال خلاص خلاص قفلت الحوار بسبب كده منا كنت ممكن اقوله من فضلك خلي استاذ ادهم يرفع الكارنيه بس أنا قلبي وقع في رجلي والله
ادهم: ياعم سهله لينا لقاء تاني
زين : خود الرقم بتاعي أهو علشان عايز اجي اشوف امك سلام
ادهم: اسمها اشوف امك انتا عربجي سلام
زين : ( بيضحك) سلام
بعد الرجوع إلى المكتب
استاذ سامي: مبروك
رحاب: الله يبارك فيك
سامي: عامل اي يا ادهم
ادهم: الحمد لله يا عم سامي
سامي: مش هرد عليك خلي بالك
رحاب: كفايه بقا انتوا الاتنين
سامي: م انتي شايفه الواد وأنا اللي جبتلك المكتب الجديد وكنت عايز اقولك
ادهم: اي ده بجد
سامي: ادخل شوف
ادهم: استنا كده ( ودخل المكتب فعلاً كلام سامي صح والمكتب بقا كبير عليه تليفون خاص بي ومكنه قهوه خاصه بي )
أدهم: كمان مكنه قهوه دنا مش همشي من هنا لحد ما يجيلي هبوط منكم بجد حقك عليا يا عمو سامي
سامي:( بصوت عالي) يوه دنتا دمك تقيل اوي يا اخي
بعد مرور اليوم
ادهم : تعالي نروح نطمئن على سعيد يا فاتن
الأم: تعالي نشوف عمل اي النهارده
ادهم : ( خبط على الباب فتحت العروسه )
امل : ألحقي والنبي يا طنط فاتن
فاتن : في اي
امل : ادخلي شوفي سعيد
فاتن : ادخل شوف اخوك يا أدهم
أدهم: هو فين
أمل: في الاوضه
أدهم: وسعي طيب افتح يا سعيد أنا ادهم
سعيد : انا بموت يا ادهم
أدهم: مالك يابني طيب في اي
سعيد : حماده علبه فين
أدهم: يابني افتح طيب
سعيد : الباب مفتوح ادخل
أدهم: يابني الباب مقفول
سعيد : هو كلكم عليا ولا اي
أمل: من ساعه ما جه من المستشفى قافل الباب على نفسه وكل ما أقوله افتح يقولي الباب مفتوح ادخلي وعمال يشتم فيا علشان مش عايزه ادخل وبيقولي انتي مش وثقه في نفسك ولا اي
أدهم: الباب مقفول يا متخلف قوم افتح ياض وبعدين وثقه في نفسها اي هو انتا حمل حاجه أصلا
فاتن : هو ماله الواد ده نازل صوت جوه ليه كده فضحتنا يا سعيد افتح بقا
أم أيمن: طب شوف فين حماده علبه يا ادهم
ادهم: حماده زمانه نايم الساعه ١٢
الأم: ياعم روح شوفه بس
ادهم : حاضر ( وفعلاً نزل راح بيت حماده علبه كان حماده قاعد قصاد الباب وماسك صناره في أيده )
أدهم: بتعمل اي يا حماده
حماده: رجلك لو وقعت مش هعرف اجيبك
أدهم: اه دنتا الدريملي لسه شغال معاك
حماده: أنا عملت تركيبه غريبه محدش يقدر عليها إلا أنا و سعيد ابن إيمان
ادهم: لا وفعلاً ماشاء الله ولا باين عليكم
حماده: انتا مين.
أدهم: أديت الواد اي الواد قاعد حابس نفسه من ساعه ما طلع بيته
حماده: اي يعني منا بصطاد من ساعه ما عم جمال مات ومطلعتش حتا سمكه
ادهم: ( قطع كلام حماده) هيطلع اي هنا يابن الهبله قوم معايا شوف انتا خدت اي
خد ادهم حماده راح بي الصيدلية
أدهم: دكتور بالله عليك شوف حاجه العيال بتموت
الدكتور عمر : علبه ده
أدهم: اه
الدكتور: كان لسه عندي هنا مش شويه
أدهم: خد اي طيب
الدكتور: لا ياعم مخدش حاجه كان حاطت شبكه قصاد بابا المحل بكلمه زعل وقالي بلاش قطع الأرزاق
أدهم: طب عايز حاجه يا دكتور بالله عليك
الدكتور: انتا واخد اي يا حماده
حماده: راقع بربوق اتنين بوق
الدكتور: يابني كلمني عربي والله ما فاهم
حماده: اديني واحده دريميلي أتنين ملي اقسمها مع اخويا حماده علبه هيكون كويس
الدكتور: يابني اخوك حماده اي أما انتا مين
حماده: أنا القبطان حماده أبو رايه
أدهم: لأ دي كده وسعت اوي بعد اذنك يا دكتور تعالي ياعم رايه نطلع ل اخوك سعيد نفهم في اي
وفعلاً خد أدهم حماده طلع بي البيت عند سعيد
الأم: اي ده ياض يا حماده انتا كنت على الكورنيش ولا اي
حماده: مين دي
ادهم: بس ياما الوقتي ( لقي باب الغرفه مفتوح ) هو سعيد خرج
الأم: اه قاعد فى المطبخ
أدهم: قاعد اذاي ل يلاصق ياما انتا عملت في الواد اي يا أخي مش عايز تعقل ابدا
سعيد : (بيضحك بصوت عالي جدا وقف في شباك المطبخ )
حماده علبه: أنا طلعت بعد ما جه كان عمال يصوت محدش عارف ينام منه في المنطقة قولت أديله حاجه تهمد جسمه كان معايا كيس برتقال عصير كده طحنت في الدريملي اتنين ملي اللي باقي كله مع البروبوق اتنين بوق وخدت عليهم
أدهم: سكت ليه كمل خدت عليهم اي
حماده: في تعبان هناك كبير حاسب التعبان
سعيد: فين التعبان يا حماده
حماده: هات الزماره يا سعيد
امل: هو كل شويه يقولي هاتي الزماره وكل شويه يشوف حشرات في الشقه
الأم: عندك لبن
العروسه : اه
الأم: ادهم طلع ولاد العبيطه دول من المطبخ أنا بخاف من التعابين
ادهم: ياما مفيش تعابين دي تهيأت
أم أيمن: العيال دي مصرصره وربنا
حماده علبه: هو ده هو ده اللي قالت عليه الوليه البومه دي اللي خلصت على نص رجاله المنطقة
أم أيمن: أنا خلصت على نص رجاله المنطقة ياللي ملكش لازمه
ادهم : استني بس معلش يا ام ايمن انتي قولتي العيال دي اي
أم أيمن: مصرصره
أدهم: انتا مصرصر ياض يا علبه
حماده: هو البتاع ده حطيت منه في العصير علشان أخوك سعيد يطير
سعيد: ميه ميه ياض يا علبه ولا حاسس بالنص اللي تحت ولا النص اللي فوق حاسي اني شفيت ربنا يعمر بيتك
ادهم: طب طالما جاب معاه نتيجة كويس خلي كده ياما
فاتن: خلاص سيبه
سعيد: ( بصوت عالي)عيني بتقفل يا ادهم عيني بتقفل ألحقني
ادهم: مفيش حاجه ياض والله انتا كويس
حماده: لا عينه بتقفل اهو
أدهم: يابني والله مفيش حاجه
حماده: فوقني يا سعيد انا بموت
سعيد: أنا اللي بموت
حماده علبه: ( قعد على الأرض مسك ايد ادهم ) وديني المستشفى وهديك كل أملاكي أبوس ايدك يا ادهم
ادهم: ( شد ايده ) اجري اتنيل انتا حيلتك اتنين جنيه
بدل ماتدور وتبحث علي الروايات خليها علي تليفونك وحمل تطبيقنا
