رواية قصاص الفصل الرابع عشر 14 والأخير بقلم جمانه السعيدي
لمار...وصلت الاخر السنه بس ماكنت خايفه احس نفسي مسيطره على المواد هلكد ماقريت
دخلت الامتحانات والكل كان واكف وياي خالتي وفارس وخاله عهود كلهم يشجعوني تشيج معنوي ونفسي
والحمد لله جاوبت وقدمت احسن ماعندي
بعد الامتحانات رجع فارس عرض عليه ننخطب وبس
يعني بس خطوبه لان يريد يكون قريب مني اكثر
بس اني ماقبلت
مافقد الامل ويكول راح ابقه منتضر اليوم الي توافقين بي على زواجنا واكون اسعد انسان بلدنيا
اجينا اليوم النتيجه وكنت اكثر من متحمسه
فراس وخاله عهود اجو علينا وكالو النتائج نزلت بلنت
كلنا جنا كاعدين بشقة خاله سمر
وفارس جاي يطلع بلنتيجه راسا كام يكمز ناحجه ناحجه
واخيرا نجحت وطلعت معدل ٩٠ كمت اطفر من الفرحه
خالتي سمر حضنتني وكامت تبجي حقه هذا تعبه مو بس تعبي والبنات وخاله عهود حضنتني وكامت تبوس بيه
اما فارس قرب وكال مبروك تستاهلين كل خير
لمار...شكرا الف شكر كلكم ساعدتوني جمانه السعيدي كلكم شركاء بهذا النجاح لو ما انتم ماكدرت اوكف على رجلي واصير قويه
الحمد لله الي عوضني بيكم
الف الحمد لله والشكر
خالتي سمر جابتلي تراجي ذهب هديه
وخاله عهود....جابتلي فستان وحذاء يخبلن
وفارس...جابلي تليفون هديه
بس بقت بكلبي غصه جنت منتضره بابا يشوف النتائج ويتصل يباركلي خصوصا هو يعرف اني رجعت ادرس
من عماتي بس ابد مااتصل ولا باركلي
وحتى من طلعت برائتي هم مااتصل عليه يعتذر
ويطمني
اني مجاي اكدر اكرهه لان هو جان حيل حنيين عليه
بس هاي الحيه نهال غيرته
طبعا معدلي عالي بس لان الدراسه بلعراق صارت على
المحسوبيه والكليات الاهليه انتشرت
والدراسه صارت تجاره مااكدر اضغط على خالتي اكثر حتى أدخلني كليه اهليه زينه هواي عليه المصاريف
انقبلت كلية اداب
اخذتني خاله سمر وفارس هم راح وياي قدمت
امشي بلكليه واضحك مامصدكه حلمي تحقق
بليل من رجعنا فارس دزلي رساله
فارس...هلو لمار
لمار...هلو فارس
فارس...طبعا اتمنى تنجحين وتحققي كل احلامج بس خايف من شي واحد
لمار...شنووو
فارس....خايف يجي واحد ياخذج مني الكليه بيه ولد وانتي حلوه
لمار....اطمن محد.ياخذني منك
فارس...هااا اعترفي تحبيني
لمار....لا مو احبك بس تكدر تكول اقتنعت
فارس...اي كولي احبك وفضيه
لمار...بلوقت المناسب راح اكوول
فارس...بس اني بهذا الوكت وكل وكت راح اكول احبج وابقى احبج للابد
لمار...حاسه بيك بس لازم تنتضر
فارس...العمر كله انتضر
بديت ادوام كليه اجمعنا كم بنيه من المجمع واجرنا
خط ياخذنا للكليه ويرجعنا
كل ما يمر الوقت اكثر علاقتنا اني وفارس تكون احلى
بدا يدور شغل الصبح والعصر يدرس الطلاب
يكول اريد اجمع المهر حتى ازوج
كدر يشتري سياره مستعمله وسعرها معقول يقضي بيه مشاويرنا وهو يروح بيه للشغل
كل يوم بليل يجيبني علاكة حلويات جمانه السعيدي طبعا يستحي يكول هاي المار يدك الباب ويكول وهاي للبنات
بس هو من يتصل يكول اجيبهن علمودج
خالتي تعرف هذا الشي
كل يوم نبقى نحجي بليل حتى نتعرف أكثر واحد على الثاني
منا لمن وكعني بحبه وصرت مدمنه اسمع صوته
كل يوم
الي يمر لازم اني وياا نحجي احجيله تفاصيل يومي وهو هم يحجيلي تفاصيل يومي كامله
خاله عهود وسمر يعرفن احنا نحجي بليل
اخذني فارس عرفني على اهله الحقيقين
امه مره جبيره وعندا اخوان ثنيبن مزوجين
عايشين بنفس البيت كلهم
امه كلش فقيره وحبابه شكد فرحت بيه
تكول احبج لان فارس يحبج ويحجي بيج
كدر يقنعني ننخطب بعد ماخلصت المرحله الاولى من الكليه
خطبني من زوج خالتي لان بابا ابد ماسئل عني ولا ذكرني
فارس...اذا تردين اروح اطلبج من ابوج
لمار...ماكو داعي اني ذوله اهلي ماعندي اهل غيرهم
سوينا حفله بسيطه على كد العائلتين وامه وخوانه اجووو
بشقة خاله سمر
اخذتني خاله للصالون غيرت لون شعري سويته سلفر
طلع ايجنن عليه طبعا شعري طولان وصاير حلو
برمته اليه ام الصالون جمانه السعيدي ومكياج يخبل لبست فستان اسود ضيك وقصير مابي تفاصيل بس طلع عليه يخبل
من دخل فارس وشافني راسا ابتسم
قرب وكال انتي دوم ساحرتني وهسه جننتيني اكثر
هاي شطالعه يمكن كلبي راح يوكف
لمار...يمه اسم الله لا عفيه اريد افرح لاتعيد هذا الكلام مره ثانيه ازعل عليك
عقدنا عقد شيخ ولبسنا الحلقات
بس الاتفاق الزواج بعد مااتخرج
وهو هم يكدر يجمع فلوس علمود زواجنا
سنة ٢٠٢١ تخرجت الحمد لله واخيرا صارت عندي شهاده
بهاي الفتره الاربع سنوات دراسه كدر فارس يجمع مبلغ
زين واني افترحت علي
يدفع هذا المبلغ مقدمه ونشتري شقه لان الشقه الي بنفس الدور كانت فارغه وومعروضه للبيع
فارس...بس انتي من حقج تاخذين مهر الي اطلبي
لمار...نشتري شقه احسن اني عندي ذهب وعندي ملابس
الفلوس ذني ليش انطشرهن نشتري بيهن سكن
اشترينا الشقه ودفعنا الفلوس الي مجمعهن فارس مقدمه
والباقي اقساط قسطهن كلش قليل
الشقه سجله فارس باسمي واسمه مناصفه
حددنا موعد الزفاف راح نزوج بيت خاله عهود علما ناثث شقتنا شويه شويه وهم فارس حول الشقه إلى قاعه دراسيه يدرس الطلاب بيه
واني اساعده بلتدريس علما يطلع التعيين
قبل زواجنا بااسبوع اتصلت عمتي وكالت ولج الحكي
لمار...شكووو احجي خوفتيني
عمتي...طلعت حوبتج بنهال ولج فضيحه ماتتسولف
لمار...شكووو غير تحجين
(اختي بهاي السنه كملت ١٤ سنه )
عمتي...ولج اختج طلعت حامل
لمار...حامل ياستار ياربي
عمتي...اي مصادقه واحد صار فتره بلتليفون ولج لمار وكحه ومحد يكدر عليه
وامس نهال لاكيه تحليل حمل بغرفته وضاربته ومتعرفه
تلتقي بي بيته وينام وياها
ولج مو مره وحده صار فتره تروحله للشقه
تطلع من البيت وتكول رايحه الصديقتي وهي تروحله للبيت
ابوج بس عرف موته كتل ونهزمت من البيت
امها هزمته خاف ابوج يذبحه
ومن امس لليوم كله ادور عليه
النوب الفضيحه الكل عرف بيه حامل ونهزمت
نهال تريد تموت كوه تحجي وابوج ماخله مكان مادور عليه ضغطه صاعد ويحجي على نهال
ايكول انتي خربتي تربيته مخليته بكيفه لمن جابتلنا هاي المصيبه
نهال تبجي اريد بتي وكل شويه وواكعه ملخت نفسه
تملخ ابوج يتهدد عليه يكله اطلكج وروحي ورا بتج
انتي الي خربتي أخلاقه بتربيتج
كلما تسوي غلط اطمطميله لمن طلعت من الطريق
نار مشتغله بيت اهلج باجر ابوج يكول اذا مالكيته اتصل على الشرطه حتى يدورونه
ولج فضيحه ماتتسولف
لمار...بقيت ساكته ياربي عدالتك ماكو مثله سبحان الله
فضحتني وطردتني من البيت واني مامسويه شي
شهرت بسمعتي وحجت عليه حجي ماصاير
انفضحت بته بتهمه حقيقه مو جذب بته حامل
وشارده من البيت
شعلت كلبي ناررر وهسه كلبه وبيته مشتعل
سبحانك ياعادل اخذت حقي منه مربع
خليه اضوك الضيم القهر الي اني ضكته فدوه العدالتك
والقصاصك
عمتي....لمار ليش سكتي
لمار....مامصدكه حوبتي طلعت بيه
عمتي...لا صدكي عمامج يكولون هاي حوبت لمار
سديت التليفون وبقيت كاعده بمكاني مامصدكه ابد
فكرت اروح اشوف ابوي وبعدين بطلت
خاف يكول جايه تشمت بيه
ابوي مايهون عليه مااريده ينقهر بسبب نهال وبته
كل الي سمع الفضيحه الي صارت بنهال كان يكوول
انت شلون اخذتي حقج منهم
اني اخذت حقي منهم بحسبي الله ونعم الوكيل
ابد مابطلت اكول حسبي الله ونعم الوكيل
يمكن اتأخر القصاص صار هواي من اتاذيت
بس رحمةرب العالمين موجوده
نهال فقدت اعز شي تملكه فقدت بته وفقدته بفضيحه
ابد مو سهل الشي الي صار وياها
مارحت ولا سئلت بس كنت اسمع الاخبار من عمتي
تكول البيت على طول مشاكل بين نهال وابوج
ابوج محمل نهال المسوليه كامله
ازوجت اني وفارس وسوينا عرس يخبل لو تشوفون شلون لازمني يكول مامصدك اجا اليوم الي صرتي اليه
سافرنا اسبوع اتونسنا ورجعنا
مااحجيلكم عايشه عيشت الملوك اخر دلال
اصفن واكول يمكن راح احسد نفسي جمانه السعيدي
الكل مددلني خاله عهود وخاله سمر وفارس
اليوم الي طلعت بي حامل بعد زواجنا ٣ اشهر كان يوم تاريخي فارس سوه حفله وعزم اهله كلهم
الحمد لله رب العالمين عوضنا خير عوض
بقه هواي ابوي يدور على اختي وبسبب كثرت المشاكل بينه وبين نهال طلكه وطرده الاهله
حتى بلملاهي يدور مالكاها رغم هواي شايفينه تركص بلملاهي بس مالكاها
سنة ٢٣ شهر السابع بابا ضربته جلطه من سمعت ماكدرت مااروح اشوفه بس دخلت علي للمستشفى واني شايله ابني وفارس
يمشي وياي بس شافني نزلن دموعه
نزلت ابني ودنكت علي بسته
توقعت يبجي من المرض
لمار....لا تبجي ازمه وتعدي انشاء الله
بابا....طلع حقج هاي حوبتج
لمار....لا تكول هيج انت ابوي ومستحيل اتشمت بيك
بابا...سامحيني
لمار....لا تكول هيج اني مسامحتك حبيبي لا زعل نفسك
بابا...لو شكد مااعتذر منج قليله بحقج
يحجي ودموعه تنزل منا ومنا
لمار....مااريدك تعتذر اريد ترجعلي سالم
٣ ايام وطلع من المستشفى ورحت وياا للبيت اني وابني وفارس بقينا اسبوع بيت اهلي
بعدين فارس كال ناثث شقتنا وناخذه يعيش ويانه مريض
مانعوفه ووحده هنا
جبنا اثاث للبيت بلقسط
خاله عهود اشترتلنا طخم وبرده للصاله
وخاله سمر اشترت طباخ وكانتر
واحنا اشترينا ثلاجه ومجمده وبردات واثاثنا غرفه البابا
حتى يجي يسكن ويانه
بابا ماقبل يعوف ببته يكول اريد اموت بيتي
كوه قنعنا يجي يعيش ويانه
الحمد لله تحسنت صحته شويه بس مابطل يعتذر مني
على الشي الي صار
اخر شي قرر يسجل البيت باسمي يكول مااريد احد يشاركج بلبيت من اموت
يوميه العصر نطلع نكعد برا بلحديفه بابا حيل حب المكان
ونفسيته اتحسنت خصوصا من ابتعد عن البيت خلص من نضرات الجوارين وكلامهم بعد الفضيحه الي صارت
اما فارس رجع يدرس الطلاب بيت خاله عهود
ولله لو شنسوي مانجازي خاله عهود شكد متحملتنا
هنا انتهت قصتي احب اكللكم حقي طلع بكلمة حسبي الله ونعم الوكيل خلو املكم برب العالمين جبير
مراح يخيب ضنكم
اللهم انت ثقتي ورجالي
دمتم سالمين
لمتابعة باقي الرواية زوروا قناتنا على التليجرام من هنا
