رواية بين الحب والأسر الفصل الرابع عشر 14 بقلم أمل مهدي

 

رواية بين الحب والأسر الفصل الرابع عشر 14 بقلم أمل مهدي

الطبيب والممرضين سوو المستحيل 

حاولو ينقذون ابويه صعقو قلبه مرتين ما فاد

سووله تدليك. للقلب ما فاد

وكف الطبيب 

يباوعلنه واحنه امكطعين نفسنه وره الباب لان كان مفتوح حتى 

هو اتالم غطى راسه وطلع حتى مخلينى يكول البقيه بحياتكم

يا حياة هاي النعيشه بدون ابونه

الممرضين يشيلون بلاجهزه

من صدره واحنه انبوس بي

ايده رجله راسه

اميره.....قاسم لا تعوفني فتحت عيني عليك ما اعرف اعيش بلياك

اخذني وياك...وتصيح

شهد....لازمه ايد ابويه واصيح

بابا كلشي ما ريد بس اشوفك اكبالي لا تيتمني ...

عقيل...لازم رجل ابويه ويصيح

لا انته ما تموت وتعوفنه منو بليل يسال علينه واحد واحد يالله يرتاح وينام

رائد ...يبجي ولازمه ليث

ورافد....اخ يا رافد شابك ابويه من راسه ويصيح

اني الوحيد الماراضي عليه مو يابه

راضي عليه لو لا

ردتك تشوف ابني ليش استعجلت

اجونه من المستشفى اخذو كوه من عدنه

نزلنه جوه امي ملخت روحه واني ابجي ...

ومحتاره بامي النهارت 

وصوته الراح وبين شهد وبين روحي الطلعت ويه ابويه

شويه وعمي محمد ورائد وليث

جابو تابوت وخلصو الاجراأت

وطلعنه للبيت

ابو عباس. جان بالمستشفى عشرة عمر خبر الشارع كله

بس دخلنه شارعنه لكينه الناس كله واكفه وتتلكانه 

ابويه زين للكل يحبو على بساطته

وانسانيته

دخلنه التابوت للاستقبال بتجاه القبله

واكثر من ٣ ساعات اجوارين والمعارف طالعه داخله وتودعه ....بعدين الكل راح

وبقينه احنه وبيت عمي وابو عباس 

لزمنه القرآن ونقره يمه

كعدت يم راسه اقره قرأن اني وعمي محمد وشهد ورافد 

نص اليل واسمع اعياط 

هذا صوت شيما ء من الباب ملخت نفسه

سيارتين اجونه ابو عزام وزوجته وام مهدي وصلاح وبراهيم

دخلو علينه بجزع اتكول همه العمام

لل٣ راحو الكل يستراحون لان ساعه ويطلعون للنجف

اجيت يم راس ابويه 

شكد بيني وبين نفسي اخاف من الميت وما شايفه هيج موقف بس

هذا ابويه 

هذا اماني

هذاسندي

هذا الشال همي

كشفت وجه وتلمسته

يابه اني سراب ...اني همك

موتكول...انت بس همي وابجي

ما اعرف الميت يحس لو لا بس

شفت دمعه نزلت من عينه وهو مغمض

مديت اصبعي وكانه دره مو دمعه

لزمت 

اجتي شيماء جانت حامل وتعبانه

بجت وتحاجي وتلوم على روحه لان ما شافته اخر ايامه

بعدين دخلت امي وشهد اتجيله

كعدت يم راسه

بوسته ابكصته وبوجه 

مبري الذمه قاسم اشهد امام الله

داريتنه ابماي اعيونك

امودع بلله

على صوتنه بالصراخ

سمعو صوتنه واجوي رائد ورافد وعقيل

ودعنا بدموعنه ونحجي ويا كانه كاعد ابنصنه

طلعنه للنجف سيارتين بس اني وام مهدي وامي نسوان والباقي كلهم رجال

رائد ورافد غسلو باديهم واجينه بي للقبر 

اشوف عمو محمد كعد يم راسه وكام يحجي همس ما فهمتله اشحجه ويه ابويه

نزلو ...ورافد طفر ورى نام ويا بالحفره

يحجي ويبجي

كوه سحبنا ...وهلينه عليه التراب

بدموعنه وايآت الله ودعنا

خلصنه دنرجع

شفت ابو عزام جاب سعفتين خضر

وغرسهن على القبر

رجعنه.....

لكينه الناس ناصبه الجادر

وفارشه ومجهزه كلشي

متوقعنه هلكد ناس راح تجي احنه 

معارفنه محدوده واقاربنه عمي محمد بس واصدقاء ابويه هوايه لان قدماء بالمنطقه واكو ناس اجتي على معرفت بيت ابو عزام واخوانه

ابو عزام واخوانه واكفين بالفاتحه تكول همه عمامنه واخوهم المتوفي

اهل اصول من يومهم

خلصت ايام الفاتحه الثلاثه وخلصت السبعه وفرغ البيت علينه

امي ما بطلت بجي

مرتين تتخربط وننقله للمستشفى

رغم ابويه كان مريض وكاعد بالبيت بس جنه انشوف الحياة من خلاله

رافد عاف بيت عمي وعازل روحه بالغرفه مالته

مقهور يانبه ظميره لان عافه هاي الفتره وراح البيت عمي يكول اخاف

جان ينقهر لان كعدت يم عمي

ولبنى اجتي يمه وعمي مكدر يحجي اي شي

مرت ١٠ ايام خلص بعد لازم انداوم

ورجعنه

داومت والموظفين عزوني نص دوام 

ورجعت للبيت جنت كلش نفسيتي تعبانه

ولكيت سياره بالباب

دخلت ناس ما اعرفهم

امي كالت هاي بنتي سراب

جانو ٥ رجال جبير وولد شاب و٣ نسوان

وكف الرجال الجبير كال

.......اني ابو ماهر خالج وهذا ابني ماهر

اميره....وهاي مرت ابويه خالديه ومرت علي خالج التوفه قبل اجم سنه وهاي ام ماهر

امي جانت ووين او وين تروح لاخوانه ويه ابويه تروح اصبح ترجع بليل وهمه ما يجونه

فما جنه نعرفهم

.....اهلا وسهلا اشلونك خالو

كلت ابكلبي حتى غريبه بلساني

......هله بيج خالو والله احنه مقصرين اهوايه وياكم ابوكم جان طيب الف رحمه على روحه

بس الدنيه تلاهي يابويه

.....معذور خالو...

بهلاثناء طبت شهد بيدهه صينيه الجاي قدمتلهم ومن وصلت يم ماهر

ابتسمله هيه بادلته الابتسامه وعافته وراحت

ما ادري ليش ظليت امركزه بماهر

يمكن خفت على شهد او استشعرت فدشي....ما ادري

عقيل دخل جايب اكل من بره

مدينه السفره وهمزين جايب كلشي عقيل يعني ما مقصر

كعدنه اسوالف

واجه رائد هم وتعرف على ابن خالنه

وخالنه وين جانو ما ادري

ابو ماهر....خويه اميره بيت ابونه عارضي للبيع وانشالله من ينباع

اجيب حصتج واجيج ..شتكولين

اميره.....والله خويه ابكيفكم

شتفصلون اني راضيه

للعصر كالو اروح ردناهم يباتون ما قبلو 

شال خالو ابو ماهر مبلغ

وانطا الامي 

انشالله من ينباع البيت ناخذج

اتوقعين وتاخذين حصتج

وسلمو وراحو

ما اهتمينه. ابد للموضوع حتى امي

ما فكرت ورث وفلوس

كاعده على مكتبي اشتغل ودخل

.....السلام عليكم

.....وكفت اهلا استاذ خالد اشلونك

......شلونج سراب شخبارج

......الحمد لله...استاذ اخباري تعرفه

......البقيه بحياتج ابوج انسان طيب الله يرحمه

.....الحمد لله على كل حال

شنو استاذ اليوم يمنه شغل لو شنو

......لا مو شغل خصيصا اللج جاي

....ها اهلا وسهلا

دزيت على كهوه وسولفنه

شويه وحجه عن ترشيحه لرآسة

الهيئه+++++++الخاصه بالمشاريع الهندسيه

كونه مهندس وضابط وعضو بلجان

..... سمعت جاي واحد اسير يعرف وسام صحيح

...... اي بس امفاركه من ست سنوات حجالي عن وضعه القديم بس هاي السنين ما يدري عنه

....ها الله كريم انشالله يرجع

....استاذ انت شتكول اكو تبادل اسره هسه

.....لا حاليا كلشي متوقف

.......ها

.......سراب من استلم رئاسة الهيئه

راح اسحبج يمي

......صفنت ابوجه ....ليش

......اذا اظلين هنا تبقين بمكانج واني اريد افيدج اخليج مدير عام على الاقسام

.....سكتت محتاره

.......اشكلتي

.......والله ما ادري شكلك

.......كولي اي اختاريتچ لان اعرفج كفوءه وكد هلمنصب

انتهزي الفرصه ما طولني موجود ماكو اظلين بمكان والوراج يصعد وانتي تظلين

تمام

.....تمام استاذ

يله اني اترخص

كام طلع واني راسي افتر منصب

كل واحد يحلم بي لو بعد ٢٠ سنه ما صير مدير عام

الواصطه تلعب دور

خلص الدوام رجعت للبيت تعبانه

لكيت سيارة الخال ابو ماهر بالباب

دخلت ماهر ابن خالي كاعد وامي

يمه وشهد 

سلمت وكعدت وياهم

اميره.....يمه سراب خالج بايع البيت

واجه ماهر يبلغني اروح اوقع

على المعامله

يمه غير انتي لازمه عده خليه من تخلص

ماهر...لعد انشوف شو شنسوي

سراب....جان خابرتنه علويش امكلف نفسك وجاي من الديوانيه

ماهر.....ههه لا اني اصلا ادرس ابغداد بالجامعه التكنلوجيه كلت

اشوف عمتي وابلغهم

سراب....ها ابراحتك ياسنه

ماهر.......الاخيره هندسه ميكانيك

سراب ....زين لعد وين كاعد 

ماهر.....اني واصدقاء ماجرين شقه

اميره.....يا يمه شنو شقه تعال يمنه هذا بيتك

التفتت على امي خزرته

ماهر.......اشكرج عمه تسلمين مرتاح ابمكاني

ما انكر الولد محترم هاي ثاني مره شفته ومبين مرتب وخلوق

بس ظلت ابالي نظرته الشهد ابذاك اليوم

طلعنه كلنه ويا وهو يسلم لاكانه عقيل جاي من المدرسه 

وكف تسالم ويه ما هر بس عينه علينه يخزر خصوصا شهد 

هيه هم رجعت ودخلت جوه

وصله للسياره وراح

وهو دخل مثل الاعصار

عقيل......هذا اشعنده جاي

اميره.....يا ولك شنو نطرده موعيب

عقيل......يجي بس انت تطلعيله

مكعده بناتج مكشفه روسهن كدامه شنو

.....سراب فتحت عيني متعجبه هذا عقيل اشوكت كبر بس ما جاوبته

اميره.....انجب لا اطيح حظك 

عقيل........شيل كتبك وركعهن بالكاع

شنو شايفيني طرطور ترديني اسكت

وانت ياشر الشهد بعد ما تطلعين للمدرسه الا حجاب والله اذا سمعت 

طالعه باب الحوش بدون حجاب اكسر رجلج

اميره.....ولك اشبيك جاي حامي على شهد هاي مو سراب شو ما كلتلهه

اتحجبي

عقيل.......سراب جبيره بس هم اكله. حرام

شهد.......شنو انت بكيفك والله معليه بيك

سراب ....اسكتي شهد البسي حجاب شكو بيه

شهد ....ما ريد ابكيفه يمشيني بابا ما كلي تحجبي هو معليه بيه

عقيل........هاي مو شيماء متحجبه

ولبنى شنو انتن وحد

اووالله اذا اجه ماهر وطلعتي كدامه

الا اجنزج يا شهد

اميره....ولك انت اشاد ويه البنيه

سراب عوفي يمه كلامه صح لا تطلع

شهد كدامه احسن

رافد.....

انعزل ابغرفته وسيارة ابويه طابكه بالباب 

بليل ينزل يكابله ويكعد يصفن ومخلصه نايم عفنى بحزنه وره 

ايام

عمي محمد جاب لبنى باصرار منه ان تبقى يم رجله

هذا الموقف كبرهه ابعينه

وفاجات رافد ....

.....لبنى ليش اجيتي اني مالي خلك نفسي

......لازم اكون يمك ابمحنتك

وغير هذا ما اكدر انام وانت مو يمي

.......راح اضوجين مني

......ما اضوج وجابت ايده وخلته على بطنه مكتلك البارحه اتحرك

.......باوعتله ابتسمت جنت اتمنه ابويه ايشوفه من ينولد 

ويشيله هذا اول حفيد

.......ميخالف اروح للقبر ونودي من ينولد

......لبنى اني الوحيد الجنت اعاند ابويه واسوي مشاكل بالبيت

الوحيد الاصيح واكتل شهد ومرات 

حتى ويه عقيل اتعارك

الوحيد الرسبت وبطلت من دون اخواني

هههه من جان بحيله يصعد يملص الحمامات مالتي وثاني يوم اجيب غيرهن

ابكل شي اعانده

ومن ازوجت هم كمت اتعاجز اجي كل يوم وهو ما بطل يسال عليه كل ليله

التفت البنى

تصورين ابويه مات زعلان عليه ...

وبده يبجي

لبنى ...... اقتربت اكثر وخليت راسه ابحضني كافي رافد ما كو اب يزعل من ابنه او يغضب عليه

وعمو قاسم كان حنين وطيب ليش اتعذب نفسك

مسح ادموعه مو كتلج راح

مترتاحين اني اريد ابقى وحدي

واني كلشي مراح احجي بس اريد انام بحضنك

اريد اكون قريبه منك 

مراح اخليك تحس بيه ارتاح

سراب.....

صراع صار بيني وبين نفسي

من جهه وظيفه ما احلم بيه ومن جهه هذا خالد الجان رايدني

وهذا النقل وسام وحطم حلمنه

احس اذا اقبل اخون وسام

وهو وينه وسام

لا يرجع لازم يرجع ابيوم

الوظيفه ترقيه ما احصله باحلامي

لا اني. احسن ابقى بمكاني

ليش يريد يسحبني يمه

يكدر يفيدني واني هنا كل الفروع راح هو ايصير مديره

اصلا اتصاله كله بمكتب رئاسه الوزراء

دخت وتعبت اسال نفسي واجاوبه خالد اخاف اقترب منه

بعده من يباوعلي احس النظره القديمه بعيونه

وكلبي بعده شايل عليه

ارفض احسن ما ريده يقترب مني

ولا اشوفه اصلا

باجر الاربعين

هيئنه نفسنه اروح باجر 

سوينه ثواب ووزعنا للشارع كله وجبنه ملايه قرت اليوم 

طلعنه ثاني يوم كل عائلتنه

وويانه بس. ابراهيم وشيماء

زرنه ابويه صورته اشكبره امسويه رائد ورافد لان راحوله مرتين

قبل 

بجينه ودكينه ...شيفيد بعد امي اتخربطت هناك وغسلتلهه شويه صحت وكمنه

وزعنه ثواب 

بعدين زرنه الامير

ورجعنه هلكانين

ثاني يوم خابرت المدير على اجازه تعبانه

وره الاجازه داومت بعدني اباب مكتبي

كال الفراش المدير طالبج

دخلت 

....مرحبا استاذ

....اهلا سراب اتفضلي

....طالبني كالو

.....اهنيج صرتي مدير عام ++++

صفنت ابوجه

......ها المثلج هسه اتهلهل اشبيج

ساكته

......سرت رجفه باطرافي شبساع

هذا سواهه صدك

.....شبيج بابا اشو صوفرتي

.......استاذ اني اخاف من المسؤليه

ماريد هذا المنصب

اشلون ارفض هاي الترقيه كلي....؟؟؟

اختفت ابتسامته

......عادي ترحين للوزاره وتقدمين اعفاء

.....بس والله حرامات اني فرحتلج

.....استاذ مكاني مرتاحه بي 

.....كيفج بابا انتي اعرف

عفته وطلعت للوزاره وقدمت اعفاء

وره يومين يجيني الرفض

ولازم التحق بالوظيفه

ضجت دكيت التليفون على مدير الهيئه استاذ خالد

جاوبتني السكرتيره مشغول ما يكدر يرد على التليفون

ظليت كاعده وآكل ابروحي

اتصلت وره ساعه

هم جاوبت السكرتيره وكالت انتظري

ووره اشويه كالت اسفه مشغول

استنتجت ما يريد يحاجيني

شلت جنطتي وطلعت حتى ما استاذنت من المدير

اخذت تكسي للهيئه

دخلت ...وكل الذكريات رجعتلي

دخلت من الباب الرئيسيه هنا جان يوكف وسام

من هاي الحديقه جابلي الورده

جان دائما يتلكاني كاعد بلاستعلامات

دخلت جوه كلشي مثل ما هو الا الوجوه كلهه متغيره

رحت على السكرتيره

قدمت هويتي ...انطته خبر بالجهاز

كال خلي تدخل

.....دخلت واني على اعصابي

مرحبا

...اهلا مبتسم اشلونج سراب

....زينه

ظليت واكفه

.....شنو اشو الوجه امغنتب المفروض تفرحين

رجعتي المكانج القديم بس هلمره مدير عام+++

تفضلي اكعدي ....ششربين

وشال سماعة التليفون بايده ويباوعلي مبتسم

....ما ريد اي شي

......اثنين چاي يابه

......اباوعله فرحان بمنصبه

قطع كلامنه تليفون صديق يهني 

على المنصب

...لا لا هاي مو مال تلفون يرادله كعده وعزيمه لعد اشلون غير اخسرك

تسلم تسلم حبيبي مودع بلله

....اي سراب مفرحانه...؟؟؟

.....ابد 

....ليش

...ارجوك استاذ 

اعفيني

كلته كلمه كلمه بهدوء بس كنت ابداخلي اغلي

باوعلي وختفت ابتسامته

....شنو الصار احنه مو اتفقنه ..!!!

....اني ما انطيتك كلمه

....بس شفت منج ترحيب بالموضوع

وما گلتي لا...

.......ما اكدر اسفه اعفيني اكو غيري اكفأ مني 

....القرار صدر  

نصيحه هاي فرصه لا ضيعيه

گاله وهو يأشر باصبعه

.....ما اكدر اسفه الغي للقرار

ونزلت ادموعي اشكد حاولت اصمد مكدرت....

ترك الكرسي مالته وفتر وكف كدامي

وايدي بجيوبه ويباوعلي كان لابس مدني قاط اسود وبكامل اناقته 

مثل قبل كان يلبس عسكري الرتبه مزينه كتفه وهم كان يتانق بشكل

خالد اشكد ما يكبر ما يبين عليه 

طول وجسم وشكل وشخصيه

كلهن مجتمعات بي وشيلبس يزيده هيبه

باوعلي بغضب

....بعدج زعلانه مني....؟؟؟

......هزيت راسي لا

.....لعد خايفه مني

......باوعتله وسكتت

......بعدج باقيه عليه.... الف هنياله

١٥ سنه مرت ما مليتي شنو تنتظرين

شنو الشفتي بي ومالكيتي بغيره.... واشر على نفسه

.....وكفت... اني اترخص ...

واتمنه تلغي للقرار من يمك

هو بعد ما حچه ...

طلعت ما لتفتت صرت اكره خالد

وكل واحد اسمه خالد

كابوس حياتي صار

اعترافه هسه يأكدلي

كان ناصبلي مصيده ونجيت منه

كل شي بي يوحيلي هورايدني

نظراته تصرفاته... وهلمره بعد ما كبر اكثر ما استبعد منه كلشي طلعت وهاي آخر مره اشوفه.....

رائد....

كاعد على مكتبي من بعد ١٠ ايام

تارك الشركه بسبب وفاة والدي 

ليث امسافر ادري بي عنده شغل بلفلوجه 

اندكت الباب

ريهام.....السلام عليكم

رائد.....عليكم السلام تعالي ريهام

......البقيه بحياتك استاذ

.......حياتج الباقيه شكرا

.......اشلونك استاذ ظل بالي يمك

انقهرت على الوالد والله

.......اباوعله خجلانه ومدنكه

تسلمين الحمد لله على كل حال

اي احجيلي شكو ماكو صار واني ما موجود

.......ها ما كو شي.....اترخص اني

.......اتفضلي

باوعتله حسيت تريد اتكول شي 

وتراجعت اصلا حتى مو طبيعيه

رجعت على الشغل خابرت ليث

كال احتمال باجر راجع

بس محتاج افلوس باجر من الصبح تروح للمصرف وتحولي 

سديته منه وطلعت

نهاية دوام

ثاني يوم طلعت الصبح للمصرف

وحولت الفلوس

ورجعت للشركه دخلت باوعت الاستعلامات فارغه

وين حسين...

دخلت واسمع الضحك والسوالف ويه فاطمه وريهام ...كاعد رجل على رجل

بالسكرتاريه

باوعت على حسين ورجعت خزرت 

ريهام

رائد....انت شنو قصتك عايف مكانك

وكاعد اهنا شكو

حسين......وانت شعليك اتحاسبني

تره بس استاذ ليث يحاسبني

رائد.... واني ابمكان ليث

....انت تتعمد تقلل من قيمتي

شعليك بيه يا اخي

.....اطلع حسين روح بمكانك 

ومن يجي استاذ ليث راح يصير غير حجي

....انت شنو تهددني باستاذ ليث

.....اني ما هددك انت ويا

عله صوتنه وعلى صوتنه اجه ابو سامي وموظفين اثنين عدنه

طلعو حسين بره وحجو ويا ورجع

هو وياهم

اعتذر وانتهه الموضوع حتى لا يوصل لاستاذ ليث

عدي عقد وشغل مال عماره شركتنه

التزمته كملته واجيت للصكوك ماكو

.........فاطمه

.....نعم استاذ وين الصكوك مال مشروع عماره مالت ابو باقر

.........استاذ ليث دزهن بيد حسين ينزلهن بحساب الشركه وانت مجاز

....ها زين لعد اريد الصور مالتهن

........نعم استاذ

احنه بشغلنه نصور الصك قبل ما انزله بحسابنه

اجت فاطمه جابت الصور مال الصكوك ٣ صور كبستهن بالفايل وضميت الفايل ابمكتبي

اجتمع بينه ليث احنه اربعه

ليث ...بما انو عدنه ٣ مشاريع امبلشين العمل بيه

راح كل واحد اسلمه مشروع ويبقه اتصاله وياي واريد تقرير 

كل اسبوع بالصرفيات والعمل

تمام...

نزار انت تستلم بنايه وزارة الزراعه

البمحافظه واسط 

من اليوم تحضر نفسسك وتروح

حسين راح اسلمك عمارة ابو باقر

تروح اهناك اداوم وتشرف على العمل المهندس تلكى كدامك انت اجهز اشيحتاجون واشراف 

اني مراح اكون موجود منا الثلاث اشهر عندي مشروعين 

ورائد تلزم الشركه وتراقب شغلهم واتصالنه مباشر

تمام.....كلنه تمام استاذ

ليث ....شد حيلك حسين حتى اعتمد عليك بلاكبر

حسين....ببتسامه انشالله استاذ

وباوع الرائد.....

وسام....

متحملت كان عندي امل يصيحون اسمي وياهم ...لا وفوكاهه ماكو بعد تبادل 

عدم آمالي هذا اليحجي 

جيتت عليه

ولزمته من ركبته 

خنكته

انهاريت ما حسيت اشدااسوي

اللتمو عليه الحراس وضربوني

وصارت ضربه منهن بصفحة راسي وره اذني سببتلي اغماء

وياسر يصيح

وسام.....ويحامي اليه

يحاول يخلصني

وكعوله دك بالكيبلات زلغو ظهره

وهم سحلو ويايه جرونه اثنينه بالكاع

على الحبس الانفرادي

كانت غرفه جوه الكاع بشكم متر

وبيه بس شباك يمكن شبر ابشبر

يدخلنه منه الضوه

ظلينه باقي اليوم والليل

ماكو لا اكل ولا مي 

ياسر....

حتاريت منين اللزمه الوسام اذو

لان اعتبرو اعتده على مسؤول حطيت راسه على رجلي 

ثاني يوم جابولنه مي واكل وسالني الحرس

على وسام كلتله فاقد من البارحه

سكت وطلع

اخذت المي ونزعت فانيلتي وكمت انظف وجه من الدم المطمني يتنفس

شويه ببرودة المي وعه وعيونه رمشت وفتحهن...

........منو

.........خويك الصلخو جلده 

..........ابتسم مو كتلك روح واني اجي وراك ...تستاهل

........هههه هسه اتاكدت ما بيك شي يول اذا جانو يردون يردونه بعد ايس يعبيس

........سكتت

.... ....ها شو سكتت ..شويه تحرك 

اكعدك تاكل

........اخخخخخ

.....تحمل يخوي عجل يو ادحك ظهري شتكول

......اذوك ياسر

........لا يخوي وكلوني كيك وشربوني شربت

......ههههه بعدك اتنكت 

.......عجل ابجي على حظي الواعدني بيك....تخبلت ركبك شيطان

لو رامينك احد يطلع وراك

.......هو اني ردت اموت تعبت

هذا حبسنه ماله نهايه

             الفصل الرابع عشر من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال