رواية قصاص الفصل الثالث عشر 13 بقلم جمانه السعيدي
احب اذكر ان قصاص رب العالمين بحق نهال اجا بعد ست سنوات من طلاك لمار لان اكو حكمه بلموضوع
اكو أحداث صارت بحياته خلال هاي السنوات ليش مستعجلين على النهايه
نرجع القصتنا
فارس.... احس براحه نفسيه فضيعه من اشوفها
اعرف اني احبه بس خايف ترفضني لان هي طالعه من تجربه صعبه
بس اني احبه اريد اخلص اكبر وقت وياها
لازم اكو حل
انتضرت عمتي من رجعت اريد احجي وياها بموضوع نهال
بس رجعت عمتي من الدوام
عمتي...شلون صرت اليوم
فارس....احسن الحمد لله مابي شي بس عندي موضوع اريد احجي بي
عمتي...خير شكووو تعال بلمطبخ انحضر الاكل ونحجي
فارس....يله اني اساعدج
دخلنا للمطبخ عمتي تحضر بلاكل واني احضر الزلاطه
فارس....بدون مقدمات اني احب لمار كلش عاجبتني
اريد اتقدمله
عمتي....تحبه
فارس...اي احبه واحس نفسي مراهق جاي انتضرها من تطلع ومن ترجع وادور حجج حتى احجي وياها
عمتي...انتضر خل تخلص سادس وانت هم تتأكد من مشاعرك اتجاها جمانه السعيدي
فارس..ليش ماتخطبه هسه مجرد خطبه
عمتي...اذا تريد احجي وياا خالته بس اني اكول انتضر
البنيه طالعه من تجربه فاشله
ماكانت تجربه عاديه الكل حاربه وصار ضدها وحتى اتهموها بشرفه رغم الحقيقه بينت بلفتره الاخيره
بس البنيه نفسيته مامرتاحه
فارس....انتي شايفه عليه شي
عهود...لا بلعكس خوش بنيه ومودبه بس اني اكول
تاخذ وقت اكثر تفهمه وتفهمك
خليه تخلص سادس واني احجي وياا خالته
بلكت تتحسن علاقته بابوها حتى نروح نخطبه منه
فارس...بس احجي وياا خالته يعني حتى تعرف اني اريدها بلحلال
عهود...تدلل باجر احجي وياها بلدوام بعد شتريد
فارس...فدوه العمتي الي فاهمتني
لمار...ثاني يوم من طلعت للدوام لكيت فارس واكف برا
خالتي...هلو فارس شلون صرت
فارس...الحمد لله تمام
لمار...صباح الخير
فارس...صباح الخيرات
لمار...ليش واكف الدنيا بارده
فارس....هيج يعجبني الجو حلو مو بارد
طلعنا للدوام وهو بقه واكف برا
لمار اني حاسه باهتمام فارس واعرف هو يريد يقرب عليه
بس اني ابد مااريد أخوض اي تجربه لا حب ولا زواج قبل لا اتخرج واشوف مستقبلي
اتمنى يفهم هذا الشي ويقدر وضعي
بلمدرسه
عهود....اريد احجي وياج بموضوع مهم
سمر...اي احجي
عهود...فارس عاجبته لمار ويريد يتقدمله
سمر...ولله كنت حاسه مبين مهتم بيه بس هاي الشغله
ماراجعتلي وحدي
اول شي وأهم شي لازم هي تقبل
ثانيا البنيه بعدها مامتعافيه من التجربه الي طلعت منه
ثالثا سادس تعرفين شنو سادس اريدها تنجح وطلع معدل
رابعا...لازم يطلب ايدها من ابوها وهي علاقته بابوها مو تمام
فارس خوش ولد وماناقصه اي شي
واني اتمنى يكون من نصيب لمار بس هاي الشغله محتاجه وقت ممكن يصبر شويه
عهود...هو مال يصبر ما اعتقد يصبر بس احاول ويااا
فارس بقيت منتضر على أحر من الجمر يمته ترجع عمتي
حتى افتهم شصار
بعدين ماصبرت اتصلت عليه بلدوام
فارس...هاا عمتووو
عهود...هااا شكووو
فارس...شصار مااكدر اصبر
عهود..من ارجع واحجيلك كلشي
فارس...ليش مو هسه
عهود....يمه شبيك اصبر مو هيج
فارس.. منيين اجيب الصبر
عهود...يااا ولك اصبر من ارجع نحجي براحاتنا
فارس طلعت برا انتضر جمانه السعيدي هم اشوف لمار وهم انتضر عمتي
بس وصلن سلمت وأخذت عمتي من ايدها
سمر...عهود تكول كل شويه يتصل يررد يعرف الجواب
من وصلنا سحله من ايدها ودخله
ولله هلفارس ماكو منه اتمنى يكون من نصيب لمار
سمر...حضرنا الاكل تغدينا ولمار دخلت ترتاح
واني دخلت وراها لازم تعرف فارس رايدها بلحلال
سمر...اليوم فارس تقدملج
لمار...فارس
سمر...اي فارس اني كنت شبه متأكده هو يحبج ويريدج
لمار...اني هسه لا ارتبط ولا انخطب ولا ازوج
اريد اكمل دراستي ومااريد اي شي يشغلني عن مستقبلي
سمر...اني هم كلت هيج
فارس...مااقتنعت بكلام خاله سمر اني هسه اريد بس خطوبه علما اجمع كم فلس بس اخطبه
يعني تصير على اسمي
اخذت حساب لمار من عمتي ودزيت
فارس....هلو لمار اني فارس
ماردت عليه
بقيت منتضر تفتح تليفونه وتشوف الرساله
للعصر بقيت انتضر يمكن نايمه
العصر الساعه بلاربعه ردت هلوو
فارس...همزين رديتي شلعتي كلبي
لمار...شكووو
فارس...تعرفين كلش زين شكووو اكيد خاله سمر حجتلج
لمار....اني ماموافقه
فارس.. ليش
لمار...اريد انجح واخذ الشهاده
فارس...اني مراح اعطلج عن المدرسه بلعكس راح اساعدج
لمار...عماد هم كال هيج نزوج وتكمل دراسه تالي تحولت خدامه بيتهم
فارس...بس اني مو عماد
لمار...اني هسه اعرف شي واحد وبس ادرس وانجح
والارتباط اخر همي
فارس...بس اريد منج حجايه وحده واني ابقه انتضر العمر كله
لمار...لا احنا مانعرف الضروف الجايه شنووو
عوف كلشي للوكت اذا مقسومين واحد للثاني
نرتبط واذا لا كلمن يشوف نفسه
فارس...بس اني احبج
لمار...سكتت
فارس...اي احبج من اول مره شفتج مااعرف شنو صار وياي
لمار...مو وكت هذا الكلام
فارس...لا وكته حلاة المشاعر اذا البشر عبر عنه
لمار...بعد وكت على هذا الكلام
عندي امتحان مع السلامه
فارس طبكت التليفون بس مستحيل اعوفه لازم تحس بحبي وتقبل بهاي العلاقه
لازم تطلع من هذا الخوف
لمار...عرفت اني بعدني ما متخطيه زواجي الاول
عماد ذبح نفسه عليه وحار شقدم بس ياخذني بس ماكنت سعيده ويااا
ولا عمري حبيته بس ازوجنا تغيرت معاملته اليه
اني شمعرفني ايجوز فارس بعد الزواج هم يتغير مثله
مااريد اعيد هاي التجربه مره ثانيه
بعد مااتحمل اكثر كافي عليه تجربة زواجي الأولى دمرتني
فارس...مستحيل اتخلى عنه راح ابقه وراها منا لمن تقبل
لمار...شديت حيلي لان امتحانات نص السنه قربت
مااطلع من الغرفه بس اقرا
اما فارس اشوفه من اروح للدوام ومن ارجع
ابد مابطل هاي العاده
كل يوم ينتضرني يسلم عليه
وعرض عليه اكثر من مره يساعدني من اقرا او اذا اكو
ماده صعبه عليه
بس اني اريد اعتمد على نفسي مااريده يقدملي اي خدمه
ويكون صاحب فضل عليه
خلصت الامتحانات الحمد لله احس قدمت احسن ماعندي
بلعطله المعلمات قررن يطلعن سفره يغيرن جوو
للزياره المدينة الالعاب
خالتي اخذتنا رحنا وياهن
وخاله عهود و فارس هم اجو ويانه
كانت سفره حلوووه تخبل شكد صار ماطالعه هيج طلعه حلوه بقينا ٣ ايام يله رجعنا للبيت
فارس حار شسوه حتى يلفت انتباهي
اخر شي صعدنا بلسياره من ردنا نرجع هو كاعد بلصدر
يم السايق
التفت كال خالاتي اخواتي رحمله والديكم ادعولي يتحقق الي ابالي قسما بلله اجيبكم سفره مثل هاي على حسابي
بس يتحقق حلمي
خاله عهود باوعت عليه وضحكت هي وخاله سمر
والمعلمات كلهن اي انشاء لله يتحقق حلمك وتتعين
فارس...انتن بس ادعن مالج شغل بحلمي شنوووو
وحده من المعلمات ...ياا خاف تريد تعرس
فارس.. هي وين راضيه واني مااعرس هسه
عهود...انشاء الله رب العالمين يجبر خاطرك وخاطره
رجعنا للبيت اول يوم خلصنا كل نوم من كد الفره والتعب
ثاني يوم طلعت كعدت بلحديقه وحدي العصر
شافني فارس كاعده وحدي اجا عليه
فارس...هلو لمار
لمار...هلووو
فارس...اكعد هنا
لمار...اكعد
فارس...بس كعدت خليت اديه بجيب القمصله
باوعت فوك كتله تعرفين اني شكد احبج
لمار...ردت اكوم طلع ايده من جيبه ولزم ايدي
فارس..ليش تردين تنهزمين مني
لمار...لان هذا الكلام مو وكته
فارس...برائيج الحب اله وكت يعني اني عندي دكمه
بكلبي من اريد احب ادوس هاي الدكمه راسا اكوم احب
وتنفجر مشاعري واحساسي
لمار...حقك انت ماتعرف التجربه الي مريت بيه
فارس...جيبي ايدج هاي أصابع ايدج مو نفس الشي
وهنا بنفس الايد
يعني مريتي بتجربة فاشله قابل كل التجارب فاشله
لمار...واني ليش اجازف وارجع اعيش احاسيس مااعرف
وين راح توصلني
فارس...الانسان مراح يعرف الصح من الغلط اذا مايعيش التجربه لو الف واحد ينصحج اذا ماتعيشين التجربه مراح تعرفين الصح من الغلط
لمار...اني هسه مامستعده
فارس...زين أصدقاء خل نكون اصدقاء وساعته راح تعرفين طبعي
لمار...ماكو مشكله اتفقنا
