رواية حظ عاثر الفصل الثالث عشر بقلم ليل ادم
الأم: خبط بقا يابن الموكسه بقالك ساعه وقف تسمع هيا سينما
ادهم : ياما ل ندخل في وقت غير ملائم
أم أيمن: ياعم ادخل غير ملائم اي الواد شكله في حاجه
أدهم: (خبط على الباب)
العروسه: ( فتحت الباب وبتصوت شدت ادهم جوه )
ادهم : ( صوت في وش العروسه ) في اي في اي
سعيد: بموت ياولاد الكلب كلكم حد يلحقني
الأم: ينهار اسود مالك يا سعيد
العروسه : بياخد المياه السخنه من على النار وقعت على وسطه
ادهم : ينهار اسود الواد ساح ياما
أم أيمن: من امتا وانتا نضيف يابن الجزمه داحنا علشان نخليك تستحما قبل ما تلبس البدله فرجت علينا الشارع
سعيد : مش وقته ياوليه يا بومه يامو وش وحش الحقيني يا فاتن
فاتن : شوفله كريم تسلخات ولا حاجه يا أدهم
أدهم: عندك هنا يا امل اي علاج كريم ولا مرطب ولا حاجه
امل : مش عارفه شوف في الحمام
سعيد : شوف بسرعه يا ادهم نار ماسكه في جسمي
أدهم: اهدا بقا خلينا نعرف نتصرف شوفي كده الحاجة دي ياما
الأم: وريني
سعيد : بلاش امك المره اللي فاتت ضيعت حوجبي ابعد عنها
الأم: بلا وكسه اجري اتنيل هو انتا نافع في حاجه خود يا ادهم اديله ده
أدهم: ياما ده ڤولترين باين عليه
الأم: هو حلو لحد ما نخده المستشفى
أدهم: ادخلي يا امل مع سعيد أدهني الكريم ده عبال ما نخده المستشفى
امل : ماشي
بعد خمس دقائق ( سعيد صوت بصوت عالي جدا جدا والعروسه كانت بتصوت )
أدهم: ( مسك أمه ) أديتي الواد اي يخربيتك
أم أيمن: منا بقولك يا فاتن البتاع ده في نعناع جامد والواد محروق ذاي البطاطا الملاسعه
الأم: ادخل هاته من جوه طيب نروح بي المستشفى
في الطريق
أم أيمن: يا عيني عليكي يا امل يا بنتي حظك من حظي روح نام جمب عمك جمال
سعيد : حد يسكت الوليه البومه دي مش طايق اسمع صوتها
أدهم: بس يا امو ايمن مش وقته
الأم: يعني عليك يا سعيد دنتا حظك حلو إحنا لو في الصيف كنت موت مننا
سعيد: هو أنا لو كنت في الصيف كنت هغلي المياه ليه
أدهم: نفس المستشفى برضوه
أم أيمن: اه ياعم مش ناقصه مرمطه خلينا نشوف الاتنين مع بعض بدال ما كل واحد منهم ينام في حته
أدهم: انزلوا طيب عبال ما اجيب حاجه احطه فيها
سعيد : تحطني في اي هو كيس زباله ياعم انتا كمان
أدهم: اهو لسان امك ده اللي جايب ليك الكافيه
الدكتور: في اي في اي
أدهم: خود والنبي يا دكتور وقع عليه مياه سخنه
الدكتور: ياساتر يارب مش انتم اللي معاكم الراجل اللي اتجبس كله جوه ده
ادهم : اه شوف هتعمل في ده اي
الدكتور: سيبه طيب
سعيد : ( قرب من الدكتور) أنا كده بوظت
الدكتور: ربنا يستر ( وخد سعيد ودخل بي جوه )
الأم: لا والله النهارده في حاجه غريبه إحنا بقالنا يومين رايحن جاين على المستشفى
أم أيمن: صحيح اي ده
كانت أم سعيد وصلت المستشفى
أم سعيد: في اي يا فاتن
فاتن : مفيش حاجه يا ايمان الموضوع بسيط
ايمان : بسيط اي بس الواد عمال يصوت جوه في اي يا ادهم
أدهم: لسع بسيط مفيش حاجه يعني
أم سعيد: ربنا يستر يا سعيد أنا حاسه انكم بتكدبو عليا
بعد مرور ربع ساعة
الدكتور: استاذ بعد اذنك
أدهم: خير يا دكتور
دكتور: لا لوحدك
ادهم: خليكم ثواني
دكتور: إحنا عملناله غيار علشان الحرق كبير بس المشكلة أنه ولا يعرف يقعد ولا ينام
أدهم: يعني اي هيكمل عمره كله وقف
الدكتور: يا استاذ افهم المنطقه الخلفيه عنده باشت من الحراره دا غير ال انتا فاهم
أدهم:( بصوت عالي ) باش هو كمان
الدكتور: لا لأ سليمة سليمه بس قصاده شهر على الوضع ده ( وفتح الاوضه ل ادهم بص لقي سعيد وقف معمول لي غيار حولين وسطه لحد ركبته )
ادهم: هو لابس بمبز ولا اي
الدكتور: يا استاذ بمبز اي دا الغيار كل أربع أيام يجي علشان يغير هنا معانا
ادهم : مش اللي موجود هناك ده عم جمال
الدكتور: اه ده الراجل اللي تبعكم
ادهم: وسايب الاتنين سوا بعد اذنك ادخل أخد الوطواط اللي جوه ده
عم جمال: مالك ياض يا سعيد
سعيد: انتا مين
عم جمال: أنا عمك جمال يابن الكلب
سعيد: أنا ضعت ياعم جمال
عم جمال: مش اكتر مني
سعيد: لا اكتر منك أنا أتحرقت فوق وتحت
عم جمال: أبقا خلي الشحروره امك تغني اجدع صحاب اوي يابن الموكوسه
ادهم : الحمد لله بسيطه يا سعيد شهر بس وترجع تشوف حياتك الطبيعية
سعيد: شهر ويطلع حواجبي ولا شعري ولا ( وبص ل وسطه )
عم جمال: ( بيضحك ) انتوا هتخدوني امتا يا ادهم
ادهم : ام الجبس ينشف ياعم جمال
جمال : وانتا خارج امتا يا سعيد
سعيد: مش عارف
أدهم: لا خارج الوقتي بس مش عارف هتروح اذاي انتا لو قعدت في العربيه هتلاصق في الكنبه
عم جمال: ليه قرب كده مش شايف حاجه يابن الجزمه
سعيد: اهو
جمال: اي ده انتا لابس بمبز يا سعيد ( وبيضحك)
باب الغرفه أتفتح دخل فاتن و حبيبه و ايمان
ايمان : ينهار اسود ابني
فاتن : ( وقعت على الأرض من الضحك)
حبيبه: اي ده يا سعيد لابس بمبز
سعيد: هو أنا بقيت تريقتكم
ادهم : المهم الوقتي هترجع البيت اذاي دنتا عايز اتوبيس علشان تقف لحد ما ترجع البيت
سعيد: لا والله
ادهم : يابني انتا مش حاسس بيها والا اي بنقولك باشت
فاتن : ( بتضحك ضحك هستيري)
سعيد: خود امك و امشي يا ادهم
ادهم : خليك هنا النهارده طيب
سعيد: ماشي بس مش عايز اقعد مع الراجل ده
جمال : بلا نيله يعني أنا اللي كنت عايز اقعد معاك يابن المحروقه
سعيد: دنتا تستاهل اللي حصل فيك
جمال : مش عملي فيها وائل كفوري في الفرح ومنزل الأوسه خلي الأوسه تنفعك
فاتن : دي كانت عيره إنما سعيد شعره طار
جمال: كمان ( وبيضحك) شكل امل مراتك تبقا بنت حبيبه مراتي
أم أيمن: لسانك يا جمال وانتا شبه المتكفن كده
جمال : كل ده بسببك يابنت الجزمه كام يوم اسود يوم ما قولت أتجوزك
أم أيمن: لا ياحبيبي تخرج من هنا ونطلق
جمال: هو أنا لسه هخرج انتي طالق يخربيت امك
أم أيمن: يابن الكلب يا جمال
الأم: اي ده يا جمال انتا طلقتها اذاي بس
ادهم : اهدي يا ام ايمن يردك عادي دي طلقه واحده
عم جمال: جدع ياض يا ادهم فكرتني انتي طالق بالتلاته يا بوذ الأخس كده كفايه ولا في حاجه اكتر من التلاته
ادهم: لا هما تلاته فل أوي
جمال : دوس كده على الزرار ده يا ادهم
ادهم : ده
جمال : اه
الممرضه : حد داس على الزرار
جمال : اه أنا يا ملاك الرحمه
الممرضه : نعم يا عم جمال
جمال : خرجي شويه البقر دول بره سيبي بس الواد اللي لبس البمبز ده لحد ما يقلع البمبز