رواية ملكة الشيخ ضاري الفصل الثالث عشر 13 بقلم ساره المجيد
اسعد الله متابعيني بكل خير
🌷🌷🌷🌷🌷🌷🌷🌷🌷🌷🌷🌷
ادم ..حضنت وجها بأثنين اديه واخذت شفايفها بين شفايفي هستوني اضوك طعمهن وفصلت عن الدنيا ....
جان أسمع عمتي ام امال من المطبخ وتصرخ ولك ادم الحك ابوك وجدك اجوي ..
هي دفعتني وراحت تركض خررب بحضك ادم خرب هل ساعة السودة ضربت رجلي بالكاع وزمخت بعمتي ....انتيييييي الله سلطج عليه شنو ...
عمتي ام أمال ..ولك خاب انت شبيك مخبول استر علينه ..
ادم ...اي مخبول ..
عفتها وطلعت ضربت الباب وراي بقوه كسرته اله شويه
سناريا ...جنت واكفه احجي وي ماحس غير هذا صفن بوجهي وركز عينه حيل ع شفتي رجعت ليوره وضربني بالحايط ردت ادفعه خله شفته ع شفتي لا ارديا غمضت عيني اريد أستوعب هذا الصار شنو ارتعش جسمي اتكهرب ..
بسرعه دفعته حيل ونقذني صوت عمتي بسرعه ركضت دخلت للغرفه وكمت اهفي لروحي دخلت امال بس ساكته واني هم سكتت عيب فششششله شلون شافته يتقرب مني ...
عزه بعينه ولا يستحي ابن زهره اي شتوقع منه ابو النسوان اويلي لو امي عرفت والله تشك حلكي وتشمرني لجلاب ..
لا ياربي عونك كمت لميت نفسي وطلعت لبيتنا من الباب الثاني ومشيت بسرعه وصلت ليكت امي كاعده بالطارمه مخليه علاوي اخويه الصغير وحمودي وتغسل بالزوالي ..
سلمت وركضت دخلت للبيت ركضت لغرفتي نزعت شالي وصدريتي احس اختنكت حيل ..
وكفت اكبال المرايه اباوع شفتي هاي شبيه شو خلي يطير ابو النسوان الي مايستحي اوف ياربي الحمدالله محد عرف ...
نمت وكعدت العصر مصار شي يوم عادي خلصت اول ثلاث امتحانات بيوم جنت كاعده ابدل هستوني راجعه من المدرسه وي ابو الخط ادم ماشفته من ذاك اليوم ..دخلت عليه امي عصبيه ونار تتطاير من عيونها لزمتني من شعري وشمرتني بالكاع حييل ..
سناريا ..ششششكو شبيج يمه
اسمهان ...شعندج وييييي صخيم ادم ها احجي لا اطيح حظج
سناريا ..مممماعندي شييي ماعندييييي شي والله
اسمهان ...ماعندج شششي مو ولج شلون تخلي يختلي بيج احجي ..
سناريا ..اتسودنت لا يالله صرخت بلا وعي ...ششششششششنو
ماحس غير راشدي سفطني تسفيط بالحايط ..
اريد اطلع صوتي ماكدر احس الدنيا اسودت بعيني عرفت هاي أمال ماتسكت اذا ماتكول لامها وامها كالت لامي ظليت ساكته وامي ترزل بيه رزايل من نوع الثكيل ..
دموعي عزيزه مانزلها لو اموت مابجيت ظليت ساكته وهي تنتظر مني جواب بهاي اللحظه لو اكذب لو أسكت ..
باوعت بعيونها وكتلها ما تريدين اكذب عليج صح
اسمهان ..بتعب وتنهيدة حارة ..اكيد ماريد احجي ولج مو موتيني ..
سناريا ..اي يمه هو قرب مني بس اني صديته ..ادم مخلي عينه عليه هاي اني كتلج ..
امي ..كامت ع حيلها لطمت ع صدرها وكامت تدك وتلطم وتحجي بالهندي ع ادم ..
بيومها ماعرف احزن لو ابجي امي نزلت لبست عباتهه وراحت طياره لبيت جدي سالم وحاجيتله كلشي ..
جدي سالم بيومها طالب ادم لتحقيق اجه ادم لجدي وكعد جدي يحقق وياي ..ومن هذا اليوم بلشت مئساتي وي شي أسمه ( #نهوه)...
اصعب يوم بحياتي كان هذا اليوم شكد طلبت وشكد صرخت ولا كأن بشر يحجي وياهم بيومها رجعت اخر يوم امتحان ..
طبيت للبيت لكيت امي مسويه الغده رحت بدلت واجيت اتغده ماحس غير ع الباب يندك باوعتلي وكالت روحي افتحي الباب ركضت فتحته طلع بوجهي ادم سديت الباب بوجها ...
ادم ..افتحي الباب لا اكسر راسج هذا اليابس
سناريا ..هيهيهي (هههه ردت اقلد ضحكتي)..مافتح لو تموت روح منا ..
ادم ...استغفرالله يارب ولج افتحي عندي موضوع وياج ..
سناريا ..يييييييمه هذا ادم يريدج
ادم ..لا يابنت ال ...
سناريا ...امداك عفته وصعدت وامي تخزر بيه عفتهم ورحت صعدت للغرفه باوعت من فوك شفته مشه بس سلم وراح كبر حتى كبر ...
مرات اكول هسه هو ع شنو شاف مني وهيج حبني حتى مو لهاي الدرجه اني حلوه بس مو كال رغبه بس هي رغبه شنو خلي أسال امي لا يمكن تموتني خل اسكت احسنلي لا اروح بيها 😒
.......
قبل أسبوع من امتحانات اميره اختي ..امي كالت لبوي نروح لبيت جدي ضاري ..
ابوي وافق ..وكال ماطول صرت زين اني اخذكم فرحت اهويه من عرفت ابوي ياخذنه ..
اسمهان ...اميره سناريا كمو لمو ملابسكم قبل العصر لا يجي ابوكم
اميره ..صار يمه
سناريا ..اني هم كايمه
صعدت اني واميره نحضر بملابسنه وصفنت اتذكرت ثائر هسه اروح اشوفه ..بس شنو يقصد مشتاقلج شو هو اني مامشتاقتله هسه خاف يطلع مثل ادم والله احركه حرك ...
والله اخبلهم اذا صدك طلع هيج ...
خلصنا لم وترتيب البيت اجه ابوي بدلنه ونزلنا كلنا ..
صعدنا غراضنه كلها بالسياره وكفت سيارة عمي ابو ادم اكبالنه ..لا ياربي مو وقتها كلش ..
نزل ادم وعمي رحت سلمت ع عمي عمي كلش حباب احسن من ادم بس ادم عصبي ومتسلط وحقير ..
مرات تجي طكات يصير زين ومرات ولا تكول بشر ..
ادم ..ها عمي ع خير وين رايحين ..
ابوي ..الجهال مشتاقين لبيت جدهم ومن وقت العمليه لسه ماطلعتهم ..
عمي ...اها ماشي بس موانت التسوق خلي ادم يسوق انت عمليتك بعدها ..
ابوي ..لا هاهيه ماكو شي ألم راح وماكو شي ان شاءلله
ادم ..شلون عمي اني اخذكم انت بس دليني واني اوصلك ولا تكول لا الله يخليك ...
سناريا ..اباوع علي شكد حاقده علي شلون جذاب بس يريد يستغل مرض ابوي حتى يوصلنا صعدت واني انافخ تنافخ وادردم ع ادم ..
واميره تكلي ..بس كافي شكد تحبين تلغين ..
سناريا ..اششش انجبي انتي اسكتي روحي بخشمي اسكتي ..
اميره ..مو صوجج صوجي اني الي احجي وياج ..
سناريا ..صعدت بالسياره كعدت ليوره جان يوجه مراية السايق عليه وكعد يسلم ع امي وابوي كعد بالصدر وادم يسوق واحنه نحشرنه حشر ورا ..
اربع نفرات اوف اوف..
سناريا بنفاذ صبر ..شششوكت نوصل مو مليت
ابوي ..شبيج باباتي هسه شويه ونوصل ..
سناريا ..بابا والله مليت ..
ابوي ..هههه اكيد صارلج ايام حابسه نفسج بالبيت ..
سناريا بنظرة لادم ..اي بابا اكو حيوانات بره تخوف 🙄..
أدم ..احم اكول عمي منين ادخل يافرع
ابوي ..ع ايدك الثانيه ..
ادم ..مشكور ...
خزرتها😡 اني اعلمج تقصدني حيوان بس والله بسيطه بنت عمي ...هسه اله اشعل اهلج شعل لو مو اعرف بيت خوالج لو عند الوزير بنفسه احركج حرك ...
سناريا ..شو هذا خزرني صدك خبل وماكو عقل عنده ..وصلنا لخوالي لكينه جدي ضاري كاعد بره هو وبيبي ملكة بالثيل ..ومخلين التمر ولبن اويلي العشق البن ..
نزلت ركضت سلمت عليهم وهمه فرحوا بينه طاروا سلمت ع خوالي ورحت سلمت ع خالاتي ورجعت دخلت الجنط واميره بعدها تسلم ..
دا انزل الجنطه جان يلزمني ادم من ايدي ورفع مالت الجنطه حتى محد يشوفني وهمس بذاني ..
ادم ..والله واجه وكت اكسر خشمج يا ام خشم اليابس وداعتج اله اذلج ..
سناريا ..باوعتله بنظره تحدي وكتله ..اعلى مابخيلك اركب ..يابن عمي 😏😏
عفته ومشيت يم جدو وبيبي ابوي ماطول هو وادم مشو جدو جلب بيهم ع غدا بس ماقبلوا بسرعه راحوا ..
كعدت اكل تمر ولبن جان جدي يكول ..
الشيخ ضاري ...جا ولج اهلج كاطعين عنج المي والاكل ..
سناريا ..اي جدو هاي بنتك ماتوكنلي لو هلكد موتتني من الجوع 😂..
الشيخ ضاري ..افه افه ولج اسومه ليش هيج
امي ..يابه لا تصدكها هاي جذابة اصلا هي اكثر وحده تاكل بالبيت مخلصه كل اكلنه ولا انلحك ع حلكها ماينسد ..
ملكة ...ع كيفج حبوبه جا الأكل ماطاير ..سناريا ...بيبي هههه بس يمكن اني اطير شعرفج
كلها ضحكت وجدي ضربني بعصه خفيف ع ايدي ..
سناريا ..اخ جدو شبيييك تضربني ..
ضاري ...ههههه اشوفج اكلي بويه اكلي ..
خالو محمد ...واذا ماشبعتي بعد اكو هسه اكول لانتصار تجيبلج ..
سناريا ..خالو منك من الشيطان شعجب
خالو محمد ..صدك تستاهلين كتله هسه فوك ماانطيج اكل ..
سناريا ..خوش سكتت ..
رفعت رأسي وشفت نور واكفه وتخوزر هاي صدك شبيها طبهه مرض عفتهه مالي خلك صارت الشمس قويه كام جدي طب جوه رحت بدلت ملابسي ولبست دشداشه عاديه وطلعت ..
شفت الكل كاعد رحت اساعد خالاتي وياهن بالطبخ شويه ودخل حسين ..
عفتهم وطلعت ..تغدينا والكل راح ينام بيت جدي ضاري عدهم نومة الضهر شي مقدس لازم الكل ينام بس احنه ماممتعودين انام ابد ..
ظليت احوس بفرأشي بس صارت ساعه 4 العصر طبت خاله جنان وياها ثأوري اقصد ثائر سويت نفسي نايمه ..
ثائر ...رجعت من الشغل ساعه 3ونص تعبان والشمس اكلت رأسي اكل طبيت كبل سبحت ونمت شويه وسمعت زينه تكول لامي خاله اسمهان جايه بسرعه كمزة كتلهم ..جا خلي نروح نسألم عليها ..
جنان ..اي هسه كوم
زينه ..اني عندي شغل روحوا انتم عود باليل اروح ونتعلل يمهم ...
ثائر ..خوش
ركضت لبست اتراك اسود وطلعت اني وامي من ورا البيت ع طريق البستان المهم وصلنا سلمت عليهم ادور عليها صدك اذا ماجت هاي المره احرك شيب الخلفوها ..
كعدت بسد بيبي هي الوحيده تعرف أميل لسناريا اكثر همست بذانها ..
كتلها اكلج بيبي
ملكة ..كول يابعد بيبتك
ثائر ..هاي شسمه شنو جايه
ملكة ..اي حبوبه جايه ذيج بالغرفه متلفلفه بجرجف جنها واحد مجفن ..
ثائر ..😂 والله عليج سوالف بيبي من الفرحه بست رأس بيبي وكتلها ..عمي انتي ملوكتي حبيبتي ..
ملكة ..ولي كوم منا لتجذب علي مالي خلك سوالفك
جنان ..شبيك ولك
ثائر ..هههه ماكو شي يوم داشاقة ويه ملوكة 😁
انتصار ..اسويلكم جاي وكعك
ملكة ..اني اكول اشوف ضاري خاف محتاج شي
ثائر ..واني اكوم اشوف كلبي امي وخاله اسمهان طلعوا بالطارمه اني كبل ركضت الها شفتها تحوص بمكانها مو نايمه ..
مددت بصفها وهمست بذانها ..مشتاقتلج ولج
سناريا ..كمزت بسرعه وكتله ..عزه بعينك شتسوي جاي للغرفه
ثائر ..غير مشتاقلج يول تعبتيني اكعدي
((شحلاتك من تعاتبني
وتكلي شعجب ما ، مشتاك
مشتــآگلك گــِّد #النفــس
لٱ و •اللّـہ̣̥ مــو گــِّد النفــس
گــد الهــُّوى اليخنگــْنِي م̷ــن #أشتاگلــك))
سناريا ..كوم كوم اطلع بره نحجي ..خفت لا يسوي شي مثل ادم هو سمع الحجي وكال تعاي ..
طلعت كعدت بره بالصاله وكال ..
ثائر ..ترضيها ولج ثلاث سنوات انتظرتج تجين واخر شي هيج اتجازيني ..
سناريا ..شبيك محسسني اني وياك ع علاقه صار الها ميت سنه
ثائر ..ضجت من ردت فعلها البارد كتلها هو موصوجج صوج الغبي الي اجه يشوفج بس انتي ماكو احساس ابد كلش جنج وحدة ميته ومعدومة الاحساس ..
سناريا ..رفعت حاجبي هذا شنو زعل وخلي يزعل شسويله 😕..
كتله كوم نروح بره بالطارمه ..
ثائر ..ولي وحدج اني شسويلج باقي هنا روحي ..
سناريا ..بكيفك ..عفته ومشيت بره سلمت ع خاله جنان ..
جنان ..خيتي شبيها بنتج ضعفانه
اسمهان ..خليها تضعف شايفه شكد تعلف ..
جنان ..ههههه شبيج وياها خطيه خلي تاكل
اسمهان ..هي بس تاكل عوفيها احسن
جنان ..شكو شصاير
اسمهان ...ادم ابن عمها الشفيه رايح لعمي وكايله اريدها وهي ماتريده
جنان ..شنو خطيه ..
اسمهان ..وهسه هي متخبله عليه تريدني اروح لعمي واكله اسمهان ماتقبل حتى ييشخطها ع البلوعه ..
جنان ..خليها ع ربج احسن
ثائر ..جنت واكف وأسمع كلشي يعني اكول ليش عدها جفاف تجاهي طلعت تريد ابن عمها يعني اني شكو بالنص ..
زين حبي الي من المرهقهه لسه حابسه اختنكت اول مره احس الدنيه سوده بوجهي طلعت وشفتها واكفه بصف خالتي انتصار صحت عليها ..
..تعاي سناريا مو تريدين تشوفين زينه
سناريا ..اني ؟! شوكت😕
ثائر ..قبل شويه كلتي شبيج نسيتي
سناريا ..مادري بعدين اشوفها
ثائر ..دخلت خالتي انتصار بسرعه ركضت لزمتها من ايدها وسحبتني الي وهمست بأذنها وكتلها ..بالعافيه ع ابن عمج هه
سناريا ..انت شنو تقصدك تعال فهمني يا هه شبي مخبول الثاني هاي عود صدك شبيهم هذوله مخابيل من خررب حظي ..
شو خلي يولي شكو اني عفته ورحت دخلت لبيت جدي ..
مر اليوم عادي بين الشغل وجدي ضاري كعد بالطارمه ع جربايته الدنيا حاره وقت المغرب تصير شويه بارده فرشت افراش وكمت لميت الجهال كلها وكعدنا كلنا نسولف ونضحك باوعت لبيبي وكتلها .بيبي ماتحجين عن أيام كبل ..
ملكة ..ولج انتي فارغه عوفيني بضيمي ..
سناريا ..هسه غير اعرف شبيج كل ماحجيت وياج شغله وكلتي ضيمي ضيمي اليسمعج شيكول بله ..
ملكة ..ولج انتي صدك فاهيه وفطيره واني مو بخلكج ..
سناريا ..هم كالت فاهيه شايفتني عجينه فاهيه .
نور ..بيبي انتي ليش تعبين نفسج وياها خلي تولي
سناريا ..انجبي انتي لا تدخلين
نور ...هه واني شكو عيني بس داكول لبيبي ليش تحجي وياج وانتي عقلج مو يمهه
سناريا ..انتي احجي عدل بلا الغاز احسن شي
نور ..زين فهمتي 🙄..
ملكة ..نور ضبي نفسج وامشي ولي لغرفتج
نور ..هاي انتي دوم هيج اتسوين بيبي وياي
ملكة ...جا مو داكولج ولي كومي لابارك الله بيج
نور ..خوش خووش كايمه ..هه
سناريا ..هاي شبيها يمكن مريضه نفسياً ..اي بيبي كملي حبابه
ملكة ..جا ولج اني شنو حجيت ..
سناريا ..هههه شعرفني ..كمت ورحت للغرفة واتمددت وبقيت افكر مافهمت شنو قصد ثائر من كالي ابن عم يتهنى ظليت مصره افهم هذا المخبول الثاني شيفكر ..
دخلت للبيت وظليت واكفه بالباب وافكر بكلام ثائر جانت الدنيا العصر فا امي وخالاتي كالو نروح للبستان نتمشى كتلهم اروح وياكم اخذوني صدك رحنا للبستان نص ساعه ورجعنا لكيت خالو محمد جاي وكذا ..
ركضت سلمت علي وهو هم سلم بس طبعا جر شعري هاي عاده اعوذ منهه لازم يجر كفشتي هههه ..جدو ضاري اجوي اله خطار وراح واني ظليت افتر ماعندي شي اوف رحت اخذت موبايل امي جان نوعه نوكيه N8..بي لعبه وحده كعدت والعب بي اخذني الواهس ولعب بيها ...
ثائر ...رجعت للبيت صاير عصبي فول فول شفت حسين اكبالي ماعرف شلون لزمته جيتت علي فرد مره كتل وهو مخبل بس يصيح دخل ابوي من بره سحبني وكال ..
حيدر ..هاي شكو شصاير ثائر شبيييك ولك وي اخوك
ثائر دنكت وكتله ..مابيه شي
حسين ..انت مخبل اكيد ليش تضربني شمسويلك اني اجيت غفله وضربتني ..
ثائر ..كتلك مادري لا تزودها
حيدر ..ثائر اعتذر من اخوك
ثائر ...ماعتذر عفتهم وطلعت اخذت السيارة ورحت لاخير البزول ..كعدت وطلعت موبايلي واني مختنك اتصلت ع خاله اسمهان بدون قصد ووعي مني ...
سناريا ..كاعده العب بالموبايل وحدي بالغرفه بس اني وكلها بره بالطارمه اتصل رقم مكتوب خاله جنان ..رديت كلت خاف صاير شي ..الووو هلا خاله
ثائر ..اجاني صوتها يممه مامصدك هاي شلون صدفه فركت وجهي وكتلها واني اخذ نفس عميق ..هلا اني ثائر
سناريا ..ثائر عزه ليش امي كاتبه ع رقمه خاله جنان هاي شلون مصبيه متت خاف يجي احد وعبالهم بينه شي بسرعه رديت ...ها ثائر شرايد
ثائر ..رايد سلامتج ..شبيج تحجين هيج
سناريا ..بكيفي
ثائر ..اشبيج ولج احجي عدل لا أجي اكسر الموبايل عليج
ثائر ...هاي شبيك انت مواني
ثائر ..ااااااه بيه انتي
سناريا بغباء ..شششنو اني شكو😕
ثائر ..اوووف غبيه وتبقين غبية وثولة هم .. كاعد اكلج بيه انتييييي انتييي يعني احبببببببج والج احببببببج افهمييييي افهميييي خبلتيني بهذا برودج وياييييي خبلتيني حسسي شويه حسسي صرت خبل من وراج وانتي بارده لج حتى ثلج مو بارد مثلج
سناريا ..😯بصدمة مثل الي ضربتني صاعقه جمدت بمكاني وكلبي يسوي دوم دوم دوم احسه صار بكلبي شي جديد وهو يصرخ كلبي يمه ماصدك حجيت بخوف ...ثاااااائر !!
ثائر ..عيون ثائر عمر ثائر گلب ثائر
سناريا ..انت مجنون وخبل اني اكرهك ماشي
ثائر ..انجبييييي احسن ماجيج هسه امردج بحضني ولج بنت ال ....اشتعلو عشيرتج اكلج احببج تكليلي اكرهك اني اعلمج ياهو التكرهي ها سهلة جايج اصبريلي ..
سناريا ...اصخام لا يالله يسويها ويجي صحت علي ثائر يمعود ثائر هووب تعال عززززه بعيني عززززه خرب بحظج خرررررب ... يبوووو اجه اجه اي والله اجه اني شلون غبيه كتله اكرهك بس اني ماحبه وهم ماكرهه ..
زين اني شبيه ليش احس كلبي راح يوكف ماحس بأطرافي وفرحه غامره كلبي غمر ماصدك هو هذا الحب لا لا ماكو شي أسمه حب ..
زينه تكول الحب بس بالقصص الخياليه وماكو شي أسسمه حب اني أمسلت من يمي وين اكو حب ...اويلي ياربي اني شسويت بروحي .
كمت بسرعه ركضت انطيت موبايل ل أميره وركضت لباب البستان ظليت خايفه ومتوتره لحظه ...
اخذت نفس وكعدت بالطارمه بصف امي وافرك بأديه من الخوف عبالك قاتله احد هاي شبيه ياربي ..
شويه وسمعت صوته لالا ياربي مو وقته كبل ركضت للمطبخ يم خالتي وأسمع صوته وهو يسلم عادي ولا كأن فجر قنبله بكلبي ....وراح ..
خالتي طلعت وكالتلي اسوي الكبه لا تحترك طلعت وظليت صافنه ع كبه وبكلبي الف حسبه ماحس غير ع الباب انسد درت وجهي وشفته واكف لا يالله شهل مصيبة 😱
رجف كلبي وهو يباوعلي مثل الذيب الي يريد يقتض ع الفريسة حسيت اطرافي جمدت وجسمي صار ينتفض مثل السعفه متدري وين ادير وجهي ومنو يخلصني من ايده ...
ثائر ..قربت منها اكثر وكتلها ...افلتي اذا كدرتي 😡..
وللحكاية بقية ...
يگلها :
يكولون اليحب ينذل
أشو كلمآ احبج حيل ،
اصيراً واحد معدل ! ♡
