رواية قصاص الفصل الثاني عشر 12 بقلم جمانه السعيدي
لمار....عمتي اتصلت بيه وحجتلي خبر
مقتل محمود وقصة المصيبه الي صارت بيت عماد
حتى الفديو الي محمود يحجي بي عليه ويبريني من التهمه الي اتهموني بيه
لمن كان يهدد زوجت عماد ان يكون مصيرها مثل مصيري
اذا ماتيمع كلامه
هذا الفديو واصل البابا والعمامي
لمار...شكد حمدت ربي وشكرته اخذلي حقي منهم كلهم
بقيت منتضره بابا يجي عليه ويكول تعاي عيشي
وياي اني ضلمتج وصدكت الكلام الباطل عليج اعذريني
بس هذا الانتضار طال طال كلش هواي لمن نسيت هاي السالفه وحتى ماكلف نفسه يتصل يطمن عليه
الله كريم انشاء الله حقي مايضبع وحوبتي راح تبين بيهم
بهاي الفتره شغلت نفسي بلقرايه والدوام بدا
خالتي كالت ليش تمتحنيين خارجي انت مافاتتج غير سنتين تعاي ارجعي حتى تحفظين اليوم بيومه
والمدرسة كلش قريبه علينا
وانشاء الله تنجحين وتطلعين معدل
فعلا خالتي قدمتلي بالاعداديه وجابتلي نقل من مدرستي القديمه وجابتلي ملابس مدرسه يخبلن
صداري أحدث موديل وقمصان وبديات وجنطه كابوي
ماتتوقعون شلون فرحان احس الروح رجعت بيه
راح اداوم بلمدرسه الله
والمدرسة بنفس المجمع يعني كلش قريبه
والابتدائيه الي اداوم بيه خالتي هي وبناته بصف الاعداديه
يعني نطلع الصبح سوا ونرجع تقريبا نفس الوقت
بلبدابه اني على اساس ادرس خارجي
بس مالحكت امتحن جمانه السعيدي لان ما مخلصه المواد كلهن
بس مادام المدرسه بعدها بااوله ليش مااداوم وافهم المواد
زين
فارس ...من سمعت لمار راح ادوام حيل فرحت يعني اكدر اشوفه كل يوم حتلو اطلع انتضرها
فعلا كنت اطلع الصيح وابقه واكف باب العماره
من تطلع للدوام هي وخاله سمر والبنات يسلمن عليه
ومن ترجع ابقه انتضرها
مااعرف شجاي يصير وياي من يوم شفته لليوم
احس روحي متعلقه بيه
عسى محد لبس الصدريه غيرج ياربي يمكن لو تلبس كونيه
هم تطلع حلوه عليه
بيوم شفته تقرا بلحديفه برا شفته من الشباك
طلعت على اساس مااعرف بيه وكانما شفته بلصدفه
فارس...هلووو لمار
لمار...هلو
فارس .. اليوم تقرين هنا
لمار ...باجر عندي امتحان تاريخ ومااعرف اقرا اله احجي بصوت عالي وبنات خالتي عدهن امتحان انكليزي وخالتي كاعد ادرس بيهن
طلعت اقرا هنا
وانت
فارس...الحقيقه
لمار...ليش تريد اجذب
فارس...لا عليج مااعرف اجذب
لمار...شلون يعني
فارس...شفتج واجيت احجي وياج
لمار...ليش صاير شي
فارس...لا سلامتج ماصاير شي
لمار...زين ممكن اقرا لان شماتي اكثر من المحبين
فارس...شكد اغبياء اي شخص يعوف حياته ويبقى مركز بحياة غيره
اذا بيك خير حسن مستواك اصنع نجاح خاص بيك
مو باقي ادور ورا الناس اكو قصه قريته عن النجاح كلش عجبتني عندج وقت تسمعينه
لمار...اكيد لان احب قصص النجاح
فارس...كان كولومبوس البحار الشهير الي اكتشف هواي اراضي خلال رحلت ابحاره اضافه إلى كونه بحار كان تاجر
كان عندا طموح يقود رحلات اسطوريه عبر المحيط الاطلسي الاكتشاف الاراضي جمانه السعيدي وكان يدور واحد يمول مشروعه ماديا رغم إمكانياته المحدوده بس مااتخلى عن هذا الحلم الحد مل لتقى بملك البرتغال وطلب منه يمول مشروعه على أن تكون كل الاراضي الي يكتشفه تحت سلطة ملك البرتغال بلمقابل طلب عدة طلبات منها يتعين قائد
أعلى الاساطيل البحر المحيط وينوب عن الملك لحكم الاراضي الي يكتشفه ويكون اله ١٠% من ايرادت الاراضي الي يكتشفه لكن ملك البرتغال رفض هذا العرض
بس كولومبوس مااتخلى عن حلمه رغم الكل كان يكول مستحيل هذا الحلم بتحقق الحد مالتقى بلملكه إليزابيث
اقنعت بعرضه وقبلت تمول هذا المشروع
طبعا هو ماكان عندا خبره كافيه بلملاحه لذللك عين احسن بحار بعصره نجح نجاح باهر لان كان عنده ثقه بنفسه
رغم الكل كان ضده ويكولون هذا الحلم مستحيل بس هو صمم يحقق حلمه المكانه الي الانسان يخليه النفسه
هي غالبا المكانه الي يشوفونه الناس بيه
اني هسه اكلج لا تسمعين كلام الناس حددي هدفج
ولا تتخلين عنه
لمار...حلوه القصه فعلا تنطبق عليه اني لازم انجح واحقق كل احلامي
هاك الزم الكتاب خل اسمعلك الي حفضته
فارس...تفاجئت حافظه بشكل مو معقول
لمار...هااا شلوني اني كولومبسايه اخت كولومبوس
فارش...احلى كولومبسايه اني اكلج تاخذين درجه كامله
ماشاء الله حافظه بشكل مو معقول
لمار...لازم انجح تعرف شنو لازم انجح لان اني مريت بضروف كلش صعبه ورب العالمين وكف وياي ونقذني
فارس...اني متأكد من نجاحج
لمار....بعد ارجع للشقه لان كملت حفظ شكرا للقصه الحلوه
فارس...ولو تدللين كل يوم تعاي واقصلج قصه
بلجمعه طلعنا بليل كعدنا بلحديقه واجت خاله عهود كعدت ويانه كرزات وسوالف وضحك
وجبنا جاي بلترمز
راسا فارس جاب طوبه واجا
فارس..تعالو نلعب كرة سله ونشوف منو يهدف أهداف اكثر
خالتي سمر كالت روحن العبن ويااا قصدها اني وبنات خالتي
هو شمرها صارت بلشبكه
اني شمرته وكعت
البنات لان كصار شمرنه وما صارت بلشبكه
هو شمره وكعت بلشبكه
لمار...لا هذا غش
فارس ...شلون غش
لمار...شمعنه انت تجي بلشبكه واحنا لا
فارس...ووين الغش بلموضوع
لمار...انت محترف بهاي اللعبه واحنا مانعرف اكيد راح
تحصل نقاط اكثر
شمرت الطوبه ووكعت شويه بعيد رحت اجيبه جان اكو ولد ثنيبن واكفين وواحد تقدم وشال الطوبه
لمار...انطينياها
الولد...تعاي اخذيه
لمار...تقدمت راسا فارس صاح اوكفي لمار اجا يمشي على السريع وتقدم عليهم
فارس ...جيب الطوبه
الولد...خلي الحلوه تجي تاخذها
فارس ..اني سمعته يكول هيج واني طفرت علي ولزمته من ياخته
صديقه ادخل يريد يخلصه مني اني ضربته بوكس بوجه
راسا هو وصديقه داروعلبه
لمار..اني أصيح عوفو جمانه السعيدي
والبنات كامن يعيطن وخالتي سمر وخاله عهود اجن يركضن كلنا اني وخالتي سمر وعهود يله خلصنا من اديهم
هو هم ضربهم وواحد خشمه كام ينزف دم
والثاني ووجها تشوه من الضرب
بس همه هم ضربو حيل كوه يله كدرنا نفض هاي المعركه
بطلنا لعب شلنا غراضنا ورجعنا كلمن الشقته
ثاني يوم رحنا اني وخالتي نطمن على فارس
خطيه وجها ازرك من الضرب وأيده توجعه
لمار...سلامتك
فارس...هسه صرت احسن
خالتي ...هاا شلونك اليوم
فارس...الحمد لله
خالتي...يايمه ليش تتحرش بيهم
فارس....اني ما تحرشت بيهم هم تحارشو بلمار
خالتي...جان عايفلهم الطوبه
فارس...وليش اعوفلهم الطوبه
خالتي...هسه احسن وجهك مورم
فارس...وجهي يورم ولا اعوفهم يتحارشون بلمار
خالتي...لا ولله اجفه الشر احسن زين ما طفت عينك
فارس.... الحمد لله عدت على خير
رجعنا للشقه ثاني يوم طلعت من الدوام من وكت لان مدرسة العربي ماجيه
وصلت للشقه بعدين فكرت اطمن على فارس
دكيت الباب طلع منعس جان نايم
فارس...هلو لمار
لمار....شلون صرت اليوم
فارس ...احسن تفضلي ادخلي
لمار...لا حبيت اطمن عليك
فارس...ليش ماادخلين
لمار....لا اريد ارجع للشقه احضر الغدا الخالتي والبنات
فارس...تمام براحتج
لمار...حمد لله على سلامتك
فارس الله يسلمج
للحكايه بقيه
لمتابعة باقي الرواية زوروا قناتنا على التليجرام من هنا
