رواية ملكة الشيخ ضاري الفصل الثاني عشر 12 بقلم ساره المجيد
مساءكم ورد جوري حبايبي
🌹🌹🌹🌹🌹🌹🌹🌹🌹🌹
زينة ..جنت حييل خايفه كمت امشي سريع وطبيت للكلية ومرت الايام وجانت نفس السياره تلحكني وتلح همين كمت اخاف أطلع اخاف احد يريد يسوي شي بيه ..
لان قبل فتره جدو ضاري صارت عنده مشكله وناس زعلت منه ويمكن او اتصور انو همه دا يراقبوني اوف هسه هي وكتها خلصت امتحان طلعت شفت مروه بالممر ..
مشيت يمها وكتلها اكولج مروه خلي نطلع من وكت
مروه ..اوكي اكولج احم شوفي قبل لا تزعلين مني وتضايقين
زينه ..شكو شصاير قلقتيني ولج
مروه ..تعاي نتكلم بالكفتيريا مال الكليه ..
زينه ..اوك ..مشينه وكل عقلي هسه تكلي شي عادي لو عن الامتحان او شخص معجب ومتقدم الها ...
طبعا كلها تشبهني بسولاف اول مادخلت الكليه عبالهم اختها ماعرف امي شلون متوحمه ع سولاف هعهههه
كعدنا واني منتظرتها تحجي لو بس كلمه ..
كعدنه وكتلها اييي مروه احجي
مروه ..اول شي مزعلين اعرف انتي ماتحبين هاي السوالف بس شسوي والله مجبوره اوصل الكلام الي كاله
زينه ..عكدت حاجبي باستغراب وكتلها منو كاله !!وشنو الكلام !!..احجي شبيج تحجين بقطاره ..
مروه ..اوك أسمعي تعرفين الضابط صگر ..
زينه ..لأ !!
مروه ..شبيج هو نفسه الي سوه السيطره بصف الطريق الي يوصل للكليه ..
زينه ..امممم اييي 🤔
مروه ..قبل فتره اجه للكليه بيومها انتي جنتي طالعه واني جنت وحدي منتظره اخلص نسخ المحاضره وهو اجه لعندي ..
هسه خلونه نرجع بالاحداث شوية
صكر ...لو سمحتي ممكن شويه من وقتج اذا سمحتي خيتي
مروه ..ها اي اي ..
بأول عبالي الي يعني كان جاي بزي العسكري فرحت هواي بس شويه وسألني عن زينة 😒..
صكر ...احم بلازحمه زميلتج وينها
مروه ..عذرآ منو تقصد ..
صكر ..احم زميلتج زينه ..
مروه ..هاأأأأأ وشعرفك بيها ممكن تجاوب ..
صكر ..شوفي هيه السالفه انو حاب اصارحها بشي ال يدور ابالي واجيت اليوم احجي وياها لكن مثل ماتشوفين ماهيه اجيت أسأل عنها ..
مروه ..امممم حضرتك ضابط
صكر ..اي نعم
مروه ..اخي زينه مو من النوع الي تسوي علاقه وخاصه هي بنت شيوخ مستحيل تتقبل او تتخيل تسوي علاقه بشاب ..
تدري نص الكليه اتقدمت الها لكن هيه رفضت انو تكون علاق حب فا ماتصور هي راح تنطيك مجال فا اذا تريد انو ...سكتني بخزره وكال ..
صكر ..عكدت حاجبي وخزرتها لان كلامها حسسني بصغر قيمتي كتلها ..لحظة ومنو كالج حاب أسوي علاقه وياها اني كل الي اريد اعرفه شي واحد انو تقبل اتقدم الها ولعلمج اني شخص ابن عشاير واني شيخ عشيرة واعرف كلش زين اهمية العرض وشرف البنيه ..
ومو الشيخ صكر الي يلعب ع اعراض الناس ماشي ...بس وصلي هل كلام الها واتمنى بالحرف واحد ..
مروة ..كام وعافني مذهوله من كلامه لو اتشوفين الثقه وهو يحجي عبالك صدك راح تنطي مجأل ..
زينه ..انصدمت بكلامها يعني هو دا يلحكني كول يوم للكليه لحد باب البيت زين ليش مصارحني من البدايه بس حسب كلام مروه انو هو شيخ ..
اوف هسه يعني اله شيخ سكتت وتلزمت الصمت ماكلت شي و مروه هم سكتت لكن فضولي دفعني أشوفه الصراحه حتى من لمحته ذاك اليوم جانت لمحه بسيطه ماركزت بملامحه او شلون صاير شكله فا كسرت الصمت بسوال غبي ...
زينه ..مروه انتي شفتي شكد يطلع عمرو ..
مروه ..ههههه امممم يمه الحب يمه 😏..
زينه ..شبيج وجع ياحب بس دا أسأل شصاير وياج ..
مروه ..اممم اوكي يطلع عمره ب30 او اكثر بسنه او سنتين هيج شي ..
زينه ..عزه بعيني ..
مروه..شبيج ترا فارق العمر مو مهم المهم القلب المعدن الانسان ..
زينه ..ههههه لا منو يسأل ماعرفتج مروه لو غيرها ..
مروه ..لا جديات شكله كولش مرتب حتى شخصيته حلوه اثق من كول كلمه يكولها وعنده طابو ع كول حرف 😉..
زينه ..ماعرف افكر واشوف هسه اليوم اخر يوم بالدوام لذلك أجل الموضوع احسن
مروه ..براحتج اوووووووو نسيت هاج هذا رقمه ..زينه ..ششششنو اصخام منين جبتي ولج
مروه ..هو عافه الج
زينه ..اكيد جنيتي او مخج قافل لو ماتعرفيني زين اني مو مال هل سوالف ولج ...
مروه ..هههه شبيج هو رقم دخلي وشوفي ..
زينه ..امممم افكر 🤔..اخذته سيفته بالموبايل وتركته للايام احسن خلصت دوام وماكو ع اللسان مروه غير اننطي فرصه يمكن نصيبج وقسمتج اوف انفخ رأسي طلعت من الكليه واكفه بالباب انتظر الخط اني وكم وحده ويايه ..
نهاية الصيف الجو يكون شويه حار فا رفعت ايدي ع كصتي اريد اشوف شي ماكو جان المح السياره نفسها لا هاي زايده عن حدها شنو يعني بالباب مال الكليه يوصل مستحيل يعني شلون مانخلص استغفرالله ياربي بين ع وجهي الانزعاج ..
اتاخر الخط اكثر والسياره نفسها واكفه وبس ايده مبينه ..رحت ع بنت اخو الساق كتلها شو اتاخر كالت راح اتصل علي اتصلت طلعت السياره بيهه بنجر ومايكدر يجي ..
البنات راحت تكسي بس اني ماكدر اصعد بتكسي وخاصه البيت مالتنه بحي يعني لازم يدخلني ..اوف ..
وكفت وحدي كلت اتصل ع ثائر اخوية يجي ياخذني اتصلت مرتين اتلاثه ماكو ..
فجئه حسيت بشخص واكف بصفي رفعت نظري علي وياريت ماشفت شفته صح اني قزمه هههه اعترف بس هاي اول مره اشوف واحد هيج طويييل نزلت عيني عنه بسرعه بسرعه درت وجهي ..وسمعت صوته اويلي يمممه گلبي اتخردل خررب عمي 😴
..
اعرفكم ..
بالبطل ...
السلام عليكم ...أسمي صكر مواليد 1981 ..شكلي ضخم وطولي 190..حنطاوي ع سمأر عصبي ونوعآ ما متكبر شخصيتي غامضه مثل لغز صح يبين عليه العصبيه والغرور لكن الي يعاشرني راح يعرفني ..
انه ابن شيوخ من اهل الديوانيه انتقلنا للعيش بكربلاء بسبب شغلي ك نقيب ..بسنة 98..
وابويه اتعرف ع شيوخ اهوايه ..امي مره متسلطه وعصبيه ومن نوع المتحكمه والبيت كله يمشي بأمرها
..عندي 6اخوان ..ههه و2 خوات ..
اخواني ..اكبر مني ..مهند مواليد 80..
واني بعده وبعد يجي مرتضى مواليد 85
ويحيى ومؤيد وايوب وكريم واختي وسن ..وأسن مواليد 98..ماشاءلله ..
اخواني كلهم تاركين سادس اعدادي ويشتغلون وياي بالمعارض السيارات وعندي محل مالت ملابس نسائيه واطفال ورجاليه بس مهند عند عمل خاص بي ..
مهند متزوج مصار اله سنه... واتزوج بت خالتي ..
نجي عليه اني من نوع احب اتملك الشي الي يعجبني مافد يوم دخلت بشي وطلعت خسران بعد وفاة ابويه عرضو المشيخه ع منهد لكن هو ماوافق اني استلمتهه لان روحي بهيج شغلات ..
حاولت قدر المستطاع انو ماخلي امي تتحكم بيه او تخليني اخضع لقرار بزواجي من بنت عمي ..
نفسي ماهاويتها ولا طايقتها لحد مافد يوم كنت كاعد بالمكتب اتصل عليه عريف محمود وكال صاير حادث ولازم اني استلم القضيه لان صار بيها جراحه واحد منهم دخل انعاش ..
اخذت مسدسي وخليته بخصري وكمت طلعت اخذت دوريه ورحت لمكان كان طريق يودي لسوك وجامعات والكليات ..
سويت سيطره حتى اوقف المشيهم ...كم يوم مرو عادي من استلمت القضيه وشويه احس راح يصير شي غريب ..
لحد مافد يوم شفت ماشفاتها عيني اخخخخخ
جان يجي خط نزل السايق وكال هو خط بنات ولازم يوديهم عدهم امتحانات بس القانون فوق الجميع منعت السياره تعبر ..
شويه ونزلن الطالبات من بين هاي الطالبة نزلت ورده صغيره ملامحها ناعمه وخشم صغير وتفاصيل وجها تكول مرسوم رسم ..جان بيها صفاء خلتني اصفن عليها هي حست ورفعت عيونها العسليه بوجهي تخدرت بهاي النظرات البريئه اول مره اشوف هيج بنيه صح صغيره بس تملك ملامح انثى ظليت ساكت وهيه مشت رادت تعثر بالعبايه مالتها كتلها دير بالج ..
بسرعه اتلفتت الي وخزرتني ضحكت بكلبي هاي منو تخزرني بس عجبتني خرب ..شحجي هستوني شفتها وكلبي احسه يضرب بصدري بقوة شمالك يامسودن شعرفت عنها وهيج اتخردلت ..
دنكت ومشت ومر كم يوم وكمت اراقب بيها حتى الله يشهد نسيت القضيه وابو القضيه ..
كمت افتر وراها بسيارتي بشكل مدني لخاطر متخاف او تعتبره شي ثاني ..
بس من يوم الي شفتها وكلبي وعقلي معلك يمها حتى سلبت مضجعي بالليل ..
نسيت نفسي منو اني وابن منو والي أسوي غلط قررت بيوم اروح اشوفها اوتعرف عليها ..
دخلت للكليه مالتها ..العميد صديقي اخذت الفايل مالتهه ماشاءلله شطوره ماعدها سوابق والكل تحلف برأسها فدوة لهل ملاك عزمت عليها وقررت اتكون هاي بنت كلبي ومريتي وام بيتي ..
اخذت العنوان ورحت سألت عن بيتهم واهلها طلع سبحان الصدفه جدها ضاري ابو امها صديق والدي الله يرحمه ..
فرحت وحسيت بأنتصار قبل لا ادخل بحرب الحب اخخخخخ بووية اي اسميها حرب ولازم انتصر بيها ..
عرفت أسمهه زينه هستوها عمرها 22سنه ..او اقل مرحله ثانيه تربيه انكلش ..
اتعمدت اراقبها واخليها تشوفني بس ماثرت عليها عبالك مالي وجود فا قررت اروح واحجي وياها وشيصير خلي يصير ..
فا بيوم الي رحت طلعت من وقت واني متأخر وخرب كلشي بس شفت صديقتها حجيت وياها وفهمت منها هي صعبه المنال بس مو ع النقيب صكر 😏 ..
نزلت لبيت اهلي وثاني يوم قررت اشوفها ف رحت وظليت منتظرها تطلع طلعت وكفت وكانت مثل كل مره بكامل اناقتها ونزاكتها ..
ظلت واكفه فوك الساعه ونص كلت انزل نزلت ورحت يمها وكفت بصفها ماتوصل نص من بطني خرررب هههه هيج قزومه فدوه لرحت لقزمه ..ام شبر ونص ..
(زينة ..ع كيفك عيني 🙄))
((صكر .. ههههههه احم احم))
زينه بتوتر ...مممممنو حضرتك
صكر ..سلام اول شي
زينه ..بخوف ..وعليكم السلام يلا باي
صكر بصيغة امر وعكدة حواجب ..شنو السالفه شبيج يمعوده اوكفي خلي اتفاهم وياج ...
زينه ..احم وكفت اتفضل نعم شرايد 😕
صكر ...هيج احسن شوفي اني طبيعتي كلش مو مال سوالف المزعطه واجي اركض وراج نيتي من الأخير زواج
زينه ..دنكت ورجعت رفعت رأسي ..وكلتله اني ارفض هيج زواج وشكرا الك لان كلمتني اترخص ..عفته ومشيت ..
وهو واكف وصاح ورايه ..
صكر ..هاي بيانها راح اتعبني بنت اللذين صحت عليها بلشنا مو اخذج يعني اخذج ..
زينه ..ضحكت هذا شبي محسسني هو قيس واني ليلى يابه ماكو حجي هيج ..اوك خلي افكر مثله صدك يحبني باب اهلي موجود و مو مخلوع ليش يجي يحجي ويايه اذا صدك نيته شريفه استفغرالله ياربي ..
اتصلت ع ثائر واخيرآ رد الحمدالله بسرعه حجيت ويا بعصبيه وكال دقيقه يمج ..شفته واكف ويباوعلي لاحظت شغله هو لابس نص ردن ومبين وشم ..شافني ركزت بي ابتسمت وقرب خرب شبيه استخفيت يعني اليوم ماخلص ..
صكر ..شفتها تباوعلي بتركيز ع الوشم مال ايدي اسد واشم ..قربت منها وكتلها ..عجبج عادي انتظرج منا لحد ماتقنعين ..
زينه اوف ..شيخ اسمعني من الاخير ماتزوج اريد اكمل كليه واتعين وهاي اكبر طموحي والزواج مخليته اختياري الاخير بحياني يعني اخر طموحي ..
صكر ..قربت اكثر وكتلها ..انتظرج شعندي !سنه سنتين عشره ميه المهم بالاخير تصيرين الي !!
زينه ..انت واثق من كلامك يعني ماتخسر عمرك ..
صكر ..عمري كله ارخصه لخاطر العيون العسليه هاي
زينه ..صابتي رعشه بجسمي بسرعه وخرت عنه ورجعت خطوتي ورا هسه صار كلش قريب مني وكفتنه بالشارع غلط يارب اكبر غلط اجتني ترميشه من ثائر بسرعه رحت اله وصعدت وعفته وحده واكف ..
ثائر ..ها يمعوده شبيج تلهثين بس لا لاحكج جلب
زينه ..اوووووف مو وقتك ثائر والله 😴
ثائر ..هو هم صوجي راح اوصلج
زينه ..اكرمني بسكوتك فدوة مالي خلكك 😒..
............
.............
في مكان اخر
سناريا ..دخلت للمدرسه واضحك ضحكه خبيثه والله أمرمرك يا آدم نزعت عباتي ورحت ادور أسمي ياقاعه صار قاعه عشره نزعت جنطتي و حجابي ممنوع عدنا الحجاب بالمدرسه حضرت نفسي للامتحان وكمت اراجع مرت نص ساعه بين الحجي وي صديقاتي وكم شله وياي احب احجي وياهم دخلت المشرفات القاعه وبلشت يصيحون بالاسماء ..
توكلت ع ربي وبلشت امتحن والحمدالله الاسئله سهله خلصت من وقت وطلعت كان شكلي يوحي بعد الجواب طلعت شفت البنات تكول سهله وناس تكول صعبه لبست حجابي وعباتي ماحب أحل الأسئله وي البنات لان حتى لو مجاوبه ..اطلع مامجاوبه ..
وكفت بره شفت ابو الخط ركضت صعدت بي ورجال من شافني انصدم وكالي انو ادم كاله لا تجي احنه انوصلها كتله هذا يخربط من يمه الرجال سكت ولم البنات ومشه
وصلنا للبيت اول مانزلت ماحس غير سياره توكف بوجهي شخطت بسرعه رجعت ليوره وخليت ايدي ع صدري وصرخت لا يالله 😱..
نزل ادم منها بزي العسكري مالته والشر يتطاير من عينه ومتعصب سحبني بدون اي كلام براشدي يسوه عمري كله ..
وكعدت بالكاع رفعني من ايدي حييل وهمس بذاني وهو يعصر زنودي عصر
آدم ..تلعبين عليه مو خوش يابنت عمي والله لراويج الويل واخليج تتمنين الموت ومتطولي عبالج آدم سهل وحك ربج احسب الله ماخلقج
سناريا ..والله لا ارديا نزلت دموعي ..
سحبني من ايدي صرخت بي كتله عوفني شبيك خبل انت شلون تضربني انت منو فهمنييييييي عصر ايدي حسيت خلاص اجتي منيتي ع ايده ..
بس أستاهل شكو اتورط وي مخبل المخابيل ...
طببني لبيت جدي تلكتني عمتي ام أمال ...
عمتي ..خير خير شبيك ولك ادم ليش هيج مسوي بالبنية
ادم ..انتي عمه خليج بره لخاطر ربج حبوببتي اهنا ..
عمتي ..لا كبل شويه طلعت تسوي الواجب ..
سناريا ..جان ساحلني وراه واني اتجبح واوكف طلعت روحي منه بقيت اصيح وهون ولا يمه ..
تنهد وزفر نفس ثكيل سحبني اقوه ودخلني بنص البيت وكعدني وهو واكف عباله بهاي الطريقه انزل رأسي اله لو يموت مستحيل انزل رأسي ...
ادم ...افرك بوجهي وماعرف شبيه من اشوفها احس بنار شاعله شعل بجسمي اباوع عليها عيونها حمر ونظرتها كره وحقد هاي عيون ماشفت بيها ﻷ حب ولا نظرة اعجاب من خررب باليوم الاسود الي حبيتها بي وهي كارهتني اريد اعرف سبب كرهها الي شنو شسويتلها اني وهيج كارهتني ...
سناريا ...دخلت امال بسرعه طفرت يمها وكتلها ..امال امشي خلي نطلع
امال ..هاي صدك شوكت اجيتوو
سناريا ..مو وكتج كلينا تعاي وياي اخذت امال من ايديها وصلت للباب ماحس غير احد سحبني من عباتي وشمرني ع الكاع توجعت وكتله ..ايييي شبيك
ادم ..ظلي اهنا ونجبي فهمتي لو لا لاتخليني اكسر راسج ..
سناريا ..وكفت ويا طول بطول وخليت عيني بعينه وكتله ...شوف داكولك لاانت ابوي ولا انت امي ولا انت اخوي انت منو اصلا !! بس أبن عمي مالك سلطه عليه فهمت لو لا اني مو اختك حتى تتحكم بيه ولا مرتك ولا خطيبتك انت بصفتك شنو !! ها فهمني انت شنو بين قوسين شنو ..
ادم ..تقدمت الها وهي تحجي وعيني ع شفتها شلون تتحرك اويلي ماحسيت ع نفسي لاطشها بالحايط وناسي كليآ وجود امال ...
حضنت وجها بأثنين اديه واخذت شفايفها بين شفايفي هستوني اضوك طعمهن وفصلت عن الدنيا وجان أسمع عمتي ام امال من المطبخ وتصرخ ولك ادم الحك ابوك وجدك اجوي ..
وللحكاية بقية ...
