رواية حظ عاثر الفصل الحادى عشر ليل ادم
(فرح سعيد)
رحاب : الله اي الجمال ده كله فرحان وكله بيرقص شكلهم حلو جدا
غاده: لا بصراحه مكنتش عارفه اني هتبسط بالشكل ده
في جانب آخر أدهم كان في محاولة ل أهداء الأم علشان الناس والشارع
الأم: واد انتا أبعد عني أنا واخده من خالتك أم أيمن بروبق أتنين بوق و عليهم دريميلي أتنين ملي
ادهم : برشمتي ياما
الأم: ياود بضحك عليك وسع بقا هات ايدك يا سعيد
ادهم : بالراحه على نفسك يا سعيد شعرك هيقع
أم أيمن: والله ما بتعرف تفرح
حماده علبه: مالك يا عم ادهم الشرقاوي
ادهم : شرقاوي
حماده: اه شرقاوي في نفسك كده افتح بوقك
أدهم: اهو
حماده : أخبط
ادهم : اي دي
حماده: الدرميلي اتنين ملي
أدهم: يعني امي صح ( حط ايده علي كتف أمه )
الأم: عايز اي يخربيتك سبني
أدهم: وخده الدريملي من مين يا وليه
أم سعيد: فاتن الجاتوه خلص اعمل اي
الأم: ليه يا بنتي انتي كنتي جايبه حتتين بس ولا اي
أم سعيد: اللي حصل بقا
الأم: روح هات جاتوه يا دمدومتي
أدهم: وربنا ما هدفع جنيه تاني
الأم: هتروح ولا لأ
ادهم: هروح هروح
الأم: واد يا علبه روح مع اخوك على الأقل يلاقي حاجه يحط فيها
حماده: شوف امك يا ادهم
أدهم: راسك ابوسها ذوق اليوم معانا
الأم: الله هو مش اسمه حماده علبه
أم أيمن: سيبك منه يا فاتن تعالي نعمل النمره اللي اتفقنا عليها
ادهم : ( لحظه صمت ) لا استنا يا حماده دي بتقولك نمره انتي رايحه فين ياما
الأم: مش رايحه منا وقفه اهو
أدهم: لا والله انتي عايزه تعملي مصيبه
أم أيمن: ياض امشي بقا إحنا بنرقص اهو
في جانب آخر
عم جمال واقف في بلكونه الشقه في الدور الثالث عمال يصوت ياناس حد يسمعني بموت الله يحرقكم
ومفيش حد سامع ولا شايف عم جمال من دوشه الصوت
حماده علبه: ياله بقا يانجم خليني ارجع اشوف النمره بتاعت حبه الألديش بتوعنا
أدهم: انتا عبيط ياض
حماده: ياعم فكك ما امي معاهم اهي
ادهم: لا أن كان كده ماشي مفيش مانع
جمال : ( من البلكونه) ياوليه يابنت الجزمه قلبي بيتهز من صوت الديچي
أدهم: ياله طيب خلينا نلحق علشان الناس
أم سعيد: عايز فلوس يا ادهم
أدهم: انتي معاكي فلوس أصلا يامو سعيد
أم سعيد: لا والله يا خويا
ادهم: ارقصي ياما ارقصي
حماده: أنا معايا فلوس هساعد معاه ياما متشغليش بالك
فعلاً خد ادهم حماده وراح يجيب جاتوه
ادهم : الحساب كده كام
صاحب المحل: ألف وخمسين
أدهم: خلاص ماشي
حماده علبه: استنا خود دول يا ادهم
ادهم: عيب عليك واحد ياعم
حماده: وبيت ربنا أبدا ياعم ادهم امسك عيب الناس وقفه
ادهم : ( خد الفلوس) اي ده يا علبه
علبه: فلوس
أدهم: يعني الحساب ألف وخمسين مديني عشرين جنيه اللي هو النص بالنص يعني وأنا احط ألف و تلاتين
حماده: اي
ادهم: دنتا الدريملي اتنين ملي موسع الدنيا معاك اوي لف ياريس الحاجة لف
في جانب آخر
كانت أم أدهم و ام ايمن و أم سعيد عاملين نمره وكل واحدة منهم لبسه فستان نفس اللون عليهم شريطه أم العريس النمره كانت اغنيه أجدع صحاب صحابي من صغري بس بصوت الثلاثي المرح
جمال:( من البلكونه) بموت يا شحروره يابنت الكلب صوتك وحش اوي ياوليه
ادهم : ( جاي بالحاجة من بعيد ) مد يا حماده أنا سامع صوت يارب ما يكون اللي في دماغي
حماده: منا معاك اهو يا نجم خلي حد يلمسك وأنا مش هسكت
ادهم: حماده انتا بتخطرف خلي بالك
حماده: لا والله ياسطا أنا جايب معاك السمك بتاع القاعه علشان عم جمال تعبان النهارده
ادهم : اهو بتخطرف وربنا ( عينه جت على مسرح الفرح شاف المصيبه ساب الجاتوه و طلع يجري على أمه)
أدهم: اي ده يا شويه خناشير فضحتوا الشارع كله
الأم: ( وهيا بتغني بتمسك ادهم من خدوده )
أدهم: ( لحظه صمت وفشل العقل في تحليل الموقف ساب المسرح ونزل راح عند رحاب و غاده)
ادهم: ياله بقا الوقت اتاخر
غاده: ياله فين هو ده فرح يتساب
رحاب: روح اقف معاهم دنتا قفيل هات ايدك عايزه اقف هناك وسط الناس دي
ادهم : لا مينفعش المنطقة هنا فيها متحرشين انتي عارفه الواد سعيد ده مش كبير ده عنده عشرين سنه بس احنا جوازنا صغير علشان عنده هرمونات الحاجات عاليه الدريملي ده صريح اوي
رحاب: انتا بتقول اي يابني
ادهم: ياما كفايه صوتك وحش اوي
جمال:( من البلكونه) ياوليه ابوس ايدك كفايه الدهان وقع من على الحيطه
وبرضه محدش سامع صوته
بعد انتهاء النمره رجعو يرقصوا تاني
ادهم: ينفع اللي انتي بتعمليه ده يا فاتن
الأم: ياض افرح ل اخوك دنتا اصفر ( وبتنده ل بتاع الديچي ) والنبي ياعم شغل قمورتي الحلوه
بتاع الديچي : حاضر حاضر
الأم: ( راحت جابت رحاب و غاده من اخر الفرح ترقص معاهم على قمورتي الحلوه)
حماده علبه: يابني تعاله نروح نجيب الجاتوه عيب كده
ادهم: وكتاب الله أنا ما ناقص عبط أهلك
أم حماده علبه: واد يا حماده
حماده: الصناره غمزت ياض
ادهم: على مين
حماده: اهي
ادهم: يخربيتك دي امك
أم حماده: هات فلوس أنقط ام سعيد
حماده: عيني هات فلوسي يا ادهم
ادهم: فلوس اي يا حماده
حماده: بتاعت الجاتوه مش هاكل معاكم أنا طالع انام عندي شغل الصبح
ادهم: يابني فلوس جاتوه اي انتا دافع عشرين جنيه وامك أصلا وكله نص دسته لوحدها مع أن العشرين جنيه مش تمن حته
حماده: أنا أكلت منه
ادهم: معرفش
حماده: هات فلوسي ياعم بقا
أدهم: بس وحد الله خود العشرين جنيه بتاعتك اهي
حماده: خودي ياما نقطي براحتك ياست الكل
أم حماده: هات احسن من مفيش
أم حماده: ام سعيد خودي ياختي ألف مبروك
أم سعيد: خلاص بقا عيب والله
أم حماده: لا عيب دنتي اختي
أم سعيد: عبال ما نفرح بي حماده يارب ( وقعت منها الفلوس في الأرض بالغلط شافها حماده وطا خدها )
حماده: المال الحلال عمره ما يضيع
عم جمال: ( من البلكونه) ياض يا حماده يا حرامي انده على بنت الكلب دي
ادهم: ( حاسس ان الدريملي أشتغل معاه هو كمان وبدأ يفك ويرقص )
الأم: اهو هو ده دمدومتي رافع راسي
ادهم:(بصوت عالي) الدرميلي جامد اوي ياما
الأم: شغله اوكا واورتيجا والنبي ياعم بيحبها اوي
بتاع الديچي: يا حاجه أنا من امبارح هنا مش هننهي بقا ولا اي مكانتش خمسين جنيه دي
الأم: يعني انتا وراك حاجه يا سيد منتا مرمي في الشارع ليل نهار افتح الاغنيه
جمال: (من البلكونه) متسمعش كلام حد يا سيد ابوس راسك
وفجأة داخ عم جمال وقع من البلكونه على الفرح
بدل ماتدور وتبحث علي الروايات خليها علي تليفونك وحمل تطبيقنا
