رواية ملكة الشيخ ضاري الفصل الحادي عشر 11 بقلم ساره المجيد
مساؤؤؤؤ وهذا البارت المفاجأ تدللون عليه 😘😘😘
انتبااااه طبعا داشوف كم تعليق يكولون قبل ويه الشيخ جانت الاحداث احلى ..بس اكولكم انتوا غلطانين الاحداث الجاية راح تخليكم ماتتنفسون ولاترمشون من التشويق البيها والاحداث الصادمة بحيث اني اكتب بدون تنفس ماحس ع نفسي من ماهلكد شدتني احداثها ...لاتحكمون ع القصة من بدايتها لان الي قريتوا كوم والي جاي وحدو كوم ثاني ... قصة الشيخ ضاري كانت حتى تتعرفون ع الابطال والشخصيات اما الاحداث الجاية هيه القصة الاصلية ...
.....................................
يكولها زعلـت منج لتحاجيني بعد'
تكلة تاخذ من عمري عشر سنين ولا تزعل🏻♂💗"
سناريا ..كتله بخجل أتفضل ..دخل وكال ..
ثائر ..مايحتاج كل هذا الخجل شبيج اتقربت عليها ردت الزم ايدها ..خررب جان تنهزم وفلتت من ايدي 😕سناريا ..عفته ونهزمت ورحت لامي كعدت بصفها شفته كعد بصف خالتي هبه
امي خزرتني اروح أصب جاي رحت اصب الهم دخل ادم ابن عمي الغثيث ..
ادم بحده ...ولج صبيلي جاي بسرعه راسي سطرني
سناريا ..خلي أصب لخوالي واصبلك بعدين😒
أدم ..لا هسه بسرعه يلا
سناريا ..شبيك هسه دقيقه حوصلتك طافره اصبر ..
لزمني من معصم ايدي حيل وضغط عليها وكال
آدم ..اني جم مره كايلج من تحجين وياي احترمي نفسج لا تخليني اتصرف وياج غير تصرف وتعرفيني اكدر كولشي اسوي افتهمتي ..
سناريا بستهزاء ..يبوو يبوو شوف شوف خفت منك يممممه حتى كمت ارجف وابجي ..يا شو وخر هذا الحجي روح احجي وي نفسك بالمرايه عيني ..
خلصت وطلعت وهو شياطين تتطافر كدامه قدمت الهم من وصلت لثائر خزرني ..
ثائر ...كاعدين كلنا وخالي حسين زوج خاله اسمهان كاعد بس مايكدر يحجي دخل ابن اخو أسمه ادم شفته سلم وراح كبل للمطبخ لا يالله سناريا وحدها بالمطبخ شراح يسوي يمها ..
مدري غيران عليها اي اغار هيه الي ..
طلعت توزع جاي وذاك الافندي عيونه عليها مشالها من انطتني الجاي خزرتها ..
سناريا ..بصوت هامس شبيك تخزر ..
ثائر ..عكدت حاجبي بغضب كتلها ما كو شي
خالو محمد ..اي بابا سناريا ياصف صرتي
سناريا ..اول متوسط خالو
خالو محمد ..شاطره الخبلةة
سناريا ..خالو ليش تكول خبله لان احسن منك مو هههه
الكل ..هههههه
ثائر ..هههههه خالو قصفت جبهتك
محمد ..اشش اسكت انته
الشيخ ضاري ..شلون صحتك عمي ..
بابا ..الحمدالله عمي هيه العمليه بسيطه لكن الالم هو يصعبها
الشيخ ضاري ..ايي والله اخ ع أيامنا جانت الشغله سهله هسه يطلعون بيك الف عله وانت صاحي .
ام ابويه ..اي والله حجيك عين العكل يا شيخ
اسمهان ..سناريا حبيبتي كومي شيلي الستكاين
ابو ابوي ..بعد جاي
سناريا ..حاضر جدو
كمت لميت الاستكاين ورحت للمطبخ ادم كان واكف بالباب بس دخل لزمني من ايدي حييل وضربني بالباب مال الثلاجه اجت اليده مالت الثلاجه كبل بضهري ..صرخت اخخخ
ادم ..وجع
سناريا ..شبيك ادم كسرت ظهري
أدم ..اششش انجبي وكوليلي ابن خالتج العار شنو همس بذانج
سناريا ..ليش غيران حظرة الافندي
ادم ..هه واغار عليج ليش يممه .. وانتي اصلا نعال ماتسوين عندي
سناريا ..اذا نعال مأسوه ليش كاتل روحك عليه وتلاحكني وين ماروح ها احجي
ادم .. رغبه بيج فهمتي ياحلوه
سناريا ..كبر الك اي والله
أمال ..سناريا اءءءءء
سناريا ..شافتنه امال بنت عمي واتلعثمت بالكلام ..دفعت ادم وكتلها ..تعاي أمال ساعديني
ادم طلع وهي تساعدني اصابعها ترجف
سناريا ..شبيج أمال
أمال ..ادم يحبج مو ؟؟!!!
سناريا ..ههههه اهو اشبيج انعقجتي خيه لتخافين كلبي اني ماحبه 😏
أمال ..لا ذاك اليوم سمعت جدي سالم يكول لبوج بس تخلصين المتوسطه يخطبوج لأدم
سناريا ..هههه ضحكتيني والله ..حبيبتي كتلج الف مره ادم اخر شخص أفكر بي ولو يبقه بس هوه بالكون ماخذه اطمني
أمال ..انتي شفتي شلون يركض وراج وين ماترحين اكيد يحبج
سناريا ..أمال اعرف انتي تحبي بس صدكي مايهمني والله ..
أمال ..مادري
سناريا ..تعاي نودي الجاي ونروح بالغرفه ندردش وحدنا
أمال ..ماشي
أمال اكبر مني بسنه 2001..هسه مبطله من الرابع ابتدائي لان مرت عمي ام امال ماتقبل تكمل دراستها
المهم اخذت الصنيه طلعت انطيت جاي بس لجدي ضاري وجدي سالم باوعت لماما وكتلها ..يمه اني وأمال بالغرفه اذا محتاجه شي كولي
اسمهان ..لا روحي حبيبتي ..
سناريا ..صعدنا اني وياها لغرفتي دخلت وكتلها اكعدي احجي كلشي بكلبج ..
أمال ..هههه ماعندي شي بكلبي حتى لو عندي انتي اول وحده تعرفيه
سناريا ..اي صدك
أمال ..اكول سناريا هسه انتي هم عندج طموح ..
سناريا ..اي اكيد اريد اصير محاميه
امال ..ههههههه محاميه وبدربج أسجني أدم وعباس وخضر ..
سناريا ..ههههههه لا خطيه نسجن بس أدم
أمال ..هههههههه
سناريا ..طبعا علاقتي بأمال خوات واكثر لكن امها كانت شوكه بالبلعوم سمعت امي تصيح النا ننزل نزلنا وسلمنا عليهم وراحوا باوعت لثائر اجه قرب مني حييل وهمس بذاني ..هاي المره تعاي عود ترا مشتاقلج مووت ..
ابتسمت لا اراديا .كرص خدي خطف وطلع ضليت واكفه ومصدومه من تصرفه بس حسيت برعشه بكلبي خفيفه طلعوا كلهم ودعناهم عمامي هم راحو لبيوتهم احنه كاعدين بشارع بس عمامي والعشيره ..
يعني المنطقه كلها نفس العشيره ...
أمال راحت لان امهه ماتقبل تظل ابويه خطيه من ورا العلاج نام بسرعه ...
....
في مكان اخر
زينه ...كعدت من الصبح صبحت ع أمي مثل كل مره شفت اخوي ثائر نايم وحسين هم باوعت لأمي وكتلها
ماما خلي يكعدون شوكت يروحن للمدرسه
جنان ..شسوي يا امي ثائر مايقبل يروح
زينه ..ترا هذا غلط
جنان ..روحي انتي ومالج شغل بيهم
زينه ..خوش ماما ..يلا باي .
اعرفكم ع نفسي أسمي زينه مواليد 1993..هسه سنه ثانيه كليه تربيه انكليزي ..صوره سوالاف تشبهني حييل ..ماعندي علاقات ابد ومافكر بيوم احب الان اعتبر الحب شي موجود بس بالقصص ماكو بالحقيقه ..
ادرس بكليه كربلاء ..
طلعت وليكت ابو الخط واكف بالباب صعدت وسلمت ع بنات مثل كل مره ماكو شي جديد ..
باوعت بالملزمه مالتي اراجع الامتحان جان توكف السياره فجأه ..نزل ابو الخط باوعت وشفت اكو ثلاثه شرطه وياهم ضابط ضخم وطويل وعنده اكتاف مرفوعه واكو كم نجمه ع كتافه ..
ابو الخط ..بنات انزلوا صاير حادث ماكدر أكمل
زينه ..لا ياربي هم حادث ..
نزلت من الخط اني محجبه والبس عبايه فا دا انزل صار عليه عيون ضابط ركز علي بشكل صراحه جذبني اول مره اباوع ع شخص يجذبني هيج بسرعه دنكت وكملت مشي ردت اعثر سمعت صوت احد يصيح ..
صكر ..انتبهي لطريقج
زينه ..رفعت رأسي هاي صدك وياي لو اني غلطانه عبرت عنه وسويت نفسي مامهتمه عفته ورحت للكليه اخذنه تكسي وصلنه للكليه محاضرات عاديه ماكو شي جديد رجعت لبيت هم نفس الروتين ....
............
سناريا ...مواليد 2002..شكلي يشبهه الي بالصوره هواي او يمكن هههه شخصيتي مختلفه عن كل الي راح تشوفهم متمرده حيييل ماخاف من أكبر واحد ودائما اواجهه الشخص الي غلطان وياي ماعندي سوابق بمشاغبات بس وي شخص واحد ابن خالتي ثأوري ..هذا مشكلجي مالتي لو هو لازك بيه شسوي ..بصف ثاني متوسط وكحه حييل يعني مو هينه ..كعدت الصبح بدون نشاط لان كلشي مافتهم من ورا المدرسات يبو ع المدرسات شكد اكرهن ..
المهم لبست وطلعت حتى بدون ريوك عفت ماما تسوي ريوك وكفت بره انتظر الخط يجي ياخذني طلع من البيت ..
أدم أبن عمي الي اكرها كره موطبيعي
ماحبه وكلها تصيح سناريا لأدم وأدم لسناريا عبالك نشتغل عدهم اوف اوف ...
أدم..صباح الخير ياحلو شكو واكف
سناريا ..يمكن اريد اروح لمدرسه 😕
أدم ..امممم تعاي اصعدي اني اوصلج بطريقي
سناريا ..لا شكرا ماريد
أدم ..لا راح ازعل وياج مايصير هيج
سناريا ..يعني انت ليش تلزك والله مللتني وطكت روحي منك فك ياخه مني رحمة للحمزة
ادم ..لو بس اعرف هذا لسانج لو لسان بليس
سناريا ..باوعت شفت ابو الخط اجه دفعته ورحت صعدت شفته سوه بسيطه بحنجه ..
يبو شكد اكرها شايف نفسه عود ضابط وتعالو غصب عليكم حبو والله يالله ..
قبل من جنت صغيره عادي احبه بس من كبرت كمت احقد علي بشكل مو طبيعي يعني يادوب اكو كم ذرة حب عندي .اله ..
وصلت للمدرسه دخلت شفت أيلاف صديقتي و حبيبتي هاي طفله فول ..
ايلاف ..ها ولج سنورة بشري شلونج
سناريا ..يعني شلون زينه ..
أيلاف ...اي خوش اكلج ماظل شي وتخلص السنه ونعبر لثاني متوسط وشلون فرحه ..
سناريا ..ههههه اي زين ..اكلج فيفي حنين ماشفتيها ..
أيلاف ..لا ماشفتهه .
سناريا ..خوش
خلص الدوام كلش عادي مابي شي جديد رجعت لبيت ولكيت صاير عدنا كعده عشاير ماشاءالله وسيارات تارسه الشارع خطيه ابو الخط وكفني بنص الشارع وتعاي أمشي هههه امشي ومدنكه سمعت صوت وراي درت وجهي ..وشفت عباس ابن عمي ..
عباس ...ها ولج
سناريا ...تعرفون انتم صدك ماعدكم ذوق
عباس ..ليش ولج
سناريا ..هاك هاي جنطتي واياك ثم أياك توكع كتبي ..
عباس ..تعاي أصعدي واسكتي
سناريا ..يله يله 😁
طبعا هو جان راكب ع دراجه بسرعه صعدت ورا مشينه طبعا عباس اهون واحد ب ولد عمي يعني يضحك ويسولف ويستقبل شقه هههه
وصلني ونزلت تشكرت منه وراح ..
دخلت البيت شفت امي كاعده تسوي غدا ..ماظل شي عن الامتحانات نهاية السنه ..
ماعدنا دروس هواي لذلك رحت بدلت وكفت اشتغل وياها واسلوفلها عن اليوم كله طبعا ماحب اضم شي عن امي اتفهه شغله تصير عندي اكوله الها ..
وهي ذلك عدها ثقه بيه عميه ..بس امي من نوع نسوان قبل تخاف من حجي الناس يعني تحسب احساب ل كل شي ...
صبينه غدا اخذت شوربه لبويه لكيته كاعد ..
كتله .صح النوم ياحلو
حسين ...هههه هلا حبيبتي ..تعاي تعاي اكعدي يمي
سناريا ..شوف مرتك الحلوه شسوتلك خوش شوربه
حسين ...اي والله عاشت ايدها انطيني خلي اشربها ...
سناريا ..ماشي كعدت واكلها وكولساع اتشاقه ويا
واضحكه ..علاقتي بابوي علاقه اصدقاء يعني مو اب وبنته لا اكثر ..ابويه شخص منفتح يعني منطيني حريه لكن بحدود شخصيتي قويه بفضله لان زرع بيه شي هو الثقه بقراري ..
بلش بابا يتحسن ويصير زين وبلشت الامتحانات اختي أميره جانت صف سادس ابتدائي لذلك قليل تطلع من الغرفه بس حابسه نفسها ولو تقرأ لو تنام ههههه
اول يوم امتحانات جان شويه صعب أسلاميه ماده كلش هوايه ذلك جمعت كتبي ولبست صدريه سوده ضيكه وشال نيلي وكب ابيض وحذاء اسود ..وعبايه وجنطه ..
واخذت كتابي سلمت ع امي وكتلها ..
يييييمه حبابه ادعيلي كون اجاوب اسمهان ..ان شاءالله كلبي روحي واقري فاتحه لأم البنين وتوكلي ع ربج ..
سناريا ..بستها وطلعت امشي وجان اشوف ادم كاعد من الصبح يدور ع هدومه مشرورات ع الحبل ههههههههه ..
أسمع عمتي زهره تكله صخاماتك ع الحبل وهو يكلها ماكو رحت دورت وصار امصايح بينهم عفتهم ومشيت ركض وكفت بصف باب الديوان الجبير
مشيت نص ساعه وابو الخط ماكو هاي وينه اليوم ..شويه وطلع ادم لابس عسكري باوعلي وكال ..
أدم ..يلا تعاي ماهو مايجي اليوم
سناريا ..ليش بالله
أدم ..احم مو اني كتله اني واصلها
سناريا ..لا يالله صدمني من هيج حجه 😳 فور دمي هو اني اريد اخلص منه وهسه يريد يوصلني والله مليت من لزكته ركضت علي وضربته بالجنطه ع متنه وكتله الله ياخذك ويخلصني منك وتجيك طلقه تايهه وتاخذ عمرك ان شاءالله ..
جان يلزم اديه بقوة وسحلني وصعدني بالسياره وصعد قفل السياره كمت اضرب بي ...واصيح نزلني لا اخنكك نزلني ..
ادم ..اياببببببه شكد احبج من تعصبين هههههه
سناريا ..اني اكرهك اكررررررررررهك يلا امشي وصلني الله لا يبارك بيك ابو النسوان ابو الملاهي ابو القمار حقير نذل ساأأأأأأأفل ..
ماحس غير اجتني ضربه ع حلكي خرستني رفعت رأسي وكتله مايخلصنا العباس منك ولك الله ينتقم منك كمت اصيح واعيط ضربته وجعتني حييل ..
ادم ..اريد افهم شغله انتي بالعه مسجل من الصبح وهذا لسانج السليط اله اكصه الج فدييوم ..
سناريا ..ننننن ..
كتفت اديه ودرت وجهي لشباك وضايجه حيييل كول يوم اصبح بوجها لا ياربي شنو مسويه ياربي شو اصوم واصلي واقرأ قران صح قليل ومره بسنه بس المهم اقرأ وصح مرات اتعارك وي امي بس قايمه بواجبهه زين شنو ذنبي تورطني بخبل مثل هذا 😤😤😤 ...
ادم ..ولج كافي دردمين سطرتيني اشتعلو عشيرتج ..يله نزلي وصلنه ..صدك بيش الساعه اطلعين
سناريا ..عزززة هذا يريد يرجع يوصلني مرة لاخ لا يالله شسوي احرك روحي حتى اخلص منه تالي اجتني فكره خطيره هههه كتله بل 1ونص اطلع
ادم ..امممممم 🤔شعجب شنو امتحانتكم اربع ساعات ونص
سناريا ..اييييي عندك مانع
ادم ..لا ماعندي يله خوش
نزلي بالموعد تلكيني بالباب انتظرج ديري بالج تفلتين
سناريا ..نزلت واضحك بخباثه راح اخلص منك مكروه 😏........
في مكان اخر ..
زينه ....ثاني يوم كعدت من الصبح عندي احساس غريب ماعرف شنو بس يمكن شي راح يصير جديد لبست بنطرون اسود وقميص طويل احمر ونيلي مخطط وشال نيلي وكب احمر اني طبعي ماحب اخلي ميكاج بس مسكاره خليت ولبست عباتي وطلعت شفت ثائر يصلح بالسياره مالته كتله ها شبيها السياره ..
ثائر ..اوووف عطلانه
زينه ..هههه الله يساعدك ..اكلك ثائر بعد وقت ليش ماترجع للمدرسه ..
ثائر ..كتلج لا مستحيل ارجع المدرسة مو بواهسي خليني يمعودة
زينه ..ليش عود
ثائر ..هسه انتي شبيج بويه روحي لمدرستج وعوفيني اخلص شغلي ..
زينه ..ماشي انت حر ..
عفته ومشيت ابو الخط مايجي بعد لذلك كمت امشي امشي لشارع الرئيسي حسيت بسياره تمشي وراي استغربت درت وجهي شفت سياره سودة عاليه مضلله ماينشاف شي منها ..هاي شبيه شو خلي يولي اتصلت ع مروه صديقتي الوووو
مروه ..هلا زينو
زينه ...هلا بيج كلبي ..اكول مروه منتظرتج وينج
مروه ..اوكفي يمكن شفتج جايه
زينه ..هههه يلا تعاي ..سديت الخط وشفت نفس السياره كاعد تلاحكني ...ياربي هاي صدك شنو تريد استغفر الله يمكن مو الي لا عيني هل سيارة متقصدتني امبين وين ماروح واريه ..بس حسيت بخوفة مانكر هل شي لان دائما نسمع حالات اختطاف وكذا لزمني كلبي ياربي سترك 😣😣
#وللحكاية بقية ....
شتتوقعون منو صاحب هل سيارة وشنو يريد من زينه 🤔🤔
