رواية أم عزباء الفصل الحادي عشر 11 بقلم ميلو حسن
شيماء:حطت أغراضها في شنطه كبيره وجهزت أغراض طه كلها
شهاب:خش للغرفه...وين ماشيه؟
شيماء:انا معنديش مكان بينكم
شهاب:شن تخرفي
شيماء:ايً شهاب انا قررت نرجع لحوش اهلي
وانتا امتا تحب تشوف ولدك تعالا
شهاب:من بيرفعك؟
شيماء:في سيارتي
شهاب:انزلي تلقيني ف سياره نستنا فيك....وطلع
شيماء:افففف ضروري يوترني
خدت شنطتها .....وخلاني هكي مقالش حتا نقيم معاها
دعاء:خشت....شيماء
مرح:وين طالعه وبتخلينا؟
شيماء:هزت براسها انا راجعه لحوش اهلي
مرح:قصدك معاش بنشوفوك 💔
شيماء:لا راح نحاول مره مره نجيكم زياره...هي ادعولي
دعاء:والله حنستاحشك انتي وطه
اسميهان:خشت ودمعه في عيونها....وين شيماء؟ صح كلام شهاب
شيماء:اي عمتي
مرح:قامت طه وعطاته لي امها
اسميهان:تبوس في طه...وين ماشي ومخلينا💔
شيماء:🥺
دعاء:اول متنزلي من الطياره طمنينا
شيماء:اكيد حبيبتي
دعاء ومرح:طالعين البرا يودعو في شيماء
اسميهان:ردي بالك عليه
مرح:متنسيناش
شيماء:انتم عيلتي التانيه مستحيل ننساكم
شهاب:يكلكس البرا
شيماء:بسلامه توا
كلهم:بسلامه
شيماء:طلعت وفي يدها طه لن ركبت السياره
شهاب:رقا المرش ع طول
شيماء:كان قلبها يدق وخايفه من ردت فعل عمامها
شهاب:متأكده انه توا الوقت المناسب انك تشوفيهم
شيماء:بتوتر...توا او بعدين نفس الشي
شهاب:خد نفس عميق ....وخر سيارته وكان مش ع بعضه
شيماء:حست بي اهتمام شهاب بالموضوع
احترام وتصرفات شهاب معاها هيا الي جبرت شيماء مترفضش اي طلب من شهاب❤️
بعد مرور ساعتين :-
شيماء وشهاب نزلو من الطياره
وبما انه شهاب عنده صاحب قديم استقبلهم في المطار وعطاهم سياره يمشو بيها امورهم في بنغازي❤️
__________________________
عند سماح:-
طبعا كان عباره ع خطوبه بسيطه يعني عيلة انور وعيلة سماح
بعد م وزعو الحار وتعشو وهكي وزوعو الحلو ونسكافيه ❤️
دانا:حطت الهدايا الي جايبهم انور ع طاوله وتورته والورود🥀
ومسره ولعت المنضومه كانت صوتها داب الحوش
وسماح كانت لابسه قفتان ع الازرق طويل وشعرها كله فير وكانت فرحانه هلبا
يستنو في انور يخش ويلبسها الخاتم ❤️❤️
_____________________________
انور:يشوف ف روحه ع لمرايا
ماجد:شنو شايفك فرحان
انور:اكيد بتشوفني فرحان
ماجد:قدرت تتغلب ع الحزن ربي يقويك ويسعدك
انور:ان شاءالله وانتا علاش طلقت رنيم
انتا عارف رنيم بنت ناس
ماجد:تغيرت ملامح وجها ....انا بايعها الدنيا كلها
وطلع
انور:تلفت شاف لي ماجد بحيره ..وهوا كأنه حاس بي الي مار بيه ماجد
لن قاطع تفكيره صوت رنة رساله (من سماح نستنا فيك ي روحي❤️
انور:ابتسم.....وطلع
في السياره :-
شيماء:اتصل بي دعاء طمنها علينا
شهاب:حاضر
شيماء:غريبه كيف قدرت تحجز تذكره معانا
شهاب:مقدرتش نخليك انتي وطه تسافرو براحكم ومش معروف مصيركم شنو
وبعدين انتي كيف نستغرب بدون م تقوليلي
شيماء:انا معنديش مكان بينكم يعني ف نهايه اهلي موجودين
شهاب:ومتنساش عمامك انهم ممكن ميرضوش
شيماء:لا خلاص من المهزله ساد الي وصلتله في جرتهم
شهاب:💔
________________________________
انور:لبس الخاتم لي سماح وكلهم جنبهم يصفقو وفرحانين
قصو الكيكه مع بعض ❤️❤️
مسره:خدت لقطات ليهم بالكاميرا
وصورت معاهم سيلفي ❤️
ودانا:تقص في التورته وتوزع ع الكل
ووفاء كانت تستنا تنتهي الضجه علشان تفتح مًوضوع خطوبتها هيا وماجد❤️
انور:طلع البرا بعد م كمل التصوير
وكلهم التمو جنب سماح ويضحكو ويقرمو ودانا توزع في الكيكه وكانو فرحانين هلبا
_____________________________
ترن ترن ترن :-
دانا:فتحت الخط،...الوو
شيماء:اهلين دانا
دانا:اهلا وين وصلتي؟
شيماء:كملو تلبيس وله مازال
دانا:اي تمو كل شي
شيماء:تمام انا وصلت
دانا:باهي خليك قويه وانزلي خلي تكون فرحتهم فرحتين
شيماء:سكرت عيونها بتوتر...ان شاءالله
دانا:انا معاك
شيماء:تمام سلام
شهاب:خدا طه من شيماء.....انزلي
شيماء:كيف؟
شهاب:انتي انزلي ولو حسيتي الجو تمام ارجعي لي طه
شيماء:حطت يدها وكيف بتفتح الباب جت عيونها ع ماجد وأنور نازلين من السياره .....تنهدت
شهاب:حط يده ع كتفها ....انزلي انتي ضروري تكوني قويه لانه معندكش ذنب في شي
شيماء:استجمعت قوتها ....ونزلت🔥
_______________________________
ماجد:جت عيونه ع شيماء
انور:من هادي؟
ماجد:عيونه عليها لن قربت منهم اكتر وعرف انها شيماء💔💔
انور:بصدمه...هادي شيماء
شيماء:تجاهلتهم .....وقربت من الباب
_____________________________
سماح ودانا:هيا احكيلنا شنو الموضوع
مسره:هيا احكي فوفو واصدمينا😅
وفاء:انا وماجد قررنا نتزوجو
دانا:هههههههههههههههه
مسره:شفتك مره تتفرجي ع صوره متوقعتكش وقحه وناضت من جنبهم
سماح:الف مبروك
وفاء:انتم عارفين رنيم عقيمه وماجد من حقه يشوف صغار
دانا:انا اصلا كل شي قعد يدير فيه ماجد مش عاجبني
طقققق طططقق:-
سماح:من جاي زعما؟
مسره:توا نفتح ونشوف
دانا:ضحكت ....وناضت لحقت مسره
مسره:فتحت الباب ....شيمااااااااااء
شيماء:بعيون يدمعو حضنت اختها
سماح:ككيف وطلعت تجري
شيماء:حاضنه اختها مسره ومش قادره تطلقها
سماح:حضنت شيماء وهيا تبكي ومش قادره مصدقه عيونها
دانا:تبكي😭
وفاء:قربت من دانا....اكيد انتي مدبره لكل شي
حاطه امل انه ح تاخد ماجد من جديد
دانا:تمسح ف دموعها.....صبري بالك قعده م شفتي شي
وفاء:خدت بعضها من بينهم وطلعت
دانا:حضنت شيماء....خشي امك في دارها فرحيها
سماح:خشت لي امها تجري....شيماء ي ماما رجعت رجعتنا اختي ي ماما
سميره:تنهدت من الصدمه
شيماء:خشت وقعمزت ع ركابها وهيا حاضنه امها بقووه 💔😭
المهديه ورويده:💔💔💔
مسره:ي ربي مش مصدقه وخيتي رجعت من جديد
سماح:الحمدالله ياربي الحمدالله 😭
مستحيل مهما عبرت راح نوصف كمية فرح وصدمة عيلة شيماء برجوع شيماء ليهم🥺
__________________________________
ماجد:طقطق ع مرش سياره....
شهاب:نزل المرش وكان ف حضنه طه....تفضل
ماجد:بملامح غاضبه ....علاش مجبتش سيره ع موضوع
شهاب:شي ميخصش حد فيكم
انور:هجم بصوت عالي،...وين كانت طول الفتره
شهاب:بكل ثبات....الأمانة أمانتي ونا توكلت بيها
ماجد:شن تقول ؟ احنا عندنا علم انها ماتت كيف تقرب منها بدون علمنا
شهاب:ضحك بهزوه ....شن واجعك في الموضوع
انور:سحب ماجد ع جنب....خلي القصه تنحل منبوش يصير زي المرهً الاوله
ماجد:انتا عارف شن تقول شيماء شيماء
شهاب:نزل من السياره....انا مسؤول ع كل شي نتمنا محدش يدخل في الموضوع
ماجد:هجم ع شهاب وكيف جاي بيضربه
شهاب:دفه بقوووه
أنور:شد ماجد .....شهاب اركب سيارتك وتوكل
شهاب:ولدي في سياره ونستنا في امه
ماجد:ولعت فيه نار وكان مش طبيعي 🔥
انور:اهدأ بنت عمك نسترت والشئ هدا مفروض يفرحك
ماجد:دف انور .....تي شيماء شيماء افهم
شهاب:كان عارف انه ماجد قعد يحب شيماء
لكن في شي منعه يقول انه مش متزوج شيماء
رجع ركب سيارته
وبدا يضرب في دومان بقوووه
كان يلقا ينزل يضرب ماجد ويفش غله فيه لكن علشان شيماء بس نجبر يتمالك اعصابه🔥
ماجد:يعيط بصوت عالي لن ركب سيارته وكان متعصب
انور:جت عيونه ع بوه وعمه جاين يجرو
علي:شنو الي قالاته وفاء صح او لا
انور:اهدأ ي عمي البنت دارت الي عليها
خالد:بنت لحرام الي سبب في موت خويا تطلع ي انا ي هيا هنايا
علي:شن تقول وين كانت ليها سنه مختفيه
انور:البنت نسترت واليوم جت تبي سماح من امها
خالد:البنت عايبه ومش مزبوطه خش كلمها وقولها اخر يوم تجي هنايا
انور:البنت مش عايبه البنت مضلومه
علي:شن تقول انتا؟
خالد:كيف مضلومه
انور:اي مضلومه البنت اغتصبوها غصبا عنها
اهدو وخلو نسكرو ع سيره وينحل الموضوع
قدر انور يحل الموضوع مع بوه وعمه ويطفي النار الي ولعتها وفاء 🔥
________________________________
شيماءطلعت هيا وسماح ومسره ومعاهم دانا
شيماء:جت عيونها ع عمامها....تنهدت
دانا:متخافيش بري جيبي طه معاش تخافي من حد ساد الي داروه فيك
مسره:هادي اكيد وفاء عاودتلهم مش عارفه امتا راح تبطل خدمتها هادي
سماح:اكيد انور فهمهم انتي متتوتريش
شيماء:تخطت خطواتهم واتجهت لي سيارة شهاب
شهاب:اول ماشافها نزل وهوا ماسك طه
خالد:هدا من ؟
وفاء:ي بابا دير حل البنت مطلوقه ع حل شعرها
انور:بصوت عنيف.....وفااااااء ضمي فمك
ماجد:نزل من سيارته ع طول
وفاء:تشوف لي ماجد وقريب تموت
شيماء:خدت طه من شهاب
شهاب:بصوت هادي....عندك علم انه لو سمعو عمامك وولاد عمك انك مش مرتي ح يقتلوك
شيماء:🥺....كيف شنو قتلهم انتا؟
شهاب:ماجد وأنور هجمو عليا وسألو عليك
شيماء:مافيش حد منهم عنده علاقه بيا
شهاب:تمام اعطي طه لي أخواتك وارجعي خودي الاغراض
شيماء:هزت براسها وتلفتت
خالد:وقفي
شيماء:تنهدت ووقفت في مكانها
كلهم:في حالة سكوت
خالد:الولد هدا ولد من؟
شيماء:وبصفتك من تتكلم معاي؟
خالد:قعد عندك وجه بعد كل شي درتيه
شيماء:هههههه شنو الي درته ؟
علي:جاوبي عمك بي احترام
شيماء:غير علم ولادك الاحترام
انا متربيه والحمدالله
وفاء:ههه بعد عملتك الي درتيها تحكي ع شرف
شهاب:متحملش.....مافيش حد منكم يتكلم مع مرتي
ومرتي أشرف منكم كلكم وآي حد شاد عليها شي يطلعه
علي:شن تقول انتا كيف مرتك والولد هدا ولدك وله كيف؟
شهاب:اي ولدي وهادي مرتي والقصه الي صارت انا عندي ذنب فيها مش شيماء
انور:ميجيش تحكي القصه قدام الكل
شهاب:وين كنت سيد انور لما وفاء دمرت وخططت لكل شي
دانا :تنهدت
شيماء:تنهدت وهيا مستغربه
شهاب:انا الي اعتديت عليها وفي يوم مكنتش ع عقلي
لما كنت مع انور في حوش المرحوم
خالد:وعلاش مجيتش تقدمتلها في وقتها وين كنت
شهاب:مكنتش مذكر شي بعد ايام اتصلت بي انور وأنور قالي البنت تحب ماجد وماجد بيتزوجها لكن مكانش عندي علم انها حامل
بعد ايام وفاء فضحت بيهم في بدل متستر ع بنت عمها
ولما وصلني الخبر انه لزوها اهلها وهيا حامل تواصلت مع انور وخلاني نتواصل مع ماجد
لكن ماجد قعد يبيها وكل مره يمهل فيا لن وصلني خبر وفاتها 💔💔
شيماء:طاحت ع الارض وهيا تبكي
شهاب:قرب منها
سماح:شيماء حبيبتي
مسره:تبكي شيماء خليك قويه
سماح:قامت شيماء ومسره قامت طه وخشو للحوش💔
دانا:نسيت تحكيلهم انه شيماء قعدت في حوش امينه لن جابت طه وبعدها قررت تحكي لي شهاب
خالد:وانتي من وين تعرفي هدا كله
دانا:لانه انا الي سمعت انور يحكي لي ماجد انه الي اغتصب شيماء شهاب مش انور وانا الي قترحت عليها تبعد فتره لن تتعرف ع شهاب وتعرف هوا شنو
ماجد:واقف ويشوفلهم مصدوم ....ركب سيارته وطللعع يجرررري🔥
وفاء:جيتي وخربتي كل شي
مستحيل ماجد يتزوجني بعد الي سمعه وبعد رجوع شيماء لي حياتنا
خالد وعلي:بصوت عالي يهزبو في انور
انور:راسه بين يديه ....شن صار ي ربي 💔
نستاهل اكتر من هكي انا الي دمرت حياتها💔
شهاب:نزل لبضاعه قدام الحوش....وركب سيارته وطلع🔥
_____________________________
بعد لحضات الحزن الي مرت عليهم كلهم اجتمعو جنب شيماء وقعدو يهدو فيها ويطمنو فيها انه الي صار البرا كان مفروض من زمان صار
لانه عمامها كانو فاهمينها غلط والحمدالله شهاب حكا الحقيقه الي لازم الكل يعرفوها
قدرت شيماء ترتاح شويه من القصه الي صايره وانهً واخيرا تمت ع خير نست الزعل وكل شي يوجعها💔💔
وكلهم عرفو الحقيقه ونصدمو خاصة سماح نصدمت في انور الي مجابش سيره نهائيا
لكن الشي الي مخليها هاديه انه انور ندم وحاول يساعد شيماء
وحتى لما شهاب فتح الموضوع محاولش ينكر شي❤️
في ليل:-
شيماء:خدت دوش سخون وطلعت
قعمزت مقابله الدفايه
سميره:في حضنها طه وتلعب فيه
سماح:داخله بي سفرة متنوعه وراها مسره ماسكه سفرة المشروبات
شيماء:علاش متعبين رواحكم
مسره:اسكتي اما تعب وانتي ليك ساعتين في طياره
شيماء:ههه
سماح:ذوقي هادي هريسه انا دايرتها
شيماء:كبرتي وبديتي تتفنني
سماح:اكيد
مسره:حليلي ع شهاب هدا الي حصلتيه عليه زين وشخصيه
شيماء:في داخلها(مالا عمله درتها ي شهاب توا شن بيحلها قصة زواجنا
سماح:تقص قي الفواكه....حسيته يحبك
واخيرا خدالي حقي منهم كلهم
مسره:اي خاصة وفاء الكلبه
شيماء:فنصت في سماح
سماح:ناضت طلعت امها علشان النوم
مسره:احكي احكي شن في؟
شيماء:انا وشهاب مش متزوجين
مسره:تنهدت ....مالا كيف شنو صاير معاكم فهميني؟
شيماء:بعيون يدمعو ....انا مسكرتش حتى شهر ليا متعرفه ع شهاب
سماح:خشت وسكرت باب الدار وراها....احكيلنا شنو في؟
شيماء:خدت نفس وبدت تحكيلهم في القصه الي صارت معاها💔💔
___________________________
ماجد:في سيارته شادها دخان وسكير
كان يبي يطفي النار الي فيه بأي طريق
تلفونه يرررن جنبه طول الوقت لن تم عليه الشحن
مش قادر مستوعب انه شيماء تزوجت غيره 💔
كان موصر ع قرار لكن زاد اصراره بعد رجوع شيماء 💔
_________________________
سماح:تنهدت....ي ربي كيف قدرتي تخشي حوشهم بسهوله
شيماء:الضلم يخليك قويه
انا تحملت كل شي بروحي يعني خلاص جي الوقت الي راح يتحمل كل شي معاي
مسره:امممم...لكن الي حبيته في الموضوع انه خطوتك كانت حلوه
خاصة انه شهاب طلع ملاك ونادم وحسيته يحاول يتحمل مسؤليةً الي داره
سماح:اي شهاب شخص خلوق ودافع عليك اكتر من مره
واليوم دافع عليك قدام الكل وفضح بالكل قدر ياخدلك حقك في ثواني
شيماء:اكتر شي مطمني انه بوه طه طلع شخص كويس
مسره:به هوا مجبدش سيرة الزواج
شيماء:لا
سماح:يعني هوا مهتم او لا؟
شيماء:وقفو تخاريف انا وشهاب مستحيل نتزوجو الي بينا طه بس
مسره:به وكيف بتحلو الازمه هادي يعني شن راح تقولو لعمامي أنكم طلقتو
شيماء:مم مشعارفه ربي يستر
سماح:او شهاب طلب يدك لزواج
توافقي او ترفضي؟
شيماء:نوافق علشان طه وبعدين شهاب شخص كويس
بس الي يهمني انه هوا يكون راضي
مسره:صدقيني انه شهاب يفكر فيك ويحبك
لو ميحبكش مكانش تصرف هكي اليوم
شيماء:به انا جعت خلوني ناكل 😏
مسره:واااااو مشمصدقه جنبي شيماء
سماح:حتا نا 🥺
______________________________
شهاب:دار بالسيارة هلبا كان واخده تفكير عميق ويبي ياخد قرار مناسب للقصه هادي
كمية الحزن الي فيه ع شيماء وكانت واجعاته هلبا
وكان يعاتب في روحه بطريقه غريبه
لانه كل شي صار معاها هوا السبب فيه💔
وصل لحوش صديقه نزل من السياره وخش للمربوعه الخارجيه
نحط ع فراش وكان تعبان هلبا
اول م سكر عيونه شاف شيماء
خداته الأفكار وقعد يتذكر من اول يوم شاف شيماء
تصرفاتها وملامحها وضحكتها
كان في شي قوووي يربطه بيها من غير طه
حس في شي ثقيل وحلو بينهم
كان في راحه لما يتذكرها ❤️
لقا روحه يضحك في الأخير
بس كان يبي يتأكد من الشعور الي داخله
في وسط التفكير كله سرقه النوم 💔
__________________________________
انور:طول الوقت وهوا يتصل بي سماح وسماح مكانتش ترد عليه
عرف انه سماح زعلانه منه بعد الي سمعاته طلع برا زي المجنون
ركب سيارته وكان يبي يبعد ع حوش شويه علشان يهدا 💔
_______________________________
دانا:كيف طالعه من الدوش .....قعمزت ع سرير
وفاء:حذفت تلفونها بعد م حاولت توصل لي ماجد ومقدرتش
دانا:امتا راح تقعدي هكي
وفاء:شنو درت انا؟
رنيم:هههه شن درتي صار
بعد كل شي صار فينا في جرتك تقولي انك مدرتي شي
حرام عليك حتى رنيم صاحبتك مرتاحتش منك وذاقت من سمك
وفاء:كله منك انتي خططتي لكل شي علشان ترجع شيماء
وخربتي كل شي
دانا:هدا كله درتيه علشان تحبي ماجد صح؟
وفاء:خدت بعضها وطلعت من الدار والخوف مسيطر عليها
دانا:ربي يهديك 💔
___________________________________
شيماء:راقده وعيونها ع طه.....وتذكر في شهاب
كل موقف شفاته منه كان حلو للحضه هادي وشهاب كان معاها
حست انه عندها سند قوي بجديات
كان عاطيه في شهاب ثقه غريبه
كانت حاطه ف بالها انه اي خطوه تخطيها ح يكون شهاب الداعم الاول ليها
حست بي سند اقوى من كل شي 🔥
ثاني يوووم:-
صبح ساعه 10⛅️
رنيم:نزلت من سيارتها ....وخشت للمصحه
ريسبشن:تفضلي؟
رنيم:لو سمحت الدكتور فادي موجود
ريسبشن:اي تفضلي في جهة ليمين حجرة ع يسار
رنيم:شكرا ....وخشت 💔
_______________________
سماح:اففففف مكانش يفهم من امس
مسره:خيرك اللطف شن في؟
سماح:انور من امس يتصل بيا
مسره:وعلاش متبيش تردي؟
سماح:دس عليا كل شي ومحاولش ولا مره يحكيلي شي
شيماء:لافه طه في فوطه ....شن قعدين تحكو ع صبح
مسره:متبيش ترد ع انور من امس
شيماء:علاش؟
لو ع قصة امس مدوريش لانه انور نادم ودار الي عليه ولولاه مكنتش وصلت لهنايا وشهاب مكانش عنده علم بي ولده
سماح:لكن هوا محكاليش
شيماء:كيف تبيه يحكي ع شخص ميت وقصه مش حلوه يعني لو انا ف مكانه كنت ح نتصرف زيه
سماح:مش عارفه بس انا مش راح نسامحه
شيماء:اطلعي من جنبنا وردي عليه اسمعي منه ممكن تقدري تسامحيه
لانه انور يحبك وانتي عارفه
مسره:😨
سماح:خدت تلفونها وطلعت💔
مسره:تشوف لي شيماء وتفسر في كلامها
خدت تلفونها وبعتت مسج لي منذر🔥
____________________________
فادي:ترجمة لكلام هدا انه الشخص مار بي حاله نفسيه بسبب تناوله لحبوب بشكل متكرر
سببوله خلل في خلايا المخ
رنيم:تقدر تحكيلي ع الحاله هادي اكتر
فادي:يعني لازم الشخص هدا يتابع دكتور علشان يطلع من الكأبه. الي هوا فيها
وبعدين الأشخاص الي يتناولو في نوع لحبوب هدا بيكونو مارين بي حالة حزن او تقدري تقولي يفكرو في انتقام من شخص
رنيم:اي اي تمام شكرا دكتور تعبتك معاي
فادي:ولا يهمك تفضلي في اي وقت
رنيم:شكرا كلك ذوق .....وطلعت💔💔
____________________________
ع تلفون:-
سماح:تبكي....لكن انتا دسيت عليا
انور:افهميني حبي انا علشانك بس
مكنتش نبي نجرحك الموضوع تسكر من سنه
سماح:هدا ليش كنت قريب مني ومن مسره
كنت ساخف علينا مش اكتر
انور:لا انا نحبك سماح
كنت نحاول ننساك لكن مقدرتش ولما صار موضوع منذر مقدرتش نتغلب ع مشاعري
ولكلام هدا حكيتهولك اول م شفتك
سماح:تمسح ف دموعها....به انا نبي نشوفك
انور:حاضر لو الشي هدا يريحك بعد المغرب نتلاقو
سماح:تمام 🥺
______________________________
ترن ترن ترن:-
شيماء:فتحت الخط....الو
دعاء:اهلين كيف حالكم انتم؟
شيماء:الحمدالله وانتم
دعاء:كويسين لكن قعدنا نستنو فيكم اطمنونا محدش كلمنا
شيماء:وصيت شهاب يتصل بيكم
دعاء:شهاب مش متع مسؤليه ع فكره المهم أنكم وصلتو ع خير
شيماء:اي الحمدالله
دعاء:بوسيلي طه استاحشته
شيماء:حبيبتي من عيوني
دعاء:منعطلش عليك سلميلي ع عيلتك
شيماء:ان شاءالله قلبي سلام
______________________________
في حوش عيلة شهاب:-
هبه:عمتي مكلمكش محمد
اسميهان:لا علاش ؟
هبه:من امس الصبح طلع وقال انه عنده خدمه
لكن لتوا مرجعش للحوش
اسميهان:مش عارفه غريبه طلع معاش رجع
اتصلي بي صديقه مرات عنده علم بي شي
هبه:به نجيبلك رقمه تكلميه
اسميهان:اي عادي
هبه:ركبت فوق
مرح:غمزت لي دعاء 😉
دعاء:🤭
___________________________
في ليل :-
عند سماح وانور❤️
انور راكب السياره ويستنا في سماح
سماح:فتحت باب السياره وقعمزت...
انور:مولع أغنيه رومانسيه هاديه....مسك ورده وقعد يحط فيها ع وجه سماح
شنو الحلوه قعده زعلانه
سماح:😏😏
انور:انا نحبك وبلاش منه تسكير الرأس ي نكد
سماح:قامت عيونها في عيونه....لكن انا زعلت منك
انور:وأنا ميهونش عليا نزعلك ....وباسها من خدها
شنو اندير تاني علشان ارضيك
سماح:حضناته بقووه
انور:يضحك عليها ....نحببببك وربي نحببببك❤️
_____________________________
عند ماجد ووفاء:-
وفاء:ادور في غرفتها قريب تموت اففففف هدا امتا ح يرد عليا بس
لن قاطع صوت تفكيرها صوت رنة التلفون....تنهدت
واخيرراااااا 😍
وفاء:الووو
ماجد:اهلين حبيبي
وفاء:وينك من امس نتصل بيك
ماجد:انسي المهم استحشتك
وفاء:مش اكتر مني
ماجد:بنقولك ي روحي
وفاء:احكي عمري
ماجد:كنت مع بويا وبوك وفتحتلهم الموضوع
وفاء:اي وشنو صار؟
ماجد:موافقين ي قلبي لكن
وفاء:لكن شنو
ماجد:مش راح نديرو عرس كبير يوم واحد نقرو عقد القران وأروح بيك
وفاء:عادي قلبي المهم انتا معاي
ماجد:به انا مستاحشك
وفاء:انتا وين؟
ماجد:انا ف حوشي تجي لحضني؟
وفاء:تمام 🤤
______________________________
عند شهاب وشيماء:-
شيماء:مقعمزه وتغير لي طه في حوايجه
مسره:خشت....حبيبتي تلفونك يرن
شيماء:خداته....هدا شهاب ....فتحت الخط...الو
شهاب:اهلين كيف حالك
شيماء:الحمدالله وانتا؟
شهاب:تمام وين طه
شيماء:كيف دوشتله ونغيرله في حوايجه
شهاب:اتصلت بيك ع فايبر مرديتيش
شيماء:لا معنديش نت
شهاب:تمام....انا ف طريق جاي فاضيه؟
شيماء:اي تفضل
شهاب:تمام .....تسكر الخط❤️
________________________________
رنيم:راسي دخن من التفكير
حياه:حبيبتي علاش التفكير هدا كله
انتي احسن قرار خديتيه انك اطلقتي
رنيم:عيونها منفخات من لبكاء .....لكن الي سمعته اليوم دمرني
حياه:الله غالب حبيبتي كوني قويه
رنيم:لكن انا خديت قرار
حياه:شنو؟
رنيم:مش راح نخلي الساحة تحتلها وفاء
حنين:قصدك
رنيم:قاطعتها......اي زي م جي ف بالك
________________________________
شهاب:طه في حضنه....شوف بابا شنو جابلك
شيماء:كلمتني دعاء اليوم
شهاب:اهاا علاش
شيماء:وصيتك قتلك كلمهم
شهاب:اها راح من بالي المهم طمنتيهم
شيماء:اي
شهاب:شاف لعيونها.....واحنا شن راح يصير فينا؟
شيماء:انتا لبزت الموضوع
شهاب:يعني في حل غير هكي؟
شيماء:به وتوا شنو راح ادير
شهاب:شافلها بعيون يلمعو....خلينا نرجعو لي طرابلس قبل كل شي
شيماء:شهاب الحل الي يكون لصالح طه انا موافقه عليه
شهاب:ونا نفس الشي نفكر في الشي الي يكون صالح لي طه بس
شيماء:اي اكيد
شهاب:باس طه وعطهولها ....خليك الصبح واتيه
شيماء:ضروري غدوه
شهاب:قام حاجبه .....مافيش وقت ضروري نرجع لشركه
شيماء:تمام .....وكيف جايه بتطلع
شهاب:ردي بالك ع روحك ومتطلعيش برا
شيماء:تغيرت ملامح وجها .....وطلعت
شهاب:طلع وراها❤️
_____________________________
سماح:مستنده ع كتف انور....به امتا ح نكونو مع بعض
انور:شفتي لقمر كيف يتفرج علينا
سماح:حسيته غاير
انور:اكيد من عيونك
سماح:وهيا تشوف لعيونه....حبيبي امتا بنكونو ف حوش واحد
انور:توقعي؟
سماح:حطت يدها ع لحيته ....هيا حبيبي
انور:الأيام هادي نطلعو نختارو اثاث الحوش مع بعض
وأول م نكملو تجهيزات نحددو موعد العرس
سماح:قلبي انتي والله قلبي
انور:به الوقت تأخر انزلي هيا
سماح:مليت مني وله؟
انور:تبي الحق؟
سماح:اي🥺
انور:باسها في وسط فمها ....انزلي قبل م نغلطو
سماح:ههه ....فتحت الباب....حبيبي باي
انور:تغطي كويس
سماح:حاضر🤤
____________________________
وفاء:كيف خشت لحوشهم وجسمها يرجف تشوف يمين يسار
دانا:وين كنتي؟
وفاء:😨😨....بلعت ريقها افففف خلعتيني
دانا:جاوبي وشن كنتي اديري مع ماجد
وفاء:مليكش علاقه
دانا:انتبهي ع تصرفاتك وردي بالك تخلي الحب يسيطر عليك
وفاء:تجاهلت افكارها السيئه......انا عارفه كويس شنو اندير
دانا:تمام ان شاءالله تكوني قد كلامك
وفاء:خشت لغرفتها....قعمزت ع كرسي
وتذكر في التفاصيل الي صارت بينها وبين ماجد
سكرت عيونها بخوووف 💔
____________________________
مسره:ترتب في لحوايج....شنو صار ؟
شيماء:كيف!
مسره:بينك وبين شهاب
شيماء:غدوه الصبح مروحين
مسره:مستحيل مسرع
شيماء:ح نشوفو حل للمصيبه الي دارها
مسره:هه شن بيكون الحل يعني غير الزواج
سماح:تقرا في المسجات وهيا تضحك
....وشافت لي شيماء ...قصدك بتروحو
شيماء:اي
سماح:مافيش حركه وله لقطه هكي
شيماء:لا الاتنين ح نتزوجو علشان طه بس
مسره:تكابرو ع فاضي
سماح:حتى لو مافيش حب بينكم لكن انتي حلوه وتنحبي وصدقيني شهاب راح يطيح في حب
شيماء:😂 عطينا كورس في الحب ي فهمان
سماح:بجميع أنواعه....وااااو حلو الحب 🤤
مسره:فونك منها ....المهم شيماء بنستاحشك
شيماء:اول م نكملو امورنا ح نجي نقعد هنايا معاكم
مسره:حبيبتي انا للحضه هادي مش مصدقه انك معانا وانتي الصبح بترجعي لي طرابلس
شيماء:ي قلبي شفتي شن صار
سماح:تمام عندي فكره
مابين نضمتي امورك لن حنا حددنا موعد العرس
شيماء:ي عمررري انتي الف مبروك
سماح:سلمك حبيبتي
شيماء:بإذن الله اول م نتمو امورنا ح نجي ونحضر عرسك ي احلا عروسه
سماح:سلمها يا رب
مسره:توقعي حتى وفاء معاك 😂
شيماء:نخطبت قصدك
سماح:اي وماجد العريس
شيماء:ربي يهنيهم ويسعدهم
❤️❤️
#تسريع_الاحداث:-
بعد مرور اسبوع مسكر 🤷🏼♀️
سماح وانور كل يوم طلوع علشان اثاث الحوش وهكي طبعا كل شي كان ع ذوق سماح
وبعدها خشو ع تجهيز أغراض العرس وبتات سماح وهكي ❤️
كانت معاهم دانا ومسره وضيعو وقتهم بين الشراء والبتات واغراض العرس ❤️
وحددو موعد العرس وكانو فرحانين❤️
النفس الشي وفاء جهزت بتاتها بس مكانش حد واقف جنبها لانها انسان
