رواية ملكة الشيخ ضاري الفصل العاشر 10 بقلم ساره المجيد

رواية ملكة الشيخ ضاري الفصل العاشر 10 بقلم ساره المجيد 

مساء المسك والعنبر عليكم احبتي 

🍇☘🍇☘🍇☘🍇☘🍇☘🍇☘🍇

ثائر ..مثل ماكتلج يصير ...انتي بت خالتي اسمهان مو

سناريا ..اييي

ثائر ..خوش بعد ماريدج تركصين ..

سناريا ..ليششش وكفت ع كرسي وتخوصرت اله وهو يباوعلي كعدني وكال ..

ثائر ..هسه اكعدي واني افهمج شوفي يافصعونه ..

سناريا ..لتكول فصعونة زين 

ثائر ..خربت ضحك عليها كتلها ماشي ياحلوة اسمعيني 

سناريا ..صرخت كتله هاأأأأأأ

ثائر ..ووسم شبيج طرشتيني .. المهم اسمعي ..الركص حرام ماشي انتي حلوه ماريد يشوفوج تركصين بعدين ليش لسه مالابسه حجاب ها .وانتي بصف الرابع ..

سناريا ..وانت شلك شغل بيه ماريد البس حجاب مو حلو

ثائر ..لا حلو بالعكس كلش حلو يطلعج أميره 

سناريا ..برطمت حلكي وكتله يعني اني مو أميرة بهاي البدله😟

ثارى ..ههههههه لالا بالعكس انتي مو بس أميره .. انتي اميرة الاميرات ..

سناريا ..خووش 😁

اريد قوطية بيبسي ..

ثائر ..خوش بس مو ترحين تركصين انتظري هسه اجيبلج

سناريا ..لا لا ماركص..

ماشي كام وراح ظليت العب بشعري والف خصله ع اصبعي وراجع افتحه جابلي القوطيه اشرب وهو يباوعلي كتله ..تريد😋

ثائر ..ماريد أشربي انتي ... امج وين

سناريا ..راحت يم خاله علمود اﻷكل 

ثائر ..امممم تمام تعاي وياي

سناريا ..ويييين اتريد تاخذني هووب

ثائر ..هسه مو جبتلج قوطيه بيبسي تعاي ..

سناريا ..اخذ ايدي ومشينا نفتر بره جان اكو حديقه ثيل كلش جبيره يعني كولش متروسه ناس ومعازيم خوالي من شافوني وي ثائر كالو شتسوي وياك كالهم هيه تريد تطلع وياي اني انصدمت عزززة شكد جذاب طبعا من هو صغير يحب يجذب ..

ظليت تقريبآ اني ويا سوه لحد مازفوا العروس اني بسرعه تعبت فا كعدت ع الكرسي وكعدني بحضنه ونمت بحضنه مششاعري بريئة مشاعر طفلة ابد ماعرف شنو جان يقصد بيها هوه ..

وطبعا هوه كانت مشاعره متضاربه ..مراهقه بقوتها كان يكدر يسوي كلشي بس ماسوه ..

ثائر ..شفتها نايمه بحضني مثل الملاك وشعرها نازل بالكاع وهي بحضني اجه ابن عمي أمير ..

أمير ..هاأأأأأ ولك هاي منو

ثائر ..رفعت راسها وخليته ع صدري ..كتله بت خالتي 

أمير ..ها هيج كوم طببها جوه كلها راحت ماظل احد ..ثائر ..خوش وانت وخر عيونك لا افكسهن ..

أمير..هههههه دمشي مسوي روحك قيس ..

ثائر ..ايي ع عنادك ..شلتها ع كتفي وطبيت شفت خاله اسمهان تسأل عنها كتلها هايي خاله اهنا

اسمهان ..عزززة ولك شتسوي عندك

ثائر ..جانت تلعب وياي شويه ونامت بحضني هاج اخذيها نامت بلا عشه صدك ..

اسمهان ..هاأأأ اي هيج ..

ثائر ..اخذتها امها ظل بالي يمها هسه نامت بلا عشه والمصيبه هيه ماتاكل لحم ونص الاكل متروس لحم رحت لمحل صديقي اتصلت علي كال معزل هو يبيع فلافل وكص رحت اله لكيته فتحه علمودي ..

كتله راح اتعبك وياي 

زيد ..شنو القضيه حبيبي تعاي هاك ..

ثائر ..اخذت لفتين كص وفلافل ..ورجعت للبيت لكيت الكل نايم بيت جدي ضاري جبير وبي طارمه جبيره وجانت الدنيا صيف فا الكل نايم طلعت لكيتها نايمه رحت يمها كرفصت اكبالها لابسه اتراك وردي ..

اندهه بيها شويه وكعدت من شافتني كمزت ..

سناريا ..ها ولك شتريد 

ثائر ..كومي كومي تعاي جبتلج شغله بس لا طلعين صوت لا يكعدون

سناريا ..روح ماريد اريد انام 

ثائر ..ولج كومي لاحكه ع النوم 

سناريا ..اممممم ماشي كمت والنوم بعيني واتثاوب من النعاس .

ثائر ..اخذت ايدها كوه تمشي وهي نايمه والشعر اويلي هسه غير تضفره موتتني ..دخلت لصاله بعيده عن الطارمه ..

كعدتهه اكبالي وكتلها ..هاج

سناريا ..فركت بعيني وكتله شنو هاي 

ثائر ..لفات جبتهن الج 

سناريا ..اني ماريد

ثائر ..ليش ولج علمودج رحت بره جبتهن الج اكلي !!

سناريا ..اها ماشي جيبها ..

ثائر ..اخذت لفه كسمتها بالنص وانطتني نصها كتلها ماريد اكلي انتي

سناريا ..لالا ماكل اذا ماتكل انت

ثائر ..ماشي ههههه

اخذت صدك اني هم جوعان سمعت طكطكه هاي اكو احد كاعد ..اكل وباوعلها شلون تاكل صدك تخبل حسيت بنعاس شربت ببسي وكامت وشمرت شعرها ليورا ضحكت وكتلها ..شعرج حلو 

سناريا ..انت هم حلو تدري انت تشبه واحد مره شفته بالتلفزيون 🤔

ثائر ..منو قصدج🤔

سناريا ..ماعرفه بس هو يكول اكويس هههه

ثائر ..طكيت ضحك عليها ياربي شكد فطيرة هههههههه كتلها ممثل مصري خلي أحزر يغني مو

سناريا ..اي صح

ثائر ..ههههه عرفته بس ماكلج يلا روحي نامي ..

اخذت العلاكه هي راحت نامت واني طفرت لاهلي ...امي سوتلي تحقيق وين جنت وجنت شسوي ووووو كومه ..

رحت لغرفتي واتمددت وبقيت سارح بشكل هل فصعونه الي دولبت حالي مع انو هيه طفلة بس شدتني بجمالها بنت اللذين ...

هل سناريا اريدها وماخلي احد ياخذها مني راح اربيها ع ايدي وخليها تكبر كدام عيني ...

سناريا ..كعدت الصبح الشمس بعيني وبيبي ملكة تكعد بينه لان احنه ننام بالطارمه ومن تطلع الشمس نشيل افراشنا ونطب جوه مرات اتعاجز اطبب افراشي لذلك اغلس واروح انام ع الجرباية مالتها ههههه 

وهي من ذاك الوكت ماتقبل احد ينام ع جربايتها مرات اكول هي ليش هيج نحسه بس من نكعد يمها وتسولف ع أيام قبل وشلون جانت عايشة ويه جدي الشيخ ضاري ..

اتمنى اعيش وياهم وي حياتهم البسيطه الي تخبل مابيها مثل هسه احس حياتنه معقده ..

وكفت ورفعت شعري بقراصه وكمت الم بالفراش طب حسين ابن خالتي جنان يبو شكد اكرها ماحبه بس ابنها الجبير حباب البارحه جابلي لفه شسمه 🤔 ها اي اسمه ثائر هههههه ..

جنت احجي ويه نفسي وجان تسمعني نور بنت خالي محمد

نور ..جذابه ماجابلج اصلا انتي نمتي شوكت جابلج لفه ..

سناريا ..انتي مالج علاقه افتهمتي ولتلغين لغوة زايدة ولاتتدخلين 

حسين ..بعد بعد اتكافشن واتعاركن شكو واكفات والله عيب عليجن

سناريا ..اخذت فرأشي وطبيت جوه امي اخذتهن مني وخلتهن ع البوفية مال بيبي ..

طب خالي محمود نعسان جر فراش ونام هههه

كتلها ييمه خلي انام يم خالواسمهان ...لا تعاي يلا اتريكي حتى نروح نشوف العروسه

سناريا ..اوف اوف جايه

أميره ..ييمه محمد مايقبل ينطيني موبايلج

طبعا بهذا الوقت انتشرن الموبايلات الدفتري ..مابي لعبه بس نحب نجلب بي هههه وجانت لعبة العنكوبت ..

المهم راحت امي لمحمد جان طفل بس حييل وكح ويجلب بشغله تجليب ..

اخذت شال شمرته ع رأسي وطلعت غسلت وجهي وكعدنه بالطارمه وبيبي ملكة مسويه ريوك للكل شويه جان نسمع صوت جدي ضاري عبالك اجه علينه ملك الموت كعدنا عاقلين ..

الشيخ ضاري ...السلام علييكم 

الكل وعليكم السلام 

شيخ ضاري ..ها شلونكم بوية 

سناريا ..كامن خالاتي كلهن راحن سلمن علي بس احنه جهال محد اتجرأ يروح يسلم عليه كعد ع الجربايه الي بره مسويها اله ..

طب خالي محمد كعد وكام يسولف هو وجدي واحنه بس مدنكين ..

ملكة ...نور بيبي تعاي اخذي ريوك لجدج

نور .اي بيبي سناريا روحي جيبي الطبله (طاوله)

سناريا ..ماروح 

ملكة ..كومي حبيبه لا يصيح جدج 

سناريا ..اوف أمري ل لله ..كمت طلعت جان مسفطين الكرأسي كلها والطبلات هم ردت اطلع طبله ماترضه تطلع حاولت وياها ماتقبل شويه جان أسمع صوت وراي درت وجهي شفت ثائر واكف ويضحك عليه ..

ثائر ..تعاي ولج شسوين اهنا 

سناريا ..اريد طبله لجدي 

ثائر ..ههههه شو وخري خلي اني اطلعها الج ..

سناريا ..وخرت عنه بس سحبها طلعت ضحكت واخذتها من ايده وهو مشه وراي طبيت وخليت الطبله اكبال جدي وفلتت اخاف منه حيل 😣..

كعدنا كلنا اكباله بسفره طب ثائر سلم ع جدي وكعدوا يسولفون ويضحكون ..طبعا الولد المفضل عند جدي هو ثائر وخالو محمود ماعرف ليش 🤔!!..

المهم دنكت اكل وامي وخالاتي يحجن ع هاي النسوان بالعرس رفعت رأسي لكيت ثائر يباوعلي ماهتميت لان اصلا ماعرف ليش ديباوع وشنو قصده بهل نظرات طفلة بعد ..

خلصت وامي كالتلي اروح اسبح والبس دشداشه لان اهل العروس جايات جان الافندي يتكلم اقصد ثائر ..

ثائر ..خاله اسمهان

اسمهان ..ها خالة

ثائر ..شعجب بتج لسه مالابسه حجاب 

اسمهان ..بعدها صغيره وابوها مايجبرها ع شي

ثائر ...هلله هلله مايقبل شنو لبسيها يمعوده ماشوفين شعرها واصل لحد فخذها ..

هبه ..وانت ليش حاشر خشمك لو الك نيه ولك .

ثائر ..اهو انتي مالج شغل اني احجي لمصلحتها مو هيج جدي ..

الشيخ ضاري ...اي بويه بس هم هذوله اهل الولاية يتفيكون علينه ..بتي اسمهان الحجاب زينه وستر للبنيه لبسيها جا موش انتن بعمرها حتى عباه البسجن 

أيمان ..بويه هاي قبل هسه تغير الوكت ..

ضاري ..اتعصب وخزرهم بعينه ورفع أصبع الشهاده بوجهن كلهن ..أسمعن كلجن بناتجن بس تصير عمرها تسع سنوات تلبس الحجاب وتصلي وتصوم ابيت عيالجن مالي دخل بيهم بسس شني من يجن ابيتي الحجاب مايكوع من راسهن فهمتن لو اعيد ..

الكل ..ع امرك ياشيخ 

سناريا ..متت من القهر ماريد البس الحجاب باوعت ع ثائر وخزرته ورحت للحمام سبحت وطلعت لبست دشداشه لسه اذكرها هاي راح تصير وياي ذكره بيها ههههه لونها احمر وبيها طوب بيض ..

رحت لامي مشطتلي شعري وخلصت طلعت العب ويا الجهال رحنا للبستان جان اشوف شجره صغيره عجبني اصعد لها احنه نسميها شجرة (كوجه)..

صعدت من غصن لغصن والجهال كلها راحت مدري وين ظليت بس اني خرب أنه ردت انزل بس خفت ظليت معلكه ياربي شسوي شلون انزل بعد شوية ابجي .. شلون طركاعة شصعدني بله اباوع للكاع دخت رجعت كعدت ع الغصن 

وظليت ليوين واني فوك أكل كوجه شويه وسمعت صوت وراي درت وجهي وشفت ثائر واكف ويضحك عليه ردت أنزل بس جلب ثوبي بالغصن ..

ثائر ..شتسوين فوك ولج قرد انتي الخاطر الله 

سناريا ..انننن اكل كوجه طيبه 😋😋

ثائر ..خرب بيومج ولج مو بيها سم شلون تأكلين هسه تتمرضين ويصير بيج امراض هواي

سناريا ..لا جذب كلشي مايصير 

ثائر ..يلا يلا انزلي دنيا الضهر هسه الجلاب تتطلع وتعضج (حشاكم)..سناريا ..خفت ﻷ صدك اكو جلاب تكرمون نزلت ونسيت ثوبي مشكل بالغصن خررب حظي اول مانزلت جان تنشك دشداشتي من ورا من الطول لطول ورجلي كلها تنشك صرخت بصوت عالي من الألم بسرعه ركض الي لزمني وكعت بحضنه ورجلي تجري دم ..

كمت اعيط ااأأأأأأأأأأخ يمه رجلي ااااااااااخ

ثائر ...غبيييييييه غبيييييه تستاهلين اكو واحد يصعد للشجر ادري انتي قرد ..

سناريا .. كعدني بالكاع كمت أبجي بالزايد رفع طرف الدشداشه لو هي صارت قطعتين هههه

شاف رجلي انصدم

ثائر ..لا يالله ولج هاي شنو رجلج مجروحه جرح جبير كومي خلي اوصلج ..

سناريا ..بجيت بسرعه وتذكرت الدشداشه بس أكوم انفضح ظليت كاعده وابجي وهو وكف نزع سترته خلاها جوايه وشالني ..

ثائر ...اخ ربي شثكلج متكوليلي شتاكلين اجوابه الخاطر الكعبة 

سناريا ..مارديت علي بس أبجي البستان جبير يعني وين يلا وصلت لكيت الكل يتغدون هو مارد احد يشوفني هيج اخذني لبيتهم بدون ما احد يحس طبيت وكعدني ع الجربايه ركض جابلي بجامه منه وكال ..هاج هاي قديمه وصغيره البسيها

دار وجهه وع السريع لبستهه وهو راح جاب وصله ومي وسوالي رجلي واني اباوعله متت من البجي وهو فوك رأسي ماكدرت أسكت اجت زينه شافتنا وثائر كاللها ع الحادث وكالت عندي دشداشه صغيره خلي تلبسها لبستها وظليت يمهم ورا الغدا ..

ثائر ..جنت كاعد بالصاله واباوع عليها صفنت شبيه خررب حجيت ويه نفسي كلت هاي شبيك ثائر شصاير بيك يعني واذا شلتها شبيك ليش هيج جسمي محترك ..

نعله ع الشيطان هسه هي وين واني وين من لمست جسمها كلبي صار بحضني واعصابي كلها اتشنجت ماصدك !شنو هذا الشعور الغريب الي صار وياي حتى هيه ترفه خرب بيومي ...

هسه شلون مصيبه اخذت المسجل وخليت سمعات بذاني وكعدت أسمع اغاني ....

سناريا ...اجت امي اخذتني وخالتي جنان كالتلها كلشي طبعا حصلت رزاله معدله جنت طفله ومافكر بشي حتى ماعرف قصد ثائر من فعله الي سواه ثاني يوم اجه ابوي ورحنا كلنا سوه ..

ومرت الايام والسنين وظليت ثلاث سنوات مارحت لبيت جدي وطبعا كان هذا سبب مني خفت حييل ماعرف السبب بس كنت ماروح ابد بهاي الثلاث سنوات الي مرت دخلت صف أول متوسط ..

وسمعت من أمي ثائر مبطل ترك المدرسه خامس اعدادي وترك وهسه يشتغل سايق تكسي ...وي عمو حيدر الي هوه ابو ..

امي واخواني كانو دائما يروحون بس اني ابد ماروح لو اموت .بس فتره صار ابويه سوه عمليه واجوي كول خوالي ...

لبست بنطرون وقميص طويل وشال 

ورحت سلمت عليهم ..فرحت هواي من شفتهم ..

جنت توني اريد أسد الباب سمعت صوت ثائر وهو يكول ..

ثائر ..شدعوه عيني مايصير تسلمين علينا ترا مانعض احنه 🙄

سناريا فتحت الباب واشوف كدامي تامر حسني مو ثائر 😳بس ثائر عنده شامه بصف خشمه لحميه وهو ابيض ع حنطي دنكت من الخجل من هذاك الموقف واستحي اخلي عيني بعينه ..

ثائر ..دخلت للبيت وشفت الفصعونه مالتي 😍 بوووية شكد مشتاقلها حيييل ثلاث سنوات ماشيفها حتى من تجي خالتي مرات أستحي اكلها وينها طبعا من كبرت كلها تشبهني بتامر حسني بس اني اضخم ورثت الضخامه من جدي ضاري ...

تركت دراستي بسبب كثرت فشلي بيها ههههه

كمت أشتغل سايق تكسي ودائما افكر بيها اتعرفت ع ابنيه هههه طالبه رابع اصغر مني بكم سنه أسمها اسراء ..

تعارف صداقه بيوم رجعت من الشغل حيل تعبان راسي يفتر فر ..دخلت سلمت 

جنان ..اصبلك غدا يمه

ثائر ..بس اريد أنام

شويه واجت خالتي هبه هي ويانه بنفس البيت لان متزوجه عمي عدنان اخ ابوي 

هبه ..جنان خابرتي اسمهان

جنان ..ليش 

هبه ..رجلها مسوي عمليه قبل شويه عدنان كالي

جنان ..يا يا ليش ماكلتنا وهسه

هبه ..كالت امي راح اروح ااشوفه اليوم يطلعوا من العمليات 

جنان ..خلي اخابر حيدر ونروح وياهم

هبه ..اي بدربج ..قنعي عدنان نروح ..

ثائر ..كمزة اني هم اروح 

هبه ..شتسوي مولي انت

ثائر ...شلون بيج خايبه

هبه ..اسكت ها جنان حصلتي

جنان ..اي وكال فد ساعتين واني يمكم جهزوا نفسكم

هبه ..تعاي وياي نقنع عدنان

جنان ..جايه

ثائر ..وراها رحنه لبيت خالتي حتى انشوف زوجها مسوي عملية اول مطبيت اتكحلت عيني بشوفة سناريا عكب 3 سنوات شلون متغيرة وصايرة شابة ومفاتنها كلها بارزه صايرة بعد احلا من قبل بقيت املي عيني منها وهيه جانت خجلانه ...

سناريا ..كتله بخجل اتفضل 😊

وللحكاية بقية ..

تشح واشرب سوالف من گبل عامين ،

واصوفر شوگ وامتاناه ،

ومن الگاك اضوگ العافيه بـ لونك

ولو تنباك چا بكتك بس عُطرك يفضحني ويدليهُم..

             الفصل الحادي عشر من هنا