رواية هدية الشيخ رضا الفصل العاشر 10 بقلم أوتار حزينه
ليله
ايام مرت ثقيله علينا من وره المشاكل الصارت
من وره بيت عواد الي ديروهم من ديرتنا وخلصنا منهم ومن مشاكلهم وره شهر صار شي گلب
البيت قلب وفتح جرح بگلبي جنت
احاول انساه
بيوم ي اجت اخت حليمه وجنتها وبناتها الاثنين
سلمت عليهن ردت من كفه
خشمها هي وبناتها بس جنتها لا سلمت
وهي تضحك جانت كلش حبابه
وكفت احضر بالغده وي ام كرار انتبهت عمه ضايجه ومبين عليها الكدر اعرفها من وره سعديه
لان تكره شوفتها هي واهلها
هي من سالفه كالتها
اليه وعرفت سبب كره رضا الهم ولحليمه
وطلعت لاعبه بي فلك وشاهدة زور ضده لصالح
اخوها ناهي واخوتها الباقيين
سالتها انه وام كرار شنسوي كالت
اطبخن باميه وتمن واشون دجاج بالتنور
سوينا من ماكالت وكعدت الف دولمه لان جنت
مشتهيتها هي تروح وتجي ليم
النسوان وتطبخ وياهن
سويت جدر جبير
وخليته على الطباخ وكغت اعزل بالمطبخ
يمي مريم تساعدني وزهاء تسوي شغله وتطفر
ليم خالتها وامها الكعدن بالهول
كملت صعدت لغرفتي توضيت وصليت
نزلت للمطبخ عمه كالت خلنا نصب
حطينا السفره وخلينا الاكل بالهول وغده الزلم
بالمضيف ووياهم رضا
رحت للهول عمه اشرت اليه رحت كعدت يمها
مديت ايدي للزاد حليمه حجت
ليله كومي جيبي ملح الاكل ماصخ
عمه عاينت الها بضوجه وكالت
«سكينه كومي جيبي الملح لامج يمكن
حلكها فاهي وتشوف الإكل ماصخ
حليمه سكتت لان فشلتها جدام اختها
عمه دغتني وكالت
اكلي يمه هاي اللحمه تعبتني اليوم بالمطبخ
اي عمه هسه اكل
لبستهن وظليت احجي وي عمه واضحك
وياها ووي بنات سميه
واشاقه وي وعد لان
وكعت على هدومها مركه
كملنا وشلنا الاكل وكفت افرغ بالاكل بالجدور
چنه سعديه رادت تجلف بس ماقبلت لا انه ولا عمه
ام كرار وزهاء وانه وياهن ومريم ناس
تجلف وناس ترجع الغراض لمجانهن
حليمه اجت وكالت
ام كرار البقه من الغده اخذي لجهالج
الحرمه عاينت الها وهي فشلانه وهي مو اول مره
تسويها بيها دائما تتعامل وياها ووي
البقيه نفس التعامل
ردت بخجل
تسلمين شيخه
من راحت حجيت
ام كرار ماعليج بيها شوفي هاي
الجدور الي بالفرن اخذيهن الج انه عزلت
الج الغده قبل لاأصبه النا
اجت حبتني وكالت
الله يجبر بخاطرج ياشيخه ويفرحج
بالولد الصالح عن قريب
ضحكت ورديت
امين خيه يسمع من حلكج ربي وهالدعوه
تكفيني مادام طلعت من گلب نظيف
كملنا شغلنا وجلفنه المطبخ جلفه زينه
ام كرار ترخصت واخذت الغده
وراحت لبيتها صعدت لغرفتي اريدن اسبح لان
كتلتني الريحه مالت الزفره
طبيت للغرفه لكيت رضا متمدد على الجربايه
اشرلي تعالي
سويتله بخشمي واشرتله على
هدومي هز راسه مبتسم اخذت هدوم ورحت للحمام
غسلت وجلفت روحي بهل الغسول الي
ريحته ادمنتها يمكن من وره هاي الغسله طلع الي جلد ثاني طلعت رضا كاعد
رحت كعدت يمه
انشف بشعري
گض خصري عاينت اله كال وهو يثاوب
تعالي نامي عاد
اي اجيت هسه بس انشف شعري
نشفته اعاين اله يغمض ويفتح كملت
تمددت بسرعه اخذني ولمني بحظنه دفنت
وجهي بصدره اشم ريحته واريد
احس بدفو جسمه
رضا
غفيت انا وليله كعدت العصر هي بين ايدي
حبيتها من خدها وكلت
اكعدي حبيبه
تحركت ومدت جسمها وصاحت
ااخ يمه
اسم الله شبيج ليله
ظهري رضا
شبي ظهرج
يوجعني صارله فتره
ليش ماكلتي حتى اوديج للدكتوره
مايسوه گلبي يجوز تعب
انداري خلي امرغلج
كعدت وانطتني ظهرها مرغته بهداوه واعاين
لرگبتها حبيتها منها وكلت مبتسم
موش رگبه اليكول گيمر السده
مالت عليه ورفعت راسها لفوك عيونها بعيوني
مبتسمه حبيتها من گصتها كالت
غزلك حلو شيخ
سكتت دارت روحها عليه اعاين الها وگلبي هايم
بيها وعشگها تغلل جوه الروح
سالت
تحبيني ليله
ابتسمت وردت
اي احبك رضا واموت عليك
گلبي بس يمها تختلف دكاته جهازي دك وطلعني
من الجو جابته من الميز وكالت
جدي طالب متصل
اخذته منها رديت
هلاجدي اي انروح الهم هم طالبينه بكعدتهم
اي رادوني انه وانته اسبح واجيك
ههه الترفه بخير وتسلم
عليك
خجلت لان تغزلت بيها جدام عم طالب كامت
من يمي حضرت اليه الهدوم سديت
الخط سبحت بدلت ونزلت
لجوه
البيت هوسه من وره سعديه اخت حليمه هي
وبناتها وچناينها وجهالهن رحت لجده
كاعده وعاكد الحواجب
كلت
هاا حبوبه اشوف المزاج مو تمام صارله فتره
مابيه شي يمه
ردت بضوجه
عكدت حواجبي وركزت بنظري عليها سالت
خير جده اهيس بيج شي
عاينت عليه بعدين دارت وجهها سالت
صارلي فتره اسالج بيج شي تردين نفس
الكلام وانه اكول بيج شي لجن انتي ساكته عنه
يجي يوم واگلك شبيه
ردت مختصر اعرف طبعها ماتحب احد يلح عليها
كلت
اروحن محتاجه شي
لا يمه روح الله وياك
ليله
رتبت الغرفه وخليت هدومنا بالغساله شغلتها
ونزلت لجوه الجاي مخدر عمه كالت
يمه صبي وودي للحجيه وولخطار
اي هسه اصبه
حضرت صينيه جده والخطار صبيته بالاول
الها وبعدين وديته جانت بغرفتها
ولا طلعت اليوم شافتني
كلت
هذا جايج جده
تسلمين يمه
سالت بضوجه
هذني ماولن من يمنا
لا جده بعدهن
گيره ولزكن ماايولن عااد
ياا ياجده ذني ضيف واعرفج معزبه مااتضوجين
من ضيوفج
الا ذني يمه گوم حمديه وملتها ابدا مااحبهن ولا
اطيق شوفتهن
سكتت اشرت وكملت
روحي يمه كملي شغلج
هزيت راسي ومشيت من يمها طبيت
للمطبخ صببت الجاي ووديته الهن عمه كاعده
ساكته وهن يحشن بالاوادم رجعت
وكلت خاف يظلون على العشه
طلعت دجاج خليته
بمعجانه جبيره
حتى يموع طلعت تمن كلت مااغسله الا اتاكد
هن يبقن على العشه لو لااا فكدت مريم ماكو وينها هي ماتعوفني دائما ويايه بالمطبخ
رحت لام رضا اريدن اسالها شسوي بعد
مالكيتها يمهن رحت لغرفتها هم
ماكو سمعت صوتها
بغرفه جده رحت
سالتها
عمه طلعت دجاج وموعته كلت خاف يظلون
على العشه
لاتسوين شي اذا ظلن ندز الولد يجبون
كباب لحم ودجاج مشوي
هاا يعني ارجع الطلعته
اي رجعي يمه ولاتعبين روحج
هزيت راسي ورحت رجعت الدجاج بالمجمده
والتمن بالسطل عمه فاتت من يم باب المطبخ كلت
راحت يمهن مشيت ورحت يمهم
طبيت شفتها ماكو خجلت
ارجع كعدت احجي
وي زهره جنتها انتبهت هن يعاينن عليه
ويحجن بيناتهن حليمه كالت
وره لحظه
خيه مادريتي بالصار
خير ام دعاء شصاير
ابو صادق انطه بنته فطم هديه لشيخ
بغير سلف
عكدت حواجبي من كالت هالكلام وعاينتها
عليها بضوجه اختها ردت وهي
تضحك
يا صدك هالحجي ياخيه
اي شبيج ماسمعتي بهل السالفه مو طشت
بالسلف وصار علج بالحلوك لان الزلمه اكبر
منها بهوايه
اي لو ما بايره ماانطاها اله
لاااا خيه عمرها بالعشرين لجن ابوها طمع بالشيخ
وهي ويا يكولون رادت منه كومه ذهب
وسواه الها
اختها گلبت ايدها وهي كملت تعاين عليه
ااي صارت وشفنها بعد شكو نتعجب من
هالشي
شنهي الصار يبنت حمديه
الكل سكت من طبت جده ووياها عمه تخزر
بحليمه جن سمعن الحجي ام امير
عاينت لحليمه الي انهدت
بيها جده
رردي يالخايبه شنهي الصار
ماكو شي ياجده سوالف حريم
وانه حرمه شايفتني زلمه مشورب وماتريدين
تحجين بالصارلج ساعه تلغين
بي انتي واختج
سكتن كملت بغضب
ااسمعني ولجن هذا البيت ااي يطبه يحترمه
راعيه واهله يكعد محترم روحه
والي ماايحترمنا بيتنا
يتعذره
سعديه كامت وبناتها وياها ردت
ياا تطردينا يااجده
ليش انتي قليتي ادبج يبنت حمديه
خنست وبهتت حليمه ردت بعصبيه
محد تجاوز وعيب هالحجي تحجي وي خطارج
ياجده
ها كلتي خطاري جا اذا هيج الكلام اكلج الج
والهم اليحجي على ليله بيتي يتعذره
لا هلا بي ولا مرحبا
مااحجينا شي على ست الحسن
ونغزج الها انتي واختج تره الحجي كله سمعته
يااحليمه واكول استحن على روحجن
وكافي نفاق وبعدين
تعالي اگلج هو منو جابلج هالزيجه غير
اخوج ابو صماغ الي مسمي
روحه زلمه وهو حرمه
بعيوني مووو هو الي عير الزلمه الطيب
وخلاه يهدي هالبنيه الطيبه لرضا ويوم السعد
من الله نطقه وخلاه ياخذها هي وين
وانتي وين انتي تراب
وهي نجمه بالسما
حليمه انطعن وجهها وهدت بصياح
رااازقيه احترمي شيباتج وخليني محترمتج
فگيت عيوني من تجاوزت هالتجاوز كلت
جده راح تهد بعصاتها عليها لجن
هي ابتسمت عمه صاحت
بحليمه
ااانجبي ولج وااحترمي روحج
ااش يانبعه مااريدن احد يحجي بس انه
احجي بهل اليوم
ردت عليها تقدمت لحليمه وكالت
يكولون اليجي من ايده الله يزيده وانتي
حفرتي گبرج بايدج ياابنت حمديه وراح تنگبرين
بي بس اطلع المضموم
حليمه انهدت باستهزاء
شنووو المضموم طلعي خلي اشوفه
عيوني على جده هم ابتسمت وردت
انه جنت اريد اگله لرضا لجن جنت اسكت
واكول لاا خلي اسكت خطيه عدها بنات خاف تتطلك
وينهجم بيتها وهي مو غريبه بنت ابني
وبنت عمه خليت كلشي
جدام عيوني
وانه اعاين الج تفترين بالبيت ولاجن مسويه
شي
شنهي الموضوع يااعمه
عمه سالتها دكت بعصاتها بقوه وكملت
بغضب
الموضوع ياانبعه هالعگربه الصفره هي وره
طيحت ليله من الدرج وموتت شبل
عمه صاحت ولطمت خدها
يمممه عزه اذا صدك
حسيت جسمي برد على غفله وكمت ارجف
عيوني جمدت على حليمه انهذلت
وصاحت
جذب جذب انتي جذابه تريدين تبلين
بشي انه بريئه منه
ها كلتي بريئه خلي نسال مريم ونشوف
الصدك وين
عيوني راحت للباب مريم واكفه يمه
وعيونها تصب دمع اجت ليم جده من اشرت
الها منزله راسها تجنب اتعاين
لكل جده سالت
ااحجي شفتي بذاك اليوم ولا تخافين من
اي احد
بعدها مافكت حلگها وحليمه هدت
عليها عتتها من دشادشتها بقوه عمه دفعتها منها
وجده صاحت بيها
ااارجعي ولج واياج تگضيها بعد
حليمه انهدت
جايبين جاهله تشهد عليه وانه شيخه بنت شيوخ
اذااا مامسويه شي شكو خايفه رتريدين
تسكتين البنت
عمه صاحت بيها مريم انهدت وهي تبجي
يمه زينب دفعت ليله من الدرج
صارت صنطه كملت بشهكه وهي خاتله
بين جده وعمه
والله وروح امي انه شفتها بعيوني من طلعت
من غرفتي واجيت للدرج وكفت خايفه من شفت
زينب دفعت ليله ووكعتها
سكتت من اختنگت بالشهكه عيوني كامت
تصب دمع كلت بصوت
مخنوك
كتلكم واحد دفعني لجن محد صدكني
جده كالت
كملي مريم
من زينب رجعت تركض شافتني
وتفاجات بيه گضتني من شعري واخذتني
لغرفتي حبستني بيها من رحتو للمستشفى اجت خاله حليمه وهددتني وطگتني على وجهي
وهددتني كالت اموتج لو اموت وحده من خواتج اذا حجيتي الشفتي لاحد
جذااابه ولج ااكيد متفقه وي ليله حتى تهجمن
بيتي
اذا هي جذابه صيحو زينب ورضا يعرف شلون يخليها تحجي
حليمه سكتت من انهدت بيها عمه كالت
لاختها
سعديه اخذيني لبيت اهلي خلي اخوتي يتفاهمون
وياهم
جده انهدت
ماحد تطلع منا الا يجي رضا ويعرف الصار
رضا
كاعد بمضيفي احجي بامور عاديه علي طب عاكد الحواجب اجه ليمي وهمس
يم اذني
خال حس،الحريم طالع
كمت بسرعه ترخصت وطلعت من مضيفي
رحت للبيت صوت حليمه وصلني طبيت للهول
سكتن كلهن كلت
شكو شبيكم حسكم وصل لبره
جده ردت
تعال يبن ابوك تعال وشوف شلون طلعت
ملفي عگارب وحيايه بيتك
صفنت عليها من ردت هالرد عاينت ليله كاعده
تبجي وتشهك حليمه واكفه يم اختها
لونهن مخطوف ومريم
هم صفره وتبجي
صحت
ااحجو شصااير
انه اكلك يمه العدك هااي شووفها
جده ردت واشرت بعصاتها لحليمه وكملت
هاي سبب طيحه ليله وموتت شبل
فكيت عيوني وكلت
شنوو
مثل مااسمعت ياارضا مريم شافت زينب من
وكعت ليله
عاينت لبنتي لبدت وره امها وهي خايفه
سالت بصوت مخنوك
مريم صدك هالحجي
ااي بويه
ردت بصوت يرجف لميت قبضه ايدي بقوه حليمه
حجت بصياح
جذب رضا والله جذب يردن يطلگني منك
عليك العباس اسمعني انه ماخصني بالصار بيها
ولا بنتي
حجيت وانه جاز على سنوني
زينب صدك الصار
گضت امها بخوف وكالت
يممه انتي ااحجي
رضااا اا
وووولج ااحجي
صحت بجنون وگضيتها بقوه وجريتها من
يم امها حليمه وسعديه كضن ايدي
دفعتهن وصحت
اااياجن تقربن ااذبحجن والله
بوويه مااسويت شي
يمممه جيبي القران خلها تحلف
بووويه لاااا مااحلف
صاحت وهي تبجي ماادري شضرب براسي
عيوني جمدت على بنتي هي الي وكعت ليله
وموتت ابني عقلي مااتقبل هالشي
ولا كدرت اصدك هي
تكدر تسوي هيج
منوو وزج عليها
سالت بهدؤ لجن نار مشتعله بيه مااردت
ااااحجي ولج
صحت بخبال
انه ماادري شلون وكعت والله مو بقصد
كلام الله موجود تحلفين بي
هزت راسها بلاااا وهي تبجي عاينت لحليمه
كلت بقهر
شنوو انتي لخاطر الله شيطان والله بلاني بي
ووج كرهج اليه خلاج حتى ابني تكتلي
بطن امه
حليمه انهدت بيه
تسااالني ياارضا ليش ااكرهك ااكلك ظلمتني
من هجرتني وفضلت سميه عليه ومن ماتت ماكعدت
ولا تغيرت لاااا رحت ازوجت بنت الفكر
هااي وشفتك شلون حبيتها
وشفت نظراتك الها
حرگت گلبي وانه حرگت گلبك من موتت
ولي العهد الي ذبحت روحك وانت تريد بس
تشوفه
فقدت العقل ولزمتها هي وزينب دك بالعگال
ليله
رضا بعد السمعه تحول لوحش گض حليمه وزينب
ووكعلهن دك بالعگال اختها تدخلت
دفعها بقوه كامت تصرخ وتلطم جده ماادخلت
عمه تريد بس تگضه ماكدرت علي
طب يركض هو وامير ابن
سعديه گضوه
يصرخ
ولكم عووفني خلي اجتلهن
خاال مو هيج طلع حسكم
علي رد علي وهو مجتفه سعديه كومت اختها
وكالت
اانفجعتي على هالعمله راح ينهجم بيتج
رضا نفض روحه من علي امير راح لامه كال
شكوو شصاير
اااسمعيني ولج
رضا صاح بحليمه كمل
بيتي بعد ماايلمج مالج كعده بعد هنا
اختها اجت تتوسل بي وكالت
رضا بخت محمد لخاطر بناتك سامحها
عاين لحليمه بخزره وكال
ااانتي طاالك وولي من هنا قبل لااذبحج
واخذ ثار ولدي منج
اختها كامت تلطم حليمه ردت علي بعين
گويه
روح من عساك ماشفت الولد ولا تهنيت
بهل الكحبه العندك
هي حجت هيج وهو هم هد عليها ملخها تملخ
العياط گب گوه فكوها منه يفشر
فشار مو صاير امير
واختها اخذوها من يمنا بسرعه انه گاضته
وي علي وامه ينفض بروحه ويتلاوى وينا يريد بس
يگضها طلعو من يمنا كعدنا
رضا ينهد من غضبه
علي راح لزينب وجهها كله دم تبجي ومرعوبه من
ابوها كومها خجلانه منه زهاء راحت
الها هي وسكينه يبجن من وره
الصار رضا صاح
وكام وكفت بوجهها انه وعمه
خرررب صفحه ااهلج اانتي ولج حيه طلعتي
مثلها وعگرب جتلتي اااخوج من الله
لاينطيج انتي وامج
علي وخواتها طلعنها بسرعه من يمنا كعد
مهدود حيله ويصيح
مووو نسوان ملفي بيتي عكااارب يمه ولكم
بنتي انه هي الي جتلت ابني
ولجن ليييش بس فهمني لييش شمسوي
انه الجن حتى تفجعني هالفجعه
احور يمه عقلي ماجاي يستوعب هن سبب
موتته شبل اعرف حليمه تموت مني
وتگرهني لجن معقول حقد البشر يوصل
لقتل طفل بعد ماجاي للدنيا
اردد بشهكه
ليش والله مااذيتجن بشي ولا الصار جان
بايدي هو اخوج سوه بيج هي انه شعليه ابني
شعلي بالصار ليش جتلتو واخذتو فرحتي
بي
رحت لعمه كاعده يم رضا وتدعي عليهن كلت
بهستريا
عمه كلت الكم واحد دفعني ماصدكتو بيه
انه ماطحت من سرعتي اخافن علي اكثر من
روحي اريد افرح بجيته وافرح رضا
شااحجي يمه راح من وره المايخافن من الله
يااربي انه شمسوي بدينتي حتى تنطي هيج
حرمه شمسويه حتى تطيح براسي
انه
رضا صاح وگض راسه ون وردد
ولكم بنتي جتلت اخوها ماخافت الله بيه ولا
بي باكن فرحتي انه وامه من الله
لاينطيهن
ااي هي هاي ترباه حليمه شوف شلون زينب
اخذت منها الشين وسوت شي مايشيله
العقل
جده ردت
اااخ ياابويه ولكم اذا ااجتلها هسه الاوادم راح
تعيرني بيها وادكول جابتله العار
علي اجه جده اخذته لجوه كعدت اروح واجي
بمجاني دمعتي تنزل ماامسحها
صافنه مفجوعه وادعي
بحركه گلب
حسبي الله عليجن حوبتي انه وشبل ماتفووتجن
اريدها يارب تطلع بحليمه وزينب
اليوم قبل باجر
رضا فز وصاح
ووينها هااي ،،،،،،،والله اايوم الا اسگطها
امه گضته من هد كمت بفزه
الدنيا افترت بيه رجلي صارن خيوط ومااحس
غير واكعه من طولي
رضا
هديت اريد اگبر زينب ومااشوف غير ليله
تطيح يم رجلي كعدت يمها
واخذتها لحظني
غدت نوميه امي صاحت
جيببن مي بسرعه
مريم جابت مي غسلت وجهها ونت
شلتها وخليتها على القنفه
مريم جيبي شي حلو
امي كتلت لبنتي راحت بسرعه جابت شربت
كعدتها كلت
ليله اشربي شويه
ماشربت ختلت وجهها بصدري تبجي وتشهك
امي كالت بوجهه مطعون
يمه اخذها لفوك السمعنا مو هين من حسبي
الله عليها لحليمه
ااخ ياابويه لو ما يلحكني عاارهن جان ذبحتهن
وبردت نار گلبي بيهن
ااسكت يمه وسلم امرك لله
حسبي الله ونعم الوكيل
تحسبت وكومت ليله تمشي وجسمها يرجف
بين ايدي وتشهك صعدتها لفوك
طبينا للغرفه تمددت
كعدت يمها كلت
بكسره نفس
لاتبجين ااسكتي تره كاض روحي كوه حتى مااروحن
اذبحهن
ماردت ظلت بس تبجي وتشهك گضيت راسي
غادي نار وعرك يدك بي بقوه مااعرف شكد كعدت
يمها سمعتها سكتت لجن شهكه
كل ساع تطلع
عاينت للساعه بالوحده شلون مر الوكت ماادري
كمت من يمها افتر بالغرفه مخنوك ومقهور
كلش نزلت لجوه
امي كاعده يم جدتي شافتني اجت ليمي
كلت بغضب
وينها هاي
دزيتها لبيت حياه وي علي
ليييش يمه مو كلج دزيهااا
رضا تعال يمه
جده نهدت عليه رحت الها كالت
اكعد يمه وتعوذ من الشيطان بنتك غلطت
وغلطها جبير والصوج من امها
هي اساس البله والتربيه
الغلط
جده عقلي مجاي يستوعب السمعته ولكم
بنتي انه هي الي موتت ابني ليش
احد يفهمني انه مو غالي
عدها ماكالت ابويه
خطيه ليش
اكسر فرحته موو اخوها هذا مو راح
يجي ويصير سند الها مافكرت بهل الشي
لا مافكرت لان عدها ام شيطان بس توز بيها
عليك انت وليله وتكرهها بيكم
حسبي الله عليها مو حرمه هاااي شيطان
نجس وكله اذيه
يمه رضا اهدأ وجهك صار دم لا يصير بيك
شي انه شاحصل من حليمه عاين
عليه يبعد امك العوض
من الله هو يعوضك عن
الراح
كمت من يمهن ورديت بغصه
شااريد ادعي يمه مااكول غير حسبي الله
ونعم الوكيل بيهن
مشيت من يمهن وصعدت لفوك ماكدرت انام
توضيت وكعدت اشكي لربي على
سجاده الصلاه
الفجر صليت وانهاريت بجيت بصوت مخنوك
انه الدمعتي عزيزه وماتنزل بسهوله
نزلت وهانت من وره
السمعته
ايد حظنت جتفي جانت ليله الكامت تبجي وياي
ردت اتماسك ماكدرت صعبه من يجيك
الغدر من احد تحبه وتعزه
والاصعب من يجيك
من ولدك
هاي بنتي ربيتها من هي صغيره طلبتها اومر
عندي شيخات گلبي ذني وعيوني ااي اشوف
بيهن رافعه راسي بيهن واكول بناتي
ذخر اليه بكبرتي تجي
زينب وتطعني
هالطعنه وتجتل اخوها الي تعرفني ميت
ولريد بس شوفته حتى يحييني
مسحت دموعي وكالت
ااسكت يبعد گلبي مااتحمل اشوفك هيج
ااخ ولج بزري غدرني بنتي جتلت ولدي
سكتت وكملت بصوت مخنوك
غاليه عليها امها وانه لااا ماكسرت گلبها وكالت
هذا ابويه وراح يفرح بجيه اخويه
شلون افجعه بي
بزر يارضا ماتفتهم وامها كدرت تلعب بعقلها
مو بزر ياليله بنتي جبيره وتعرف الصح من
الغلط والسوته حتى ترضي امها من
نعل الله عليها هي
وياها
شبل راح يارضا
ردت هي وشهكت عاينت الها وجهها غادي
كركم والعيون ورامه كملت
بدموع
ابنا راح والعوض من الله
ااي راح من وره ناس ماخافت الله بي ولا بيه
ولا بيج
ليله
رضا طلك حليمه وهالشي صار وثبت عليها
ورفض اي محاوله لرجعتها بناتها
ظلن ويمنا ورفض
اي يروحن الها او تتواصل وياهن زينب ظلت
يم حياه لان هو جان صاير نار وخافو
عليها لايذبحها دست
على نفسي من وراه
لان صار فد مره اكله قليل وبس يصفن
احجي ويا احاول اطلعه من
هالجو يرد
عوفيني الصار مو قليل
بيوم بليل ورة العشه كعد يم جده
ودز عليه كعدت يمه هو وياها وعمه كال
اريدن احجي وياجن بموضوع
اي كول يمه نسمعك
عمه ردت علي كمل
علي جان رايد زينب من زمان وحاجني بيها
اجلت هالشي الما تكبر بعد وهسه بعد الصار
انه اريدها تزوج وتولي من وجهي
الكل سكت كمل
وزهاء جدي طالب رادها لولد ابنه جمال وراح
هم انطيها اله
بعدها صغيره يارضا
رديت علي عاين عليه ورد
اعرفها صغيره رهو ماراح ياخذها الا بعد
سنتين من يكمل دراسه بغداد
هاهي يمه خوش قسمه والولد ابنا ونعرفه
جده ردت كمل
سليمه طلكتها وبعد مالها رجعه اليه اي واحد
يجيكم من نسوان عرف او غرب
يحجون بسالفتها سدوها
من يمجن
اي يمه
انه كاعده مريم طبت خجلانه مني وتعاين
لابوها حجت بدموع
بويه اسفه والله خفت من عمه حليمه
لان هددتني بالموت انه وخواتي وسكتت عن
الصار
المفروض من صار هالشي تجين تحجي اليه
انه لو جدتج مو تضمي يابنيتي انتي شفتي
شي منكر وجبير والساكت عنه الله يحاسبه
علي
خفت منها بويه تأذينا والله وروح امي جانت
تاذيني انه وخواتي ومانحجي
خوفا من عدها
مريم تعالي
ندهتها اجت ليمي كلت
ااسكتي ولاتبجين ابوج مو زعلان منج
وانتي ليله زعلانه مني
رسمت ابتسامه كوه بوجهي وكلت
لاا انه ماازعل منج احبج انتي وخواتج
هوايه
حظتني كامت تشهك ورد ووعد وكفن يعاين
النا وعيونهن مغوركه
ااستغفر الله ياربي حتى هاليتيمات ماسلمن
من اذيتها لحليمه
جده كالت هالكلام كمت وره مشوار وكلت
امشن خلي نشوف شنسوي عشه
بهل الشهر فاتتني الشهريه وخليت هالشي
بگلبي وكلت خلي اتاكد يله احجي
لمتابعة باقي الرواية زوروا قناتنا على التليجرام من هنا
