رواية موقف سيارات الفصل الستون بقلم حسام يونس
Parking
الجزء 60
فى الميعاد التالى ذهبت ضحى فى موعدها...و استقبلتها سهام بترحاب وابتسامه
سهام...طمنينى عليكى .
ضحى...تمام الحمدلله.
سهام...اخر كلمنا أنك اتطلقتى من احمد
ضحى ...بعد ما اتطلقت...كان راشد بعتلى التأشيره ..ويوم ما بعتها كلمنى فى التليفون.
راشد...اظن كده تمام يا مدام ضحى.
ضحى...مش تمام اووى.
راشد...ليه بس ايه المشكله.
ضحى مفيش مشكله بس محتاجه افهم شويه حاجات كده.
راشد ...حاجات زى ايه .
ضحى...الراتب اللى فى العقد هو ده اللى هاخده.
راشد...ايوه لان الاقامه علينا الاكل والشرب علينا وليكى اجازه كل ست شهور ومصاريف الاجازه علينا.
ضحى...ايه هى مصاريف الاجازه
راشد...الطيران وراتب الشهر الاجازه
اظن ده كويس .
ضحى ..كويس انا بس كنت عاوزه افهم
راشد...قدامك قد ايه وتيجى علشان احجزلك الطيران.
ضحى ...قدامى شهر تقريبا علشان أرتب أمور اولادى قبل ما اسافر.
راشد ...كتير شهر يا ست الكل.
ضحى...هو ممكن اخد شهر سلفه وتبقى تخصموه كل شهر حاجه علشان مصاريف الاولاد.
راشد ..علشان خاطرك ممكن مفيش مشكله.
ضحى ...متشكره اووى ...خلاص اسبوعين واكون عندك.
راشد...هكون فى انتظارك فى المطار بنفسى.
ضحى..لدرجه دى انا غاليه عندك.
راشد...من يوم ما شفتك وانتى غاليه عندى.
ضحى...بكرر شكرى لذوقك.
ابتسمت هدى عندما رنت كلمته
من يوم ما شفتك وانتى غاليه
وفى خلال أيام ارسل لها تذكرة السفر
والشهر السلفه الذى طلبته.
وأبتدت ترتب حال اولادها ووصت جيرانها واخواتها على البنتين فى غيابها
وجهزت نفسها للسفر .
ووصلت حيث مقصدها وكان فى انتظارها راشد فى المطار...واصطحابها إلى السياره وتعمد أن يجلس بجوارها ملتصق بها ..ورمقته ضحى بطرف عينيها واحست أنه تحت تأثير جمالها.
ضحى ...هنروح على فين دلوقت .
راشد...على المستوصف علشان تستلمى شغلك.
ضحى..هو انا هقيم فى المستوصف
راشد..اه مع زميلك فى مبيت للممرضات
ولو حابه تقعدى فى مكان لوحدك...انا تحت امرك.
ضحى...مش فاهمه تقصد ايه
راشد...لا ابدا انا اقصد راحتك.
ضحى...استاذ راشد انا جايه هنا اشتغل
مش صح كده.
راشد...متلعثما...اكيد طبعا
ضحى...والحاجه المهمه انى مليش فى الحرام رغم احتياجى الفلوس جدا.
فا اظن الوضوح مفيش احسن منه.
راشد...تقصدى ايه بكلامك ده
ضحى...ابدا لما تتشجع وتتكلم اقولك اللى أقصده.
راشد ..انتى ذكيه اووى
ضحى...هو الطبيعى ابقى غبيه
راشد ..لا مقصدش...بس كلامك هيخلينى اتعامل معاكى بوضوح.
ضحى...ياريت علشان تريح وتستريح
راشد...ممسكا بكف يدها...بصى انتى ست جميله وذكيه وعارفه انتى عاوزه ايه كويس..وده بيشجعنى اطلبك للجواز
واعتقد انتى حسيتى بطلبى ده من زمان
ضحى...باسمه ومكنش ينفع تطلب الطلب ده مصر يعنى.
راشد..اصل شكلك جد بزياده
ضحى ..وقت اللزوم جد ووقت اللزوم برده بكون ست اوووى.
راشد...واضح ...بس اقولك ظروفى وليكى انك توافقى أو توفقى.
ضحى...ضاحكه قول اللى عندك.
راشد ..انا متجوز اتنين ...لو ليه نصيب فيكى هنتجوز عرفى ..وهديكى كافة حقوقك ..هتقعدى هنا فى شقه لوحدك
وهجبلك شقه تمليك فى مصر ودى مهرك
ضحى...والشبكه
راشد...ننزل نشتريها بالليل ونكلم المحامى فى مصر يشتريلك شقه باسمك
مبسوطه كده ولا فى حاجه تانيه
ضحى...مصاريف الولاد فى مصر المفروض انى بشتغل هنا.
راشد...مفهوم كل شهر هديلك ليهم مبلغ تبعتيه.
وانا تحت امرك جهز عقد الجواز
راشد..بس ليه شرط مهم جدا
ضحى...شرط ايه
راشد...مش عاوز بنا خلفه انت عندك اولاد وانا كمان عندى خلينا لبعض للانبساط وبس.
ضحى...اتفقنا.
ورحنا على الشقه بدل المستوصف
وبالليل جاب المحامى واتجوزنا ونزلنا جابلى الشبكه وفى خلال عشر ايام
كان جابلى الشقه فى زايد فى 6 اكتوبر
سهام...يعنى وفا بكل وعوده ليكى
ضحى ...فعلا وكنت مبسوطه وسعيده معاه اووى.
سهام...كان عنده كام سنه.
ضحى...باسمه كان اصغر منى بسنتين
سهام..بس واضح انك سعيده معاه
ضحى...الصراحه اووى...لحد ما طلبت منه انزل مصر.
راشد...انا كمان ليا عندك طلب
ضحى...تحت امرك.
راشد ..انا شايف أننا نكتفى بالفتره اللى قضناها سوا...وهديكى كل حقوقك وترجعى لاولادك.
ضحى...انت بتقول ايه يا راشد...هو انا غلطت فى حاجه.
راشد...ابدا بس احنا كنا واضحيين من البدايه مع بعض.
ضحى ...مجبناش سيره الانفصال فى اى اتفاق بينا.
راشد...معاكى حق بس فين ذكائك
كل شئ بنا كان بيقول أن دى النهايه
المتوقعه...وتم الطلاق فى هدوء
وإدانى مبلغ كبير وحجزلى تذكرة الطيران
ورجعت مصر.
سهام..ده حصل بعد قد ايه جواز.
ضحى...خمس شهور .
سهام...مش دايما الدنيا بتدينا اللى عوزينوا...لازم تعرفى أن الدنيا بتاخد وتدى. مش دايما تدى بس...انتى محتاجه
تفكرى شويه فى خطوتك علشان متتعبيش قدام.
انتى دلوقت اعتقد ظروفك أحسن كتير من الاول.
ضحى...الحمد لله.
سهام...بتشتغلى دلوقت
ضحى...عندى محل فى أكتوبر لبيع العبايات.
سهام...يعنى فى غنى عن المغامرات.
ضحى...بس برده محتاجه راجل
الى اللقاء فى الجزء
بدل ماتدور وتبحث علي الروايات خليها علي تليفونك وحمل تطبيقنا
