رواية موقف سيارات الفصل التاسع و الخمسون بقلم حسام يونس
Parking
الجزء 59
فى الموعد المحدد...حضرت ضحى
وقابلتها سهام بترحاب
سهام...اخبارك ايه الاسبوع ده
ضحى...الصراحه مش عارفه اقولك ايه
بس الحقيقه مش مظبوطه.
سهام...ليه بس ....حصل حاجه
ضحى ...لا محصلش حاجه بس كل تفكيرى متركز على احتياجى إلى راجل
عارفه انى مش المفروض اقول كده.
سهام..ليه ده حقك وزى ما بنقول فى ست بارده لازم نقول ست عندها شغف
ضحى ..ايوه فعلا شغفى شديد اوووى للحكايه دى.
المهم بعد فتره من موت سمير ومن بعده طارق كان فى واحد صاحب سمير كان بيتواصل معايا علشان يطمن عليه انا والبنتين ..ولاحظت اهتمامه الزايد بيه
لحد ما فى يوم طلب أنه يشوفنى بره البيت ...واتفقنا نتقابل فى كافيه فى وسط البلد...ورحت وقابلته
سهام...اسمه ايه
ضحى...اسمه احمد...رحت فى الميعاد
ولاحظت أنه متوتر فى انتظارى
احمد...معلش خرجتك بالليل من البيت
ضحى...خير فى ايه
احمد...ابدا مفيش بس كنت عاوز اطمن عليكى.
ضحى..لا فى حاجه تانيه جواك عاوز تقولها.
احمد...ايه ده شكلى باين اووى كده
ضحى...فى ايه يا احمد قول.
احمد...الصراحه كده عاوز اتجوزك.
ضحى...بس انت متجوز
احمد...ايوه بس مش مرتاح فى جوازى
وحاسس أن انتى اللى تناسبنى فى كل حاجه.
ضحى...انا كنت حاسه بيك من اول مبتديت تقرب منى انك معجب بيه
احمد...اوووى ياضحى مش شايف من الستات غيرك.
ضحى...طيب ازاى يا احمد وبيتك وبيتى وولادى.
احمد...نتجوز عرفى دلوقت وناخد شقه لينا نتقابل فيها...لحد ما نظبط امورنا.
ضحى..طيب شوف الشقه الاول وبعد كده نبقى نتجوز ...بس الشقه متبقاش فى المنطقه عندى.
سهام...انا مستغربه انتى حتى مخدتيش
وقت تفكرى.
ضحى ...كنت حاسه من عنيه ونظرته
أنه عنده رغبه يتجوزنى.
فكنت فكرت وقررت قبل ما يطلبنى
وبالفعل فى خلال اسبوعين كان لقى شقه مفروشه ..وشفتها ويومها رحنا لمحامى معرفته عملنا عقد ووثقه فى الشهر العقارى.
وبقينا تقريبا يوم بعد يوم نروح الشقه
نقعد مع بعض شويه وبعد كده كل واحد يرجع بيته .
سهام...وكنتى سعيده معاه
ضحى فى الاول بس ..بعد كده مع الوقت
ابتديت أعقد مقارنات بينه وبين سمير
والمقارنة طبعا كانت فى صالح سمير
سهام...من ناحية ايه
ضحى...من ناحية كل حاجه
سهام..يعنى ندمتى
ضحى ...مش لدرجة الندم بس حسيت
انى اتسرعت وان كان ممكن اكون مع راجل افضل منه.
سهام...عاوزه اقولك حاجه مهمه اووى
ضحى ..حاجه ايه
سهام...الزوجين مع العشره بيطبعه على بعض فى كل حاجه ..أبرزها العلاقه الزوجيه.
ضحى...باسمه تقريبا صح.
بس مش الحكايه دى بس السبب سلوكه كمان كان غريب عليه فى تصرفاته وتفكيره.والاغرب أنه ابتدا يعتمد عليه ماديا فى ايجار الشقه والتزامات تانيه
سهام...استغلال يعنى
ضحى...مش لدرجه دى بس مكنش عنده مشكله انى اصرف أو ياخد منى فلوس
يمشى بيها حاله.
لحد ما فى يوم راجل خليجى جه يشترى منى عبايات ولاحظت أنه بيشترى اى حاجه علشان يفضل يتكلم معايا كتير وعينه فضحاه كأنه بيصور فيه وفى تفاصيلى..واخترع أنه عاوز موديل معين من العبايات وطلب منه دسته.
وفى وسط الكلام سالنى عدد اولادى كام
فقلت له...بنتين
فقال..وجوزك بيشتغل ايه.
فقلت ...متوفى .
فقال..ايه رايك تحبى تشتغلى عندنا فى بلدى.
فقلت بلهفه ياريت بس هشتغل ايه
فقال...فى مستوصف طبى.
فقلت ياريت يا
فقال...أسمى راشد ..وانتى ايش اسمك
فقلت ..أسمى ضحى
فقال...انا مسافر بعد يومين ولما اوصل اجهزلك العقد وابعتهولك..ادينى رقم تليفونك علشان اتابع معاكى ...105
وفى اليوم ده كنت مع احمد فى الشقه
وحكتاله اللى حصل .
ولقيته معندوش مانع من سفرى.
وفى اللحظه دى قررت انى لازم أطلق وابعد عن أحمد ..وفكرت ازاى ابعد عنه
واتصلت بمراته وقلتلها أن جوزها متجوز عليها.
وبالفعل حدث ما خطت له واتطلقت من احمد بعدما ضغطت عليه زوجته بأن عليه أن يختار بينى وبينها.
ومن أجل أولاده ضحى بى واختار زوجته.
سهام...حياتك إيقاعها سريع اوووى وحاسه انك سايبه نفسك اووى مبتديش لنفسك فرصه للتفكير.
ضحى...الأحداث واضحه ومش محتاجه تفكير .
سهام...تمام ماشى كفايه كده النهارده ونكمل الاسبوع اللى جاى.
الى اللقاء فى الجزء القادم...
بدل ماتدور وتبحث علي الروايات خليها علي تليفونك وحمل تطبيقنا
