رواية طفله في عرين الشيطان الفصل الرابع 4 بقلم مياده السيد الجزار
مروان بفرحه : معتز
معتز نظر له بسعاده ثم احتضنه : مروان وحشني اوي عامل اي
( معتز صديق مروان وجاسم من تمن سنوات 28سنه ولكنُ سافر لندن بقاله خمس سنوات عندما توفت خطيبته )
مروان بابتسامه : كله زي الفل يا صحبي
معتز بابتسامه : مش باين كده حسيت وانا بكلمك امبارح إنِ في حاجه
مروان بابتسامه : هتعرف كل حاجه بس لما ترتاح شويه
معتز بابتسامه : جاسم عرف انِ جاي
مروان بابتسامه : لا ميعرفش لسه
معتز : تمام يلا نروح علي الشركه
مروان بابتسامه : اشطا يلا
ــــــــــــــــــــــــــــــــــــــــــــــــ
جاسم : جهزتي الملف
ساندي : ايوه يا فندم
جاسم : تمام يلا روحي كملي شغلك
ساندي : عن اذنك
جاسم أومأ بهدوء
ساندي ذهبت لتكمله شغلها
ــــــــــــــــــــــــــــــــــــــــــــــــ
اشرف صحي من النوم وجنبه بوسي
بوسي بدلع : صباح الفل
اشرف بملل : خدي الفلوس اهي حق ليله امبارح
بوسي بطمع : بس ده قليل اوي
اشرف بضيق : بقولك اي مفيش غير دول لو مش عجبك اخدهم تاني
بوسي بضيق : لا خلاص اخدهم انا
اشرف : ايوه كده بلاش طمع
بوسي : انت رايح فين
اشرف : هروح البيت
بوسي : طب هتيجي انهارده
اشرف : اممممم اكيد بس هاجي هشرب وبس
بوسي بدلع وهي بتقرب منه : طب لي الليله اللي فاتت معجبتكش
اشرف بيبلع ريقه بالعافيه من قربها له : لا طبعا مش كده بس يعني يا قلبي هاجي هتكلم مع عاطف ونشرب وعلشان متزعليش هبقا اقعد معاكي
بوسي : لا يا روحي هنقضي الليله سوا
اشرف : طب خلاص هنقضيها سوا يلا بقا سلام
بوسي بدلع : باي هستناك
ــــــــــــــــــــــــــــــــــــــــــــــــ
مروان بابتسامه : يلا يا معتز وصلنا
معتز نزل من العربيه بابتسامه وفرحه : انا فرحان جدا واخيرا رجعت مصر بعد غياب خمس سنين وكمان شوفتك ولسه هشوف جاسم
مروان بابتسامه : والله انا مش مصدق واخيرا رجعت مصر من تاني انا وجاسم تعبنا من كتير ما بنقولك إنزل
معتز بحزن : انت عارف يا مروان سبب رفضي غصب عني
مروان بحزن من اجل صديقه : عارف يا معتز علشان كده محبناش نضغط عليك
ثم قال مغيرا للموضوع : وبعدين فيه مفاجات ليك
معتز بابتسامه : اي هي
مروان بابتسامه : تعال نطلع بس وهحكيلك بعدين
معتز ومروان دخلوا الشركه
ـــــــــــــــــــــــــــــــــــــــــــــــ
جاسم بضيق : هدير هو مروان لسه مجاش
هدير : لا يا فندم لسه
( هدير 25سنه سكرتيرة مروان ومحجبه لبسها دريسات فقط ومن حي فقير )
جاسم بغضب اغلق الخط
هدير بضيق : اي ده قفل السكه في وشي وانا ذنبي اي ان مروان بيه لسه مجاش
جاسم يرن على مروان تاني
مروان : الو يا جاسم
جاسم بغضب : مش بترد لي ها رنيت عليك كتير
مروان بمرح : انا مش خطيبتك يا ابني
جاسم بعصبية : مروان بطل هزار ويلا انت فين
مروان : اودامي بالظبط دقائق وهكون عندك
جاسم بنفاذ صبر : ماشي يا مروان اما هشوف اخرتها
مروان بضحك : اخرتها زي الفل والله
جاسم بغيظ : والله شخص مستفز سلام ، وحسابك معايا لما تيجي
مروان : ماشي يا برنس والله هتنسا لما تشوف المفاجاه يلا سلام
جاسم اغلق الخط مع مروان
بعد ربع ساعه
مروان : صباح الخير يا ساندي
ساندي : صباح النور يا مروان بيه
مروان ينظر لي معتز بابتسامه : يلا ندخل زمان جاسم مستحلف ليا
معتز بضحك : طب يلا
مروان دخل عند جاسم
مروان : احم صباح الفل
جاسم بينظر له بضيق ولكن إتصدم عندما راي معتز بجانبه
معتز بابتسامه : عامل اي يا صحبي
جاسم بابتسامه قام باحتضان معتز : واخيرا رجعت
مروان بابتسامه : دي المفاجاه يا جاسم علشان كده إتاخرت عليك
جاسم ينظر له بغيظ : والله ولي مقولتش من الاول
مروان : معتز كلمك امبارح بس فونك كان مغلق وبعدين كلمني وقالي ولما انا كلمتك الصبح محبتش هقولك قولت خليها مفاجأة
معتز بابتسامه : لسه زي ما انت يا صحبي
جاسم بضيق : يعني ينفع اللي هو عملوا
مروان بضحك : جرأ اي يا لمبي حبيبت هعملك مفاجاه
جاسم بنفاذ صبر : الساعه دلوقتي 12 وانت قولت انك هتيجي الشركه الساعه 10ونص
مروان : انا روحت هجيب معتز بس هو كان عايز يروح الفندق يسيب الشنطه
معتز بابتسامه : ايوه فعلا ده اللي حصل خلاص يا جاسم بلاش تضايق كده
جاسم محاولا الهدوء : لي مردتش عليا في الاول
مروان بضحك : اللي يسمعك يقول اننا مخطوبين
جاسم بغيظ : انت عمرك ما هتكون جد وتكبر شويه
مروان بضحك :انا هفضل زي ما انا
معتز بضحك هو الاخر : والله وحشني ناقركم
مروان بابتسامه : وانت وحشتنا يا صحبي
ثم قال وهو ينظر لِ معتز بابتسامه : انا كنت عايز هعملك المفاجاه برجوع معتز من تاني
جاسم : انا هعديها بس المرادي علشان المفاجاه حلوه
ثم قال وهو بينظر لِ معتز بتحذير : وانت اياك تقول انك هتسافر تاني
مروان بجديه : ايوه يا معتز احنا ما صدقنا انك رجعت
معتز بابتسامه : مين قال إنِ هسافر تاني
مروان بسعاده : يعني هتستقر هنا
معتز هز دماغه بابتسامه
جاسم بابتسامه : نورت بلدك من تاني يا صحبي
معتز ابتسم واحتضن اصدقائه
ثم قال : بس صح اي اللي حصل في غيابي بقا لانِ من ساعه ما سافرت واحنا مكناش بنتكلم دايما ، اه هو فن رامي ملاحظ انه مش موجود
جاسم بصمت نظر لِ مروان
مروان بحزن : هتعرف كل حاجه يا معتز بس مش هنا في الشركه
معتز باستغراب :طب ماتقول دلوقتي
جاسم محاولا الهدوء : مروان هيحكيلك كل حاجه بعدين
ثم قال مغيرا الموضوع : يلا يا مروان علشان نتكلم على المناقصة قبل الاجتماع
معتز باستغراب نظر لِ جاسم وفهم إنِ في مشكله ولكنُ فضل الصمت
جاسم بابتسامه ينظر لِ معتز : معتز انت طبعا لو حابب تنزل من بكره الشركه مفيش اي مشكله
معتز بابتسامه : اكيد إن شاء الله من بكره هكون موجود معاكم في كل المناقصات
جاسم بابتسامه : إن شاء الله
مروان : انت هتمشي !
معتز بتعب من السفر : ايوه تعبان من السفر وعايز هنام شويه
جاسم بجديه : تمام يا معتز خد راحتك انهارده علشان من بكره هيكون عليك ضغط شغل
معتز بابتسامه خفيفه : انت بطمني كده يعني
مروان بضحك : ده كده جاسم بيطمنك فعلا انت تقلق بس لو مطمنكش
معتز بضحك : علشان كده انا مطمن
جاسم بضيق : اسكت يا خفيف منك لِ
ثم قال بجديه : يلا يا مروان علشان الشغل
مروان بابتسامه : اوك. يلا
معتز بابتسامه احتضن مروان ثم جاسم وبعد ذلك ابتعد وقال بسعاده : انا فرحت إنِ شوفتكم من تاني يا صحابي
جاسم بابتسامه : نورت مصر من تاني يا معتز
معتز بابتسامه : بنورك يا كبير يلا باي
ذهب معتز
وبعد ذهابه جاسم و مروان بيتناقشوا في المناقصة
ــــــــــــــــــــــــــــــــــــــــــــــــ
مِسِك صحيت من النوم بتعب وعيونها وارمه من العياط ذهبت للحمام وإتوضيت ثم ذهبت لكي تصلي الظهر وظلت تدعي وهي تبكي .
بعد إنهاء مِسِك من فروضها ذهبت للداده
مِسِك : صباح الخير يا داده نعيمه
داده نعيمه بابتسامه : صباح الفل يا ست البنات كل ده نوم
مِسِك بحزن : مفيش حاجه تانيه اعملها علشان ههرب بيها من الواقع المؤلم ده
داده نعيمه بحزن : انتي لسه صغيره يا حبيبتي على كلامك ده
مِسِك بابتسامه حزن : صغيره ! لا يا داده انا اللي شوفتوا في الدنيا دي كبرني بدري
داده نعيمه نظرت لها بحزن
ثم اكملت مِسِك بحزن : انتي عارفه يا داده لما امي ماتت كان عندي سنه ساعتها بابا إتجوز واحده شريره كانت دايما بتضربني حتي بابا عمره ما حبني
ثم نظرت لي الداده بدموع : تخيلي يا داده إنِ بابا دخلني دار الايتام فضلت فيها خمس سنين ولما كنت بسال فين ماما وبابا كانت صاحبه الدار تقولي ابوكي مش عايزك ده حتي صاحبه الدار مصعبتش عليها ، طب تعرفي يا داده انا مكنتش هعرف إنِ ليا اب غير لما بدات اكبر ولقيتهم بيقولوا ابوكي رماكي لغيط لما تميت 5 سنين ولقيت بابا جاي علشان ياخدني بس انا مكنتش عايزه امشي معاه ولا كنت عايزه افضل في الدار بس مشيت معاه واول لما روحت معاه حبسني في اوضه ضلمه علشان كده انا من ساعتها بخاف من الضلمه انا مش عارفه لغيط دلوقتي لي بابا ومراته بيكرهوني كده مش عارفه لي حتي اخويا بيكرهني ولما كنت بشتغل كان بيضربني علشان ياخد الفلوس هما لي بيكرهوني يا داده ثم قالت بانهيار : قوليلي لي ماما سابتني لوحدي لي
الداده نعيمه بدموع حضنتها ثم قالت : بس اهدي
مِسِك بدموع : ياريتها كانت خدتني معاها
الداده قامت بالابتعاد عن مِسِك ثم قالت وهي بتمسح دموعها : متقوليش كده بعد الشر عليكي يا حبيبتي وكمان حرام تقولي كده ده قضاء ربنا
مِسِك بدموع : انا حياتي كلها عذاب يا داده حتي الشخص اللي إتجوزني مش طايقني وكل شويه يذلني إنِ ابويا باعني قوليلي انتي يا داده مين اللي يستحمل كل ده
الداده نعيمه بدموع : عارفه يا بنتي انك شوفتي كتير بس والله جاسم مفيش اطيب منه
مِسِك بدموع : فين الطيبه دي بقالي يومين هنا ومشوفتش منه غير القسوه وبس
الداده نعيمه حضنت مِسِك وفضلت تهديها
ــــــــــــــــــــــــــــــــــــــــــــــــ
الشخص بحده : كل ده جاسوسك مش عارف يجيب ملف المناقصه
الشخص بتوتر : والله يا كبير هو
الشخص مقاطعا بحده : بقولك اي لو الشخص ده مش عارف يعمل حاجه يبقي نشوف غيره فاهم
الشخص بتوتر : تحت امرك
الشخص اغلق الخط
ثم قال بشر : هخليك تندم يا جاسم على كل حاجه وفي ثانيه هتخسر كل حاجه حتي البنت اللي انت اتجوزتها هتكون ملكي
ثم ضحك بشر وغل
ــــــــــــــــــــــــــــــــــــــــــــــــ
مروان بتعب : الحمدالله خلصنا مراجعة الملف
جاسم سرحان
مروان باستغراب : جاسم مالك
جاسم سرحان
مروان : جااااسم انت يا ابني
جاسم بانتباه : في اي
مروان باستغراب : انت اللي في اي سرحت فجاه
جاسم بتنهيده : لا مفيش بفكر بس في المناقصه
مروان باستغراب : على اساس اننا اول مره مناقصة ، انا عارفك يا جاسم واكيد في حاجه تانيه
ثم قال : انت بتفكر في مِسِك اكيد صح
جاسم بحده : لا طبعا وبعدين قولتلك تفكيري كله في المناقصه
مروان بابتسامه : طيب هحاول هصدق
ثم قال بجديه : بس صح بكره ان شاء الله عندنا اجتماع مع شركه ايهاب
جاسم بضيق : عارف
مروان باستغراب : انت مش بطيقه يبقا لي دخلنا معاه في صفقه
جاسم بغموض : ايهاب مش سهل علشان كده وافق بكل سهوله انُ يدخل معانا في صفقه كبيره زي دي
ثم قال وهو ينظر لِ مروان بغموض : لازم كل حاجه تكون سر والاهم من ده كله اننا ناخد بالنا من اسرار الشركه
مروان : متقلقش بس صح انت عرفت مين اللي عرف اسرار الصفقه اللي فاتت !
جاسم بخبث : لا لسه بس هيروح مني فين اكيد هيتكشف
مروان بابتسامه : شكلك ناوي على حاجه
جاسم ابتسم بغموض
ــــــــــــــــــــــــــــــــــــــــــــــــ
الداده نعيمه بابتسامه وهي تبتعد عن مِسِك : يلا يا ست البنات اشربي العصير وافطري
مِسِك : مش جعانه يا داده انا طالعه الاوضه
الداده نعيمه : لا طبعا يا بنتي لازم تفطري ولا عايزه تزعليني
مِسِك بحزن : لا طبعا مقدرش خلاص علشان خاطرك هفطر
الداده نعيمه بابتسامه : بالهناء والشفاء يا حبيبتي
ــــــــــــــــــــــــــــــــــــــــــــــــ
معتز : ايوه يا مروان انا وصلت الفندق
مروان : هو انت مش ناوي تجيب شقه ولا اي
معتز : طبعا هجيب بس لما هصحا هشوف بقا
مروان : ماشي تصبح على خير
معتز : اه صح اعمل حسابك نتقابل بليل علشان تحكيلي كل اللي حصل في غيابي
مروان بضحك : ماشي يا عم الفضولي سلام
معتز ضحك ثم اغلق الخط
ثم نظر لِ الصوره الذي بجانبة بوجع وحزن ودموعه نزلت غصب عنه
ـــــــــــــــــــــــــــــــــــــــــــــــ
هدير : تحت امرك يا فندم
مروان بجديه : خلصتي الشغل اللي طلبتوا منك
هدير : ايوه يا فندم
مروان : تمام روحي دلوقتي
هدير خرجت وكان موبايلها بيرن
هدير : الو
الشخص : ****
هدير بضيق : ****
الشخص بحده : *****
هدير بضيق : سلام
هدير اغلقت الخط بدون سماع اي رد
الشخص بضيق : بقا تقفلي الخط في وشي يا بنت ال والله لاوريكي هخليكي تندمي
هدير شردت
مروان مقاطع تفكيرها : هدير في اي
هدير بانتباه : اها يا فندم
مروان باستغراب : مالك في اي
هدير : لا مفيش يا فندم
مروان نظر لها ثم قال : طيب يلا علشان الناس الامريكان في اوضه الاجتماعات
هدير : تحت امرك اتفضل
ــــــــــــــــــــــــــــــــــــــــــــــــ
مِسِك : الحمدلله
الداده نعيمه : انتي مكلتيش يا بنتي
مِسِك : الحمدلله والله يا داده
الداده نعيمه : بس يا بنتي
مِسِك مقاطعة : معلش يا داده انا هطلع هرتاح شويه
الداده نعيمه بحزن : ماشي يا بنتي
مِسِك ذهبت الي غرفتها
الداده نعيمه بحزن على هذه الطفله : يارب يسعدك يا بنتي ويريح قلبك يا جاسم وتبطل قساوه مع البنت دي
ــــــــــــــــــــــــــــــــــــــــــــــــ
حنان : هنروح انهارده للسنيوره بنتك
عادل بضيق : كام يوم كده وبعدين نروحلها
حنان : لا طبعا البت اتجوزت من يومين وكمان علشان لما نطلب اي فلوس ناخدها
عادل : يعني انتي شايفه كده
حنان : طبعا
عادل بضيق : طيب بس ياتري ابنك هيجي ولا لا
حنان : طبعا هيجي معانا
عادل بضيق : هو لي بيرجع الصبح
حنان بكدب : علشان الشغل
عادل : شغل ! انتي شايفه انِ مصدق الكلام ده وانتي بداري عليه
حنان : عادل انا بس
عادل مقاطعا : انا لغيط دلوقتي صابر عليه بس مش هفضل صابر كتير ها
حنان بضيق : ماشي يا عادل خلاص بقا وانا هروح هصحي دلوقتي
عادل : تمام
حنان خرجت من الاوضه وذهبت الي اشرف
حنان : اشرف اصحا يلا
اشرف بضيق : في اي يا ماما الواحد ميعرفش ينام في ام البيت ده
حنان بضيق : حد قالك تسهر بره وبعدين كنت فين ها
اشرف بضيق : ومن امته بتسالي يا ماما
حنان بضيق : انت كل يوم بتبات بره البيت وابوك بيسالني كل شويه عليك بقولوا بتشتغل
اشرف : طب ما انتي اهو بتعرفي تقولي اي حاجه يا ماما اومال لي جايه تصحيني دلوقتي
حنان : في سبب تاني
اشرف بضيق : اي هو
حنان : انا وابوك هنروح انهارده بليل لي الزفته
اشرف باستغراب : لي مش احنا خلصنا منها لي نروحلها بقا
حنان بطمع : علشان ناخد فلوس تاني
اشرف : لي هي الفلوس خلصت
حنان : لا لسه بس اكيد هتخلص ونحتاج فلوس تانيه
اشرف : ماشي سبيني هنام وهبقا هاجي معاكم بليل يلا بقا
حنان : ماشي واه صح ممكن كمان نطلب من جوز المحروسه انُ يشغلك في الشركه عنده
اشرف بنوم : ماشي ماشي
حنان خرجت وتركت اشرف نايم
ــــــــــــــــــــــــــــــــــــــــــــــــ
الاجتماع خلص
الامريكان ذهبوا
مروان بتنهيده : واخيرا خلصنا انا اول مره هقلق كده
جاسم ببرود : لي الاجتماع كان حلو اهو والمناقصه هترسا علينا
مروان بابتسامه : يارب
جاسم : بس صح اي رايك في السكرتيره الجديده هدير
مروان بشرود : شكل في حوار وراها
جاسم باستغراب : حوار اي
مروان بانتباه : هبقا هحكيلك بعدين المهم دلوقتي انا رايح مكتبي واه صح انا هقابل معتز بليل هتيجي !
جاسم بتنهيده : انت هتقابل معتز علشان تحكيلوا كل اللي حصل وانا عايز هنسا والله ساعات بقول لنفسي انه يمكن يكون حلم
مروان بحزن : كل حاجه هتتحل يا جاسم صدقني
جاسم بتنهيده : يارب
ــــــــــــــــــــــــــــــــــــــــــــــــ
ظلت مِسِك تبكي بسبب الدنيا القاسيه
مِسِك بدموع : ماما وحشتيني اوي انا نفسي هجيلك ايوه انا لازم هجيلك سامحني يارب بس انا تعبت
مِسِك نظرت لي السكينه المحطوط في طبق الفاكهه
ظلت مِسِك تبكي وهي تنظر للسكينه
ــــــــــــــــــــــــــــــــــــــــــــــــ
مروان بابتسامه : عامله اي
اماني : الحمدلله
مروان : اسف علشان مسالتش عليكي من الصبح
اماني بابتسامه : ولا يهمك المهم انت بخير
مروان بابتسامه : انا بخير ما طول انتي بخير
اماني إتكسفت
مروان بضحك : طب خلاص خلاص بلاش تتكسفي
اماني مغيرا للموضوع : هو ينفع هطلب منك حاجه
مروان : اه طبعا اتفضلي
اماني : انا عايزه هشوف مِسِك انهارده
مروان باستغراب : ما انتي شفتها امبارح
اماني برجاء : وعايزه هشوفها تاني انهارده
مروان بتنهيده : ماشي يا ستي بس بليل بقا ماشي
اماني بابتسامه : ماشي شكرا جداااااا
مروان بابتسامه : انا جوزك مفيش واحده بتشكر جوزها
اماني بخجل : انا أقفل باي
مروان بابتسامه : باي
ــــــــــــــــــــــــــــــــــــــــــــــــ
الشخص : كل حاجه هتتعمل زي ما احنا عايزين
الشخص المجهول : ماشي اما هشوف اخرتها معاكم
ثم قال بحده : بس لو الخطه باظت ساعتها هتندم انت واللي معاك
الشخص بقلق : لا يا كبير خليك واثق فيا
الشخص ببرود : تمام سلام
الشخص الكبير اغلق الخط
ــــــــــــــــــــــــــــــــــــــــــــــــ
مِسِك مسكت السكينه وبدون وعي قطعت شرايين ايدها وظلت تبكي وتبكي لفقدت الوعي
ــــــــــــــــــــــــــــــــــــــــــــــــ
ياتري هيحصل اي !!
مين هم اعداء جاسم !!
ومين الشخص الجاسوس اللي بينقل ليهم كل اخبار الشركه !
مين هي هدير ! وهل ليها علاقه بالاشخاص المجهولين !!
مروان هيثق في هدير ولا لا !!
جاسم هيكون اي رده فعله لما تكون مِسِك في خطر !
اي سبب كرهه عادل ومراته لِ مِسِك !
من هو رامي وقصته اي !
اي اللي هيحصل لما جاسم يشوف اهل مِسِك اودامه !
البارت المرادي صغير بس البارت الخامس هيكون اكبر إن شاء الله وفي ناس جديده هتبدا تظهر منهم الطيب وبيحبوا الخير لِ جاسم ومنهم الشر ونفسهم جاسم يموت انهارده قبل بكره
وهتبدا الاسرار تبان بس امته وازاي واي هي هتعرفوا اكيد .
لمتابعة باقي الرواية زوروا قناتنا على التليجرام من هنا
