رواية جعلتني عاشقاً الفصل الثالث 3 بقلم ملك مصطفي

رواية جعلتني عاشقاً الفصل الثالث 3 بقلم ملك مصطفي 

هادي/أنا طالع أوضتي يا جما...

أنتي جيتي إزااي وإمتى

../لسة داخلة من باب القصر قدامكوا اهه

عفاف بفرحة/ياسمين حبيبتي يا بنتي

ياسمين بإشتياق/ليكوا واحشة يا جماعة

كل العيلة سلمت عليها..

(ياسمين دي تبقى أخت لؤي وهادي)

ياسمين بتعب/أنا جاية من السفر تعبانة أوي أنا هطلع أوضتي أريح ...

عفاف/تصبحي على خير يا بنتي

ياسمين/وأنتي من أهله

طلعت ياسمين أوضتها أخدت شاور وطلعت بجامة ستان بيضة فيها فيونكتين من الاكمام وكان شكلها رقيق 

___________________

وتاني يوم..

صحيت نورسين جهزت نفسها وعملت روتينها اليومي ولبست جيبة سودا على بلوزة بيضة وعلى طرحة سودا وكان الطقم شيك وبسيط أوي..

وإتوكلت على الله ونزلت راحت للشركة...

_________________

وف قصر الدندراوي 

لؤي/ياهادي فهم أختك إنها شركة مش ملاهي

هادي/ياعم هو حد ضامن هتقعد معانا في مصر قد اي خليها تتفسح وبعدين دي شركة أخوها مش حد غريب..

لؤي/إجهزي ١٠ دقايق ألاقيكي قدامي..

ياسمين/فريرهه..

راحت ياسمين جري على أوضتها عشان عارفة أنها لو إتأخرت على أخوها هيمشي ويسيبها...

لبست بنطلون وايت لج على بلوزة لموني وفردت شعرها واخدت فونها ونزلت..

ياسمين/قولتلك مش هتأخر عدي ١٠ دقايق بالظبط 

لؤي/يلا إركبي

وصلوا الشركة.....

____________________

وف مكتب لؤي

لؤي/ياسمين روحي قسم الحسابات هتلاقي بنت جديدة إسمها نورسين خليها تجيب الملفات وتيجي وبالمرة تتجولي في الشركة..

_______________

عدى نص ساعة وهما لسة مجوش ....

لؤي قلق على ياسمين ليكون جرالها حاجة..

راح لمكتب نورسين ولاقاهم قاعدين مع بعض 

نورسين بإندماج/ف قولتله إمشي يا حي..وان من هنا لحسن أفتحلك دما...

وسكتت لما أخدت بالها من لؤي

ياسمين/أنت جاي هنا لي

لؤي/ هو أنا مش بعتك هنا تجيبي الملفات وتجيبيها وتيجي ..

ياسمين/معلش إنمجت معاها شوية الواحد مصدق يفك عن نفسه شوية ..وهي دمها زي العس..

لؤي/خلاااص أنتي هتحكيلي قصة حياتها تعالوا ورايا وهاتوا الملفات 

_____________

ف المكتب 

لؤي/حتي الملفات على التربيزة وأقعدي على الكنبة وأشتغلي عشان الست ياسمين هتلهيكي لو أنتي ف مكتبك

ياسمين/هروح أجيب لاتيه أجيبلك معايا حاجة يا نورسين

نورسين/قهوة مظبوطة ..

ياسمين راحت تجيب المشروبات 

وياسمين خرجت من هنا السكرتيرة دخلت من هناا..

السكرتيرة/ عم السيد.. أنتي اي اللي جابك هنا .. قومي إطلعي برا هنضف المكتب..

نورسين/هو أنتي مش شايفاني مشغولة

السكرتيرة/طرقيناا شوفيلك ركن تاني وحلي عن سمايا

*وكل ده والسكرتيرة مش واخدة بالها إن لؤي موجود*

لؤي/أنتي مين سمحلك يا نجوى إنك تتردي حد من مكتبي...

نجوى بسهوكة/ أنا آسفة يا مستر 

لؤي/تمام تمام 

وخرج من برا المكتب...

نجوى بقرف/عاجبك للي حصل بسببك ده

نورسين/الظاهر إني عديتلك كتير 

نجوى صرخت في وشها/هو أنتي هتستعبطي عليا يا بت

نورسين/مابدهاش بقااا 

وشدتها من شعرها وعضتها في دراعها 

نجوى وهي بتحاول تدافع عن نفسها مسكت السكينة للي كانت على طبق الفاكهة للي على التربيزة...

ولسوء حظها دخل لؤي

لؤي/ اي للي بيح.... 

             الفصل الرابع من هنا 

لمتابعة باقي الرواية زوروا قناتنا على التليجرام من هنا