روايه ماسة النوح الفصل التاسع والعشرون بقلم ريتاج محمد
#ماسة_النوح_ال_٢٩
ماسة بصتلة بقرف وهي بتقولة:انت عايز مني اي
خد نفس كبير من السجارة الي كانت فايدة وبعدها قال :والله يا قطة حاليا مش عايز منك انتي شخصيا حاجة
محتاجين من الي يعرفك :اهلك ..اخوكي ..امك ابوكي ...صاحبك ..مديرك ف الشغل
اي حاجة نستنفع بيها ...
ماسة:يعني عايز اي يعني
الراجل ببسمة معفنة ظهرت صفار سنانة:فدية ...عايز ١٠
مليون جني
ماشة بصدمة :اية...كاممم ..عشرة مليون ...عشرة مليون اييي
لا انت خليني هنا اجدع
الراجل ببسمة بمقرفة:بشوقك يقطة... بس لعلمك القعاد هنا مش ببلاش بردو ..
وخرج
ماسة بزعيق:يا اخخ انتت ياجدع
ياعمنا والله كنت بهزر انت هتاخد على كلامي ...ونبي تعالى كلمهم
يلهوي دا صدق
وقعدت تعيط
_☆☆☆☆☆☆☆☆☆☆
عند نوح
قام ولبس اي حاجة جت قدامة
وهو بيفكر فحاجة واحدة وبس ...ماسة اكيد اتخطفت
بيحاول يجيب دماغة يمين يجيبها شمال ،يحاول يفكر بطريقة تانية بس كل الطرق بتودية لنفس الفكرة"اكيد ماسة اتخطفت "
قلبة كان واقع فرجلية
لبس الكوتشي بسرعة
ونزل ركب عربيتة وساقها بسرعة
وراح على بيت ماسة
خرج من العربية وركنها
وطلع جري على شقة ماسة
وخبط عالباب
☆☆☆☆☆☆☆☆☆☆
عند عبد الرحمن وسليم
كان قاعد
مهموم بسبب الي بيحصل لماسة وقال :يعني المرة الي فاتت جاتلي متشلفطة
ودراعها مكسور
ومفيهاش حتة سليمة
المرة دي بقى اي الي هيحصل
سلبم:طب اهدى بس وان شاء الله نلاقيها
عبد الرحمن:تجيلي بس وربي وما اعبد ما هي نازلة ام الشغل دة تاني
مش لاقيها انا على باب جامع عشان كل شوية يحصلها حاجة
سليم:كوبس انك الي قولتها عشان كدة كدة انا كنت مكرر اني مش هنزلها شغل تاني
يا تقعد معانا يا مع ابوها غير كد. مفيش شغل
عبد الرحمن بصلة ولسة هيتكلم لقوا الباب بيخبط
سليم:لحظة وهاجي نكمل كلامنا
وراح عشان يفتح الباب
لقى نوح فوشة
سليم:اهلا وسهلا اتفضل
نوح دخل وقعد عالكنبة وقال بقلق:لسة برضو ملقيتوش ماسة؟!
عبد الرحمن بيأس :لا
نوح :طب انا هتصرف،هقوم اعمل كذا مكالمة كدة واجيلكوا
دخل البلكونة
ورن على شخص وكلمة انة يدور على ماسة لحد ما يلقيها ان شاء الله تكون تحت الارض
يجيبها
وقفل معاه
ودخل قعد مع عبد الرحمن وسليم يشوفوا موضوع ماسة دة
☆☆☆☆☆☆☆☆
عند ماسة ...
كانت بتعيط
ومر عليها الوقت وهي خايفة
ف لقت باب بيتفتح ونفس الراجل السمج دا
دخلها وهو بيقول ببسمة:لسة بردك مصممة على رأيك
اني متصلش
ماسة بعياط:لا خلاص اتصل بس ونبي انا عايزة امشي
الراجل ببسمة:هتمشي...هتمشي بس لو عملتي الي انا هقولك علية
ماسة برعب:موافقة
الراجل:شطورة وتعجبيني
وطلع موبايل وقال :زي الشاطرة مليني اي رقم دلوقتي
ماسة اصلا مش حافظة غير رقم عبدة
وحست انها نسيتة
لما الرجل كان بيبصلها جامد مستنيها تملية
الراجل بلهجة غليظة:اي ياقطة احنا هنفضل كدة كتير ما تقولي ام الرقم
ماسة برعب كانت بتحاول تفتكر فقالت:٠١٠*********
الراجل :جميل ..واتصل عالرقم
وكان بيدي جرس
☆☆☆☆☆☆☆☆☆☆☆
عند عبد الرحمن وسليم ونوح
كانوا التلاتة بيبصوا لبعض بصت تام
وهما بيفكروا هيلاقوا ماسة ازاي
فجاءة قطع الهدوء والسكوت دا صوت رنة فون عبدة
وكان رقم مش متسجل
عبدة :الو
☆☆☆☆☆☆☆☆☆☆
عند ماسة
الراجل اول لما عبدة قال الو
شغل السبيكر
حط الفون على ودن ماسة
ماسة بدموع:الو ،الو ياعبد الرحمن
عبد الرحمن بلهفة:ماسة ..ماسة حببتي انتي فين
ماسة:انا مخطوفة ياعبد الرحمن
عبد الرحمن:انتي فين طب
ماسة :مش عارفة والله،والله ما عارفة
عبد الرحمن :ط طب بصي كدة ف اي حتة وحاولي تعرفي انتي فين
هنا الراجل شد الفون من على ودن ماسة وهو بيقول بغلظة:الو يانجم
عبد الرحمن بعصبية:مين معايا
الراجل ببسمة استفزاز:مش مهم ...المهم دلوقت لو باقي عالسنيورة
تعمل الي هقولك علية
عشان تجيلك سليمة
مش هتعمل الي هنقولك علية
هنجبهالك كل يوم أجزاء
عبد الرحمن اتخض واتعصب
بس حاول يسيطر
على نفسة عشان اي غلطة منة ف الكلام أو عصبية ماسة هي الي هتدفع التمن
كان هيتكلم
بس سبقة نوح لما شد من على ودنة الفون وهو بيقولة وبيشاور لسليم بمعنى انجز : ...انت عايز اي
الراجل:حلو تعجبني ...بكرة تكون محضر ١٠ مليون جني
وتستني منى مكالمة حلوة كدة
اقولك فيها عالمكان ونسلم ونستلم فهدوء واظن يعني عشرة مليون مش حاجة فسلامة الموظماظيل
نوح:بس عشرة مليون بكرة زقت قليل اوي
عالاقل تلت ايام
الراجل:ميخصنيش ...مشاكلكوا دية تخلوها سوا
انا لو الفلوس محضرتش بكرة
يبقى تجهزوا العزا من دلوقت احسن
وكان هيقفل السكة
نوح بسرعة وهو بيبص لسليم:استني ...ط طب ممكن تديني ماسة
الراجل بغضب:يوووووووة هي شغلانة ...منت لسة مكلمها من خمس دقايق
نوح مكنش عارف يكلمة تاني يقولة اي عقبال ما سليم يحدد مكانة فقال :طب اسمع صوتها تاني اطمن انها بخير
وصدقني الفلوس هتجيلك بكرة
سليم شاورلة بمعنى شاطر سايرة ف الكلام
الراجل بتفكير:طيب خد بس انجز عشان خلقى ديق
وحط الفون على ودن ماسة
نوح بقلق حقيقي:ماسة ..انتي كويسة
ماسة بعياط بعد ما سمعت تهديد الراجل لعبد الرحمن انة هيموتها لو مجابش الفلوس:لا مش كويسة
نوح:طب اهدي اهدي
متعيطيش و اوعدك هترجعي البيت
ماسة مردتش
ف الراجل شد الفون من على ودن ماسة وقال قبل ما يقفل السكة :وقتك معايا خلص
وقفل السكة
نوح بسرعة بص لسليم لقاه بص بارتياح وهو بيقول:يووووه لو كان قفل قبل دلوقت بثانية
مكنتش قدرت احدد المكان
نوح:طب وفين المكان
سليم وهو بيبص ف الاب بتاع عبدة الي قدامة: ف**********
نوح:متأكد
سليم:عيب عليك. ..كورسات الواد ديفيد مراحتش هدر بردك ...
عبدة:طب ودة هياخد اد اي مننا عبال ما نوصل
سليم:حوالي ٤ ساعات
نوح قام وقف:يدوب نتحرك دلوقت
عبدة:طب هناخد معانا شرطة
نوح بغموض:لا شرطة اي .....اتقل عليا
الحوار شخصي وعايزينة يخلص من خير دوشة
سليم بقلق:بس منضمنش بردك ...اضمنلنا ناخد معانا شرطة
نوح:اسمع منى ...يتبع
#ريتاج_محمد
تفاعل بقى عشان الجديد
اقبل يا ادمن
