 |
رواية من الجاني القضيه الثالث عشر 13 الفصل الثالث عشر 13 بقلم محمود الاميننقول بسم الله ونبدأ حلقة جديدة من حلقات سلسلة من الجانى؟ ... كنت قاعد علي مكتبى زهقان من قلة القضايا، أصل أنا في محافظة مفهاش حوادث كتير ويمكن ده مريحني شوية هي محافظة سياحية ومعروفة المهم إنه يومها جالى بلاغ عن جريمة قتل في شقة حي معروف إنه بيسكنه الناس الغنية وأصحاب نفوذ وسلطة على الفور أتحركت قوة من المديرية لموقع البلاغ، كانت عمارة رقم 4.. عمارة فخمة وشيك جداً وأهلها كانوا واقفين تحت في حالة زعر شديد، نزلت ومعايا القوة وسألت حارس آمن العمارة، الجريمة في شقة كام؟ رد عليا وقال في شقة 5 في الدور الثالث ... طلعنا العمارة لشقة 5،باب الشقة كان موارب، دخلنا براحة ولقينا جثة لبنت في الثلاثين من عمرها مدبوحة بسكين حاد، بس مفيش وجود لسلاح الجريمة جنب الجثة أستنيت النيابة والمعمل الجنائى والطب الشرعى لحد ما وصلوا، وبالتفتيش قدرنا نحصل على أوراق إثبات شخصيه وعرفت إن الضحية إسمها مروة عبد النعيم، بس الواضح من شكل الشقة إن المجنى عليها بتشتغل رقاصة وده اللى أكده الجيران .... وبدأنا تحريات عن مروة وعلاقتها بالناس والجيران مروة ساكنة في الشقة دي لوحدها من سنتين، بتشتغل في كبارية رقاصة سمعتها مش كويسة وده واضح يعني من غير كلام ولا شهادة شهود في مشاكل لمروة مع إتنين بس الأول وهو جارها سامح، التحريات أثبتت إن سامح حاول يرتبط بيها قبل كده واتقدملها بس هي مسحت بكرامته الأرض قدام العمارة كلها وكسرت نفسه ومن يومها وخروجه من شقته قل جداً التاني هو عصام صاحب الكبارية، التحريات أثبتت عن خلاف ما بينهم بسبب الاجر بتاعها، وصلت ما بينهم لتهديد متبادل .... شهادة الشهود كان معانا حارس آمن العمارة عاطف اللى قال: الراجل صاحب الكبارية يباشا اللى أسمه عصام زار الست مروة في اليوم ده وزعقاهم كان جايب العمارة كلها بس الزعاق ده هدى وبعدها بنص ساعة نزل من عندها وهو قالب وشه وبيكلم نفسه والشاهد التانى كانت الست عزيزة جارة المجنى عليها وقالت: انا شوفت سامح وهو خارج من شقة مروة قبل ما نعرف انها ماتت بربع ساعه وكان باين عليه الخوف والتوتر ... تقرير المعمل الجنائى وخبير البصمات مأثبتش إى حاجة على حد فيهم لكن في واحد من الجيران لقي تليفون مرمى في منور العمارة، طبعاً كان متكسر لكن الفريق معانا قدر يستخرج الداتا من عليه واللى كان موجود عليه كان مفاجأة مفاجأة حولت شاهد لمتهم وهو حارس العمارة عاطف واللى كان بينه وبين مروة محادثة تثبت إن فى بينهم علاقة .... واحنا في الحيرة دي جيه تقرير الطب الشرعى اللى اثبت إن مروة كانت حامل ... حل القضيه الثالث عشر من هنا |
تعليقات
