رواية موقف سيارات الفصل الثامن و الخمسون بقلم حسام يونس
Parking
الجزء 58
الحاله رقم واحد وعشرين
فاتن تحادث سهام على الهاتف الداخلى
مدام ضحى على وصول كلمتنى وقالت على وصول.
سهام...اول ما توصل دخليها على طول
بعد عشر دقايق وصلت مدام ضحى
تقدمتها فاتن إلى غرفة سهام
استقبلتها سهام بابتسامة ترحاب
سهام...اتفضلى اقعدى
ضحى ..جلست أمام سهام وعينيها تتجول فى الغرفه.
سهام...ممكن تعرفينى بنفسك
ضحى...انا ضحى السعيد...عندى سبعه وأربعين سنه...ارمله وعندى بنتين كبار
سهام...عندهم كام سنه.
ضحى...الكبيره رضوى اتنين وعشرين سنه...الصغيره هند عندها تسعتاشر سنه
سهام...بتشتغلى.
ضحى...عندى مشروع صغير كده لبيع الملابس.
سهام...خير بتعانى من ايه.
ضحى..نفسيتى تعبانه اوووى...وبعانى
من الوحده.
سهام...مش ولادك قاعدين معاكى.
ضحى...نظرت إلى سهام مبتسمه..مش الوحده دى .
سهام..امال تقصدى ايه
ضحى...اقصد وجود راجل فى حياتى
سهام...اه مفهوم.
ضحى..انا عارفه أن دى حاجه تكسف
سهام...لا خالص ده شئ صحى ومطلوب
زوجك اتوفى من امتى .
ضحى...من اربع سنين
سهام...احكيلى حكايتك من فترة صباكى يعنى من مرحلة ثانوى.
ضحى..انا كنت فى دبلوم تجاره عيشه انا وماما واختى وبابا وقتها كان مسافر السعوديه.وكنت فى مرحلة الشباب وجميله شويه وكنت بحس ده من نظرات الشباب والرجاله ليه وانا ماشيه.
سهام..كنتى مرتبطه فى الفتره دى
ضحى...ايوه كنت أناو طارق مرتبطين
سهام...مين طارق
ضحى...كان جارنا فى الحى وقعدنا مرتبطين حوالى خمس سنين .
سهام...ومتقدمش ليكى ليه.
ضحى ...زى اغلب الشباب وقتها مكنش مستعد علشان ظروفه.
سهام...كان بيحبك فعلا
ضحى...طارق هو اللى حببنى فى الحب نفسه.
سهام...كملى وبعدين
ضحى...اتقدملى سمير وقتها...ووفقوا عندنا فى البيت.
سهام...وانتى وافقتى.
ضحى ...اه لانى كنت عاوزه اتجوز صغيره.
سهام...وطارق
ضحى...هو نفسه قلى وافقى...وفضلت مخطوبه تلات سنين...لحد ما اتجوزت
سهام...وعلاقتك بسمير كانت كويسه
ضحى..ايوه جدا
سهام...وطارق قصته انتهت.
ضحى...لا طارق فضل صديق مقرب.
سهام ..انتى ساكنه فين
ضحى...السيده زينب
سهام...كملى
ضحى ..انا عارفه ممكن تكونى بتقولى عليه ايه دلوقت.
سهام...مش دورى انى احاسبك ...دورى اسمعك واحلل شخصيتك وبس علشان اقدر اعالجك.
ضحى...اتجوزت بعد تلات سنين خطوبه وانتقلت لبيت سمير فى مصر القديمه.
وكنت سعيده اووى مع سمير
سهام...كان بيشتغل ايه سمبر
ضحى...كان نقاش بس معه دبلوم.
والايام عدت بحلوها ومرها...لحد ما سمير تعب واكتشفت أن عنده كنسر
وطبعا كانت مفاجاه مش فى الحسبان
وعدى سنه بالنسبه ليا عذاب لحد ما سمير مات.
وطبعا بعد موت سمير كان لازم اشوف مصدر دخل ليا علشان البيت يمشى
وخصوصا أن سمير كان شغله حر مش موظف.
سهام...ولقيتى عمل مناسب
ضحى..انا كنت محتاجه فلوس علشان اعمل مشروع مش عاوزه ابهدل نفسى فى اى شغل والسلام.
واتصل بيه طارق يعزينى...وعرضت عليه فكرة المشروع وأنه يشاركنى فيه.
فهم طارق انا بفكر فى ايه...وعرض عليه مبلغ إبتدى بيه على سبيل السلف
واخدت منه الفلوس وعملت مشروعى
فى مدخل البيت .
سهام...ورجعلك طارق كا حبيب ولاصديق
ضحى...باسمه اتفقنا على الجواز
سهام...هو مكنش اتجوز
ضحى ..لا اتجوز وعنده ولد
سهام .اتفقتوا من باب حب قديم ولا مجرد عريس.
ضحى...لا حب قديم.
سهام...ممكن اسالك سؤال
ضحى...اتفضلى
سهام...هو شغفك للجواز راجع لاحتياجك إلى عاطفة الجواز ولا احتياجك لراجل
ضحى...فى الوقت ده مش عارفه...لانى كنت متلخبطه .
سهام....واتجوزتوا على طول.
ضحى...للاسف لا لان طارق مات فجاه
سهام ..لا حول ولا قوة الا بالله العلي العظيم .
ضحى ...النصيب .
سهام...طيب اشوفك الاسبوع اللى جاى
بدل ماتدور وتبحث علي الروايات خليها علي تليفونك وحمل تطبيقنا
