رواية موقف سيارات الفصل السادس و الخمسون بقلم حسام يونس
حياتى كانت مابين شغلى مع المعلم ولفى فى الشوارع وبعد كده الرجوع للاوده حيث الامان...ومع كده كنت دايما عندى خوف من الشارع وحكايته...وكبرت وصلت لسن العشرين ...واتقبض على المعلم وهو بيستلم بضاعه فى الصحراء
وفضلت ادور على شغل تانى لأن الفلوس اللى كانت معايا خلصت.
وافتكرت واحد كنت بشوفه اوقات عند المعلم..رحت له يشوفلى شغل وقلى اشتغل معايا .
كرم ..هشتغل ايه.
الرجل...هتبقى راجل من رجالتى ...احنا بنشتغل كل حاجه واى حاجه..احنا بيسمونا مخلصتيه...شغلنا قرشها حلو
بس عاوزه قلب جرئ وذهن صاحى.
اشتغلت معاه وذاع صيتى أن قلبى جرئ
ومش بخاف...لحد ما جت عمليه تأمين نقل اثار وكانت عمولتنا هتكون قطعتين اثار واحنا تصرفهم بمعرفتنا ...وده خلى المعلم بتاعى يكتفى بى لنقل الحموله
وبناء عليه اخد حته صغيره من الآثار
والمعلم ياخد الحته الكبيره.
العمليه حصل فيها نوش بين تجار الآثار
وانضرب نار علينا وللاسف مات المعلم وقدرت انا اهرب بالشحنه وسلمتها لأصحابها...واستلمت انا القطعتين
وتغيرت حياتى بطريقه انا متخيلتهاش
اشتريت فيلا فى مكان من المدن الجديده وفرشتها احسن فرش..بعد ما بعت الحته الكبيره
وأصبح عندى حساب فى البنك واشتريت
عربيه فخمه جدا
واعتادت على افخم المطاعم...وكباريهات شارع الهرم.
وفكرت اعمل مشروع علشان اعيش منه
سهام...ووصلت لايه فى التفكير
كرم ..الفلوس كانت كتير مكنتش احلم بيها ولقيت وقتها مركب سياحيه للبيع
اشترتها وسبت الطقم بتاعها زى ماهو
لإدارة المشروع.
سهام...كانت عباره عن ايه المركب دى
كرم...مسرح منوعات وصالة ديسكو وكافيه عادى على سطح المركب
كل الحكايه انى غيرت الاسم بس
سهام...سمتها ايه
كرم...سمتها رندا
سهام...بتحبها انت اوووى
كرم ..اللى كان فى ظروفى الضحكه فى وشه تفرق معاه معنويا .
سهام...كمل يا كرم.
كرم ...بعد ما ظبطت امورى روحت عند راندا اختى.
زوجة أبى قابلتنى بحفاوه شديده
دخلت على طول حيث تجلس رندا
بوست أيدها وقعدت
كرم ..ناظرا إلى زوجة أبى..انا عاوز راندا تيجى تعيش معايا علشان اوديها لدكتور كبير يشوفها.
زوجة أبى...شكل ظروفك بقت عال
كرم ..الحمد لله
زوجة أبى...انت بتشتغل ايه
كرم..مش هتفرق يا مرات أبويه
زوجة أبى...بص يا ابنى راندا حملها صعب وكمان انا مينفعش اسبها لوحدها
كرم...بسيطه تعالى معاها وخلى البيت هنا للشباب.
زوجة أبى ...للدرجه دى عيشتك ارتاحت
كرم...عيشتى ارتاحت بعد ما نمت فى الشارع واكلت من الزباله.
زوجة أبى ..ايه لازمته الكلام ده يا ابنى
كرم...انا بس بفكرك أن ملكيش اى حقوق عندى ..وكونى باجى هنا فده علشان خاطر راندا مش اكتر.
عموما بعد يومين هاجى اخدك انتى وراندا تعيشوا معايا.
زوجة أبى...ماشى اكون اتشاورت مع اخواتها .
كرم .أخرج من جيبه رزمة فلوس واعطاها لزوجة أبيه.
ثم نظر إلى راندا باسما ...منستكيش طبعا
احلا شيكولاته إلى احلا راندا...ثم أخرج مبلغ مالى وناولهلها.
راندا...اخذت يده وباستها
كرم ..هوديكى لأكبر دكتور متخصص
وان شاء الله تقومى وتمشى على رجليكى.
بعد الأمور ما استقرت جالى تهديد من الناس اللى ضربوه علينا نار وقت تسليم الآثار ...فا اضطربت اجيب بودى جاردات
لحميتى ...وقدرت انى أتخلص منهم فى عمليه مداهمه ليهم ...ومن وقتها الموضوع سمع وانشهرت اووى أن قلبى جرئ...وناس كتير لجأولى اجبلهم حقهم من ناس جيرين عليهم.
سهام...يعنى حسيت بالخوف من وقتها
كرم..لا ابدا خوفى كان انى مقدرش اساعد راندا اختى أنها تتعافى من اللى هى فيه.
سهام...مش شايف انها حياه خطره وتوتر اى انسان .
كرم ..الخوف مات جوايا من اول يوم ليه فى الشارع..عارفه يا دكتوره من اول يوم فى الشارع امى مسبتنيش لحظه خصوصا بالليل كانت بتفضل جانبى لحد ما اصحى من النوم.
سهام...يعنى مازالت امك رغم موتها هى بالنسبه ليك الامان.
كرم...فعلا معاكى حق..واكتر حاجه بتسعدنى لما كنت بساعد الاولاد الصغيره اللى كانوا فى الشارع وربنا قدرنى اساعد منهم كتير وارجعهم للطريق الصحيح.
سهام...الحقيقه جواك بزرة خير لكل اللى حواليك أو اللى بتقابلهم.
كرم...بس حالة الهلع دى ملهاش علاج الا انى اخد نفس واطرده لحد ما نفسى ينتظم.
سهام...قلتلك قبل كده التعب اللى عندك نفسى مش عضوى.
كرم...والعلاج ايه للحاله دى.
سهام...العلاج انك تطرد كل الذكريات
السيئه اللى جواك....وعموما هانت فاضل كام جلسه وننتهى من الذكريات دى كلها
سهام...صحيح انت متجوزتش ليه لحد دلوقت.
كرم...انا متجوز وعندى بنتين الكبيره عندها عشر سنين...129
بدل ماتدور وتبحث علي الروايات خليها علي تليفونك وحمل تطبيقنا
