قصة حب قصيره ( انت نبض قلبي)
قصة حب قصيره كامله تفاعلوااااا مع القصه الكامله
❣قصه قصيره❣
انت نبض قلبى
***************
فى إحدى احياء القاهرة وبالتحديد فى حى المعادى حيث تعيش ملك
الفتاه العشرينية ذات القوام الممشوق والعيون الخضراء والشعر الدهبى.
الطالبه بكليه التجاره جامعه القاهرة بالفرقه الرابعه.
تعيش ملك مع والديها واخوها محمود .
وتعيش خالتها معهم فى نفس العمارة هى وابنها سيف طالب بكليه الزراعه.
وابنها احمد مهندس البترول متجوز من تلت سنوات.
يربط سيف وملك قصه حب منذ كانوا اطفال .
ويعلم جميع افراد العيله بهذا الحب وفى انتظار انتهاء الدراسه لهم .
سيف مسك موبيله وطلب رقم ملك علشان يطمن انها رجعت من الكليه .
سيف ..... الو ايوا يا ملك انتى جيتى ولا لسه .
ملك ..... اه يا سوفه أنا هنا من نصف ساعه انت فين.
سيف ... انا فوق اقفلى وانا نازلكم .
ملك ... ماشى يا هندسه وانا مستنياك تعال نتغدى مع بعض خالتك عامله شويه ورق عنب ايه تاكل صوابعك وراهم.
سيف ...... اقفلى طيب جوعتينى يا قلبى .
سيف نزل على تحت وخبط على الباب واللى فى ثوانى كان فتحله محمود ابن خالته .
محمود .... اهلا سيف باشا تعال تعال حماتك بتحبك .
سيف ... وانا بحبها وبموت فيها هى وبنتها .
محمود .... خلاص يا اخويا لم نفسك شويه انت ما صدقت ولا ايه .
جت خالته من المطبخ وسلمت عليه وسألته على امه اللى ما شفتهاش النهارده .
ابتسام .... ازيك يا سيف يا حبيبى فين امك مش باينه ليه النهارده .
سيف .... ازيك يا خالتى عامله ايه .
امى فوق بس شكل الضغط عالى عليها شويه .
ابتسام .... يا عينى يا اختى ربنا يشفيكى .
معلش اتأخرت فى الاكل النهارده ومعرفتش اطلع لها اطمن عليها .
سيف ... ولا يهمك يا خالتى هى احسن دلوقتى .
جت ملك وبدأت تجهز السفرة وحطوا الاكل وبدؤوا ياكلوا .
سيف .... الله الله يا خالتى تسلم اديكى شويه ورق عنب انما ايه تحفه .
محمود .... حلو اوى يا امى تسلم ايدك.
ملك ..... احم احم نحن هنا ما انا اللى غرفت ورق العنب على فكرة .
سيف ..... ولا تزعلى يا ستى تسلم اديكى يا ست ملك.
خلصوا الاكل وبدأت ملك تشيل فى الاطباق واستاذن محمود علشان نازل يقابل واحد صاحبه .
قعد سيف هو وخالته عقبال ما عملت ليهم ملك الشاى .
وشويه وسابتهم ابتسام وقامت علشان تصلى المغرب .
سيف ... عامله ايه يا حبيبتى .
ملك .... تمام يا سوفه
كلها شهرين ونخلص من ام الدراسه دى اخيرا .
سيف .... ياااه يا ملك امتى بقى نخلص ونتخطب وبعدها على طول نتجوز .
ملك ..... ايه يا عم انت .
خلصنا واتخاطبنا واتجوزنا كمان .
سيف ... نفسى يا ملك اغمض عينى وافتحها الاقيكى مراتى وام عيالى .
ونجيب خمس ست عيال يملوا علينا البيت .
ملك ... انت بجد مجنون ليه هنعمل فريق كوره ولا ايه .
الباب خبط وجه الاب من شغله وسلم على سيف وملك وسأل على ابتسام وقالوله انها بتصلى المغرب.
______________
خلص اليوم وجت شمس يوم جديد صحيت ملك على تليفون سيف .
ملك ... الوووو
صباح الخير يا حبيبى .
سيف .... صباح الفل والورد والياسمين يا حبيبه قلبى .
ملك .... احم احم كده انا صحيت على احلى كلام .
سيف ... اودامك اد ايه وتنزلى ؟؟؟
ملك .... ادينى نصف ساعه وهارن عليك .
سيف ... تمام يا حبيبتى يالا سلام .
قامت ملك ودخلت على الحمام وبعد شويه كانت خلصت ولبست هدومها ورنت على سيف .
فتحت ملك باب الشقه ولقت سيف فى وشها.
ملك .... ايه ده خضتنى يا ابنى انت
سيف .... معلش يا لوكه تعيشى وتخدى غيرها .
مسك اديها وباسها وخدوا بعضهم ونزلوا راحوا كلياتهم .
فى كليه سيف كان واقف مستنيه صحابه الانتيم خالد ومحمد.
سيف .... صباح الخير يا رجاله عاملين ايه .
خالد ... صباح الفل يا مان اخبارك ايه .
محمد ... تمام يا هندسه اتأخرت ليه .
سيف ... ابدا يا محمد عقبال ما وصلت ملك على الكليه وجيت على طول .
خالد .... ملك تانى يا ابنى انت غاوى فقر ما تسيبك من بنت خالتك دى وشوف ماهى بنت الدكتور معتز .
سيف .... اوف عليك يا خالد انت مابتزهقش.
ميت مرة اقولك ما تتكلمش معايا فى الموضوع ده .
محمد ..... ايه هندسه خالد عنده حق حد يسيب ماهى دى .دى حته قشطه وجمال ومال وهاتبنيلك مستقبلك .
ولسه ما كملش كلامه وجت عليهم واحده زى القمر ❤
ماهى ..... صباح الخير يا شباب عاملين ايه .
خالد .... صباح الفل على عيونك يا ماهى .
سيف ... اهلا يا ماهى عامله ايه .
محمد .... اهلا ماهى . يالا بقى يا خالد تعالى نروح نشرب حاجه فى الكافيتريا. وغمزله بعينه 😉
ماهى .... ايه يا سيف انا ما وحشتكش ولا ايه .
سيف .... احم. لا ابدا يا ماهى احنا لسه كنا مع بعض امبارح ملحقتيش توحشينى .
ماهى .... اخص عليك يا وحش وقربت منه جامد .
سيف .... ماهى احنا فى الكليه ما يصحش كده وقام سايبها وماشى .
ماهى .... اووووف ماشى يا سيف أما وريتك مين ماهى دى .
خلص اليوم وخلصت ملك كليتها وحبت تعمل مفاجاه لسيف وراحتله على الكليه .
واول ما وصلت الباب رنت عليه على الموبيل .
سيف .... الو ايوا يا ملك خلصتى ؟؟؟
ملك اه يا سيف خلصت ومستنياك اودام الكليه بتاعتى .
اودامك اد ايه ؟؟
سيف .... ربع ساعه بكتير واكون عندك .
ملك تمام ما تتأخرش عليا .
فضلت ملك واقفه اودام كليه سيف .
ماهى كانت عرفتها وشافتها قبل كده وتوقعت انها واقفه مستنيه سيف .
سيف يا دوبك كان خارج من باب الكليه وقربت منه ماهى وعملت نفسها داخيه وتعبانه .
سيف ... ماهى مالك فى ايه ؟؟؟
ماهى ..... اه. اه. الحقنى يا سيف مش هقدر اسوق عربيتى .
وأخاف اسوق وانا بالمنظر ده لا اعمل حادثه .
سيف .... اووووف اصل زمان ملك مستنيانى عند كليتها خلى خالد يوصلك .
ماهى .... اخص عليك يا سيف هاتسبنى بالمنظر ده وتروح لملك .
وقامت عامله نفسها داخت خالص واترمت على سيف وبقت فى حضنه .
ملك كانت واقفه مش على بعضها وكانت متغاظه من اللى اسمها ماهى دى .
قامت واخده بعضها وراحت علشان تركب وتروح لوحدها بعد اللى شافته .
سيف ... شافها بظروفها وهى بتعدى الشارع واتفاجاء لما شافها وما كنش عارف يسيب ماهى وهى دايخه ولا عارف يلحق ملك بسرعه بعد ما اتاكد انها شافته مع ماهى.
سيف ... نده عليها بصوت عالى .
ملك
ملك
ولسه يا دوبك ملك بتلف نفسها علشان تبصله جت عربيه سريعه وخبتط ملك ونطرتها على الرصيف.
سيف ساب ماهى على الأرض بسرعه وجرى ناحيه ملك وقرب منها ولقاها غرقانه فى دمها .
سيف..... ملك. ملك.
ملك ردى عليا .
بسرعه شالها وجت عربيه وخدوها على اقرب مستشفى.
دخل بيها المستشفى وبسرعه خدوها بتوع التمريض ودخلوها على اوضه العمليات بسرعه .
سيف كان هايتجنن من اللى حصل لملك وحس بالذنب ناحيتها .
تليفون سيف رن وكان اخوه احمد بيسالوا على حاجه .
احمد... ايوا يا سيف كنت عاوز أسئلك على حاجه .
سيف .... مش وقتك خالص يا احمد اقفل دلوقتى.
احمد.... فى ايه يا سيف ايه اللى حصل مالك.
سيف حكاله على اللى حصل وبعد ساعه كان الكل وصل على المستشفى خالته وجوز خالته وأحمد اخوه وأمه .
جريت خالته عليه وسألته .
ابتسام ..... فى ايه يا سيف ايه اللى حصل لملك انطق.
سيف .... اهدى بس يا خالتى انشاء الله حاجه بسيطه.
جوز خالته ... ايه بس اللى خلى العربيه تخبطها وانت كنت فين ساعتها ؟؟؟؟
سيف .... خبط دماغه فى الحيطه وفضل يقول انا السبب
انا السبب 😡
خرج الدكتور وكان باين على وشه أنه حزين .
جرى عليه ابوها وسيف .
الاب ... خير با دكتور بنتى جرالها حاجه .
الدكتور ... اهدى يا حاج وربنا يعديها على خير .
سيف ... يعنى حصل لها ايه يا دكتور .
لازم نعمل عمليه بسرعه على المخ وطلعت علشان اقولكم على الوضع.
الاب ..... المخ 😱
الدكتور ..... فى نزيف على المخ ولازم توافقوا على العمليه فورا .
الاب ..... لا اله الا الله.
ابتسام بدأت تعيط هى وام سيف .
واحمد بيهديهم .
الدكتور خد الموافقه من ابوها ودخل علشان يكمل العمليه .
عدت خمس ساعات وخرج الدكتور وقالهم ان العمليه نجحت بس هى حاليا فى وقت حرج .
وياريت يعدى 48. ساعه دول على خير .
_______________
كانت بدأت تفوق ملك بعد كام ساعه بس كانت حاسه بصداع فظيع جوه رأسها وبدأت تفتح عينيها .
الكل كان حواليها و قربوا منها لما فتحت عينيها .
ملك .... انا فين ؟؟؟
الام ... حبيبتى انا جمبك انتى عامله ايه .
ملك ..... ماما انا فين وانتم طفين النور ليه .
الام ..... 😱😱
ملك .... الدنيا ضلمه ليه ومش شيفاكى ليه يا امى .
الام .... بدأت تعيط والاب كمان والكل اتفاجأ من كلام ملك .
جرى سيف ونده الدكتور وقاله على اللى حصل .
وجه الدكتور وكشف عليها وبلغهم للاسف انها بقت عميا .
وهاتاخد وقت لما نظرها يرجع لها تانى حسب نفسيتها .
الكل اتصدم من كلام الدكتور وملك بدأت تعيط لما سمعت كلامه .
____________
عدت ايام وشهور وملك بتاخد علاج ومفيش نتيجه ولا تحسن وده اللى خلى نفسيتها وحشه.
سيف ... كان يوميا بينزل يطمن عليها وبعد فترة بدأ كل كام يوم أما بينزل .
وكل ده وملك ما كنتش عاوزة تتكلم معاه من ساعه اخر مرة ساعه الحادثه.
عدى كذا اسبوع وسيف كان امتحن وخلص كليته .
ملك ما حضرتش طبعا الامتحانات وراحت عليها السنه.
عدت شهور وسيف ما بقاش يروح لملك نهائى .
محمود كان داخل على ملك لقاها عماله تعيط .
محمود .... ايه يا لوكه مالك .
ملك .... انت بتشوف سيف يا محمود .
محمود .... الصراحه لا يا ملك ولا بقى يجى حتى يشوف ماما .
ملك .... ماشى يا محمود .
محمود.... ملك سيبك منه وانسيه خالص ده طلع انسان واطى.
ملك .... ما تقولش كده يا محمود سيف عنده حق ازاى هايعيش مع واحده عميا زى .
محمود .... ما تقوليش كده يا ملك بكرة تخفى وهو هايندم أنه سابك وماوقفش جمبك وانتى محتجاله.
سيف.
علاقته زادت بماهى وقربه من بعض اوى .
لحد ما فى يوم نزلت امه لاختها ام ملك و قالت لها أن سيف هايخطب واحده .
ابتسام اتصدمت من الخبر ده وبدأت تعيط على حظ بنتها وان سيف قدر يستغنى عن حب عمره بالسهوله دى .
ملك كانت سمعت كلام خالتها وده اللى خلاها تعيط بحرقه وصوت عياطها كان بيقطع قلب امها و ابوها .
وفعلا بعد فترة اتجوز سيف من ماهى وعاش معاها فى ڤيلتها .
وبدا يشتغل وبقى معاه فلوس كتير وشركه كبيرة .
ماهى كانت مش وراها حاجه غير لبسها ومكياجها والنادى وصحابها.
بدأ سيف يحن لبيته القديم وأمه ولمة العيله كلها فى أول يوم فى. رمضان والعيد وهزاره ولعبه مع اخوه ومحمود و..........
ملك.
بدأ يشتاق ليها تانى وحس بالذنب من اللى عمله فيها .
ركب عربيته وراح على بيته القديم .
عدى على شقه خالته وفجاه الباب اتفتح ولقى محمود ابن خالته اللى عدى كام سنه وماشفهوش.
محمود اتفاجأ بيه .
سيف قرب منه وسلم عليه .
محمود مد أيده وقاله ... ياااه سيف .
وكويس والله انك لسه فاكر ان ليك ام ولا خاله تسال عليهم .
سيف .... عندك حق يا محمود انا قصرت من ناحيتهم جامد.
سمعوا حد طالع على السلم. وكانت ابتسام ام ملك ومعاها ملك مسنداها وماسكه اديها .
ابتسام استغربت لما شافت سيف .
ابتسام ... سيف .
ملك ... 😱😱
سيف .... ازيك يا خالتى عامله ايه .
ملك سابت ايد امها اول لما سمعت صوته وحبت تدخل من باب الشقه خبتط فيه لأنها مش شيفاه جرى محمود وسيف عليها علشان يسندوها .
ملك ذقت ايدهم وسندت على الحيطه ودخلت تتسند عليها .
استأذن سيف وطلع عند أمه فوق.
دخلت ابتسام على ملك لقيتها بتعيط طبطبت عليها وواستها وقالت لها معلش يا حبيبتى بكرة تخفى وتبقى زى الفل انشاء الله لسه الدكتور مطمنا النهارده .
وهانعمل العمليه و تبقى زى الفل .
ملك انشاء الله يا ماما وهاخليه يندم على كل اللى عمله معايا.
عدى كام يوم وملك عملت العمليه والحمد الله نجحت ورجع نظرها تانى وكان الكل فرحان انها بدات تشوف تانى .
فضلت كذا يوم فى المستشفى ورجعت على البيت وبقت زى الفل .
عدت ايام وشهور وملك رجعت دراستها تانى ونجحت .
بس مع كل ده كان سيف لسه جوه قلبها بتحبه وعمرها ما هاتحب حد غيره مهما عمل ومهما عدت الشهور والسنين .
سيف من جواه كان فرحان برجوع ملك تانى للدراسه بعد ما عمليتها نجحت وحاول كذا مرة أنه يروح لخالته ويشوف ملك بس ملك ما كنتش بترضى تشوفه ولا تسلم عليه وده اللى كان بيخلى سيف يدايق .
وفى نفس الوقت حس أن هو السبب فى اللى حصل كله.
وأنه كان لازم يقف جنبها فى شدتها ويقويها ويكون سند ليها فى الوقت ده.
علاقته بماهى بدأت تتدهور ووصلت انهم سابوا بعض وطلقها .
رجع على بيته القديم علشان يشوف ملك ويقولها ويعتزر لها .
وفجاه طلع وخبط على الباب لقى ضيوف عندهم سلم ودخل .
كانت الناس ماشيه وبعد ما مشيوا بيسأل خالته مين دول .
ابتسام ده عريس جاى يخطب ملك .
سيف .... انتى بتقولى ايه يا خالتى ده مستحيل .
انا طلقت ماهى وملك دى حبيبتى وحياتى وعمرى ما هاسبها تانى .
ملك سمعته وهو بيقول كده .
ملك .....كنت فين لما سيبتى فى عز احتياجى ليك .
كنت فين وانا كل يوم انام معيطه بسببك .
كنت فين وانا بموت من جوايا لما كنت بتتجوز.
كنت فين وانا قلبى بيتقطع على بعدك عنى .
وبدأت تعيط وهو قرب منها وقالها !!!
ملك انا عمرى ما نسيتك لحظه .
انتى حب حياتى .
انتى عمرى
وعقلى
وقلبى
وعمرى ما هابعد عنك تانى.
ملك .... انا اسفه يا باشمهندس سيف .
فات أوانه الكلام ده .
سيف.... ارجوكى ادينى فرصه اصلح اللى. انا عملته .
ملك ..... مقدرش مقدرش .
سيف .... علشان خاطر حبنا يا ملك .
ملك .... انا اسفه .
سيف سابها وخرج .
ملك بدأت تعيط جامد . وقلبها بيقول .
اشتقت لذلك المجنون .
ذلك العاشق الذى يلامس احلامى.
ويداعب جنونى
ويراقص مزاجى
سيف ؟؟؟؟💔💔
انت نبض قلبى ❣
تمت
