 |
رواية نهاية أحزاني الفصل التاسع 9 بقلم عادل عبد اللهالحلقة التاسعة بعد ثلاثة ايام من موت خالتي كنت في الحمام وشوفت علي الارض نفس الشكل الغريب اللي كان علي ارضية المستشفي . قومت جري وخرجت بسرعة من الحمام وكان جسمي بيتنفض من الخوف . قولت لبابا علي اللي شوفته ..دخل الحمام وبص علي الارض لكنه لما جي معايا وبص مش شاف اي حاجة علي الارض . قولت لبابا ازاي ؟ ده كان هنا نفس شكل الوش المرعب اللي كان علي سيراميك المستشفي .بابا قالي اكيد بيتهيألك من تأثير اللي حصل . كنت هتجنن ازاي الشكل المرعب ظهر هنا في البيت كمان زي المستشفي وازاي اختفي فجأة !! سألنا في المستشفي وعرفنا ان الشكل المرعب ده اختفي بعد موت خالتي . وبعد كام يوم اسماء اختي كانت بتشوف نفس الوش المرعب ده في اكتر من مكان لكن كان في اماكن مختلفة وباشكال مختلفة . اسماء قالت انها في مره كانت بتغسل الاطباق وشافت في احدي الصواني نفس الشكل ولكن مش بوضوح .بعد كده شافت نفس الشكل في اكتر من مكان لدرجة انها بقيت بتخاف تكون لوحدها وتخاف تدخل اي مكان وحدها . ومع مرور اقل من شهر اسماء كانت كل يوم الضغط بيزيد عليها لدرجة انها انهارت وحصلها انهيار عصبي . لما خالي ابو شادي عرف اللي حصل مع اسماء سمعته بيتكلم مع بابا في حاجه كنت اول مره اسمعها . عرفت من كلام خالي وبابا انهم خايفين علي اسماء يحصلها نفس اللي حصل لخالتي وتموت زيها .خصوصا ان مش بس خالتي اللي ماتت بعد ما اتجننت !! ده كمان امي قبل ما تموت اتجننت وماتت !! ومش بس كده ده جدتي ام امي اتجننت قبل ما تموت بردو !!!!! الكلام ده طبعا كان صدمة بالنسبة ليا وكنت اول مرة اسمعه . بابا قال لخالي ان فعلا شئ عجيب ان جدتي وبناتها الاتنين اللي هما ماما وخالتي ماتوا بعد ما اتجننوا ؟!!! وهل في سبب لده ؟ يعني مثلا في جين وراثي في العيلة هو السبب ؟ ولا في سبب غامض ؟ وهل ممكن يكون اتتقل كمان للبنات ؟؟ خالي قاله انه لو كان السبب جين وراثي يبقي هو كمان هيتجنن قبل ما يموت ؟؟؟؟؟ الغريبة ان قطتي بوسي اختفت تماما ولفترة طويلة عكس كل مرة كانت بتختفي فيها قبل كده . بعدها خالي وشادي كانوا مهتمين اوي انهم يعرفوا السبب ورا اللغز ده .وهل هيكون من نصيبهم كمان انهم يتجننوا قبل ما يموتوا ؟ مع بحث خالي عرف من ست كبيرة من العيلة ان اللي حصل لجدتي وامي وخالتي ماهو الا لعنة !!!!! وان سبب اللعنة دي ان جدتي ام ماما اتجوزت جدي وهو كان متجوز قبلها .وان مراته الاولي عملت سحر لجدتي بالجنان وان لعنة الجنان تصيبها هي وكل النساء من نسلها يصيبهم الجنان ويموتوا وهما مجانين . وفعلا جدتي اصابها الجنان بعدها وماتت بعد ما اتعذبت وعذبت كل اللي جنبها بمرضها . وان اللعنة دي انتقلت بعدها للجيل التاني واصابت امي وماتت .وبعدها بسنين كتير اصابت نفس اللعنة خالتي وماتت . ودلوقتي جي الدور علي الجيل اللي بعده واللعنه هتصيبني انا واسماء . بابا قال مفيش حاجة اسمها لعنه والكلام ده جهل . لكن خالي قاله ان السحر مذكور في القران وان اللعنة دي بسبب سحر عملته مرات جدتي الاولي لجدتي وكل نساء نسلها . بابا قاله بغضب يعني ايه ؟ يعني انا بناتي هيتجننوا ويموتوا هما كمان !!!! خالي قاله اهدي بس واطمن وان شاء الله مش هيحصلهم حاجه . بابا وخالي وشادي راحوا لاحد المعالجين بالقران وقالوله علي الموضوع كله .لكن الشيخ قالهم ان اكتر حاجة واضحة دلوقتي ان شادي نفسه معموله سحر . طبعا شادي اندهش وقال ان الكلام ده مش حقيقي وان الراجل ده كداب . لكن الشيخ قاله يا استاذ انا مش كداب ولا مشعوذ زي بعض الدجالين .انا بعالج بالقران بس مش اكتر .وانت فعلا يا ابني معمولك سحر . شادي سأله سحر اي ومين اللي عملي السحر ؟ الشيخ قاله ان اللي عمل السحر سيدة وان السحر ده بالتفريق مع بنت كان بيحبها وانه يحب بنت تانية غيرها . شادي كل ده كان مش مصدق لكن الشيخ قاله ان هو بنفسه هيحس بالفرق بعد فك السحر .. وقالهم ان السحر اللي بسببه حصلت اللعنة لستات العيلة قديمة جدا من اكتر من خمسين سنة .وان فك سحر بالشكل ده مش سهل ابدا . شادي قاله طبعا يا عم الشيخ هيحتاج فلوس كتير . الذيخ قاله يا ابني انا مش هاخد فلوس ابدا ولا هطلب منكم انكم تصرفوا اي فلوس .انا مش نصاب يا ابني . شادي قاله اومال قصدك اي ان فك السحر ده مش سهل ؟ قاله اقصد انه هيحتاج جلسات قراءة قران كتير وسفر للمكان اللي السحر ده مدفون فيه .لان سحر يعيش الوقت ده كله اكيد مدفون تحت الارض . بابا وخالي وشادي رجعوا من عند الراجل ده علشان يطمنوا علي حالة اسماء . اول ما دخلوا وشوفت شادي بصيت في عنيه شوفت ...... يتبع ............ الفصل العاشر من هنا |
بدل ماتدور وتبحث علي الروايات خليها علي تليفونك وحمل تطبيقنا
