رواية اسرار المنزل الفصل الثامن والاخير بقلم ليل ادم
ممفيش حد اشتكا غيري
عمران: محدش هيشتكي لأن العماره مفيش فيها سكان غيركم
حازم: انتا بتقول اي طبعاً لا
عمران: لأ اي
نور : اه لا علشان أنا كنت بسمع ورا كل باب من الشقق دي ناس بتتكلم وناس عيشه حياتها
عمران: والله كل ده كدب حتا شوفي
حازم : ( لقيت عمران بيخبط على كل أبواب تقابله في العماره الغريب أنه كان رغم أنه بيخبط فعلاً بطريقة قوية جدا كأنه هيكسر الباب بس مكنش ولا حد بيرد ولا حد بيفتح )
نور : يعني اي الكلام ده يا حازم
حازم : حل الموضوع ده عند الناس اللي تحت دي تعالوا معايا
نور : لا بالله عليك نمشي من هنا
حازم : هنمشي بس أنا محتاج افهم في اي
عمران : نور انتي خايفه من اي خلاص احنا في البيت يعني مفيش خطر علينا اكبر من كده ننزل مننا نقرر هنعمل اي ومننا نفهم ياله يا حازم
حازم : ياله
حازم : ( خدت نور ف ايدي ونزلنا مع عمران عند غفير العماره مكنش موجود بس مراته كانت جوه عمران خبط عليهم بكل قوة لحد ما خرجت )
مرات الغفير : هو في حد يخبط على الناس كده
عمران : اه لو ناس معندهمش ضمير زيكم يبقا يستهلوا اكتر من كده كمان
مرات الغفير : ليه حصل اي لكل ده
حازم: أنا من يومين نزلت ليكم هنا وسألت اي اللي بيحصل في الشقه عندي وسألتكم أن العماره فيها حاجه غريبه جوزك قالي لا مفيش حاجه وانتي كنتي موجوده حصل ولا لا
مرات الغفير: حصل
نور : من فضلك اتكلمي أنا كنت هموت فوق وجوزي كان ممكن يحصل في حاجه
مرات الغفير: أطلعوا من هنا العماره دي مش كويسه
حازم : يعني اي مش كويسه وليه محدش منكم بيتكلم مع حد
مرات الغفير: كده أمر من صاحب البيت علشان مفيش حد بيسكن العماره دي كل اللي يجي ياخد شقه بعد ما تتوضب وتبقا تمام يعيش فيها بالكتير شهر ويخرج منها من اللي بيحصل معاه
نور : يعني فعلا العماره دي كلها فاضيه
مرات الغفير: اه
نور : واللي كنت بسمعه ورا كل باب فيها كان اي
مرات الغفير: كدب كل حاجه كانت بتحصل كانت كدب
حازم : لما كل حاجه كدب وكل ده بيحصل في العماره انتي وجوزك ليه قاعدين فيها ومش بيحصل معاكم حاجه
مرات الغفير: كده ومتسألش ليه
عمران : لأ انتي قولتي انك هتتكلمي يبقا معلش تخلصي ضميرك قصاد ربنا وتقولي كل حاجه
مرات الغفير: منا فعلاً قولت اهو خود مراتك يا استاذ حازم وامشي من العماره كلها بلاش تكمل هنا حتا لو يوم كمان صدقني أنا خايفه عليكم
عمران: طب ليه انتي وجوزك لا
مرات الغفير: علشان دول أولادي
نور : أولادك
مرات الغفير: اه
عمران : الاربعه عيالك
مرات الغفير: اه
عمران : واي اللي حصل
مرات الغفير: من عشر سنين كانوا بيلعبو في العماره وكانت العمارة مليانه سكان والدنيا تمام ومفيش اي حاجه لحد ما حصل اللي حصل
حازم : ( وبدأت الست تبكي بحرقه) بعد اذنك ممكن تكملي حصل اي
مرات الغفير: كانو بيعلبو في الاسانسير طالعين نازلين في ومره واحده النور قطع وكان الاسانسير متعلق بيهم فوق والعماره كانت سكنه لحد الدور الرابع محدش سمع صوتهم ولما النور جه فقدنا التحكم في الكابينه ووقعت من فوق العماره لحد البدروم مات فيها عيالي الاربعه
حازم : من فضلك اهدي بالله عليكي إحنا مقدرين اللي حصل معاكي بس عاوزين نفهم الموضوع كله
مرات الغفير: عايز تفهم اي اكتر من كده أنا قولت كل حاجه أعرفها
عمران : لا لسه عايزين نعرف باقي الموضوع
نور : يعني انتي عرفتي منين أن كل اللي بيحصل في العماره ده سببه أولادك
مرات الغفير: علشان بعد ما ماتو بشهر لقيت أولادي جولي في الحلم و قالولي ذاي ما ماتو ومحدش اهتم بيهم مفيش حد هيطلع من العماره سليم وكان شكلهم مرعب اوي
عمران : بس دول أطفال
مرات الغفير: بس ماتوا مقتولين
حازم : وبعدين
مرات الغفير: مفيش شهر وبدأ تظهر في العماره حجات غريبه وساكن ساكن بقا يهرب من البيت من اللي بيحصل معاه لحد ما فضيت العماره علينا أنا وأبو العيال
عمران : وبعدين
مرات الغفير: لقينا باب الاوضه بيخبط فتحنا كان صاحب البيت طلب مني أنا وأحمد نمشي من هنا علشان شاف أننا سبب اللي حصل في العماره وفعلاً قولنا هنمشي وطلبنا منه اسبوع ونمشي لكن الغريب أنه تاني يوم جه لحد هنا وطلب مننا نفضل في العماره بس بشرط
عمران : انكم متتكلموش مع حد عن اللي حصل
مرات الغفير: بالظبط كده وفعلاً احمد وافق وقالي لو فعلا عايزه تقعدي جمب أولادك يبقا بلاش تتكلمي مع حد
عمران : طب ولو قولتلك أنا ممكن لو ساعدتني انتي وجوزك اصرف كل الأرواح دي من هنا
مرات الغفير: مين قالك اني عايزه اخلص من أولادي تاني مش كفايه خسرتهم مره كمان هخسرهم تاني
نور : حضرتك بتقولي اي أولادك ماتوا خلاص
مرات الغفير: اه ماتوا بس كفايه اني طول الليل بحس بوجودهم حوليا كفايه بسمع صوت ضحكاتهم في العماره وعلي السلم وفي الاسانسير بطمن جدا وبحس قلبي بيرتاح أنا مش هقدر اساعد حد منكم أنا عايزه عيالي حوليه وقولت كل حاجه عندي تقدر تاخد مراتك يا استاذ حازم وتمشي واديك عرفت كل حاجه واتأكدت انك مش هتقدر تكمل هنا سيب البيت وامشي وسبنا أنا وجوزي عايشين
عمران : حازم ياله نخرج نتكلم بره إحنا متشكرين ليكي اوي وعلي صراحتك معانا اللي كنا بجد محتاجينها
مرات الغفير: ياريت محدش منكم يعمل تصرف يخليني اندم عليها
نور : لا طبعا الموضوع لحد هنا و انتها ملناش نصيب في العماره دي ربنا يكرم بره ونلاقي حاجه أفضل أن شاء الله
حازم : أن شاء الله علشان أنا مش ناوي اغش حد وأبيع الشقه وهو ميعرفش حاجه حرام
عمران: الله يكرمك انتا صح
حازم : ياله يا عمران ياله يانور بعد اذنك
مرات الغفير: اتفضلوا اشوفكم بالخير
نور : وانتي كمان
حازم : مش عارف الهدوء اللي نازل عليا ده بس حاسس اني ارتحت لما عرفت الحقيقه
نور : معلش يا حبيبي نبدأ من الأول وأن شاء الله خير
عمران : ربنا يخلف عليك يا استاذ حازم معلش ده بلاء من ربنا ليك
حازم : الحمد لله طالما أنا ونور بخير مفيش حاجه أنا مش معترض وأن شاء الله اللي جاي يكون أجمل وأحسن
عمران: هتروح على فين
حازم : هاخد نور نروح عند بابا وماما لحد ما اظبط حالي ونشوف شقه تانيه أن شاء الله
عمران: ربنا معاكم أن شاء الله
نور : أن شاء الله
وبعد مرور سبع شهور 👇
نور : ( الحمد لله الدنيا فتحت مع حازم جدا والشغل رجعنا تاني نقف على رجلينا والنهار ده رايحين نتفرج على شقه جديده هنشتريها بس المرادي حازم أثر أننا نخدها بالقسط علشان لو فيها حاجه تانيه نعرف قبل ما نخسر الشقه ندفع حقها على الفاضي وفعلاً لما روحنا ارتحت فيها جدا والحمد لله اخدنا الشقه فعلاً وربنا كان معانا في كل خطوه وده كان سببه رضا حازم ب البلاء اللي وقعنا في وحبنا لبعض اللي كان دائماً دافع لحازم أنه يطلع قدام دائماً وبعد شهرين من وجودي في البيت الجديد ربنا أتم نعمته علينا وبقيت حامل من حازم وبجد بدأت اعيش حياتي الجديدة اللي مكنتش عيشتها من العناء والتعب اللي كنت في بس كل ده راح الحمد لله )
تمت بحمد الله
انتهت احداث الرواية نتمني ان تكون نالت اعجابكم وبانتظار أراؤكم في التعليقات وشكرا لزيارتكم عالم روايات سكيرهوم
لمتابعة روايات سكيرهوم زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
