رواية فيروس الفصل الثامن بقلم ليل ادم
انتها الجزء السابع علي موفقه من صابر بالعمل مع احمد بيه ومحمد بيه رغم معرفه صابر بالنوايا من العمل مع صابر
أحمد بيه: ادي محمد بيه وصل اهو يا عم صابر اتكلم بقا
محمد بيه: مش كان من الأول ياض
أحمد بيه: ادي محمد بيه وصل اهو يا عم صابر اتكلم بقا
محمد بيه: مش كان من الأول ياض
صابر: ( طلع مسجل صوتي من جيبه وشغله وبدأ تسجيل قصاد احمد بيه ومحمد بيه) يا احمد بيه أنا خدت العربيه من المعلم سالم فيها ١٠ كيلو بودره وديتهم عند توفيق الصاوي خدهم مني علي اتنين مليون ونص انتا وأحمد بيه مليون وعصام بيه مليون وأنا نص احمد بيه حصل الكلام ده ولا لأ محمد بيه وصلت فلوسك
محمد بيه: ( كان هيشد المسجل )
أحمد بيه: ( مسك ايده وأشاره ل محمد بيه بالسكوت ) حصل يا صابر
محمد بيه: ( بصوت مرعوب ) حصل حصل
صابر: ( شال المسجل في جيبه ) كده نتكلم بقا
أحمد بيه: اي اللي انتا عملته ده يا صابر
صابر: علشان لو روحت اخدكم في ايدي
محمد بيه: وعصام بيه ماله بالموضوع ده
صابر: حظه كده هو الوحيد اللي أسمه جه علي بالي وبعدين هو انتو ناوين على شر ولا اي
أحمد بيه: اكيد لا طبعاً
صابر: يبقا خايف ليه يا محمد بيه إحنا نسلم المعلم سالم وبعد كده خد المسجل بتاعك
محمد بيه: انتا عارف لو التسجيل ده وصل اي مكان
صابر:( مقاطع محمد بيه) ولا تعرف تعمل حاجه
محمد بيه: تحب تشوف
صابر: من يوم ما عرفتك وانتا بتقولي تحب تشوف انتا تحب تشوف أنا ممكن أعمل اي معاك
محمد بيه: أحب اشوف
صابر: (قام وقف ) الراجل فينا بره مش هنا ( ونط من شباك مكتب أحمد بيه)
محمد بيه: ( فضلت متابع صابر لحد ما اختفي عن نظري ) الود ده معاه تسجيل يوديني في داهيه انتا اذاي بس توفق يا احمد
أحمد: اهدا بس يا محمد احنا كده كده ناخد منه المعلم سالم وناخد التسجيل ده وكده كده جواب الاعتقال جاي جاي متقلقش وحياتك عندي ما هتسمع اسم الخرسه ده تاني أصلا
محمد: أتمنا ده يحصل بجد الود ده وجوده خطر عليا الود بشوف في عينه أنه نفسه يقطعني
أحمد بيه: هدي اللعب انتا بس معاه لحد ما ننجز المصلحه وبعد كده نولع في بجاز كده كده ده عيل مسجل ملوش تمن محدش حتا هيزعل عليه
محمد بيه: هو مش الود ده بيقول أنه متجوز ومعان عيل
أحمد بيه: لا ده كارت سيبه لحد ما نحتاجه
محمد بيه: أنا ماشي علشان الود ده عارف بيتي وعارف كل حاجه عني
أحمد بيه: قلبه مش هيجيبه
محمد بيه: مش هيجيبه اي بس ده دخل بيتي قبل كده وصوره حته حته يا عم احمد
أحمد بيه: لا والله
محمد بيه: اه والله سلام
أحمد بيه: أنا هتصل بي ولو في اي حاجه كلمني
محمد بيه: ماشي سلام
أحمد بيه: يابني اهدا انتا كده كده خمس دقائق تبقا في البيت متقلقش اجي معاك
محمد بيه: ياعم احمد سبني امشي بقا بالله عليك سلام
أحمد بيه: سلام
في جانب آخر ،👇 كان صابر وصل شقه محمد بيه قبله وخد من البيت السلاح الأبيض بتاعه اللي كان بعته مع الظرف لمحمد بيه وخد تليفون زوجه محمد بيه ونعكش في الغرفه بتاعت محمد بيه وقفل كل الانوار في الوقت ده كان محمد بيه دخل الشقه وصابر كان في أنتظاره بس محمد بيه مش عارف أن صابر جوه
محمد بيه:اميره أميره انتي فين ( قلق اكتر رفع تليفونه واتصل على تليفون أميره مراته )
صابر: ألو
محمد بيه: مين
صابر: أنا عملك الأسود
محمد بيه: انتا فين ياض
صابر: عندك ف الاوضه اطلع متخافش
محمد بيه: مراتي وبنتي لأ بدال ما
صابر: لأ اخلاص واطلع لسه هتقعد تقولي بدال ما ومش بدال ما أنجز
محمد بيه: ( طلع وقلقان من موجهه صابر ) ضرب الباب بالرجل وكان رافع سلاحه
صابر: ( رن عليه من تليفون زوجته أميره ) ضحكت عليك كنت بطلعك فوق علشان أخرج سلام
محمد بيه: ألو ألو ( وبقا يدور على مراته وبنته ذاي المجنون لحد ما رجعوا واكتشف أنهم مكنوش في البيت ف الوقت ده أصلا رفع تليفونه واتصل على احمد بيه)
أحمد بيه: ألو
محمد بيه: والله ما هسيب الواد ده حتا لو قولت اي ( وقفل السكه ف وش احمد بيه)
أحمد بيه:( عملت اي بس يا صابر الله يخربيتك واتصل على صابر)
صابر: ألو
.
أحمد بيه: عملتله اي تاني يا صابر
صابر: هو لحق يشتكي مني خلاص يا احمد بيه اقفل وأنا هتصل أكلمه
أحمد بيه: صابر مش عايز مشاكل مع محمد بيه علشان خطري
صابر: ماشي يا احمد بيه سلام
رفع صابر تليفون زوجه محمد بيه واتصل بي
محمد بيه: وحيات امي ما هتعدي المرادي يا صابر
صابر: اهدا بس علشان متلاقنيش بليل عندك أنا كنت باخد السلاح بتاعي وخلي بالك دخولي فى تفكيرك هيدمر حياتك
محمد بيه: وحيات امك يا صابر هوقعك وقعه عمرك ما تطلع منها
صابر: أتمنا تكون الوقعه كبيره علشان لو طلعت منها هتبقا نهايتك وخلي بالك الوعد اللي وعدتك بي مش ناسيه ( وقفل السكه في وشه )
في مكان آخر 👇
صابر: ألو
عم سيد: ازيك يا صابر عامل اي
صابر: حبيبي يا عم سيد وحشني والله
عم سيد: ونتا اكتر يا خرسه
صابر: عم سيد أنا عايز عنوان بيت عصام بيه
سيد: ليه يا صابر عايز اي من عصام بيه
صابر: في حاجه كده عاوز اخد رأيه فيها
سيد : لا ياصابر انتا عايز تعمل مشكله مش هقولك
صابر: عم سيد كده كده أنا هوصل بس لو انتا قولت هتبقا وفرت عليا وقت وعد مني والله ما في اي مشاكل تاني أنا بعدت عن السكه دي أصلا
سيد: خد اهو يا صابر ------------- صابر أنا عارف كلمتك واحده
صابر: حبيبي يا راجل يا عجوز سلام
سيد: خلاص ماشي سلام يا صابر
في مكان آخر 👇
كان صابر جهز نفسه لمقابلة عصام بيه بس بطريقه صابر الخاصه في منتصف الليل كان عصام بيه داخل بيته بمفرده تفاجأ بوجود صابر الخرسه علي باب بيته
عصام بيه: ( مستغرب وأيده على سلاحه ) صابر عايز اي
صابر: سيب سلاحك يا عصام بيه أنا جاي من حبي فيك وعايز اعرف منك الشغل ليه ماشي كده
عصام بيه: شغل اي اللي ماشي كده مش فاهم حاجه
صابر: ياعصام بيه أنا عارف أن حضرتك ربعنا بلاش نروح ونيجي في الكلام
عصام بيه: رابع مين يا متخلف انتا
صابر: هو مش أنا وحضرتك وأحمد بيه ومحمد بيه شغالين لحساب توفيق الصاوي والمعلم سالم
عصام بيه : انتا بتقول اي يا كلب انتا أنا هشتغل مع شويه بتوع بودره
صابر: لا معلش بقا ممكن اخد من وقت حضرتك عشر دقائق
عصام بيه: المدام والأولاد جوه لو حصل منك اي حاجه وكتاب الله يا خرسه الدبان الازرق ما هيعرف ليك طريق
صابر: أنا مش عبيط علشان ألعب مع حضرتك يا عصام بيه
عصام بيه : ادخل
صابر:أسمع كده يا عصام بيه ( وسمعه التسجيل اللي تم )
عصام بيه: ( مصدوم من اللي سمعه ) واي يثبت أن الكلام ده صح
صابر: تمام اتفضل ( وطلع تليفونه مصور شنطه فيها مبلغ مالي في دولاب محمد بيه)
عصام بيه: ايوه ممكن تكون فلوسه
صابر: طب وكده ( طلع صوره ليه مع نفس الفلوس ونفس ارقام التسلسل بتاع الفلوس أثبات أن الفلوس دي طلعت من ايد صابر علي محمد بيه )
عصام بيه: أنا هخرب بيتكم انتوا التلاته
صابر: اهدا بس يا عصام بيه أنا لولا عارف ان حضرتك نضيف ومش بتاع الكلام ده مكنتش جيت لحد هنا
عصام بيه: يعين اسكت واشرب معاكم
صابر: لأ خالص
عصام بيه: اذاي
صابر: هقولك التسجيل ده هيكون مع حضرتك والصور كمان هتكون معاك وحضرتك طلبت مني اشتغل معاك علشان تكشف فساد محمد بيه وأحمد بيه علشان حضرتك عرفت أن الاتنين شغالين لمصالح شخصية
عصام بيه: ولو حصل حاجه غلط أقع فيها أنا
صابر: مش هيحصل يا بيه اديني يومين بس لو زودت عنهم اعمل اللي حضرتك عايزه
عصام بيه: صابر انتا جيت ليه رغم انك عارف اني كنت هعتقلك
صابر: علشان انتا راجل نضيف ولو الحق علي حسابك هتمشي الحق
عصام بيه: صابر ٤٨ ساعه وهتحرك
صابر: بس أنا مع حضرتك
عصام بيه: لو أثبت أن فعلاً محمد بيه وأحمد بيه متورطين اوعدك بمفاجأة عمرك ما كنت تحلم بيها
صابر : بعد اذنك يا عصام بيه
عصام بيه: أتفضل
صابر: عصام بيه القعده دي
عصام بيه: محصلتش من أساسه
نزل صابر علشان ينفذ خطته اللي حطها قبل ما يقعد مع محمد وأحمد بيه وكان اول خطوه فيها هو الاتفاق مع عصام بيه علشان يقدر يتحرك من غير اي خوف
والخطوه التانيه كانت ❤️❤️❤️❤️❤️❤️❤️❤️❤️❤️❤️❤️❤️❤️❤️❤️💐💐
